Jamiyat

6 yanvar 2022, 10:13

Samarqandda fuqaro qo‘shnisining boshiga bolta bilan urib, o‘ldirgani aytilmoqda

Urgut tumanidagi «Dehqonobod dehqon bozori» yaqinida 29 yoshli fuqaro qo‘shnisining bosh va bo‘yni sohasiga temir bolta bilan urib, o‘ldirib qo‘ygani aytilmoqda. Gumondor protsessual tartibda ushlangan va unga nisbatan jinoyat ishi qo‘zg‘atilgan.

6 yanvar 2022, 09:05 2

«Ilon Mask uchun taqdimot o‘tkazish shaxsiy tashabbusim edi» — Tesla gigazavodi muhandisi Muzaffar Hamroyev bilan suhbat

«Xorijdagi o‘zbekistonliklar» loyihasining navbatdagi mehmoni — Ilon Mask asos solgan Yevropadagi Tesla gigazavodida ishlovchi Muzaffar Hamroyev. Biz undan nega o‘qishni Germaniyada davom ettirgani, u yerdagi ta’lim sifati, Tesla`ga ishga kirishi qanday bo‘lgani, Ilon Mask uchun o‘tkazgan taqdimoti qanday natija bergani, xorijdagi qiyinchiliklar va O‘zbekistondagi yoshlarga beradigan maslahatlari haqida so‘radik.

5 yanvar 2022, 22:51

5 yanvar kuni O‘zbekistonda sodir bo‘lgan eng muhim xabarlar dayjesti

Qisqa ta’tilga chiqqan Shavkat Mirziyoyev, umra safarlariga tayyorgarlikning boshlanishi, xorijga chiqish pasportini berishni boshlagan DXM, Buxoroda ishga tushgan IES, imtihon xarajatlarini qaytarib olgan yoshlar statistikasi va boshqa xabarlar — «Gazeta.uz» ning 5 yanvardagi eng muhim xabarlari dayjestida.

5 yanvar 2022, 22:19

Uzbekistan Airways 6 yanvardagi Olmaota va Aktobega parvozlarni bekor qildi

«Uzbekistan Airways» 6 yanvarga mo‘ljallangan Nukusdan Aktobega va Toshkentdan Olmaotaga aviareyslarni bekor qildi. Parvozlar qachon tiklanishi hozircha ma’lum emas.

5 yanvar 2022, 22:08

Talabalar qulayligi uchun qo‘shimcha aviareyslar amalga oshiriladi

Uzbekistan Airways kompaniyasi talabalarga qulaylik yaratish uchun 7−9 yanvar kunlari Urganch, Buxoro, Namangan, Qarshi va Nukus shaharlaridan Toshkentga qo‘shimcha reyslar tashkillashtiradi.

5 yanvar 2022, 21:53

O‘zbekistonda umra safarlariga tayyorgarlik boshlandi

O‘zbekiston musulmonlari idorasi 2022 yilgi umra sayohati mavsumiga tayyorgarlik boshlanganini ma’lum qildi. Muftiy Nuriddin Xoliqnazarov Saudiya Arabistonidagi «Abu Sarhad» hamkor shirkati bilan bu haqda shartnoma imzoladi. Navbat asosida belgilangan to‘lovlarni amalga oshirgan, tegishli vaksinani olgan va Saudiya Arabistonining karantin talablarini bajargan fuqarolar tartib bilan safarga jo‘natiladi.

5 yanvar 2022, 15:23 2

Davlat xizmatlari markazi xorijga chiqish pasportini berishni boshladi (ro‘yxat)

Endilikda ichki ishlar bo‘limlaridan tashqari, ayrim davlat xizmatlari markazlarida ham xorijga chiqish biometrik pasportini olish mumkin. Yil oxiriga kelib, bunday imkoniyat barcha DXMlarda paydo bo‘ladi.

5 yanvar 2022, 13:18

May oyidan beri yoshlarning 5,2 mlrd so‘mlik xalqaro imtihon xarajatlari kompensatsiya qilingan

1-maydan beri 2848 nafar yoshlarga xalqaro imtihonlar uchun xarajatlari kompensatsiya qilindi. Bunda jami 5 mlrd 218 mln so‘mdan ortiq xarajat qoplab berilgan. Kompensatsiya olganlarning qariyb 92% IELTS imtihonini topshirgan. Hududlar bo‘yicha eng ko‘p kompensatsiya Toshkent shahri yoshlariga to‘langan.

5 yanvar 2022, 11:32

Urganchdan Oqtovga parvozlar bekor qilindi

«Uzbekistan Airways» kompaniyasi Oqtovga parvozlar bekor qilinganini ma’lum qildi. Bu Oqtov xalqaro aeroportining xalqaro parvozlarni qabul qilishni va amalga oshirishni yopganligi bilan bog‘liq.

5 yanvar 2022, 11:05

Fuqarolarni tekshirish uchun IIBga olib borish tartibi bekor qilinishi kutilmoqda

Taraqqiyot strategiyasi loyihasiga asosan, tekshirish uchun fuqaroni ichki ishlar bo‘limiga olib borish tartibi bekor qilinishi kutilmoqda. Unga ko‘ra, aprel oyigacha “Ye-patrul” tizimi joriy etilib, barcha ma’lumotlar joyida tekshirilishi ko‘zlangan. Strategiya loyihasida jinoyat va ma’muriy huquqbuzarliklar haqida xabar berish va ro‘yxatga olish uchun “Ye-huquqbuzarlik” yagona axborot tizimini tashkil etish ham taklif etilgan.

4 yanvar 2022, 22:27

Samarqanddagi tunneldan suv sizib chiqishi yuzasidan izoh berildi

O‘zbekiston temir yo‘llari Samarqandda 31 dekabr kuni foydalanishga topshirilgan avtomobil-tramvay tunneli devorlaridan suv sizib chiqayotganiga izoh berdi. Ta’kidlanishicha, bu lotoklar tiqilishi oqibatida yuzaga kelgan. «Tunnel devorlari orasidan suv o‘tishi yo‘l o‘tkazgichning konstruktiv elementlari mustahkamligiga salbiy ta’sir etmaydi», — deyiladi xabarda.

4 yanvar 2022, 21:26

AOKA qayta tashkil etilishi kutilmoqda

Taraqqiyot strategiyasi loyihasiga asosan Axborot va ommaviy kommunikatsiyalar agentligi qayta tashkil etilishi kutilmoqda. Endi u Oliy Majlis palatalari oldida hisobdor bo‘ladi. Qolaversa, 2022 yilda Axborot kodeksi ham ishlab chiqiladi. O‘zbekiston jurnalistika va ommaviy kommunikatsiyalar universiteti esa AOKA tarkibiga o‘tkaziladi.

4 yanvar 2022, 18:30

13,5 mln nafardan ortiq fuqaro koronavirusga qarshi to‘liq emlandi

2021 yilda koronavirusga qarshi 39,2 mln doza vaksina qo‘llanilgan. Jumladan, 13,5 mln nafardan ortiq fuqaro koronavirusga qarshi to‘liq emlandi. Vaksina olganlarning eng katta qismi Samarqand viloyatida.

4 yanvar 2022, 18:15

Toshkentda mast holdagi Matiz haydovchisi avariya sodir etdi, 3 bola, jumladan bir yashar chaqaloq jarohatlandi

Toshkentning Maxtumquli ko‘chasida mast holdagi Matiz haydovchisi qarama-qarshi yo‘ldagi 2 mashina bilan to‘qnashuv sodir etdi. Buning oqibatida jarohatlangan 7 kishining 3 nafari yosh bolalar. Ular orasida travmatik shok tashxisi qo‘yilgan chaqaloq ham bor.

4 yanvar 2022, 17:58

«Temir daftar», yoshlar va ayollar daftari «Ijtimoiy himoya yagona reyestri» bilan birlashtiriladi

O‘zbekistonda ijtimoiy himoya bo‘yicha milliy strategiya ishlab chiqildi. Uning doirasida ijtimoiy yordamga muhtoj fuqarolar bo‘yicha alohida ma’lumotlar bazasi yaratilib, barcha «daftarlar» ijtimoiy himoya yagona reyestriga birlashtiriladi. Shuningdek, kam ta’minlangan oilalarning 3 yoshgacha bo‘lgan bolalari uchun oziq-ovqat mahsulotlari hamda dori-darmonlar berish dasturi qabul qilinadi.

4 yanvar 2022, 15:09

O‘zbekiston 9 ta shaharda Bosh konsulxonalar ochishi mumkin

5 yilga mo‘ljallangan Taraqqiyot strategiyasiga muvofiq, O‘zbekiston Rossiyaning — Samara, Astraxan, Tula, Kaliningrad va Nijniy Novgorod, Qozog‘istonning — Chimkent, Chexiyaning — Praga, Kanadaning — Ottava, Koreya Respublikasining — Pusan shaharlarida Bosh konsulxona ochishi kutilmoqda.

4 yanvar 2022, 14:43

1 yanvardan avtomobil sotib olganlik uchun yig‘im to‘liq bekor qilindi

2022 yil uchun Davlat budjeti to‘g‘risidagi qonunga muvofiq, 1 yanvardan boshlab avtomobil sotib olganlik uchun yig‘im to‘liq bekor qilindi. Hozirga qadar yangi avtomobil xarid qilinganda shartnoma narxining 3 foizi miqdorida yig‘im to‘lanardi.

4 yanvar 2022, 11:54

Qoraqalpog‘iston Jo‘qorg‘i Kengesi raisining onasi vafot etdi

Qoraqalpog‘iston Vazirlar Kengashining sobiq raisi Qallibek Kamalovning turmush o‘rtog‘i, Jo‘qorg‘i Kenges raisi Murat Kamalovning onasi Lyubov Kamalova 95 yoshida olamdan o‘tdi.

3 yanvar 2022, 17:18

Hafta davomida yog‘ingarchilik bo‘lishi kutilmoqda

Hafta davomida Kaspiy dengizining janubidan nam havo massalari kirib kelishi hisobiga respublika bo‘yicha yomg‘ir, shimoliy hududlarda esa qor yog‘ishi kutilmoqda. Harorat esa +11…+16 daraja iliq atrofida bo‘ladi.

3 yanvar 2022, 15:46

Qashqadaryodagi avariyada 5 kishi halok bo‘ldi

1 yanvar kuni soat 13:00 larda Dehqonobod tumani hududidan o‘tuvchi M-39 «Termiz-Toshkent» avtomobil yo‘lida Cobalt mashinasi beton to‘siqqa urilgan. YTH oqibatida haydovchi va to‘rt nafar yo‘lovchi vafot etgan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting