Jamiyat

19 oktabr 2021, 12:59

Toshkentdagi har bir mahallaga 10 mlrd so‘mdan ajratiladi — Shavkat Mirziyoyev

Prezidentlikka nomzod Shavkat Mirziyoyev Toshkent hokimligi qoshida 575 ta mahallani rivojlantirish jamg‘armasi tashkil etilib, har bir mahallaga 10 mlrd so‘mdan (jami qariyb 600 mln dollar) ajratilishini ta’kidladi. Uning so‘zlariga ko‘ra, mahallalarni obod qilish uchun 2 mlrd so‘m ajratish amaliyoti «o‘z samarasini bergan».

19 oktabr 2021, 11:50

Dekabrda Farg‘onada test rejimida 12 ta elektromobil ishlab chiqariladi

Farg‘ona viloyatida dekabr oyida «Central Asia Motors» korxonasida 4 ta yengil va 8 ta yuk elektromobillari test rejimida ishlab chiqariladi. Korxona to‘la quvvati bilan ishga tushgach, yiliga 10 ming elektromobil ishlab chiqarishi kutilmoqda. Ishlab chiqarilgan mahsulotning 40 foizi eksport qilinadi.

19 oktabr 2021, 10:50

Sug‘urta polisini olmaganlik uchun jarima miqdori 2 baravarga kamaytirilmoqda

Deputatlar pasport tizimi qoidalarini buzish, noqonuniy valyuta ayirboshlash, yo‘lovchilarni litsenziyasiz tashish va sug‘urta polisini olmaganlik uchun jarimalarni bir necha baravarga kamaytirish to‘g‘risidagi qonun loyihasini ma’qulladi.

19 oktabr 2021, 10:41

«O‘tkan kunlar» tarjimoni Mark Riz va’da qilingan gonorar 5 oydan beri to‘lanmayotganini ma’lum qildi

Abdulla Qodiriyning «O‘tkan kunlar» romanini ingliz tiliga tarjima qilgan Mark Riz O‘zbekiston tomoni besh oydan beri prezident nomidan va’da qilingan pul mukofotini to‘lamayotganini ma’lum qildi. U, shuningdek, O‘zbekistonning chet eldagi elchixonalari uchun roman tarjimasining 1000 nusxasini sotib olishga va’da berilganini, bu ham bajarilmayotganini ta’kidladi. Davlat tilini rivojlantirish boshqarmasi vakili «masala kun tartibida», deb izoh berdi.

18 oktabr 2021, 22:36

Avtobloger Bobur G‘aniyev YouTube-kanalidagi faoliyatini to‘xtatishga qaror qildi

Avtobloger Bobur G‘aniyev huquq -tartibot idoralari xodimlarini haqorat qilgani va ularning talablarini bajarmagani uchun 15 kunga qamalganidan so‘ng YouTube-kanalidagi faoliyatini to‘xtatishga qaror qildi. U o‘z qarorini tadbirkorlik bilan shug‘ullanishi va kanalni saqlab turishga ulgurmasligi bilan izohladi. Videomurojaat paytida u qo‘lga olinayotganda va hibsdaligida egnida bo‘lgan ustki kiyimini yoqib yubordi.

18 oktabr 2021, 22:30

Maktablarda inklyuziv ta’limni rivojlantirish to‘g‘risidagi nizom tasdiqlandi

Hukumat O‘zbekistonda alohida ta’limga muhtoj bo‘lgan bolalar uchun inklyuziv ta’limni rivojlantirishga qaratilgan hujjatlarni tasdiqladi. Jumladan, umumta’lim maktablarida alohida ta’limga muhtoj bo‘lgan bolalar uchun boshlang‘ich tayanch korreksion sinflarni ochish tartiblari belgilandi.

18 oktabr 2021, 21:30

18 oktabr kuni O‘zbekistonda sodir bo‘lgan eng muhim xabarlar dayjesti

Prezidentning o‘z belgisi va shtandarti bo‘lishi, yangi imzolangan qaror va farmonlar, prezident saylovi tarixida bo‘lib o‘tishi rejalashtirilayotgan birinchi teledebat — “Gazeta.uz"ning 18 oktabrdagi eng muhim xabarlari dayjestida.

18 oktabr 2021, 19:56

Ko‘p kvartirali uyning yerto‘lasidan foydalanish tartibi belgilandi

Ko‘p kvartirali uyning yerto‘lasidan foydalanish tartibi to‘g‘risidagi nizom tasdiqlandi. Yerto‘ladad do‘konlar, kioskalar, do‘konchalar va boshqa faoliyat turlarini amalga oshirish mumkin. Yerto‘lalar faqat kvartira egalarining roziligi bilan ajratiladi.

18 oktabr 2021, 17:44

Toshkentda 10 kun ichida tez yordamga bemor bolalar bo‘yicha 13,8 mingta chaqiriq kelib tushgan

10 kun oralig‘ida poytaxt tez yordam xizmatiga bemor bolalar bo‘yicha kelib tushgan chaqiriqlar soni 13 ming 820 taga yetdi. oktabr oyida bolalar bo‘yicha shahar tez yordamga bo‘layotgan kunlik murojaatlar o‘rtacha 1300−1500 tani tashkil qilmoqda.

18 oktabr 2021, 15:29

Parkent tumani tibbiyot birlashmasi mansabdorlari 1,5 mlrd so‘mni o‘zlashtirdi

Parkent tumani tibbiyot birlashmasi mansabdorlari 1,5 mlrd so‘m mablag‘ni talon-toroj qilgani aytilmoqda. Ularga «qamoq» va «uy qamog‘i» ehtiyot choralari qo‘llanilgan. Prokuratura jinoyat ishini sudga oshirdi.

18 oktabr 2021, 15:04

AQSh O‘zbekistonga 526,5 ming doza Pfizer vaksinasini yubordi

AQSh hukumati O‘zbekistonga 526 500 doza Pfizer/BioNTech vaksinasini yetkazib berdi. Oy oxirigacha mamlakatga ushbu vaksinadan yana 274,5 ming doza olib kelinadi.

18 oktabr 2021, 13:00

Sut mahsulotlarini ishlab chiqaruvchi Lactalis kompaniyasi O‘zbekiston bozorini egallamoqda

Lactalis barcha turdagi sut mahsulotlarini sotishni va O‘zbekiston bozorida sut ishlab chiqaruvchi yetakchi kompaniyalaridan biriga aylanishni rejalashtirmoqda.

18 oktabr 2021, 12:45

Hafta oxirida havo keskin sovuqlashadi

Payshanba kuni O‘zbekistonda ob-havo sovuqlashib, +18 daraja iliq bo‘lishi, dam olish kunlari esa kunduzi +13 darajacha tushishi kutilmoqda. Ba’zi hududlarda yog‘ingarchilik kutilmoqda, tog‘li hududlarda esa qor yog‘ib, ba’zi joylarda kuchli bo‘ladi. Bundan tashqari, shamol tezligi kuchayishi, ayrim viloyatlarda tuman tushishi ham mumkin.

18 oktabr 2021, 11:59

So‘x aeroporti tez kunlarda foydalanishga topshiriladi

Farg‘ona viloyati hokimi So‘x tumanida qurilish ishlari yakunlanayotgan yangi aeroportni borib ko‘rdi. 7 gektar maydonda joylashgan aerodrom loyihasi avvaliga 12 mlrd so‘mga baholangan edi, qurilish yakuni bo‘yicha budjetdan 6,8 mlrd so‘m ajratilgani aytilmoqda.

18 oktabr 2021, 10:58

O‘zbekiston hududlarida qancha aholi yashaydi?

1 oktabr holatiga ko‘ra, Samarqand viloyatida 4 mln 8 ming 843 kishi yashab kelmoqda. Shuningdek, Farg‘ona viloyatida 3,8 mln kishi, Qashqadaryo viloyatida 3,3 kishi istiqomat qiladi. Toshkent shahrida 2,8 mln kishi doimiy yashamoqda.

18 oktabr 2021, 10:09

6 ta metro bekati atrofida avtoturargohlar quriladi

2022 yil 1 oktabrgacha Toshkent shahriga kirib keluvchi yo‘lovchi transportlar uchun 6 ta metro bekati atrofida avtoturargohlar tashkil etiladi. Shuningdek, keyingi yilning 1 iyuliga qadar 7 ta metro bekatida transport o‘tish bog‘lamalari tashkillashtiriladi.

17 oktabr 2021, 11:56

Samarqandda bog‘chadan go‘shtni o‘g‘irlamoqchi bo‘lgan shaxslarga jinoyat ishi qo‘zg‘atildi

Samarqand viloyati Paxtachi tumanidagi bog‘chada oshpaz va xo‘jalik ishlari mudiri go‘sht o‘g‘irlayotganda ushlandi. Ular bu ishni direktorning topshirig‘i bilan qilganini aytmoqda. Holat yuzasidan jinoyat ishi qo‘zg‘atilib, tergov harakatlari olib borilmoqda.

16 oktabr 2021, 19:56

Milliy estrada san’ati instituti tashkil etiladi

Prezident qarori bilan O‘zbekiston davlat konservatoriyasi huzuridagi Botir Zokirov nomidagi Milliy estrada san’ati instituti tashkil etiladi. Kelgusi o‘quv yilidan boshlab OTMda bastakor, san’atshunos va ovoz rejissyorlari tayyorlanadi.

16 oktabr 2021, 17:00

Hair Boss lazerli epilyatsiya uchun belgilangan narxdagi Benefit kartalarini chiqardi

Hair Boss studiyasi Benefit qizil kartochkasi xizmatlarini taklif qiladi. Ushbu karta belgilangan va bir yil davomida o‘zgarmaydigan narxda uchta zonani lazerli epilyatsiya qilish imkoniyatini beradi.

16 oktabr 2021, 16:29

COVID-19ga qarshi kurashish va vaksinalar sotib olish uchun qo‘shimcha 1,3 trln so‘m ajratildi

Parlament komissiyasi yig‘ilishida koronavirus pandemiyasiga qarshi kurashish va vaksinalar sotib olish uchun qo‘shimcha 1,3 trln so‘m ajratilgani qayd etildi. 2021 yilda bu maqsadlar uchun davlat budjetida 3 trln so‘m zaxira shakllantirilgan edi, lekin ushbu mablag‘ sarflab bo‘lingan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting