Jamiyat

13 yanvar 2022, 19:12

Chimyon hududida qor ko‘chkisi xavfi e’lon qilindi

13−14 yanvar kunlari Chimyon hududida qor ko‘chishi xavfi e’lon qilindi. FVV shu kunlarda fuqarolardan «Qor ko‘chishi xavfi mavjud» belgisi bo‘lgan joylarga kirmaslikni so‘radi.

13 yanvar 2022, 18:25

Toshkent viloyatida quloqchin taqib mol boqayotgan fuqaroni poyezd urib ketdi

O‘rtachirchiq tumanida «To‘ytepa-Ozodlik» yo‘nalishida harakatlanib kelayotgan yuk poyezdi urib ketishi oqibatida 26 yoshli fuqaro vafot etdi. Guvohlarning so‘zlariga ko‘ra, u quloqchin taqib, mol boqayotgan bo‘lgan.

13 yanvar 2022, 18:14

AQShga uchmoqchi bo‘lganlar 15 kun oldin to‘liq emlanganlik guvohnomasiga ega bo‘lishlari kerak

AQShga kirish uchun yangi qoidalar e’lon qilindi. Unga ko‘ra, yo‘lovchilar parvozdan kamida 24 soat oldin PZR-test hamda kamida 15 kun oldin COVID-19ga qarshi to‘liq emlanganliklarini tasdiqlaydigan guvohnomaga ega bo‘lishlari kerak. Boshqa talablar ham bor.

13 yanvar 2022, 16:27

O‘zbekiston ko‘zi ojizlar to‘g‘risidagi Marokash shartnomasiga qo‘shildi

O‘zbekiston ko‘zi ojiz, ko‘rishda nuqsoni bo‘lgan va bosma axborotni idrok etishda boshqa jihatdan qobiliyati cheklangan shaxslarning nashr etilgan asarlardan foydalanishini yengillashtirish to‘g‘risidagi Marokash shartnomasiga qo‘shildi. Hozirda mamlakatda 72 mingdan ortiq ko‘zi ojiz insonlar istiqomat qiladi.

13 yanvar 2022, 16:00

«Samarqand darvoza»da portlatilgan «o‘t o‘chirgich» bo‘yicha 13 kishiga ayblov qo‘yildi

«Samarqand darvoza»da «o‘t o‘chirgich» portlatilishi bo‘yicha tergov doirasida 13 kishiga ayblov e’lon qilindi. 5 nafari 3−5 yilgacha ozodlikdan mahrum qilinishi mumkin. Shuningdek, tergovda mazkur vositani yasashni yoshlarga yangiyo‘llik traktorchi o‘rgatgani aniqlangan.

13 yanvar 2022, 15:28

Hududlarni strategik rivojlantirish bo‘yicha «yo‘l xaritasi» ishlab chiqish kerak — prezident

Shavkat Mirziyoyev hudud va tarmoqlarni strategik rivojlantirish bo‘yicha «yo‘l xaritasi» ishlab chiqish zarurligini ta’kidladi. Buning uchun esa xorijdan malakali mutaxassis va maslahatchilarni ham jalb qilinishi ta’kidlandi.

13 yanvar 2022, 14:44

«Aroq ichibman, keyin „o‘chib“ qolibman». Yunusobodda qurol yordamida to‘xtatilgan Malibu haydovchisi

Yunusobodda YPX inspektori talabini bajarmagach, o‘qotar qurol bilan to‘xtatilgan Malibu haydovchisi o‘sha kuni spirtli ichimlik iste’mol qilganini aytdi. «Ayb menda, bo‘ynimga olaman. Aroq, pivo ichibman, keyin „o‘chib“ qolibman», — dedi u. Qolaversa, bu uning transportdan foydalanish qoidasini birinchi marta buzishi emasligi ma’lum qilindi.

13 yanvar 2022, 13:07

Nazarbekdagi noqonuniy qurilish senatorlar aralashuvidan so‘ng to‘xtatildi

Nazarbekda maktab va bolalar bog‘chasini qurishga mo‘ljallangan yer uchastkasi noqonuniy ravishda tadbirkorga berib yuborilgan. Senatorlar aralashuvidan so‘ng u boshlagan qurilish ishlari to‘xtatildi.

13 yanvar 2022, 12:45

Yangiyo‘lda Qirg‘izistonga o‘qishga kiritib qo‘yishni va’da qilgan fuqarolar ushlandi

Yangiyo‘lda fuqaroni Qirg‘izistonning O‘sh davlat universitetiga kiritib qo‘yish uchun 10 ming dollar talab qilgan shaxslar ushlandi. Hozirda jinoyat ishi qo‘zg‘atilib, tergov o‘tkazilmoqda.

13 yanvar 2022, 12:33

Davlat tashkilotlarida korrupsiyaga qarshi kurashish bo‘yicha reyting joriy qilinadi

1 fevraldan boshlab 26 ta davlat tashkilot va organlarida korrupsiyaga qarshi kurashish ishlarining samaradorligini baholovchi reyting joriy qilinadi. Ro‘yxatdan 11 ta vazirlik, 4 ta davlat qo‘mitasi, 7 ta agentlik va 4 ta hokimiyat o‘rin olgan va ularning faoliyati 5 ta indikator asosida baholanadi. 1 iyuldan esa reyting barcha davlat tashkilotlarida joriy qilinadi.

12 yanvar 2022, 23:30

Golden Cash Store moliyaviy piramidasi tafsilotlari oshkor qilindi

IIV huzuridagi Tergov departamenti yillik 262 foizli depozitlarni taklif qilgan Golden Cash Store moliyaviy piramidasi bo‘yicha jinoyat ishi tafsilotlarini oshkor qildi. Kompaniya faoliyatidan bir necha ming fuqaro jabr ko‘rdi, ular 100 dan 10 ming dollargacha qiymatdagi oltin va kumush buyumlarni topshirgan. Tekshiruvlar davomida korxonaning bank hisobvarag‘idan 1,1 mlrd so‘m, ta’sischilardan birining plastik kartasidan esa 2,4 mlrd so‘m pul topildi.

12 yanvar 2022, 22:29

Sport zali yo‘q maktablarda jismoniy tarbiya darslarini o‘qitish tiklandi

Sport zali yo‘q maktablarda qish oylarida jismoniy tarbiya darslari o‘tgan o‘quv yilidan boshlab qisqartirilgandi. Mazkur buyruq bekor qilindi va endilikda barcha maktablarda haftada ikki marta jismoniy tarbiya o‘qitiladi.

12 yanvar 2022, 22:00

12 yanvar kuni O‘zbekistonda sodir bo‘lgan eng muhim xabarlar dayjesti

Mahallalarda ish boshlagan 9 mingdan ortiq hokim yordamchilari, emlanmagan ishchilarning masofaviy ishlashi, Angrendagi soydan jasadi topilgan 70 yoshli erkak, koronavirusning kunlik holati keskin oshib borayotgani, Qozog‘istonning yangi bosh vazirini tabriklagan Abdulla Aripov, «Yangi O‘zbekiston» bog‘ida monumentning ko‘chib tushayotgan gipslari va boshqa xabarlar — «Gazeta.uz» ning 12 yanvardagi eng muhim xabarlari dayjestida.

12 yanvar 2022, 20:50

Yer uchastkalarini olib qo‘yish tartibiga o‘zgartirishlar kiritildi

Hukumat qarori bilan Yer uchastkalari olib qo‘yilishi va olib qo‘yilayotgan yer uchastkasida joylashgan ko‘chmas mulk obyektlari mulkdorlariga kompensatsiya berish tartibi to‘g‘risidagi nizomga o‘zgartirish va qo‘shimchalar kiritildi. Endilikda bitta mulkdor qarshi bo‘lgan taqdirda ham yer uchastkasida investitsiya loyihasini amalga oshirishga yo‘l qo‘yilmaydi. Bundan tashqari, investorlar kelisha olmagan mulkdorlardan ko‘chmas mulkni majburiy sotib olish to‘g‘risidagi da’vo bilan sudga murojaat etish huquqidan mahrum qilindi.

12 yanvar 2022, 19:31

Jihod g‘oyalarini targ‘ib qilganlikda gumonlanayotgan o‘zbekistonlik Rossiyada qo‘lga olindi

DXX va Rossiya huquq-tartibot idoralari xodimlari hamkorlikda «Tavhid va jihod katibasi» terroristik guruhida ishtirok etish va jihod g‘oyalarini tarqatishda gumon qilingan O‘zbekiston fuqarosini qo‘lga oldi. U O‘zbekistonga ekstraditsiya qilingan, unga nisbatan jinoiy ish qo‘zg‘atilmoqda.

12 yanvar 2022, 19:09

«Yangi O‘zbekiston» bog‘i ma’muriyati «Istiqlol» monumentidagi gipslarning ko‘chishi bo‘yicha izoh berdi

Ijtimoiy tarmoqlarda «Yangi O‘zbekiston» bog‘idagi «Istiqlol» monumentining gips qismlariga zarar yetgani aks etgan suratlar tarqaldi. Bog‘ rahbariyati gipsli parchalar ikki oy ichida bronzaga almashtirilishini ma’lum qildi.

12 yanvar 2022, 18:33

So‘nggi 10 kun ichida «Tez yordam»ga 350 mingga yaqin chaqiriq kelib tushgan

Yanvar oyining dastlabki 10 kunida respublikada «Tez yordam»ga qariyb 350 mingta murojaat kelib tushgan. Ular soni o‘tgan yilning mos davriga nisbatan 28,4 mingtadan ziyodroqqa ko‘p. Murojaatlarning 32,4 mingtasi tana haroratining ko‘tarilishi bilan bog‘liq.

12 yanvar 2022, 17:20

Emlanmagan xodimlar masofadan ishlaydi — Anvar Alimov

Sog‘liqni saqlash vaziri o‘rinbosari Anvar Alimov 15 yanvardan tashkilotlarning emlanmagan ishchilari masofaviy ishlashga yuborilishini ma’lum qildi. «Keyingi besh kun ichida ishchilari vaksinaning birinchi dozasini olgan muassasalar avvalgidek ishlashda davom etishlari mumkin», — deya qo‘shimcha qildi vazir o‘rinbosari.

12 yanvar 2022, 16:07

Angrendagi soydan muzlab qolgan 70 yoshli erkakning jasadi topildi

Angren IESga qarashli dam olish maskani hududidan oqib o‘tuvchi soydan dam olish maqsadida kelgan 70 yoshli erkakning muzlab qolgan jasadi topildi. Angren shahar prokuraturasi tergovga qadar tekshiruv o‘tkazmoqda.

12 yanvar 2022, 15:31

Texnikumlarni muvaffaqiyatli tamomlaganlar OTMlarga suhbat asosida qabul qilinishi mumkin

2021/2022 o‘quv yilidan texnikumlarni “a'lo” va “yaxshi” baholarga tugatganlar o‘z sohasiga mos bakalavriat ta’lim yo‘nalishlariga kirish imtihonlarisiz OTMlarning 2-bosqichiga to‘lov-kontrakt asosida qabul qilinishi mumkin. Ushbu tartib bitiruvchi texnikumni tamomlagan yildan boshlab ikki yilgacha amal qiladi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting