Jamiyat

7 aprel 2022, 10:26

Bobir Islamov bosh vazir maslahatchisi lavozimiga tayinlandi

Prezident qarori bilan yangi tashkil etilgan bosh vazir maslahatchisi — Davlat geologiya va mineral resurslar qo‘mitasi raisi lavozimiga Bobir Islamov tayinlandi. U 2017 yildan beri qo‘mita raisi sifatida ishlab kelayotgandi.

7 aprel 2022, 09:50

O‘zMU «Matematika» fani bo‘yicha dunyoning Top-500 ta universiteti reytingiga kirdi

Quacquarelli Symonds xalqaro reyting agentligi 2022 yil uchun «Fan bo‘yicha reytingi» natijalarini e’lon qildi. Unga ko‘ra, «Matematika» fani sohasida erishgan natijalari bilan O‘zbekiston milliy universiteti dunyoning kuchli 500 ta universiteti qatoridan joy oldi. Shuningdek, turli yo‘nalishlar bo‘yicha dunyoning Top-5 ta universiteti e’lon qilindi.

7 aprel 2022, 09:25

Qozog‘iston chegaradan o‘tishdagi cheklovlarni bekor qiladi

11 apreldan Qozog‘iston O‘zbekiston, Qirg‘iziston va Rossiya bilan quruqlikdagi o‘tkazish punktlarida chegarani kesib o‘tish cheklovlarini bekor qiladi. Manfiy PZR testi yoki kovidga qarshi emlanganlik to‘g‘risidagi sertifikatga ega bo‘lish talabi saqlanib qolmoqda.

6 aprel 2022, 22:00

6 aprel kuni O‘zbekistonda sodir bo‘lgan eng muhim xabarlar dayjesti

O‘zbekiston sanksiyalar tufayli Rossiyaga avtomobil sotishni to‘xtatgani, 30 aprelgacha yopilgan «G‘alaba bog‘i», deputatlik maqomi tugatilgan Murod Nazarov, fevralda eng ko‘p oltin sotgan O‘zbekiston, ITSVga tashqi savdo operatsiyalarini tartibga solish vakolati berilgani, dorilarni markirovkalash 1 sentabrdan boshlanishi va boshqalar — «Gazeta.uz» ning 6 apreldagi eng muhim xabarlari dayjestida.

6 aprel 2022, 17:35

Zangiota tuman hokimi yordamchisi pora olayotganda ushlandi

Toshkent viloyati Zangiota tumani hokimi yordamchisi va kadastr bo‘limining sobiq xodimi 1000 dollar pora olayotgan vaqtda qo‘lga olindi. Ular tadbirkorga turar-joy binosi qurish uchun ruxsatnoma va kadastr hujjatlarini rasmiylashtirib berishni va’da qilishgan.

6 aprel 2022, 16:00

8−11 aprel kunlari kuchli shamol bo‘lishi kutilmoqda — O‘zgidromet

Haftaning payshanba kunidan boshlab respublikaning turli hududlarida shamol tezligi oshib, 17−22 m/s gacha kuchayishi kutilmoqda. Ayrim joylarda chang to‘zoni ham bo‘lishi mumkin. Kuchli shamol 11 aprelgaa davom etishi taxmin qilinyapti.

6 aprel 2022, 15:28

Korrupsiyaviy jinoyatlarning uchdan birini sog‘liqni saqlash, ta’lim va bank tizimi xodimlari sodir etgan — Senat raisi

Senat raisi Tanzila Narbayeva korrupsiyaviy jinoyatlarning har uchtadan bittasi sog‘liqni saqlash, ta’lim va bank tizimi xodimlari tomonidan sodir etilganini ma’lum qildi. Shuningdek, to‘g‘ridan-to‘g‘ri poraxo‘rlik emas, balki firibgarlik yo‘li bilan o‘zgalar mulkini o‘zlashtirish yoki rastrata yo‘li bilan talon-toroj qilish holatlari ko‘paygani aytildi.

6 aprel 2022, 14:48

O‘zbekistonliklar qaysi avtomashina brendi bilan ko‘proq qiziqishadi?

Google trends ma’lumotlariga ko‘ra, o‘zbekistonliklar oxirgi bir yil ichida asosan Hyundai va Kia avtobrendlari haqida ma’lumot izlashgan. BMW`ga asosan Sirdaryo viloyatida istiqomat qiluvchilar qiziqsa-da, Andijon, Farg‘ona va Toshkent viloyatlarida ham ushbu brendga qiziqish katta.

6 aprel 2022, 13:18

Moskvadagi qurilishda O‘zbekiston va Tojikiston fuqarolari ommaviy mushtlashdi (video)

Moskvadagi turar joy majmuasi qurilish maydonida O‘zbekiston va Tojikiston fuqarolari ommaviy mushtlashdi. Janjalga «ahmoq» degan so‘z sabab bo‘lgani aytilmoqda. O‘zbekiston elchixonasining konsullik bo‘limi vaziyat nazorat ostida ekanini ma’lum qildi. Tashqi mehnat migratsiyasi agentligi 41 nafar tojikistonlik va 85 nafar o‘zbekistonlik mehnat migranti hibsga olinganini ma’lum qildi. Ularning 20 nafariga nisbatan deportatsiya qilish chorasi qo‘llanishi kutilmoqda.

6 aprel 2022, 13:00

OAV bilan tizimli ishlamagani uchun Avtoqo‘mita raisi va Andijon shahar hokimi ogohlantirildi

Vazirlar Mahkamasi majlisida davlat organlari matbuot xizmatlari faoliyati tanqid qilindi. Jizzax viloyatidan boshqa barcha hududlar saytida ochiq ma’lumotlar uch oygacha yangilanmagani ta’kidlandi. OAV va jamoatchilik bilan tizimli aloqalarni yo‘lga qo‘ymagani uchun Avtomobil yo‘llari qo‘mitasi raisi Abdurahmon Abduvaliyev va Andijon shahar hokimi Baxromjon Haydarov ogohlantirildi.

6 aprel 2022, 12:44

Murod Nazarovning deputatlik vakolati muddatidan avval tugatildi

Xalq deputatlari Toshkent shahar kengashining qarori bilan deputat Murod Nazarovning deputatlik vakolatlari muddatidan ilgari tugatildi. U o‘z arizasiga ko‘ra deputatlikdan ketgan.

6 aprel 2022, 12:04

Dorilar va tibbiyot buyumlarini markirovkalash 1-sentabrdan boshlanadi

Dori vositalari va tibbiy buyumlarni majburiy raqamli markirovkalash tizimi 2022−2025-yillar davomida bosqichma-bosqich joriy qilinadi. Birinchi bosqich 1-sentabrdan boshlanadi.

6 aprel 2022, 12:02

Toshkentdagi yoqilg‘i quyish shoxobchasining 3 nafar xodimi benzin paridan zaharlandi

Poytaxtning Chilonzor tumanidagi yoqilg‘i quyish shoxobchasida uch nafar xodim benzin paridan zaharlanib, hushini yo‘qotdi. Ular Respublika shoshilinch tibbiy yordam markazining toksikologiya bo‘limiga yotqizilgan.

6 aprel 2022, 11:18

Toshkentdagi «G‘alaba bog‘i» majmuasi 30 aprelga qadar yopildi

Toshkentning Olmazor tumanidagi «G‘alaba bog‘i» yodgorlik majmuasi va «Shon-sharaf» davlat muzeyi ta’mirlanayotgani tufayli bog‘ga kirish 30 aprelgacha to‘xtatiladi.

6 aprel 2022, 10:34

Fermer yer ajratib beryapti, deb eshitib borganmiz — chiroqchiliklar IIO xodimlari bilan ziddiyat haqida

Qashqadaryo viloyati Chiroqchi tumani Oqoltin MFYda fuqarolar va ichki ishlar xodimlari o‘rtasida ziddiyat yuzaga keldi. Viloyat IIB fermer o‘z dala maydonini shudgor qilayotganda aholi vakillari qarshilik ko‘rsatganini ma’lum qildi. Fuqarolar esa fermer yeridan aholiga tarqatilyapti, deb eshitib kelganlarini ta’kidladi. «Xalqqayam yer bersin, bolalarimiz Rossiyada ishsiz yuribdi», — dedi mojaro ishtirokchilaridan biri.

6 aprel 2022, 10:23

Yil boshidan buyon Rossiyadan 133 ming mehnat muhojiri qaytib keldi

Yil boshidan buyon Rossiyadan O‘zbekistonga 133 ming nafar mehnat muhojiri qaytgan bo‘lsa, shundan 50 ming nafari mart oyida keldi, deb xabar qildi Tashqi mehnat migratsiyasi masalalari agentligi. Rossiyada ishlayotgan o‘zbekistonliklar o‘rtasida o‘tkazilgan so‘rov respondentlarning 60 foizi hali qaytishni rejalashtirmaganini ko‘rsatdi. Shuningdek, Rossiyada ish haqini vaqtida ololmayotgan o‘zbekistonliklar soni keskin ortgani aytildi.

6 aprel 2022, 09:17

O‘zbek chegarachilari noqonuniy yuk olib o‘tmoqchi bo‘lgan qirg‘izistonliklarga o‘q uzdi, ikki kishi halok bo‘ldi

O‘zbekiston chegarachilari Qirg‘iziston hududidan noqonuniy yuk olib o‘tmoqchi bo‘lgan shaxslarga qarata o‘q uzdi. Ularning ikki nafari halok bo‘ldi, qolganlari Qirg‘iziston ichiga qochib kirgan.

5 aprel 2022, 22:00

5 aprel kuni O‘zbekistonda sodir bo‘lgan eng muhim xabarlar dayjesti

1 dekabrdan qoidabuzar haydovchilar uchun jarima ballarini hisoblanishi, hokimlarga o‘z hududida radar o‘rnatishga ruxsat berilgani, jismoniy shaxslarning to‘lov hujjatlariga STIR o‘rniga JSHSHIRni kiritishi, 1 sentabrdan boshlanadigan maktab direktorlarini sertifikatlash tizimi, «Gazeta.uz» da e’lon qilingan maqolaga munosabat bildirgan Intellektual mulk agentligi va boshqalar — «Gazeta.uz» ning 5 apreldagi eng muhim xabarlari dayjestida.

5 aprel 2022, 21:32

Oliy sud bloger Otabek Sattoriy ishi bo‘yicha chiqarilgan hukmni o‘zgarishsiz qoldirdi

Oliy sud muqaddam 6,5 yilga qamalgan surxondaryolik bloger Otabek Sattoriyga oid jinoyat ishiga kassatsiya tartibida berilgan shikoyatni ko‘rib chiqib, hukmni o‘zgarishsiz qoldirdi.

5 aprel 2022, 19:14

1-sentabrdan maktab direktorlarini sertifikatlash tizimi joriy etiladi

1-sentabrdan maktab direktorlarini sertifikatlash tizimi joriy etiladi va shunga ko‘ra ular lavozimga tayinlanadi. Shuningdek, Shavkat Mirziyoyev “yangi o‘quv yiliga qadar tabiiy va aniq fanlarga ixtisoslashgan 173 ta maktab tashkil etilishi shartligi va bunga viloyat, shahar va tuman hokimlari javobgar ekanligini” ta’kidladi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting