Jamiyat

17 yanvar 2022, 22:00

17 yanvar kuni O‘zbekistonda sodir bo‘lgan eng muhim xabarlar dayjesti

O‘zbekistonda antirekordni qayd etgan qoronavirus, Andijonda noqonuniy kesilgan 12 tup qimmatbaho daraxt, IT-tanlov g‘olibiga ishlatilgan noutbuk berilgani, Qashqadaryoda 500 ming so‘m pora olgani uchun 5 yilga qamalgan shifokor, aksiyalari ochiq savdoga chiqariladigan UzAuto Motors va boshqa xabarlar — «Gazeta.uz» ning 17 yanvardagi eng muhim xabarlari dayjestida.

17 yanvar 2022, 17:20

Samarqandda IT-tanlov g‘olibiga ishlatilgan noutbuk berilgani uchun tuman hokimi o‘rinbosari jazolandi

Samarqandda «Bir million o‘zbek dasturchilari» tanlovining tuman bosqichi g‘olibi, 8-sinf o‘quvchisi Sardor Sattorovga ishlatilgan noutbuk berilgani ortidan Nurobod tumani hokimining o‘rinbosariga hayfsan berildi.

17 yanvar 2022, 16:59

MIBning Andijon shahar bo‘limi xodimlari pora bilan qo‘lga tushdi

Majburiy ijro byurosi Andijon shahar bo‘limining ikki nafar xodimi fuqarodan sud qarori ijrosini ta’minlab berish evaziga 4 ming dollar olgan vaqtida ushlangani aytilmoqda. Ularga nisbatan jinoyat ishi qo‘zg‘atildi.

17 yanvar 2022, 15:58

O‘zbekistonga 310 ming dozadan ko‘proq Pfizer vaksinasi keltirildi

COVAX dasturi doirasida O‘zbekistonga yana 310 050 doza Pfizer vaksinasi olib kelindi. Mazkur turdagi vaksinalarning umumiy miqdori 2,6 mln dozaga yetdi.

17 yanvar 2022, 15:41

Turizm sohasida yosh tadbirkorlarga 50 mln so‘mdan grantlar ajratiladi

Prezident farmoni bilan 1 maydan turizm sohasida yosh tadbirkorlarning tashabbuslarini qo‘llab-quvvatlash maqsadida 50 mln so‘m miqdorida, jami 10 mlrd so‘m grant ajratiladi. Mablag‘lar O‘zbekistonga uch yil davomida kamida 200 nafar xorijiy turistlar uchun tur tashkil qilish sharti bilan beriladi. Moliya vazirligi esa 11 oy davomida Turizm va sportni qo‘llab-quvvatlash jamg‘armasiga har oy qo‘shimcha 2,5 mlrd so‘mdan yo‘naltiradi.

17 yanvar 2022, 15:04

Uzbekistan Airways samolyoti Minsk aeroportida uchish-qo‘nish yo‘lagidan chiqib ketdi

Kuchli qor va bo‘ron sharoitida Toshkentdan uchgan Uzbekistan Airways aviakompaniyasi samolyoti Minsk aeroportida uchish-qo‘nish yo‘lagidan chiqib ketdi. Dastlabki ma’lumotlarga ko‘ra, qurbonlar yo‘q.

17 yanvar 2022, 14:38

Hafta davomida yomg‘ir, ayrim joylarda esa qor yog‘ishi kutilmoqda

Haftaning ilk uch kunida O‘zbekiston bo‘ylab yomg‘ir yog‘ishi, chorshanba kuni ayrim hududlarda yomg‘ir qorga aylanishi kutilmoqda. Payshanba kuni quruq ob-havo kuzatilishi mumkin, biroq, juma kuni yana qor yog‘adi. Kechalari havo harorati -3 daraja sovuq, kunduzi esa +10 darajaga iliq bo‘ladi.

17 yanvar 2022, 13:55

O‘zbekistonda xizmat ko‘rsatgan jurnalist Dilbar Mahmudova vafot etdi

O‘zbekistonda xizmat ko‘rsatgan jurnalist hamda Jurnalistlar ijodiy uyushmasi a’zosi Dilbar Mahmudova 85 yoshida vafot etdi. Uning turmush o‘rtog‘i bilan hammualliflikdagi bir qancha pesalari O‘zbek Milliy akademik drama teatrida sahnalashtirilgandi.

17 yanvar 2022, 13:49

Qashqadaryoda 500 ming so‘m pora olgan shifokor 5 yilga qamaldi

Kasbi tumani tibbiyot birlashmasi boshlig‘i o‘rinbosari fuqaroning o‘g‘liga nogironlik nafaqasini chiqarib berishni va’da qilib, buning evaziga 500 ming so‘m pora olgani aytilmoqda. Kitob tuman sudi shifokorni aybli deb topib, unga 5 yilga ozodlikdan mahrum qilish jazosini tayinladi.

17 yanvar 2022, 13:13

XTV Samarqandda IT-tanlov g‘olibiga ishlatilgan noutbuk berilgan holatni o‘rganishni boshladi

Samarqandda 8-sinf o‘quvchisi «Bir million dasturchi» tanlovida birinchi o‘rinni olgani uchun ishlatilgan noutbuk berilganini ma’lum qildi. Hokimlik esa o‘quvchi tuman bosqichida birinchi o‘rinni olgani uchun telefon bilan taqdirlaganini aytmoqda. XTV ishchi guruhi mazkur holat bo‘yicha o‘rganish olib bormoqda.

17 yanvar 2022, 12:24

Andijon viloyatiga yangi prokuror tayinlandi

Bosh prokurorning buyrug‘iga asosan Namangan viloyati prokurorining birinchi o‘rinbosari Sirojiddin Eshpo‘latov Andijon viloyati prokurori lavozimiga tayinlandi.

17 yanvar 2022, 12:16

Jomiy bozori yaqinidagi omborxonada yong‘in sodir bo‘ldi

Olmazor tumanidagi Jomiy bozori hududidagi omborxonada yong‘in sodir bo‘ldi. 5 daqiqa ichida 6 ta yong‘in-qutqaruv ekipaji voqea joyiga yetib borib, 30 daqiqada olovni o‘chirgan. Hodisa oqibatida binoning 350 kvadrat metr qismi zararlangan, jabrlangan va halok bo‘lganlar yo‘q.

17 yanvar 2022, 11:16

Toshkentdagi YTHda ikki o‘smir halok bo‘ldi

Toshkentning Yashnobod tumanida haydovchilik guvohnomasi bo‘lmagan o‘smir (2005 y.t.) Spark mashinasida tezlikni oshirishi tufayli boshqaruvni yo‘qotib, yo‘l chetidagi temir panjaraga urilgan. Buning oqibatida esa avtomobil haydovchisi va yo‘lovchisi voqea joyida vafot etgan.

17 yanvar 2022, 10:23

Antirekord yangilandi: 16-yanvar kuni mingdan ortiq kishida koronavirus aniqlandi

Yakshanba kuni O‘zbekistonda pandemiya davridan beri ilk marotaba 1037 kishida koronavirus aniqlandi, shuni yarmidan ko‘pi Toshkent shahriga to‘g‘ri kelmoqda. Qolaversa, bemorlarning yana 3 nafari vafot etdi.

17 yanvar 2022, 10:02

Andijondagi qimmatbaho 12 tup daraxt noqonuniy kesilgan — Ekoqo‘mita

Andijon shahar perinatal markazi hududida qimmatbaho daraxt navlari ro‘yxatiga kiritilgan 12 tup Eldor qarag‘aylari noqonuniy ravishda kesilgan. Davlat ekologiya qo‘mitasi buning natijasida o‘simlik dunyosiga ko‘p miqdorda zarar yetkazilgan deb baholab, hujjatlar huquqni muhofaza qilish organlariga taqdim etilishini ma’lum qildi.

16 yanvar 2022, 21:44

SES O‘zbekistonga kirganlardan ekspress test olinayotganini izohladi

O‘zbekistonga kirayotganlardan ekspress test olish tartibi joriy qilinishi navbatlar va odamlarning noroziligini yuzaga keltirdi. Sanitariya-epidemiologik osoyishtalik xizmati bir kun ichida mamlakatga tashrif buyurgan 15 mingdan ortiq kishining 151 nafarida koronavirus aniqlanganini ma’lum qildi.

16 yanvar 2022, 14:17 21

16-yanvardan boshlab kuniga 10 ming qadam yurganlarga 3 ming so‘m berish to‘xtatiladi

Endilikda 1hls.uz platformasi foydalanuvchilarini rag‘batlantirish uchun har hafta bitta 100 mln so‘m miqdorida pul mukofoti va mingta velosiped o‘ynaladi. Yangi rag‘batlantirish tizimi ishga tushgani munosabati bilan 2022 yil 16 yanvardan boshlab kuniga 10 ming qadam yurganlarga 3 ming so‘m berish to‘xtatiladi.

16 yanvar 2022, 12:47

Andijon viloyati perinatal markazida 12 tup daraxt kesib tashlandi

Andijon shahar Obodonlashtirish boshqarmasi tomonidan viloyat perinatal markazi hududidagi 12 tup daraxt kesildi. Daraxtlarning kesilishi Ekologiya qo‘mitasi bilan kelishilmagan. Viloyat hokimi Shuhrat Abdurahmonov daraxtlarni kesishga buyruq berganini hokimlik matbuot xizmati rad etdi.

16 yanvar 2022, 11:57

Shanba kuni 900 dan ortiq kishida koronavirusga chalinish holatlari kuzatildi

15 yanvar kuni O‘zbekistonda 912 kishida koronavirus aniqlandi. Kasallanish holatlarining yarmi Toshkent shahrida (456 ta) qayd etildi.

15 yanvar 2022, 20:53

Umra safariga ilk reys 22 yanvar kuni amalga oshiriladi

O‘zbekiston musulmonlari idorasi joriy umra mavsumida ilk reyslar 22, 25 va 28 yanvar kunlari amalga oshirilishini ma’lum qildi. Safarga 2020 yilning fevraligacha ro‘yxatdan o‘tganlar boradi. Ziyoratchilar Astra-Zeneca, Moderna, Pfizer yoki Jonson&Jonson vaksinalari bilan to‘liq emlangan bo‘lishi lozim. Sputnik V va o‘zbek-xitoy vaksinalarini olganlar esa talab qilingan vaksinalardan birining ilk dozasini olishi yetarli bo‘ladi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting