Jamiyat

20 avgust 2021, 12:07

Dam olish kunlari havo harorati issiq bo‘ladi

Dam olish kunlari havo +36…+38 darajagacha isiydi. Shu kunlarda respublikaning barcha tekislik hududida havo asosan biroz bulutli bo‘ladi, yog‘ingarchilik kutilmaydi. Shamol tezligi ba’zi joylarda 15−20 m/s gacha kuchayishi mumkin.

20 avgust 2021, 11:53

«Inflyatsiya darajasini joriy yilda 10 foizga, kelgusi ikki yilda 5 foizga tushirishni reja qilganmiz» — prezident

Shavkat Mirziyoyev tadbirkorlar bilan muloqotda hamma arzon kredit olishni xohlashini, biroq foizni sun’iy pasaytirish bozordagi muvozanatga salbiy ta’sir ko‘rsatishini ta’kidladi. «Lekin, kredit foiz stavkalarini sun’iy pasaytirsak, pul bozoridagi muvozanat buziladi. Shuning uchun, iqtisodiyotga arzon kredit beramiz deb, makroiqtisodiy barqarorlikni unutib qo‘ymasligimiz lozim», — dedi davlat rahbari.

20 avgust 2021, 11:41

Banklarga beriladigan kreditlar muddatini cheklash amaliyoti bekor qilinadi

Prezident tadbirkorlarga kreditni milliy valyuta — “so‘m"da va biznes vakillari uchun maqbul foizlarda berish tizimi yo‘lga qo‘yilishini ma’lum qildi. 1 oktyabrdan ilgari 1 mln dollargacha xorijiy valyutada olingan 6 mingga yaqin tadbirkorning jami 1 mlrd dollarga yaqin kreditlari milliy valyutaga o‘tkazib berilishi aytildi.

20 avgust 2021, 11:34

2022 yili davlat va nodavlat banklarga Tiklanish va taraqqiyot jamg‘armasidan $600 mln dollar ajratiladi

Ishbilarmonlar bilan muloqot davomida Shavkat Mirziyoyev ishbilarmonlardan kelib tushgan murojaatlarning 40 foizi biznesni moliyalashtirish va moliya-kredit masalalari bilan bog‘liq ekanligini ma’lum qildi. “Banklarning kapitalini oshirish bo‘yicha, qo‘shimcha imkoniyatlar ishga solinadi. Buning uchun kelgusi yilda banklarga Tiklanish va taraqqiyot jamg‘armasidan bozor tamoyillari asosida, qo‘shimcha 600 million dollar ajratiladi”, — dedi Shavkat Mirziyoyev.

20 avgust 2021, 11:05

«Iqtisodiyotimizni yanada yuksaltiramiz desak, tadbirkorlikni rivojlantirish uchun barcha sharoitlarni yaratishimiz zarur» — prezident

Shavkat Mirziyoyev tadbirkorlar bilan bo‘layotgan ochiq muloqotda tadbirkorlar iqtisodiyot va islohotlar tayanchi hamda lokomotiviga aylanganini ta’kidladi. So‘nggi 3−4 yilda tadbirkor uchun kredit va subsidiya olish, litsenziya, ko‘chmas mulk va resurslarga ega bo‘lish, eksport kabi masalalarda,ko‘plab yangi-yangi imkoniyat va sharoitlar yaratilgani aytildi.

20 avgust 2021, 10:46

“Hokim, bosh vazir bo‘lganimda tadbirkorlar muammolarini bilardim, ularga yechim topish armonim bor edi” — Shavkat Mirziyoyev

Shavkat Mirziyoyevning O‘zbekiston tadbirkorlari bilan ochiq muloqoti boshlandi. U tadbirkorlar bilan ishlamayotgan hokimlarni tanqid qildi. “Prezident vaqt topayapti, nega hokimlar vaqt topmaydi? Mana hozir viloyat, shahar, tumanlarni hokimlari o‘tiribdi, ular yaxshilab eshitib olishi kerak”, — dedi Shavkat Mirziyoyev.

19 avgust 2021, 20:32

Polsha Kobuldan 50 kishini Navoiy orqali evakuatsiya qildi

Polsha harbiy samolyoti Afg‘onistondan 50 kishini Navoiy aeroportiga evakuatsiya qildi. Ular shu yerdan Polshaga jo‘natildi.

19 avgust 2021, 17:31

Qo‘qon shahar hokimining birinchi o‘rinbosari pora bilan qo‘lga tushdi

Huquqni muhofaza qilish organlari Qo‘qon hokimining birinchi o‘rinbosari va viloyat mintaqaviy temir yo‘l uzeli moliya bo‘limi boshlig‘i o‘rinbosarini pora bilan qo‘lga olishdi, deb xabar berdi «Xabar.uz». Aytilishicha, mansabdorlar auksionda g‘olib bo‘lishi evaziga tadbirkordan 180 ming dollar talab qilishgan.

19 avgust 2021, 17:10

5000 va 10 000 so‘mlik banknotalar dizayni yangilanadi

Markaziy bank yangi dizayndagi 5 ming va 10 ming so‘mlik banknotalarni muomalaga chiqarishni rejalashtirmoqda.

19 avgust 2021, 16:18

Bank nazoratchi-kassiri qariyb 33 ming dollarni o‘zlashtirgani aytilmoqda

«O‘zsanoatqurilishbank» ATB nazoratchi-kassiri 32,5 ming dollarni o‘zlashtirib, Lacetti avtomobilini xarid qilish va uyini ta’mirlashga sarflab yuborilgani aytilmoqda. Mazkur holat yuzasidan jinoyat ishi qo‘zg‘atildi.

19 avgust 2021, 15:02

Apostilni elektron tarzda olish va tekshirish imkoniyati yaratiladi

Apostilni elektron tarzda olish va tekshirish imkoniyatini yaratishga oid Hukumat qarori loyihasi ishlab chiqildi. Unga ko‘ra, apostil qo‘yishning yagona tizimini yaratish taklif etilmoqda. Yangi tartib bilan xizmatdan onlayn foydalanish imkoniyati yaratiladi, ortiqcha vaqt va mablag‘ tejaladi. Qolaversa, apostilning haqiqiyligini onlayn tekshirib olish mumkin bo‘ladi.

19 avgust 2021, 14:19

Uzbekistan Airways Afg‘onistondan evakuatsiya qilinganlarni Germaniyaga yetkazdi

Uzbekistan Airways aviakompaniyasi samolyoti avvalroq Afg‘onistondan evakuatsiya qilingan kishilarni Toshkentdan Frankfurt-Maynga yetkazib qo‘ydi. Samolyot O‘zbekiston hukumati tomonidan Germaniyaning mamlakatdagi elchixonasi so‘roviga ko‘ra taqdim etildi.

19 avgust 2021, 14:03

O‘zbekiston doimiy aholisining etnik tarkibi e’lon qilindi

Statistika qo‘mitasi ma’lumotlariga ko‘ra, O‘zbekiston doimiy aholisi tarkibida o‘zbeklar, tojiklar, qozoqlar, qoraqalpoqlar va ruslar eng yirik etnik guruhlarni tashkil qiladi. 1989 yildan 2021 yilga qadar o‘zbek millatiga mansub aholi soni ikki baravardan ziyodga ko‘payib, 29,2 mlndan oshgan.

19 avgust 2021, 13:26

Sportchi Elbek Rahimovni o‘ldirganlikda gumon qilinayotganlar orasida maktab o‘quvchilari ham bor

Qashqadaryoda sportchi Elbek Rahimov o‘limi yuzasidan o‘tkazilgan matbuot anjumanida sportchi qotillikda gumonlanuvchilardan biri bilan o‘zaro nizoda bo‘lgani aytildi. Gumonlanuvchilarning eng kattasi 29 yoshda, eng kichigi — 16−17 yoshli maktab o‘quvchilari. Mazkur ish bo‘yicha sud ishi barcha uchun ochiq tarzda o‘tkazilishi ma’lum qilindi.

19 avgust 2021, 13:23

O‘zbekiston Xitoy bilan hamkorlikda mudofaa sanoati loyihalarini amalga oshirmoqchi

O‘zbekiston Xitoy bilan birgalikda qurol, harbiy texnikalar va texnologiyalar sohasidagi loyihalarni amalga oshirishni rejalashtirmoqda.

19 avgust 2021, 10:08

Siyosiy partiyalarga saylovchilar bilan ommaviy tadbirlarni o‘tkazishga ruxsat berildi

Koronavirusga qarshi kurash bo‘yicha maxsus komissiya partiyalarga karantin talablariga asosan saylovoldi yig‘ilishlari va boshqa ommaviy tadbirlarni o‘tkazishga ruxsat berdi. Ularga emlanganlarni taklif qilish tavsiya etildi.

19 avgust 2021, 10:01

Nima uchun O‘zbekiston dunyoda birinchi bo‘lib xitoy-o‘zbek vaksinasidan foydalanishga ruxsat berdi?

Xitoy-o‘zbek vaksinasi kabi rekombinant vaksinalar qanchalik samarali? Koronavirusga qarshi vaksinalar qanchalik yaxshi o‘rganilgan? Nima uchun O‘zbekiston dunyoda birinchi bo‘lib ZF2001 vaksinasidan ommaviy foydalanishni joriy qildi? «Gazeta.uz»ning bu va boshqa savollariga biotexnolog, molekulyar genetik, biologiya fanlari doktori Alisher Abdullayev javob berdi.

18 avgust 2021, 21:03

18 avgust kuni O‘zbekistonda sodir bo‘lgan eng muhim xabarlar dayjesti

Toshkentdagi mahalliy reyslar aeroporti vaqtincha yopilishi, Xalqaro fan olimpiadalari g‘oliblariga pul mukofoti topshirilishi, tashabbusli byudjet bo‘yicha ovoz berish boshlangani — “Gazeta.uz"ning 18 avgustdagi eng muhim xabarlari dayjestida.

18 avgust 2021, 21:00

Crafers fabrikasi sotuvga qo‘yildi

Fabrikada Avstriya, Germaniya, Daniya, Italiya va Shveysariyaning ishlab chiqarish uskunalari o‘rnatilgan. Fabrika 256 xil qandolat mahsulotlarini ishlab chiqaradi.

18 avgust 2021, 20:13 1

1 sentyabrdan yo‘l harakati qoidalarini buzganlik uchun jarimalar miqdori oshadi

O‘zbekistonda 1 sentyabrdan boshlab yo‘l harakati qoidalarini buzganlik uchun jarimalar miqdori oshadi. Jumladan, hujjatsiz yurish 270 ming so‘m, «qizil»dan o‘tish 540 ming so‘m, telefonda gaplashish 810 ming so‘m hamda mast holda haydash 6 mln 750 ming so‘m etib belgilanadi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting