26 may, seshanba COVID-19 Ob-havo Zira Vakansiyalar

Jamiyat

14 may 2020, 19:30

Ulug‘bek shaharchasida karantin kuchaytirildi

Toshkentning Mirzo Ulug‘bek tumani «Ulug‘bek» mahallasi (Ulug‘bek shaharchasi) hududida karantin choralari kuchaytirildi. Kirish va chiqish to‘liq yopildi, aholiga faqat zarurat tug‘ilgandagina ko‘chaga chiqish tavsiya etilmoqda.

14 may 2020, 16:08

Alisher Usmonov bergan pullar jabrlangan sirdaryoliklar o‘rtasida taqsimlanadi

Alisher Usmonov jamg‘armasi ajratgan mablag‘lar suv toshqinidan jabrlangan Sirdaryo viloyati aholisiga tarqatiladi. Hukumat tomonidan ham moliyaviy yordam ko‘rsatilishi kutilmoqda.

14 may 2020, 15:31

Gulnora Karimovaning 10 mln dollarlik aktivlari O‘zbekistonga qaytarildi

Gulnora Karimovaning jinoiy yo‘l bilan orttirilgan 10 mln dollarlik aktivlari Fransiyadan O‘zbekistonga qaytarildi. Mulklarni qaytarish bo‘yicha muzokaralar davom ettirilmoqda.

14 may 2020, 14:29

Bekobodlik “bloger” bozor nazoratchisidan ming dollar undirmoqchi bo‘ldi

Bekobodda o‘zini bloger deb tanishtirgan shaxs bozordagi kamchiliklarni yoritmaslik uchun nazoratchidan 1000 dollar talab qildi. U aytilgan pulning 700 dollarini olayotganda ushlandi.

14 may 2020, 14:16

Vatanga qaytishni xohlagan yuzlab o‘zbekistonliklar Rossiya-Qozog‘iston chegarasiga yig‘ildi

Rossiya-Qozog‘iston chegarasida uyga qaytishni xohlagan yuzlab O‘zbekiston fuqarolari yig‘ildi. Ular vatanga qaytish uchun Qozog‘iston orqali yo‘lak tashkil etilishini talab qilmoqda. Vaziyat Respublika komissiyasi tomonidan o‘rganilmoqda.

14 may 2020, 12:15 1

Farg‘onada internet-nashr xodimi hujumga uchradi

Farg‘onada Effect.uz sayti operatori hujumga uchragan. Ma’lumotga ko‘ra, operatorning ko‘zlariga gaz sepilib, mashinasining oynalarini sindirilgan, operatorning videokamerasi olib qochilgan. Operatorga hujum qilganlar o‘ziga tegishli bo‘lgan hujjatlarni voqea joyida unutib qoldirishgani aytilmoqda. Bosh prokuratura tergovoldi tekshirish harakatlari olib borilayotganligini ma’lum qildi.

14 may 2020, 10:43

Bo‘stonliq tumanida sel kuzatildi

Toshkent viloyati Bo‘stonliq tumanida kuchli yomg‘ir va sel kelishi kuzatilgan. Natijada tumandagi bir nechta aholi xonadonlarida suv to‘plangan, tan jarohati olganlar yo‘q.

14 may 2020, 10:34

Surxondaryoda sel tufayli 900 nafar fuqaro evakuatsiya qilindi

13 may kuni Surxondaryo viloyati Boysun va Oltinsoy tumanlarida kuchli yomg‘ir sababli sel kuzatilgan. “Oltinsoy” soyining suv hajmi sezilarli darajada oshganligi sababli, ushbu hududda istiqomat qilayotgan 900 nafar fuqaro xavfsiz hududga vaqtincha ko‘chirilgan. Sel oqibatida jabrlangan va halok bo‘lganlar to‘g‘risida ma’lumot kelib tushmagan.

14 may 2020, 10:22

Shavkat Mirziyoyev propiska to‘g‘risidagi qonunni imzoladi

«Doimiy propiska» tushunchasi o‘rniga «doimiy yashash joyi bo‘yicha ro‘yxatga olish» tushunchasi kiritildi. Er-xotinning nikohdan keyin 1 yil davomida birgalikda yashash sharti va 1 yil ichida nikoh bekor qilinganda propiska yo‘qotilishi haqidagi qoidalar bekor qilindi. Shu va boshqa yangi tartiblar prezident tomonidan imzolangan propiska to‘g‘risidagi yangi qonunda.

13 may 2020, 20:53

Prezident biznes va aholini qo‘llab-quvvatlash bo‘yicha yangi choralarni e’lon qildi

Kichik biznes va fermer xo‘jaliklariga ijtimoiy soliq stavkasining tushirilishi, yer va mol-mulk solig‘idan ozod qilish, bojxona to‘lovlarini 120 kungacha kechiktirib to‘lashga ruxsat berish, nafaqa oluvchilar sonini ko‘paytirish, Toshkent shahrida aholiga yakka tartibda uy-joy qurish va ta’mirlash uchun kredit berish tajribasini joriy etish va boshqa choralar. Shavkat Mirziyoyev tadbirkorlarni va aholini qo‘llab-quvvatlash bo‘yicha yangi choralarni e’lon qildi.

13 may 2020, 18:52

Hindiston O‘zbekistonga koronavirusga qarshi dori vositalarini taqdim etdi

Hindiston O‘zbekistonga koronavirusga qarshi kurash uchun dori vositalari, jumladan avvalroq mamlakat hukumati so‘ragan gidroksixloroxin hapdorilarini taqdim etdi.

13 may 2020, 17:45

Xorazmda 4 yoshli bola YTH oqibatida vafot etdi

Xorazm viloyati Yangibozor tumanida katta yo‘lga yugurib chiqqan bolani katta tezlikda harakatlanayotgan Matiz haydovchisi urib ketdi. Bola tan jarohatlari og‘irligi sababli shifoxonada vafot etgan.

13 may 2020, 16:56

Buxoro viloyatida kuchli shamol yetkazgan zarar 141,6 mlrd so‘mni tashkil etmoqda

Buxoro viloyatida 27 aprel kuni sodir bo‘lgan kuchli shamol natijasida ko‘rilgan zarar 141,6 milliard so‘mni tashkil etmoqda. Aholi turar joylari va ijtimoiy soha ob’ektlariga yetkazilgan zararni bartaraf etishda jami 32 530 nafar quruvchilar va maxsus texnika jalb etilgan. Viloyatda elektr energiyasi, tabiy gaz va ichimlik suvi ta’minoti tiklangan.

13 may 2020, 14:59

Rossiyada og‘ir ahvoldagi o‘zbekistonliklarga bir martalik pul mablag‘lari to‘lab beriladi

Rossiyada og‘ir ahvolga tushib qolgan o‘zbekistonlik nogironlar, 2 yoshgacha bolali va homilador ayollar, talabalar hamda COVID-19 bemorlariga bir martalik pul mablag‘lari to‘lab beriladi. Homiylar orasida Alisher Usmonov ham bor.

13 may 2020, 14:44

Charter reyslar bilan 1200 nafardan ortiq fuqaro olib kelindi

8 maydan boshlangan charter reyslari orqali xorijiy mamlakatlardan 1200 nafardan ziyod O‘zbekiston fuqarosi mamlakatga olib kelindi. Boshqa davlatlardan charter reyslarni amalga oshirish bo‘yicha ishlar davom ettirilmoqda — yangilangan ro‘yxat.

13 may 2020, 13:11

Tojikistonga Damas negizidagi tez yordam avtomobillari yuborildi

O‘zbekiston Tojikistonga koronavirus pandemiyasi davrida bemorlarga yordam ko‘rsatish uchun Damas negizidagi tez yordam avtomobillari partiyasini taqdim etdi.

13 may 2020, 12:54

Traktor tirkamalarining zovurga qulashi oqibatida uch kishi qurbon bo‘ldi

Buxoro viloyatida traktor tirkamalarining ag‘darilib ketishi oqibatida vafot etgan ayollar soni uch nafarga yetdi.

13 may 2020, 11:46

ID-kartalarga chip o‘rnatiladi

Fuqarolarni identifikatsiyalash ID-kartasiga ma’lumotlarni saqlovchi elektron qurilma, chip o‘rnatilishi rejalashtirilmoqda. Bu haqda ID-kartalar to‘g‘risidagi nizom loyihasida keltirilgan. Loyihaga ko‘ra, ID-kartalar hujjatlar qabul qilinganidan so‘ng uch ish kunida beriladi.

13 may 2020, 10:50

Zarafshonda sel sababli 300 kishi evakuatsiya qilindi

Navoiy viloyati Zarafshon shahrida kuchli yog‘ingarchilik sababli sel kelgan. Uning oqibatida 4 xonadon qisman zarar ko‘rgan, 300 nafar fuqaro xavfsiz hududga evakuatsiya qilingan.

12 may 2020, 23:42

Qurilishda 74 mlrd so‘mlik o‘g‘rilik aniqlandi — bosh prokuror

2019 yilda qurilish sohasida 74 mlrd so‘m, qishloq xo‘jaligida esa qariyb 90 mlrd so‘mlik o‘g‘riliklar aniqlandi, deya ma’lum qildi bosh prokuror.