Jamiyat

20 aprel 2022, 11:30

Davlat Umarov: Qanday qilib futbol muxlisiga aylandim?

O‘zbekistonda futbolni sevishadi va ko‘pchilik bolaligidan sevimli jamoasini tanlab, unga ishqibozlik qiladi. Jurnalist Davlat Umarov «Qanday qilib futbol muxlisiga aylandim?» loyihasi doirasida 2018 yil Rossiyada o‘tkazilgan Jahon chempionatida volontyor sifatida qatnashgani hamda «Liverpul» futbolchisi Stiven Jerrardning butsasini ilib olishiga bir bahya qolganligi haqida so‘zlab berdi.

20 aprel 2022, 10:53

AKT vazirligi Microsoft kompaniyasiga O‘zbekistonda ofis ochishni taklif qildi

Microsoft bilan hamkorlikning istiqbolli yo‘nalishlari bo‘yicha onlayn uchrashuvda AKT vazirligi kompaniyaga O‘zbekistonda ofis ochishni taklif qildi.

20 aprel 2022, 10:02

SSV sher bolasi tishlab olgan bolaning ahvoli haqida ma’lumot berdi

Sog‘liqni saqlash vazirligi sher bolasi tishlab olgan bolaning ahvoli qoniqarli ekani, u poytaxtdagi 2-bolalar poliklinikasida davolanayotganini ma’lum qildi. Bolaning ahvolini travmatologiya va neyroxirurgiya bo‘limi mudiri hamda O‘zbekiston bosh rabiologi nazorat qilmoqda.

20 aprel 2022, 09:50

Utkirjon Qodirov Qashqadaryo hokimiga o‘rinbosar bo‘ldi

Davlat bojxona qo‘mitasi raisi o‘rinbosari Utkirjon Qodirov Qashqadaryo viloyati hokimining o‘rinbosari — viloyat investitsiyalar va tashqi savdo boshqarmasi boshlig‘i etib tayinlandi. U ushbu lavozimda Baxrom Yusupovning o‘rnini egalladi.

20 aprel 2022, 09:46

Nukusda DXSH asosidagi ilk dializ markazi ish boshladi

Nukusda O‘zbekistondagi davlat-xususiy sheriklik loyihasi asosida ilk dializ markazi ish boshladi.May oyidan Urganch va Bog‘ot tumanida ham shunday klinikalar ish boshlaydi, yil oxirigacha esa Toshkentda eng yirik klinika ishga tushadi.

20 aprel 2022, 09:29

«Martgacha yaxshi ishlayotgandi». Yangilangan Soliq mobil ilovasida texnik kamchiliklar kuzatilmoqda

Yangilangan Soliq mobil ilovasida texnik kamchiliklar, jumladan, keshbekni ro‘yxatdan o‘tkazish, tasdiqlash, uni yechib olish va kartani kiritishda muammolar kuzatila boshladi. Buni bir qancha iste’molchilar qayd etishdi, shu jumladan, «Gazeta.uz» ham bu kabi qiyinchiliklar mavjudligini aniqladi. Davlat soliq qo‘mitasi mazkur holatni «foydalanuvchilar sonining oshishi bilan ayrim holatlarda texnik kamchiliklar kuzatilishi mumkin» deya izohladi.

19 aprel 2022, 22:00

19 aprel kuni O‘zbekistonda sodir bo‘lgan eng muhim xabarlar dayjesti

Ayrim hokim yordamchilarining ta’magirligi haqida gapirgan Shavkat Mirziyoyev, o‘quvchi qizlarga tegajog‘likda gumonlanayotgan maktab psixologi, Afg‘oniston bilan chegarada vaziyat barqarorligini aytgan Sherzod Asadov, auksionga qo‘yilgan AKT vazirligi binosi, Ortiqxo‘jayevni qat’iy ogohlantirgan prezident va boshqalar — «Gazeta.uz» ning 19 apreldagi eng muhim xabarlari dayjestida.

19 aprel 2022, 21:04

Yo‘lovchi xavfsizlik kamarini taqmasa, jarimani kim to‘laydi?

Old o‘rindiqda xavfsizlik kamarini taqmagani uchun jarimani yo‘lovchining o‘zi to‘laydi, deya ma’lum qildi IIV. Jarima miqdori BHMning yarmini (135 ming so‘m) tashkil qiladi. Biroq, MJTKga hali yo‘lovchilar javobgarligi bo‘yicha o‘zgartirishlar kiritilmagan.

19 aprel 2022, 18:42

«Ayrim hokim yordamchilari ta’magirlik qilayotgani juda achinarli holat» — Shavkat Mirziyoyev

Prezident To‘raqo‘rg‘on tumani «Sharq» mahallasidagi hokim yordamchisi pora olgani uchun 5 yilga qamalganini ma’lum qildi. «Joylardagi ayrim hokim yordamchilari „kredit, subsidiya, yer olib beraman“, deb ta’magirlik qilayotgani ham juda achinarli holat», — dedi Shavkat Mirziyoyev. Barcha viloyat, tuman va shahar hokimlari qat’iy ogohlantirildi.

19 aprel 2022, 18:08

Foto: Toshkentdagi yopiq akvapark va gullar bog‘i qanday ko‘rinishda bo‘ladi?

Prezident «Texnopark» (sobiq TAPOiCh aviatsiya zavodi) hududida qurilayotgan akvapark va Astronomiya parkidagi gullar bog‘i loyihasi bilan tanishdi. Toshkent shahar hokimi o‘rinbosarining so‘zlariga ko‘ra, poytaxtdagi yopiq akvapark Markaziy Osiyoda eng yirigi bo‘ladi.

19 aprel 2022, 17:42

Furqat tumanida fuqaro o‘z tomorqasida ko‘knori yetishtirayotganligi aniqlandi

Farg‘ona viloyatining Furqat tumanida yashovchi fuqaro o‘ziga tegishli yer maydonida 6 tup ko‘knori yetishtirayotganligi aniqlandi. Holat yuzasidan jinoyat ishi qo‘zg‘atildi.

19 aprel 2022, 15:59

Toshkentdagi 158-maktab psixologi o‘quvchi qizlarga tegajog‘lik qilganlikda gumonlanmoqda

Toshkentdagi 158-maktab psixologi 3 — 5-sinf qizlariga nisbatan nomaqbul xatti-harakatlarni qilganlikda gumonlanmoqda. U ruhiy kasalliklar shifoxonasiga yotqizilgan. Shuningdek, qizlarni ikki nafar katta yoshli erkak ginekolog tibbiy tekshiruvdan o‘tkazgani ular ruhiyatiga yanada ko‘proq salbiy ta’sir ko‘rsatgani aytilmoqda. Hodisa yuzasidan Bosh prokuratura, XTV va Toshkent IIBB bayonot berdi.

19 aprel 2022, 15:06

Dori vositalarining klinik tadqiqotlarini rivojlantirish markazi tashkil etildi

«Tashkent Pharma Park» farmatsevtika klasteri hududida Dori vositalarining klinik tadqiqotlarini rivojlantirish markazi tashkil etildi. Markazga tibbiy, klinik va laboratoriya jihozlarini xarid qilish uchun bilan ta’minlash Koreya Eksimbanki jamg‘armasi kreditlari yo‘naltiriladi.

19 aprel 2022, 13:54

MIB 13 yoshli bolaga aliment to‘lamaganligi uchun xorijga chiqishga taqiq qo‘ygani aniqlandi

MIB tomonidan 13 yoshli bolakayga «voyaga yetmagan bolalar uchun aliment to‘lamaganligi uchun» taqiq qo‘yilgani aniqlandi. U o‘z onasi bilan Rossiyaga chiqib ketayotganida aviareysdan to‘xtatib qolingan. MIB ushbu holat «texnik xatolik sababli» yuz bergani va davlat ijrochisiga intizomiy jazo qo‘llanganini ma’lum qildi. Qolaversa, moddiy zararni undirish uchun sudga murojaat qilish so‘raldi.

19 aprel 2022, 12:36

Maktab bitiruvchilarining 31 foizi hali pasport (ID-karta) olmagan — XTV

16 yoshdan oshgan 122 ming nafardan ortiq yoki 31 foiz maktab bitiruvchisi haligacha pasport olmagan. Xalq ta’lim vazirligi bitiruvchilar pasportsiz (ID-karta) internet orqali oliy o‘quv yurtiga kirish uchun hujjat topshira olmasligini eslatdi.

19 aprel 2022, 12:28

Milliy gvardiyaga bir qator vakolatlar berilmoqda

Milliy gvardiya xodimlariga maishiy shovqinga qarshi kurash talablarini buzganlar, voyaga yetmaganlarni tungi vaqtda ko‘ngil ochish (dam olish) joylarida bo‘lishiga yo‘l qo‘yganlar, jamoat joylarida spirtli ichimliklar ichganlar va boshqalarni jarimaga tortish vakolati berilmoqda.

19 aprel 2022, 11:45

Yangi tashkil etilgan Ko‘kdala tumaniga ilk hokim tayinlandi

Qashqadaryo viloyatida yangi tashkil etilgan Ko‘kdala tumaniga Chiroqchi tumani hokimi lavozimida ishlab kelayotgan Xurram Jo‘rayev tayinlandi. Chiroqchi tumaniga esa Nodir Erkayev hokimlik qiladi.

19 aprel 2022, 11:39

Fuqaroni Qozog‘istonda o‘qiganligi to‘g‘risidagi soxta hujjat bilan SamDU 2-kursiga kiritmoqchi bo‘lgan shaxs ushlandi

Samarqandda fuqaroni Qozog‘istondagi universitetlardan birida 3 yil o‘qiganligi to‘g‘risida soxta hujjatlar bilan SamDUga kiritib qo‘yishga va’da qilgan shaxs ushlandi. U 2 ming dollar olgan vaqtida ashyoviy dalillar bilan ushlangan.

19 aprel 2022, 10:56

Saylov qonunchiligining buzilishi: Navoiy viloyati hokimi matbuot kotibi deputatlik ham qilmoqda

Navoiy viloyati hokimi matbuot kotibi hamda Xatirchi tumani hokimi o‘rinbosari bir vaqtning o‘zida xalq deputatlari viloyat kengashida deputat sifatida ham faoliyat yuritmoqda. Saylov qonunchiligiga ko‘ra, ijro hokimiyati vakili bir vaqtning o‘zida deputat sifatida faoliyat ko‘rsatishi mumkin emas. Avvalroq Karmana tumani hokimining birinchi o‘rinbosari va viloyat hokimligi kotibiyat mudiri ham deputatlik qilib kelayotgani haqida ham yozgandik.

19 aprel 2022, 09:47

Tadbirkorga 2 mln dollar imtiyozli kredit olib bermoqchi bo‘lgan shaxslar ushlandi

Yashnobod tumanida ikki fuqaro tadbirkorga yuqori lavozimda ishlovchi tanishlari orqali bankdan 2 mln dollar imtiyozli kredit olib berishga va’da qilib, buning evaziga 100 ming dollar ustama puli so‘raganlikda gumon qilinmoqda. Ular 55 ming dollarni olgan vaqtida ushlandi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting