Jamiyat

5 noyabr 2021, 17:05

Energetika vazirligi — gaz narxidagi tafovutni qoplash uchun budjetdan ajratilgan 1 trln so‘m haqida

2020 yil yakuniga ko‘ra, «O‘ztransgaz» tomonidan iste’molchilarga yetkazib berilayotgan 1000 kub metr tabiiy gazning qiymati gazning o‘rtacha narxidan 90 ming so‘mga qimmatroq bo‘ldi. Buning oqibatida 3,6 trln so‘mlik zarar vujudga kelgan. Shu munosabat bilan davlat budjetidan 1 trln so‘mlik subsidiya ajratilmoqda, deya tushuntirdi Energetika vazirligi.

5 noyabr 2021, 16:49

O‘zbekistonda 150 yil ichida bunday hodisa kuzatilmagan — «O‘zgidromet» changli tuman haqida

Kuchli shamollar tufayli mavsumga xos bo‘lmagan chang-g‘ubor xodisalari yuzasidan «O‘zgidromet» hududlar kesimidagi tafsilotlarni e’lon qildi. Markaz 150 yil davomida bunday holat ilgari kuzatilmagani qayd etdi. Payshanba oqshomida havodagi changning ruxsat etilgan miqdoridan oshib ketishi 30 baravarga yetdi, keyin esa 10 baravarga tushdi.

5 noyabr 2021, 15:28

Yana bir sayyohlik kompaniyasining mijozlari parvoz kechikishiga duch kelishdi

Payshanba kuni Moskvaga parvoz kechikishi sababli Urganch aeroportida 300 ga yaqin odam yig‘ildi. Uzbekistan Airports sayyohlik kompaniyasi kerakli hujjatlarni o‘z vaqtida tayyorlamagani haqida xabar berdi. iFly Airlines samolyoti kechki payt yetib keldi.

5 noyabr 2021, 15:09

Toshkentda 13 yil oldin davlat ehtiyoji uchun buzilgan uy-joyning zarari xanuz qoplanmagan

Toshkent shahrida davlat ehtiyoji uchun 13 yil oldin buzilgan uylar o‘rniga uy-joy yoki kompensatsiya pullari bugungi kunga qadar to‘lab berilmagan. Deputat Rasul Kusherbayevning ta’kidlashicha, «bu harakat davlatning o‘z fuqarosi oldida xususiy mulk daxlsizligini ta’minlash majburiyatini bajarmayotganini ko‘rsatmoqda».

5 noyabr 2021, 14:33

Changli tuman qanday paydo bo‘ldi va u qancha davom etadi? «O‘zgidromet» javoblari

Chang bo‘ronlar O‘zbekiston va mintaqada tez-tez uchrab turadigan holat. Ammo hozirda respublika bo‘ylab kuzatilayotgan changli tuman g‘ayrioddiy ekanligi qayd etildi. U sekin tarqalmoqda va ertagacha davom etishi mumkin, deb xabar berdi «O‘zgidromet» «Gazeta.uz»ga. Markaz mamlakatdagi keng ko‘lamli qurilish ishlari ushbu hodisaning paydo bo‘lish sabablaridan biri ekanligini tasdiqladi.

5 noyabr 2021, 13:00

Milliy bog‘da ikkinchi ko‘l ham quritildi. Uning o‘rniga teatr qurilmoqda

Milliy bog‘da Qonunchilik palatasi binosi yonidagi ko‘l quritilib, uning o‘rniga Milliy akademik drama teatrining yangi binosi qurilmoqda. Bunga qadar ko‘ldagi orolchada tomosha minorasi bo‘lgan Light House restoran majmuasini barpo etish mo‘ljallanayotgan edi. «Gazeta.uz» qurilish joyiga borib, vaziyatni o‘rgandi.

5 noyabr 2021, 12:42

Fotoreportaj: Chang tumanida qolgan tonggi Toshkent

Toshkentga qumli tuman olib kelgan shamol to‘xtadi, ammo chang havoda saqlanib turmoqda. Poytaxt ko‘chalari sariq rangga burkangan. Noodatiy ob-havo hodisasi haqidagi fotoreportaj — «Gazeta.uz» muxbiri Yevgeniy Sorochin obyektivida.

5 noyabr 2021, 12:40

Samarqandda Suriyaga ketmoqchi bo‘lgan shaxslar to‘xtatib qolindi

Samarqandda DXX terroristik tashkilot tarafdorlari sifatida gumon qilingan 10 nafar shaxsning Suriya davlatiga chiqib ketishining oldini oldi. Ular ijtimoiy tarmoqlarda «jihod»ga chorlovchi materiallarni muntazam ravishda tarqatib kelgani aytilmoqda.

5 noyabr 2021, 12:02

Dam olish kunlari havo harorati ko‘tariladi

Dam olish kunlari yog‘ingarchilik kutilmaydi, havo harorati asta-sekin ko‘tariladi. Havo harorati kechasi -2 daraja sovuq bo‘lishi mumkin, kunduz kuni +9…+14 daraja iliqgacha isiydi.

5 noyabr 2021, 10:59

Toshkentning ayrim tumanlarida ichimlik suvi ta’minoti to‘xtatildi

«Qodiriya» bosh suv inshootidagi nosozlik tufayli poytaxtning ayrim tumanlarida ichimlik suvi ta’minotida uzilishlar kuzatilmoqda. Jumladan, avariya oqibatida Mirzo Ulug‘bek tumanidagi ikkita qozonxonaga sovuq suv kelishi to‘xtagan va tuman aholisi ta’minotsiz qolgan.

5 noyabr 2021, 10:52

Hududlarda 35 kg dan ortiq giyohvand moddalarning noqonuniy muomalasiga chek qo‘yildi

DXX va Davlat bojxona qo‘mitasi xodimlari tomonidan olib borilgan tezkor-qidiruv tadbirlari natijasida Jizzax, Toshkent, Samarqand va Andijon viloyatlarida jami 17 kg 165 gr “opiy” va 18 kg 279 gr “gashish” giyohvand moddalarining muomalasiga chek qo‘yildi.

5 noyabr 2021, 10:44

SSV nafas qisishi bilan bog‘liq shikoyatlar soni ortganini ma’lum qildi

Sog‘liqni saqlash vazirligi «Tez yordam» xizmatiga bo‘lgan jami chaqiriqlar soni 3 noyabrdagi 3433 tadan 4 noyabrda 4082 taga yetgani, 678 kishi nafas qisishidan shikoyat qilganini bildirdi. Vazirlik aholiga changli havoda niqob taqish, allergik va astma kasalligi bor bemorlarga tashqariga chiqmaslikni tavsiya qildi.

5 noyabr 2021, 00:55

Toshkentliklar changli tuman tufayli shifoxonalarga murojaat qilmoqda

Toshkentdagi changli tuman tufayli nafas olish muammosi bilan kamida uch kishi Respublika allergiya markazi va 1-shahar kasalxonasiga murojaat qildi. Allergiya va nafas olish muammolari bo‘lgan odamlarga uyda qolish, derazalarni yopish va xonalarni namlantirish tavsiya etiladi.

5 noyabr 2021, 00:43

Foto: Toshkentni chang-qumli tuman qopladi

Toshkent ko‘chalari va ulardagi obyektlar ustini chang qopladi. U kiyimlarga ham o‘tirib qolmoqda, qolaversa, binolar ichida ham sezilayapti. Poytaxtdagi chang-qumli tumandan fotoreportaj.

4 noyabr 2021, 21:11

O‘zgidromet Toshkentdagi chang-qumli tuman sababini ma’lum qildi

Kuchli shamol natijasida tuproqning juda quruq usti qatlami ko‘tarilishi payshanba kuni Toshkentda chang-qumli tuman kuzatilishiga sabab bo‘ldi. O‘zgidromet atmosfera havosidagi chang miqdori belgilangan miqdorlardan 5 barobarga oshganini ma’lum qildi.

4 noyabr 2021, 20:05

Mahalla kelajagi: O‘zbekistonning an’anaviy uylari urbanizatsiyaning qaysi tendensiyalariga mos keladi?

Venetsiyadagi 17-xalqaro arxitektura biyennalesida O‘zbekiston o‘zining «Mahalla: shahar va qishloq hayoti» nomli birinchi loyihasini taqdim etdi. Ko‘rgazma me’morlar oldiga: «Biz birgalikda qanday yashaymiz», degan savolni qo‘yadi. «Gazeta.uz» loyiha kuratorlaridan mahalla me’morchiligi arxitektura olamining global muammolarini qanday hal qilishi mumkinligi haqida so‘radi.

4 noyabr 2021, 19:55 1

Zamin fondi eshitish qobiliyati zaif 2000 o‘quvchiga ikkitadan eshitish uskunasi topshirmoqda

Zamin fondi ko‘magida ixtisoslashtirilgan maktab-internatlarining eshitish qobiliyati zaif 2000 nafar o‘quvchisiga ikkitadan eshitish uskunasi topshirilmoqda.

4 noyabr 2021, 18:15

O‘zbekiston OTMlarining umumiy reytingi e’lon qilindi

Ta’lim sifatini nazorat qilish davlat inspeksiyasi oliy ta’lim muassasalarining umumiy reytingini e’lon qildi. Unga ko‘ra, Toshkent irrigatsiya va qishloq xo‘jaligini mexanizatsiyalash muhandislari instituti birinchi o‘rinni egalladi. Shuningdek, ilmiy tadqiqotlar orqali eng ko‘p mablag‘ ishlab topgan OTMlar, OTMlarning ilmiy salohiyati, filiallar reytinglari ham e’lon qilindi.

4 noyabr 2021, 17:24

O‘zbekiston issiqxona gazlari chiqarishni kamaytirish majburiyatlarini orttirdi

O‘zbekistonning global isishga qarshi kurashdagi hissasi ortadi: mamlakat 2030 yilgacha issiqxona chiqindilarini kamaytirish bo‘yicha o‘z majburiyatlarini sezilarli darajada oshirdi.

4 noyabr 2021, 13:13

Buxoroda davlat xizmatini ko‘rsatish tartibini buzgan 197 nafar mansabdor javobgarlikka tortildi

Buxoroda 10 oy ichida aholiga davlat xizmatlarini ko‘rsatish sohasida 9 mingdan ortiq qonun buzilish holatlari aniqlandi. Xizmat muddatini buzgan, ortiqcha hujjat talab qilgan va murojaatni asossiz rad etgan 197 nafar mansabdor jarimaga, yana 8 nafari esa intizomiy javobgarlikka tortildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting