Jamiyat

29 iyun 2022, 22:10

29 iyun kuni O‘zbekistonda sodir bo‘lgan eng muhim habarlar dayjesti

O‘zbekiston kompaniyasining AQSh sanksiyalariga tushishi, elektr ta’minotidagi uzilishlar, xalqning o‘zi ham muxolifat bo‘lishi mumkinligini aytgan Tanzila Narbayeva, qayta tiklangan kovid-poliklinikalar, o‘zini osib qo‘ygan erkak va boshqalar — «Gazeta.uz» ning 29 iyundagi xabarlari dayjestida.

29 iyun 2022, 19:35

Toshkentda elektr ta’minotidagi uzilishlarga izoh berildi

Toshkentda bir necha kundan beri elektr ta’minotida uzilishlar kuzatilmoqda. Ayrim hududlarda soatlab tok bo‘lmayapti, svetoforlar ishlamay qolmoqda, suv bosimi pasaygan. Toshkent ETK buni anomal issiqlik va qish mavsumiga tayyorgarlik ko‘rish uchun tarmoqlar modernizatsiya qilinayotgani bilan izohladi.

29 iyun 2022, 18:41

Barcha fuqarolarga teng muomala qilishga qaratilgan qonun loyihasi ishlab chiqildi

O‘zbekistonda barcha fuqarolarning jinsi, irqi, millati, tili, dini, ijtimoiy kelib chiqishi, e’tiqodi, shaxsi va ijtimoiy mavqeidan qat’i nazar, qonun oldida tengligini ta’minlash sohasidagi munosabatlarni tartibga soluvchi qonun loyihasi ishlab chiqildi.

29 iyun 2022, 17:55

Namanganlik erkak onlayn qimorda yutqazgani uchun o‘zini osib qo‘ygani aytilmoqda

Norin tumanida yashovchi 33 yoshli fuqaro o‘z uyida osilgan holda topildi. Uning onlayn qimor o‘yinlaridagi yutqazaverishi oilasida kelishmovchiliklarni keltirib chiqargani va shu sababli o‘z joniga qasd qilgan bo‘lishi mumkinligi aytilmoqda.

29 iyun 2022, 17:40

Surxondaryodagi Xatak g‘orida neandertal odam yashagan makon topildi

Arxeologlar Surxondaryoning Xatak g‘orida neandertal odamga tegishli makon borligini aniqlashdi, u taxminan miloddan avvalgi 100−40 ming yillikka oid. G‘ordan Teshik-Toshdagi kabi qurollar ham topildi. Iyundan beri mahalliy va Avstraliyaning Griffet universiteti arxeologlari qazishma ishlarini olib bormoqda.

29 iyun 2022, 16:52

Toshkentda kovid poliklinikalar faoliyati qayta tiklandi

Toshkentda kovidga chalinishning kunlik holati ko‘payishi ortidan 12 ta tumanda kovid-poliklinikalar faoliyati qayta tiklanmoqda. SSV bepul PZR-test tahlili topshirish mumkin bo‘lgan laboratoriyalar manzillari ro‘yxatini ham e’lon qildi.

29 iyun 2022, 16:37

Sergelidagi bir qator mahallalarda sovuq suv vaqtincha o‘chiriladi

Toshkent shahar Sergeli tumanining ayrim hududlarida 29 iyun soat 22:00 dan 30 iyun kuni tushlik vaqtigacha yerusti metrosi qurilishi munosabati bilan quvurlarning ko‘chirilishi sababli sovuq suv ta’minoti to‘xtatiladi. Yangihayot tumanida suv bosimi pasayadi. Mahallalar ro‘yxati.

29 iyun 2022, 16:13

SES boshlig‘i o‘rinbosari karantin choralari qayta tiklanishiga oid xabarlarga munosabat bildirdi

Ijtimoiy tarmoqlarda O‘zbekistonda qat’iy karantin qayta tiklanishiga oid audiolar tarqalmoqda. SES boshlig‘i o‘rinbosari Nurmat Otabekov bu xabar eskiligi va karantin uchun kunlik kasallanishlar soni juda kamligini aytdi. 27 iyundan esa prezident ishtirokidagi tadbirlarda amaldorlar yana niqob taqa boshladi.

29 iyun 2022, 12:13

Podshoxlar ovlaydigan noyob qushning 400 dan ortig‘i Ustyurt tekisligiga qo‘yib yuborildi

Qizil kitobga kiritilgan 402 bosh yo‘rg‘a tuvaloq qushi Ustyurt tekisligiga qo‘yib yuborildi. Arablarda ushbu qushni lochin yordamida ovlash an’anaga aylangan bo‘lib, u «podshoxlar ovi» deb ham ataladi. O‘zbekistonda bir dona tuvaloqni ovlash uchun ruxsatnoma xorijliklarga 7 ming dollar evaziga beriladi.

29 iyun 2022, 11:26

Farg‘onada aholiga ajratilgan 151 tonna un qimmat narxlarda sotib yuborilgani aniqlandi

Bag‘dod tumanida tadbirkor aholiga ajratilgan arzon narxdagi 151,4 tonna un mahsulotini belgilangan mahallalarga yetkazib bermasdan, Marg‘ilon shahrida boshqa shaxslarga qimmat narxlarda sotib yuborgani aniqlandi. Gumondorga nisbatan jinoyat ishi qo‘zg‘atildi.

29 iyun 2022, 11:22

Farg‘onaning tog‘li hududlarida muzli sel kelishi xavfi e’lon qilindi

O‘zgidromet hafta oxirigacha So‘x va Farg‘ona tumanlari, qolaversa, So‘x, Shohimardon, Isfayramsoy daryolarida muzli sel-suv toshqin hodisalari yuzaga kelishidan ogohlantirdi. Aholi va haydovchilardan ehtiyot choralarini ko‘rish so‘ralmoqda.

29 iyun 2022, 11:10

Samarqandda halifalik davlatini tiklashni targ‘ib qilib kelganlar hibsga olindi

Samarqandda to‘rt kishi «Hizb ut-Tahrir» ekstremistik tashkiloti g‘oyalarini targ‘ib qilish, mamlakatdagi konstitutsion tuzumni ag‘darib, xalifalik davlatini tiklashga uringanlikda gumonlanmoqda. Ularni Polshada yashiringan tashkilot yetakchilaridan biri boshqargani aytilmoqda. Holat yuzasidan jinoyat ishi qo‘zg‘atildi.

29 iyun 2022, 10:33

Ishlab chiqarilganiga 10 yilgacha bo‘lgan avtomobillarni texnik ko‘rikdan o‘tkazish ixtiyoriy bo‘ladi

Yengil avtomobillarni texnik ko‘rikdan o‘tkazish muddatlari o‘zgarishi bo‘yicha tushuntirish: yangi tartib 1 iyuldan emas, balki 1 sentabrdan kuchga kiradi. Bu yo‘lovchilarni tijoriy tashish uchun foydalaniladigan transport vositalariga taalluqli emas.

29 iyun 2022, 09:56

Professor Ibrohim Haqqul vafot etdi

Adabiyotshunos olim, professor Ibrohim Haqqul 73 yoshida vafot etdi. U Abdulhamid Cho‘lpon, Xoja Ahmad Yassaviy va boshqa arboblarning asarlarini o‘quvchilarga yetkazgan, qolaversa, rus tilidagi ikki jildlik «Istoriya uzbekskoy literaturы» kitobining mualliflaridan biri hisoblanadi.

28 iyun 2022, 23:06

Xiva 2024 yil Islom dunyosining turizm poytaxti deb e’lon qilindi

Bokuda bo‘lib o‘tgan Islom hamkorlik tashkilotining XI sessiyasida Xiva 2024 yil «Islom dunyosining turizm poytaxti» deya e’lon qilindi.

28 iyun 2022, 21:53

SSP rahbari Toshkent to‘qimachilik va yengil sanoat institutiga rektor etib tayinlandi

Toshkent to‘qimachilik va yengil sanoat institutiga Savdo-sanoat palatasi raisi Davron Vaxobov rektor etib tayinlandi. OTMning 3 — 4-bosqich talabalari haftada uch kuni O‘zbekiston-Koreya to‘qimachilik texnoparki amaliy o‘quv mashg‘ulotlarida qatnashadilar.

28 iyun 2022, 19:23

O‘zbekistonda yil boshidan beri 65 kishi suvga cho‘kish oqibatida halok bo‘ldi. Sabablar

Yil boshidan beri 65 kishi suvga cho‘kib, halok bo‘ldi, shuning yarmini voyaga yetmaganlar tashkil etmoqda. Qolaversa, 12 kishi suzish vaqtida, 26 kishi esa ehtiyotsizlik oqibatida cho‘kkan. FVV vakili «Gazeta.uz» ga cho‘kish holatlari, sabablari va cho‘kayotganlarni qanday qutqarish zarurligi haqida so‘zlab berdi (video).

28 iyun 2022, 18:46

Anomal issiqda avtomobilni qanday saqlash kerak — UzAuto Motors tavsiyalari

UzAutoMotors anomal issiqda mashinalarni quyosh nuridan saqlash, unga yoqilg‘i quyish, motorlarini asrash, havo harorati ta’sirini kamaytirish va boshqalar bo‘yicha tavsiyalar berdi.

28 iyun 2022, 18:22

1 iyuldan orqa yon oynalarni qoraytirish bepul bo‘ladi

1 iyuldan avtomobilning orqa yon oynalarini qoraytirish to‘lovlari bekor qilindi, old yon oynalarni esa 2,4 mln so‘m etib belgilandi. Mazkur tartib prezident qarori bilan rasman tasdiqlandi.

28 iyun 2022, 17:40

«Tinchlik» metro bekatining devoridan suv sizib chiqdi

«Tinchlik» metro bekatining 2-vestibyulida issiq suv quvurlaridan suv sizib chiqishi holati sodir bo‘ldi. Shu bois bekatning bir qismi vaqtincha yopildi va muammolar bartaraf etilmoqda, deb ma’lum qildi Toshkent metropoliteni.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting