Jamiyat

16 noyabr 2021, 14:58

To‘qqiz oy ichida ishsizlik darajasi 9,4 foizgacha tushdi

2021 yilning uch choragi yakuni bo‘yicha O‘zbekistonda ishsizlik darajasi yillik ko‘rsatkichda 1,7 foizga kamaygan holda 9,4 foizni tashkil etdi. Mehnat vazirligi tomonidan o‘tkazilgan so‘rov mamlakatda rasman 6,1 million fuqaro ishlayotganini, ulardan 5,9 millioni norasmiy sektorda band ekanligini ko‘rsatdi. Ishga muhtoj bo‘lganlarning umumiy soni 1,4 mln kishini tashkil etgan.

16 noyabr 2021, 12:41

Jizzaxda tuman prokurori o‘rinbosari pora bilan qo‘lga tushdi

Dushanba kuni huquqni muhofaza qiluvchi organlar tomonidan Yangiobod tumani prokurorining o‘rinbosari 8000 dollar olgan vaqtida qo‘lga olingani aytilmoqda.

16 noyabr 2021, 09:44

O‘zbekiston Milliy atlasi yaratildi

Prezident topshirig‘iga asosan ilk marotaba O‘zbekiston Milliy atlasi yaratildi. Unda mamlakatning tabiiy-geografik o‘rni, resurslari, atrof-muhit muhofazasi, aholisi, iqtisodiyoti va tarixi aks ettirilgan.

15 noyabr 2021, 23:33

O‘zbekistonda yuqumli bo‘lmagan kasalliklarning oldini olish bo‘yicha loyiha amalga oshirilmoqda

JSST va Butunjahon qandli diabet jamg‘armasi O‘zbekiston va Qirg‘izistonda yuqumli bo‘lmagan kasalliklar, jumladan qandli diabetning oldini olish va nazorat qilish xizmatlaridan foydalanishni yaxshilash bo‘yicha loyihani amalga oshirmoqda. O‘zbekistonda 245 mingdan ortiq qandli diabet bilan kasallangan bemor bor.

15 noyabr 2021, 23:12 1

Toshkentda kuzatilgan chang konsentratsiyasi «misli ko‘rilmagan va o‘ta xavfli» — Texas universiteti olimi

NASA olgan quyuq changli tuman ostidagi Toshkent surati earth.com saytida kun fotosi sifatida e’lon qilindi. Iqlimshunos olim Tomas Gill Toshkentda qayd etilgan chang konsentratsiyasini «misli ko‘rilmagan» deb baholadi. Uning so‘zlariga ko‘ra, bu shahar hududi atmosferasida qayd etilgan eng yirik PM10 qiymatlaridan biri bo‘lishi mumkin.

15 noyabr 2021, 22:56

Metroni TTZ massivigacha kengaytirish rejalashtirilgan. Yer osti liniyasini yotqizishning ikkita varianti muhokama qilinmoqda

Toshkentda Chilonzor metro liniyasini “Buyuk Ipak yo‘li” bekatidan TTZ massivigacha uzaytirish rejalashtirilgan. Yer osti liniyasini yotqizishning ikkita varianti — Mirzo Ulug‘bek ko‘chasi yoki Buyuk ipak yo‘li ko‘chasi orqali olib o‘tish ustida ishlanmoqda.

15 noyabr 2021, 22:10

«Agressiv kadr siyosatini yuritish kerak» — Ruslanbek Davletov korrupsiyaga qarshi kurashish haqida

Adliya vaziri Ruslanbek Davletov korrupsiyani keskin kamaytirishda biryoqlama yondashuv, jumladan, faqat o‘lim jazosini joriy qilish yoki faqat diniy ta’limni kuchaytirish bilan ish bitmasligini ta’kidladi. Vazirning fikricha, muammoni hal etish uchun kompleks yondashish, «agressiv kadr siyosatini yuritish kerak».

15 noyabr 2021, 21:30

15 noyabr kuni O‘zbekistonda sodir bo‘lgan eng muhim xabarlar dayjesti

O‘zbekiston Mozori Sharif aeroportini rekonstruksiya qilishni boshlashi, Andijonda 6 kishi zo‘rlaganini aytgan ayol tuhmat uchun javobgarlikka tortilishi, Behzod Musayev tunda Toshkent shifoxonalaridagi vaziyatni o‘rganishi — “Gazeta.uz"ning 15 noyabrdagi eng muhim xabarlari dayjestida.

15 noyabr 2021, 20:31

«Samarqand» aeroporti yopilishi dekabr o‘rtasigacha uzaytirildi

«Samarqand» xalqaro aeroporti faoliyatining to‘xtatilishi 15 dekabrga qadar uzaytirildi.

15 noyabr 2021, 19:40

1 yanvardan avtotransport vositalarini sotib olganlik uchun yig‘im bekor qilinishi mumkin

Qonunchilik palatasiga kiritilgan Davlat budjeti loyihasiga muvofiq, 2022 yildan e’tiboran avtotransport vositalarini sotib olganlik uchun yig‘im bekor qilinadi. Deputat Doniyor G‘aniyevning yozishicha, avtomobil oldi-sotdi shartnomasini notarial rasmiylashtirish uchun undiriladigan davlat boji ham yagona miqdorda — BHMning 3 baravari etib belgilanishi kutilmoqda.

15 noyabr 2021, 17:56

Andijonda 6 kishi zo‘rlaganini aytgan ayol tuhmat uchun javobgarlikka tortildi

Andijon tumanida 6 nafar erkak tomonidan dala shiyponida zo‘rlanganini aytgan 20 yoshli kelin tuhmat qilganlikda aybdor deb topildi. Sud unga 2 yil-u 6 oy muddatga ozodlikni cheklash jazosini tayinladi. Noyabrdagi jinoyat ishi appelyatsiyada ham ko‘rib chiqilgan va hukm o‘zgarishsiz qoldirilgan.

15 noyabr 2021, 17:42

Jizzaxda prezident maktabi ochildi

Jizzax viloyatida prezident maktabi ochildi. Maktabga 10 000 nafar nomzod orasidan 144 nafar o‘quvchi qabul qilindi. Ushbu maktab 70,7 mlrd so‘m evaziga davlat budjeti hisobidan qurilgan.

15 noyabr 2021, 16:16

O‘zbekiston va Qozog‘iston Surxondaryoda harbiy mashg‘ulotlar o‘tkazadi

O‘zbekiston va Qozog‘iston qurolli kuchlarining hamkorlikdagi o‘quv mashqlari 17−24 noyabr kunlarida «Termiz» poligonida bo‘lib o‘tadi. Unda Su-30SM qiruvchilari, harbiy samolyotlar va uchuvchisiz qurilmalardan foydalanish rejalashtirilgan.

15 noyabr 2021, 14:24

Behzod Musayev tunda Toshkent shifoxonalaridagi vaziyatni o‘rgandi

Sog‘liqni saqlash vazirligi rahbari Behzod Musayev tunda poytaxt shifoxonalarida bo‘lib, bolalar o‘rtasida o‘tkir respirator infeksiyalar bilan kasallanish holatini o‘rgandi. Keyin u ertalab soat 4:30 da yig‘ilish o‘tkazdi, shundan so‘ng 600 dan ziyod qo‘shimcha o‘rin-joylar tashkil etildi.

15 noyabr 2021, 13:53

Energetika vazirligi elektr ta’minotidagi uzilishlarga izoh berdi

Energetika vazirligi energoresurslarga bo‘lgan mavsumiy talab bilan bir vaqtda ularni yetkazib berish hajmining o‘sishi elektr ta’minotidagi uzilishlarga sabab bo‘layotganini ma’lum qildi. Shuningdek, chang bo‘roni, suv resurslari tanqisligi, energoresurslardan oqilona foydalanmaslik va tarmoqqa noqonuniy ulanishlar elektr ta’minotiga sezilarli ta’sir ko‘rsatgan.

15 noyabr 2021, 13:52

Toshkentda yoshlar festivali boshlanmoqda. Tadbirlar ro‘yxati

Toshkentda noyabr-dekabr oylarida «Toshkent yoshlarni sevadi» shiori ostida Yoshlar oyligi o‘tkaziladi. Tadbir doirasida sport festivallari, intellektual loyihalar, madaniyat va san’at, moda va dizayn ko‘rgazmalari, Poytaxt party konsert dasturlari va boshqalar bo‘lib o‘tadi. Toshkent shahar hokimi Jaxongir Ortiqxo‘jayev «ko‘plab syurprizlar» borligini ma’lum qildi.

15 noyabr 2021, 12:30

Hafta o‘rtasida havo sovib, yog‘ingarchilik bo‘lishi kutilmoqda

Seshanba kuni mamlakatga Volga bo‘yi orqali nam va sovuq havo massasi kirib keladi. O‘zbekistonning barcha hududlarida yomg‘ir ko‘rinishidagi yog‘ingarchilik bo‘ladi, qorga aylanadi. Havo harorati kunduz kuni 0…-3 daraja sovuqgacha pasayadi.

15 noyabr 2021, 11:47

Qashqadaryoda chigirtkadan eksportbop un ishlab chiqariladi

Nishon tumanida chigirtkadan parhezbop un tayyorlash loyihasi ishlab chiqildi. Loyiha qiymati 4,1 mlrd so‘m bo‘lib, yillik quvvati 80 tonna chigirtka uni ishlab chiqarishga mo‘ljallangan. Uning har kilosi 3,7 dollardan sotish ko‘zda tutilgan. Chigirtkalarni dalalardan yig‘ib olish uchun esa aholi vakillari jalb qilinadi.

15 noyabr 2021, 11:39

Yana “savodsizlikning o‘ttiz yili"mi?

Bir guruh tilshunoslar yopiq eshiklar ortida lotin yozuviga asoslangan o‘zbek alifbosiga o‘zgartishlar kiritish masalasida hal qiluvchi qarorga kelgani aytilmoqda. Ta’kidlanishicha, alifbodagi sh, ch, oʻ va gʻ harflarini ş, ç, ō va ğ shakliga o‘zgartirish hamda ñ harfini kiritish takliflari ma’qullangan. “Gazeta.uz” kolumnisti Komil Jalilov ushbu qarorning ilmiy asoslanmagani va kelajakda qanday ijtimoiy va iqtisodiy oqibatlarga olib kelishi haqida yozdi.

15 noyabr 2021, 11:26

«O‘qituvchilarga yuklash holatlari bor». Abduqodir Toshqulov OTMdagi muammolar haqida

OTM vaziri Abduqodir Toshqulov ta’lim muassasalarida guruh murabbiyi o‘rniga joriy etilgan «tyutor» lavozimi bilan bog‘liq muammolarga to‘xtalar ekan, uni o‘qituvchilarga yuklash holatlari uchrayotganini aytdi. «Maqsad professor o‘qituvchilarni o‘ziga asosiy ishiga xos bo‘lmagan ishlardan ozod qilish, u sifatli dars o‘tsin», — dedi u. Vazir shuningdek, darsga kechikib va xatto tayyorlanmasdan kelayotgan o‘qituvchilar vijdonan dars o‘tmayotganini tanqid qildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting