Jamiyat

8 sentabr 2020, 22:51

Charter reyslar ro‘yxatiga qo‘shimcha kiritildi

O‘zbekiston fuqarolarini xorijdan olib kelish bo‘yicha sentyabr oyiga belgilangan charter reyslar ro‘yxatiga qo‘shimcha kiritildi. Moskva va Sankt-Peterburgga qo‘shimcha qatnovlar qo‘yildi.

8 sentabr 2020, 19:11

Mirishkor tumani hokimi G‘ayrat Begaliyev vafot etdi

Qashqadaryo viloyati Mirishkor tumani hokimi G‘ayrat Begaliyev olamdan o‘tdi. Unga ikki tomonlama pnevmoniya tashxisi qo‘yilgan edi. Oldinroq, tuman hokim o‘rinbosari Mansur Rahmonov vafot etgan edi.

8 sentabr 2020, 18:38

O‘zbekiston xalqaro armiya o‘yinlarida uchinchi o‘rinni egalladi

Xalqaro armiya o‘yinlarida qatnashgan 30 mamlakat orasida O‘zbekiston harbiylari uchinchi o‘rinni egallashdi. Mamlakat terma jamoasi 3 ta musobaqada g‘olib chiqdi va yana 11 ta musobaqada sovrinli o‘rinlarni egalladi.

8 sentabr 2020, 17:53

Chiroqchi tuman IIBning sobiq xodimlari ustidan sud boshlandi

8 sentyabr kuni, jinoyat ishlari bo‘yicha Qashqadaryo viloyat sudi binosida besh nafar sobiq IIB xodimiga nisbatan jinoyat ishini ko‘rib chiqish bo‘yicha ochiq sud boshlandi. Sudlanuvchilar yanvar oyida chorva mollari o‘g‘irligida gumon qilinayotgan fuqaro Yu. A. ni qattiq kaltaklab, uning o‘limiga sababchi bo‘lganlikda ayblanmoqda.

8 sentabr 2020, 12:13 1

Namanganda bir qiz ikki nafar erkakni do‘pposladi

IIV ma’lumotlariga ko‘ra, Namangan viloyati Norin tumanida 23 yashar qiz jamoat joyida ikki nafar erkakni besabab do‘pposlab, tan jarohati yetkazdi. Jarohatlanganlardan biri uning bezorilik harakatlarining oldini olmoqchi bo‘lgan.

8 sentabr 2020, 11:00

Turkiyada terakt uyushtirgan Abdulqodir Masharipovga umrbod qamoq jazosi belgilandi

Turkiya sudi 2017 yilda Istanbulda terakt uyushitirib, 39 kishini o‘ldirgan o‘zbekistonlik Abdulqodir Masharipovga 40 ta umrbod qamoq jazosi belgiladi. Qo‘shimcha tarzda, u yana 1368 yilga ozodlikdan mahrum etildi. Masharipovda muddatdan avval ozodlikka chiqish huquqi bo‘lmaydi.

7 sentabr 2020, 19:30

Konstitutsiviy sud qonunlarni buzmayotganligini ta’kidladi

Ijtimoiy tarmoqlarda Konstitutsiyaviy sud raisi Baxtiyor Mirboboyevga qaratilgan xabarlarga rasmiy munosabat bildirildi. Unda Konstitutsiyaviy sudning sudyasi 70 yoshdan oshmagan bo‘lishi «qoida tariqasida», ya’ni majburiy talab sifatida qabul qilinishi kerak emasligi, B.Mirboboyevning vakolat muddati 2017 yildan hisoblanishi hamda qonun buzilishi holatlari mavjud emasligi ta’kidlanadi.

7 sentabr 2020, 18:40

Tez yordam xizmatiga murojaatlar soni oshib boryapti

26 avgustdan boshlab tez yordam xizmatiga murojaatlar soni 29,3 mingdan 34,2 minggacha oshgan. Tana harorati oshgani sabab chaqiruvlar esa 2,5 mingdan 3,5 mingtagacha ko‘paygan.

7 sentabr 2020, 18:27

Maktablarda birinchi o‘qish kuni boshlandi. Foto

Yarim yillik tanaffusdan so‘ng 7 sentyabr kuni 330ga yaqin maktablarda o‘quv yili boshlandi. O‘zbekistonning turli hududlaridagi maktablarda birinchi o‘qish kunidan fotolavhalar.

7 sentabr 2020, 17:52

XTV ota-onalarga tavsiyalar bilan murojaat qildi

Xalq ta’limi vazirligi birinchi o‘qish haftasini tashkil etishda ota-onalardan o‘z farzandlarini o‘qish va dam olish vaqtini taqsimlashga yordam berishga, erta yotishlarini nazorat qilishga va televizor oldida va kompyuterda o‘tkazadigan vaqtini cheklashga tavsiya berdi.

7 sentabr 2020, 17:43

«Dezinfeksion tunnellardan foydalanishda davom etishimiz kerak» — epidemiolog

Koronavirusga qarshi kurash shtabi a’zosi, epidemiolog Rustam Ikromov dezinfeksion tunnellardan foydalanishda davom etish kerakligini ta’kidladi. Uning aytishicha, hozirga qadar dezinfeksion tunnellarni samarasiz degan ilmiy maqolalar yoki nufuzli idoralarning ko‘rsatmalari berilmagan. Avvalroq Sog‘liqni saqlash vazirligi dezinfeksiya tunnellarining koronavirusga qarshi kurashda eng foydasiz vosita ekanligi haqida bayonot bergan edi.

7 sentabr 2020, 16:00

Husniddin Ato: «Charchadim, yengildim, boshqa bu haqda yozmayman»

«O‘z milliy madaniyating, mumtoz merosing himoyasi va rivoji uchun hukumatga qanchalik taklif kiritmagin, barchasi bekor ketmoqda», — badiiy ijodkorlar uyushmasi a’zosi Husniddin Ato konsert faoliyatini litsenziyalash tartibi mumtoz musiqa rivojlanishiga to‘sqinlik qilishi, ushbu sohadagi xonanda va sozandalarga qiyinchilik tug‘dirishi haqida.

7 sentabr 2020, 15:54

Yangi tahrirdagi Mehnat kodeksi ustida ish boshlandi

Amaldagi Mehnat kodeksi 23 yil oldin kuchga kirgan edi va vaqtinchalik dastur sifatida ko‘rilayotgan edi. Parlament quyi palatasining yig‘ilishida yangi tahrirdagi Mehnat kodeksi ustida ish boshlash to‘g‘risida qaror qabul qilindi. Unga ko‘ra, ish bilan ta’minlash, individual mehnat munosabatlari, ishchilarning mehnat huquqlarini himoya qilish, mehnatga oid nizolarni ko‘rib chiqish kabi qoidalar kiritilishi kutilmoqda.

7 sentabr 2020, 15:45

Chet davlatlarga kirish bo‘yicha talablar — TIV

Tashqi ishlar vazirligi O‘zbekiston fuqarolarining chet davlatlarga, shu jumladan ta’lim olish maqsadida kirish uchun qo‘yilgan asosiy talablarini e’lon qildi.

7 sentabr 2020, 13:30

Haftaning ikkinchi yarmida havo isiy boshlaydi

Ikki kun davomida respublika hududi salqin antitsiklon ta’sirida bo‘ladi. Haftaning ikkinchi yarmidagina havo isiy boshlaydi. Harorat oyning shu davri uchun xos bo‘lgan iqlimiy me’yordan 3−6 darajaga pastroq bo‘ladi.

7 sentabr 2020, 13:26

Rossiya bilan aviaqatnovlarni tiklash imkoniyati to‘g‘risida — Bahodir Yusupaliyev

Sog‘liqni saqlash vazirining birinchi o‘rinbsoari Bahodir Yusupaliyevning aytishicha, agar kasallanish holatlari kamayib borsa, Rossiya bilan aviaqatnovlar tiklanishi mumkin. 5 sentyabrdan keyin karantin choralarining yumshatilishidan so‘ng mamlakatdagi epidemiologik holatni baholash uchun vaqt talab etiladi.

7 sentabr 2020, 12:57

Qarshi maxsus prokurori vafot etdi

Qamoqqa olinganlarni saqlash va jazoni ijro etish joylarida qonunlarga rioya etishi ustidan nazorat bo‘yicha Qarshi prokurori Dehqonboy Abdullayev 46 yoshida ikkitomonlama pnevmoniyadan vafot etdi.

7 sentabr 2020, 12:29

330ga yaqin maktablarda o‘qish boshlandi

6 oylik tanaffusdan so‘ng 239 ta maktab an’anaviy tarzdagi ta’lim shakliga qaytdi. Davlat maktablarida o‘quv yili rasman 14 sentyabrdan boshlanadi.

7 sentabr 2020, 10:55

O‘zbekiston Rossiya vaksinalarni sotib olish imkoniyatini o‘rganmoqda

O‘zbekiston Rossiyada ishlab chiqarilgan koronavirusga qarshi vaksinalarni sotib olish imkoniyatini o‘rganib chiqmoqda, deya xabar berdi sog‘liqni saqlash vazirining birinchi o‘rinbosari Bahodir Yusupaliyev. Bundan tashqari, Xitoy hamda boshqa davlatlarda ishlab chiqarilayotgan vaksinalar klinik sinovining uchinchi bosqichida ishtirok etish masalalari hukumat va mutaxassislar tomonidan muhokama qilinmoqda.

7 sentabr 2020, 10:22

«Dezinfeksiya tunnellari — koronavirusga qarshi eng foydasiz chora» — SSV

Sog‘liqni saqlash vazirligi dezinfeksiya tunnellarining koronavirusga qarshi kurashda foydasiz chora ekanligini tan oldi. Vazirlik ushbu profilaktik chora inson organizmiga salbiy ta’sir qilishi mumkinligini ham ta’kidladi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting