Jamiyat

12 may 2021, 12:13

Shaharlarda transport tezligini pasaytirish to‘g‘risida petitsiya e’lon qilindi

Mening Fikrim onlayn-petitsiya portalida shaharlarda transportning ruxsat etilgan tezligini 50 km/soatgacha va ijtimoiy ahamiyatga ega obyektlar yaqinida 30 km/soatgacha kamaytirish bo‘yicha petitsiya e’lon qilindi. Bunday qoidalar barcha rivojlangan mamlakatlarda amal qiladi.

12 may 2021, 11:03

«Vazir va hokim o‘rinbosarlari ham mas’uliyat va javobgarlikni o‘z bo‘yniga olishi kerak» — prezident

12 may kuni bo‘lib o‘tgan videoselektor yig‘ilishida Shavkat Mirziyoyev viloyat hokimlarining o‘rinbosarlarida ma’suliyat yetishmayotganligini tanqid qildi.

11 may 2021, 21:33 1

Miraziz Bozorov tuhmat qilganlikda ayblanmoqda

Bloger Miraziz Bozorovga nisbatan JKning «g‘arazgo‘ylik yoki boshqa past niyatlarda tuhmat qilish»ga oid moddasi bo‘yicha ayblov e’lon qilindi. Dastlab jinoyat ishi 110-son umumta’lim o‘rta maktabi o‘qituvchilarining jamoaviy arizasi asosida ochilgandi. Endi jabrlanuvchilar qatorida Bozorov unga qarshi obunachilarini «jazolash»ga chaqirganini ta’kidlagan uch nafar bloger ham bor.

11 may 2021, 19:46

Surxondaryoda radarga «hujum» qilganlar 10 sutkaga qamaldi

Surxondaryo viloyatida tezlikni o‘lchash moslamalarini burib qo‘yish yoki simini uzib qo‘yish holatlari uchramoqda. Qoidabuzarlik sodir etgan haydovchilar 10 sutkaga qamaldi, avtomashinalari esa jarima maydonchasiga qo‘yildi.

11 may 2021, 18:31

Chirchiqda ishchilar o‘z ish haqlari to‘lanmagani uchun namoyishga chiqishdi

Chirchiq shahar hokimiyati yaqinida ishchilar o‘z ish haqlari to‘lanmagani uchun namoyishga chiqdi. Hokimlikning ma’lum qilishicha, ayni paytda barcha ishchilarga ish haqlarining ma’lum qismi to‘lab berilgan. Qolgan qismini esa 18 mayga qadar to‘liq hisob kitob qilishga o‘zaro kelishilgan.

11 may 2021, 17:15

Toshkentda Ramazon hayiti kuni jamoat transportlari soat 4:00 dan xizmat ko‘rsatishni boshlaydi

Ramazon hayiti nishonlanishi munosabati bilan, Toshkent shahrida 13 may kuni jamoat transportlari yo‘nalishlar bo‘yicha soat 4:00 dan ish boshlaydi.

11 may 2021, 16:10

Alisher Navoiy haykali oldida «noo‘rin hatti-harakatlar» bilan video olgan yigitlar 15 sutkaga qamaldi

Samarqanddagi Alisher Navoiy haykali oldida «noo‘rin hatti-harakatlar» sodir etib, video olgan yigitga nisbatan viloyat IIB tomonidan hujjatlar rasmiylashtirildi. Video olgan va unda ishtirok etgan ikki nafar shaxsga 15 sutka qamoq jazosi belgilandi.

11 may 2021, 16:04

Maqom markazini qurishga $8,8 mln ajratish rejalashtirilgan

Toshkentda Maqom markazi qurilishiga byudjet mablag‘laridan 93 mlrd so‘m ($8,8 mln) ajratish reja qilingan. Markazni tashkil etish rejasi 2017 yilning oxirida e’lon qilingan edi.

11 may 2021, 15:14

Samarqandda barcha ta’lim muassasalaridagi karantin yana 14 kunga uzaytirildi

Samarqand shahar hududida koronavirus infeksiyasini yuqtirish ko‘rsatkichi oshib borayotganligi sababli barcha ta’lim muassasalaridagi karantin muddati yana 14 kunga uzaytirildi.

11 may 2021, 15:05

«Mingo‘rik» yodgorligi yonidagi qurilish ishlari ruxsat olinmasdan boshlangan — Senat

Toshkent shahrining Mirobod tumanidagi Mingo‘rik arxeologiya yodgorligi yonida Toshkent shahar IIBB Ma’naviyat va ma’rifat markazining qurilishi tegishli ruxsat olinmasdan boshlangan, deya ma’lum qildi Senatning Yoshlar, madaniyat va sport masalalari qo‘mitasi.

11 may 2021, 13:44

Farg‘onada avariyada ikki oiladan olti kishi vafot etdi

Farg‘ona viloyatining Yozyovon tumanida YTH natijasida ikki oiladan olti kishi vafot etgan. Yana 4 kishi jonlantirish bo‘limiga yotqizildi.

11 may 2021, 13:08

Soliq qo‘mitasi kasaba uyushmasi va Rasul Kusherbayev o‘rtasidagi masala sudgacha olib borilmaydi

Davlat soliq qo‘mitasi birlashgan kasaba uyushmasi vakillari hamda Qonunchilik palatasi deputati Rasul Kusherbayev o‘rtasidagi masala sudgacha olib borilmaslikka qaror qilindi. «Har ikki tomonning ham maqsadi va maslagi birligi, ya’ni mamlakatimiz taraqqiyoti va xalqimiz turmush farovonligi yo‘lida xizmat qilish ekanligi ta’kidlandi», — deya qayd etdi qo‘mita.

11 may 2021, 12:23

Qo‘llanma: Yo‘l harakati qoidabuzarliklari haqidagi videolarni yuborish va mukofot olish tartibi

Yanvar oyidan boshlab yo‘l harakati qoidalari buzilganligi haqidagi videolarni istalgan videoyozuv moslamasidan, shu jumladan smartfonlarda yozib olib, yuborish mumkin. dyhxx.ejarima.uz saytida arizani qanday rasmiylashtirish mumkinligini batafsil tushuntiramiz. Mukofotni xayriya ishlari uchun yo‘naltirish mumkin.

11 may 2021, 11:41

Ta’lim tili xorijiy tilda bo‘lgan sinflarda «O‘zbek tili» ham chet tili kabi ko‘nikmalarga bo‘lib o‘rgatiladi

Yangi o‘quv yilidan «O‘zbek tili»ni o‘qitishda 4 ko‘nikmaga tayaniladi. Endi ta’lim tili o‘zga tilda bo‘lgan sinflarda davlat tili — o‘zbek tili ham chet tili kabi o‘rgatiladi. Milliy o‘quv dasturi asosida o‘zga millat vakillari uchun 2-sinf «O‘zbek tili» darsligi yaratildi.

11 may 2021, 10:28

«Toshkent savdo markazi» da o‘z akasini pichoqlab qo‘ygan fuqaro 5 yilga qamaldi

Dekabr oyida akasini pichoqlab, tan jarohati yetgazgan fuqaroga sud hukmi o‘qildi. Marhumning rafiqasi qaynukasi oilani yagona boquvchi ekani, unga nisbatan hech qanday da’vosi yo‘qligi sababli ozodlikdan mahrum etish bilan bog‘liq bo‘lmagan jazo tayinlashni so‘radi. Sudlanuvchiga yengilroq jazo tayinlash moddasi bilan 5 yil muddatga ozodlikdan mahrum qilindi.

11 may 2021, 09:56

Toshkentda piyoda Spark avtomashinasi urib yuborishi oqibatida vafot etdi

Toshkent shahrining Yangihayot tumanida transport vositasini boshqarish huquqidan 18 oyga mahrum qilingan shaxs Spark rusumli avtomashinasida yo‘lni kesib o‘tayotgan fuqaroni urib yuborgan. Jabrlanuvchi tan jarohati olib, voqea joyida vafot etgan.

10 may 2021, 21:51

2021 yilda qo‘shimcha ishlanmaydigan kunlar tasdiqlandi

Prezident Shavkat Mirziyoyev 2021 yilda qo‘shimcha ishlanmaydigan kunlarni tasdiqladi. Bayramlar vaqtida eng kamida uch kun dam olinadi.

10 may 2021, 19:45 1

«Sardoba ishi» bo‘yicha 17 nafar mansabdorga nisbatan sud hukmi e’lon qilindi

«Sardoba ishi» bo‘yicha sud hukmi e’lon qilindi. «O‘ztemiryo‘lqurilishmontaj» UK bosh direktori o‘rinbosari 10 yil, yana 4 sudlanuvchi 5 yil, bir nafari 4 yilga qamaldi. 3 kishiga ozodlikni cheklash va jarima jazolari tayinlandi.

10 may 2021, 18:30

«Paxtakor» endi to‘liq Toshkent shahar hokimligiga tegishli. Klubga yangi homiylar kelishi aytilmoqda

«Paxtakor» futbol klubi 2020 yilda eng ko‘p zarar ko‘rgan davlat ishtirokidagi korxonalar o‘ntaligida 8-o‘rinni egalladi. Ijtimoiy tarmoqlarda jamoaning davlat byudjetidan pul olishi so‘raldi. Klub bergan bayonotda buni rad etib, «SFI Management Group» tomonidan moliylashtirilishini qayd etdi. 30 apreldagi hukumat qaroriga asosan jamoaning ulushlari to‘liq Toshkent shahar hokimligiga tegishli. Bu haqida batafsil Og‘abek Samisov maqolasida.

10 may 2021, 18:09

Lotin yozuviga asoslangan o‘zbek alifbosiga o‘tish bo‘yicha qonun loyihasi muhokamasi uzaytirildi

«Lotin yozuviga asoslangan o‘zbek alifbosini joriy etish to‘g‘risida» gi Qonun loyihasi muhokamasi 1 noyabrga qadar uzaytirildi. Bu vaqt davomida mas’ullar tomonidan qonun loyihasi bo‘yicha seminar va anjumanlar o‘tkazilib, alifboga shakliy o‘zgarishlar kiritilishi munosabati bilan talab etiladigan xarajatlar miqdori o‘rganiladi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting