Jamiyat

9 noyabr 2021, 20:42

O‘zbekiston aholisining katta qismi asosiy daromad manbai oylik ish haqi ekanini ma’lum qildi

Markaziy bank o‘tkazgan so‘rovnomada qariyb 70 foiz ishtirokchi daromadlarining asosiy manbai oylik ish xaqiga to‘g‘ri kelishini ta’kidladi. 28 foiz respondent jamg‘armalari 1 oygacha, 16 foizi 1−3 oyga yetishini ma’lum qilgan bo‘lsa, 42 foiz qatnashchi damg‘armalari mavjud emasligini bildirdi.

9 noyabr 2021, 19:00

Shahlo Ahmedova David Guetta qo‘shig‘ining remiksini taqdim etdi

TBRG Open loyihasi doirasida taqdim etilgan qo‘shiq Spotify, Apple Music, Deezer, “Яндекс.Mузыка”, Amazon Music, “Музыка ВКонтакте” kabi platformalarda mavjud.

9 noyabr 2021, 17:32

“Bu bizning qumlarimiz emas”. Prezident va poytaxt hokimi chang-qumli tuman haqida

“Gazeta.uz” muxbiri Toshkent hokimiga chang-qumli tuman va ekologik muammolar haqida savol berdi. Jahongir Ortiqxo‘jayev esa changning Qozog‘istondan kirib kelganini aytib, provokatsiya qilmaslikni so‘radi. U “Gazeta.uz"ga ekologiya mavzusida tadbir tashkil etishni taklif qildi va buni hokimlik qo‘llab-quvvatlashga tayyorligini bildirdi. Avvalroq prezident Shavkat Mirziyoyev ham chang tashqaridan kelganini aytgan edi.

9 noyabr 2021, 17:07

Yurak-qon tomir kasalliklarini davolash bo‘yicha mutlaqo yangi tizim joriy qilinadi — prezident

Prezident Shavkat Mirziyoyev 2022 yildan 40 yoshdan oshgan barcha fuqarolar yiliga kamida bir marta manzilli skriningdan o‘tkazilishini ma’lum qildi. Yurak-qon tomir kasalliklar aniqlangan aholining yagona elektron reyestri yuritiladi. Tumanlardagi har bir mahallada «gipertoniya salomatlik maktablari»ni tashkil etiladi.

9 noyabr 2021, 15:46

«O‘zbekiston menga kirishni taqiqladi» — Agneshka Pikulitska

Polshalik jurnalist Agneshka Pikulitskaning unga O‘zbekistonga kirish taqiqlanganini, shu sababli u 7 noyabrdan beri «Qozog‘iston bilan chegarada qolib ketgan»nini ma’lum qildi. U bu qarorini jurnalistik faoliyati bilan bog‘lamoqda. «O‘zgarishlar bo‘lishi mumkin degan umidda O‘zbekistonga kelganimga uch yildan oshdi. Hozirgi hukumat davrida hech qanday tizimli o‘zgarishlar bo‘lmaydi, degan ishonch bilan ketyapman», — deb yozdi jurnalist.

9 noyabr 2021, 15:34

Toshkentdagi yana bir chorrahadan o‘tish bo‘yicha qo‘llanma e’lon qilindi

Ahmad Donish, Sebzor va Nurafshon ko‘chalari kesishmasi qaytadan tashkil etildi. Chorrahadan faqat to‘g‘riga harakatlanishga ustuvor ahamiyat sifatida qaralgan, o‘ngga burilish qo‘shimcha yo‘l, chapga burilishlar esa aylanma yo‘l va ortga qayrilish yo‘nalishlari orqali amalga oshiriladi. Hokimiyat qo‘llanmani e’lon qildi.

9 noyabr 2021, 15:08 15

2022 yildan 1hls.uz platformasidagi to‘lovlar to‘g‘ridan-to‘g‘ri davlat byudjetidan qoplanadi

Prezident qarori bilan Moliya vazirligi tomonidan “Sog‘lom turmush tarzi” platformasi orqali amalga oshiriladigan to‘lovlarni 2022 yil uchun davlat budjeti parametrlarida nazarda tutiladi. Shuningdek, 1hls.uz ilovasida haqiqatda piyoda yurganligini aniqlovchi mexanizm joriy etiladi.

9 noyabr 2021, 14:42

Olmaliqda shahar mudofaa ishlari bo‘limi boshlig‘i ayol kishini urgani aytilmoqda

Olmaliq shahar mudofaa ishlari bo‘limi boshlig‘i deyilayotgan shaxs ayol kishiga qo‘l ko‘targani aytilmoqda. Holat yuzasidan surishtiruv ishlarini boshlagan.

9 noyabr 2021, 12:24

Kasaba uyushmasi bir xodimga yil davomida 5 mln so‘mdan ko‘proq mablag‘ sarfladi

Kasaba uyushmalari tomonidan yil boshidan beri 14 mingga yaqin xodimning mehnat huquqlari tiklanib, ular foydasiga 13,6 mlrd so‘mdan ortiq mablag‘ undirib berildi. Jamoa shartnomasini bajarish uchun respublika bo‘yicha o‘rtacha bir xodimga yil davomida sarflangan mablag‘ miqdori 1,5 mln so‘mdan 5 mln 62 ming so‘mgacha oshdi.

9 noyabr 2021, 10:40

Samarqandda 4 kishi is gazidan zaharlanib, vafot etdi

Samarqand viloyati Narpay tumanida bir oilaning 4 nafar a’zosi is gazidan halok bo‘ldi. Holat yuzasidan jinoyat ishi qo‘zg‘atildi.

9 noyabr 2021, 09:53

Toshkent shahri va Farg‘ona viloyati Ekologiya boshqarmalariga boshliqlar tayinlandi

Farhod Dehqonov Toshkent shahar, Bahromjon Jumanov Farg‘ona viloyati ekologiya va atrof-muhitni muhofaza qilish boshqarmasi rahbari etib tayinlandi.

8 noyabr 2021, 22:53

8 noyabr kuni O‘zbekistonda sodir bo‘lgan eng muhim xabarlar dayjesti

Navoiy viloyati hokimi lavozimidan ozod qilinishi va yangi hokim tayinlanishi, yangi chiqarilgan qaror va farmonlar, prezident raisligida o‘tkazilgan yig‘ilishlar — “Gazeta.uz"ning 8 noyabrdagi eng muhim xabarlari dayjestida.

8 noyabr 2021, 22:17

Aydar-Arnasoy ko‘lidan baliq ovlash hajmi yiliga 20 ming tonnaga oshiriladi — prezident

Shavkat Mirziyoyev raisligida o‘tkazilgan yig‘ilishda Aydar-Arnasoy hududida ekoturizmni rivojlantirish uchun, avvalo, suv hajmi barqarorligini ta’minlash, bioxilma-xillikni asrash kerakligi ta’kidlandi. Ko‘llar atrofida qo‘shimcha sayyohlik zonalari va dam olish maskanlari barpo etish, baliq ovlash hajmini 4 ming tonnadan 20 ming tonnaga yetkazish va qirg‘oqlar bo‘yidagi 800 gektar yerda daraxt va butalar ekish topshirildi.

8 noyabr 2021, 22:05

Navoiydagi YTHda vafot etgan 3 nafar bank xodimi dam olish kuni ishga jalb qilingani aytilmoqda

Navoiy viloyatidagi YTHda halok bo‘lgan 3 nafar bank xodimi “yuqori turuvchi rahbarlar bergan topshiriqlarni bajarish uchun dam olish kuni ishga jalb qilingani” aytilmoqda. Mehnat vazirligi holatni o‘rganishni boshladi.

8 noyabr 2021, 19:34

Magic City qo‘riqchilari va shar sotuvchi shaxslar o‘rtasida janjal sodir bo‘ldi

Magic City majmuasi qo‘riqchilari hamda gaz to‘ldirilgan sharlarni sotuvchi shaxslar o‘rtasida mojaro sodir bo‘ldi. Holat yuzasidan jinoyat ishi qo‘zg‘atildi. Jinoyat ishi doirasida 4 nafar gumonlanuvchi ushlangan, qolganlarini ushlash choralari ko‘rilmoqda.

8 noyabr 2021, 15:46 1

Normat Tursunov Navoiy viloyati hokimi vazifasini bajaruvchi etib tayinlandi (yangilandi)

Navoiy viloyati hokimi Qobul Tursunov sog‘ligi davolanish talab etilganligi sababli, o‘z arizasiga muvofiq vazifasidan ozod etildi. Toshkent shahar davlat soliq boshqarmasi boshlig‘i sifatida faoliyat yuritib kelgan Normat Tursunov viloyat hokimi vazifasini bajaruvchi etib tayinlandi.

8 noyabr 2021, 15:01

Nurafshonda 34,4 mlrd so‘mga yodgorlik majmuasi va kutubxona quriladi

Nurafshonda Zulfiya Zokirova yodgorlik majmuasini qurish va atrofini obodonlashtirish, shuningdek, kutubxona qurish uchun 34,4 mlrd so‘m (3,2 mln dollardan ortiq) mablag‘ yo‘naltirildi. Loyiha Qarshidagi «Qashqadaryo Maks Servis Qurilish korxonasi tomonidan amalga oshirilmoqda. Hokimlik xarajatlar yuzasidan izoh berdi.

8 noyabr 2021, 14:34

Toshkent havosidagi chang miqdori normal ko‘rsatkichga qaytdi

8 noyabr soat 11:00 holatiga ko‘ra, Toshkent shahrida havoning chang bilan ifloslanishi ruxsat etilgan maksimal qiymatdan oshmadi, deb xabar berdi «O‘zgidromet».

8 noyabr 2021, 14:13

Balki, yetar endi?

O‘zbekiston shahar va qishloqlarini chang-to‘zonli tuman qopladi. Bunday paytda ochiq havoda bo‘lish sog‘liq uchun xatarlidir. Ayni paytda mamlakatdagi daraxtlar va yashil bog‘lar, dalalar, ko‘l va daryolar najot so‘rab iltijo qilmoqda. Agar ularning gapirishga zaboni bo‘lganida, bizga nima degan bo‘lishardi? Botir Qobilov ruknida shu haqda hikoya qilinadi.

8 noyabr 2021, 12:23

Yakshanba kuni 349 kishi nafas siqishi muammosi bilan murojaat qilgan — SSV

7 noyabr kuni respublika bo‘ylab 3768 kishi «Tez yordam» xizmatiga murojaat qilgan. Shundan 349 tasi chang-qumli bo‘ron natijasida nafas yetishmovchiligi bilan bog‘liq chaqiriq bo‘lgan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting