Jamiyat

30 may 2022, 17:55

Zaamin Ultra: Yomg‘ir, tuman va tog‘lar bag‘ridagi marafon qanday o‘tdi?

28−29 may kunlari Zomin milliy bog‘ida ikkinchi Zaamin Ultra marafoni — sport, musiqa va san’at festivali bo‘lib o‘tdi. Chodirlarda o‘tgan yomg‘irli tun, oilaviy va jamoaviy yugurganlar, nogironligi bor marafonchilar, sovuq havo va tumanga qaramasdan murakkab masofani bosib o‘tgan yuguruvchilar — Zaamin Ultra «Gazeta.uz» muxbiri fotohikoyasida.

30 may 2022, 17:36

Foto: Toshkentda xizmat itlari ko‘rgazmasi o‘tkazildi

«Xizmat itlari-2022» ko‘rgazmasida xavfsizlik idoralari va vazirliklarining 100 dan ortiq itlari ishtirok etdi. Tadbir kinologik xizmatlar o‘rtasida hamkorlik va tajriba almashishni kuchaytirish maqsadida tashkil etildi. «Gazeta.uz» muxbiri Madina A’zam fotoreportaji.

30 may 2022, 16:44

USAID O‘zbekistonga $1,3 mlnlik uskunalarni topshirdi

AQSh o‘zining Xalqaro taraqqiyot agentligi (USAID) orqali O‘zbekistonning milliy immunizatsiya tizimini mustahkamlash maqsadida O‘zbekiston SSVga sovuq zanjirli uskunalar va kompyuterlarni topshirdi. Uskunalar 671 ta sovutgich, 212 ta muzlatgich va 150 ta kompyuterdan iborat bo‘lib, umumiy qiymati 1,3 mln dollarni tashkil etadi.

30 may 2022, 16:34

Mirobod tumanidagi 6 ta yo‘l kesishmasida harakat qisman cheklanadi

Toshkent shahrining Mirobod tumanidagi yo‘llarda ketayotgan ta’mirlash ishlari sababli Markaziy temir yo‘l vokzali yaqinidagi 6 ta yo‘l kesishmasida mashinalar harakati qisman cheklanadi.

30 may 2022, 16:19

Prezident Lola Murotova vafoti munosabati bilan hamdardlik bildirdi

O‘zbekiston prezidenti Shavkat Mirziyoyev O‘zbekiston qahramoni Lola Murotovaning 64 yoshida vafot etgani munosabati bilan uning oila a’zolari va yaqinlariga hamdardlik bildirdi. «Atoqli fermer, qishloq xo‘jaligi ilmining yetuk namoyandasi, taniqli jamoat arbobi, kamtarin va samimiy inson Lola Murotovaning yorqin xotirasi qalblarda hamisha saqlanib qoladi», — deyiladi ta’ziyada.

30 may 2022, 13:08

Toshkentda mushukni derazadan uloqtirgan bolaning shaxsi aniqlanib, otasiga jarima solindi

Ijtimoiy tarmoqlarda R. Glier nomidagi respublika ixtisoslashtirilgan musiqa maktabining o‘quvchisi 3-qavatdan mushukni uloqtirgani aks etgan video tarqaldi. Voyaga yetmagan yigitning otasiga nisbatan bolalarni tarbiyalash borasidagi majburiyatlarni bajarmaganligi bo‘yicha protokol tuzilib, u jarimaga tortildi.

30 may 2022, 13:04

«Tovuqboqarlar o‘quv mashg‘ulotlarida qatnashmagan» — Andijon viloyati hokimligi kreditga tovuq olib boqayotgan aholi haqida

Andijon viloyatida kredit asosida 200 ming donadan ortiq tovuq tarqatilgan aholi parrandalarning nobud bo‘layotganligi, kam tuxum qo‘yayotganligi va immuniteti pastligidan shikoyat qilmoqda. Kun.uz nashri bitta tovuq aholiga o‘rtacha bozor narxidan ancha qimmatga tushayotganligi haqida yozdi. Viloyat hokimligi va tovuqlarni yetkazib bergan korxona tovuqboqarlarni tashkil etilgan o‘quv mashg‘ulotlarida qatnashmaganlikda aybladi.

30 may 2022, 11:31

Hafta oxirigacha yog‘ingarchilik kutilmaydi, kunlar isiy boshlaydi

O‘zbekistonda hafta davomida harorat asta-sekin ko‘tarilib, +35…+37 darajagacha isiydi. Faqat tog‘li hududlarda qisqa muddatli yomg‘ir yog‘ishi, momaqaldiroq bo‘lishi mumkin. Ayrim joylarda shamol tezligi 15−20 m/s gacha kuchayib, chang-to‘zon ko‘tarilishi kutilmoqda.

30 may 2022, 11:22

Samarqandda sayyohlik avtobusi «Kamaz» bilan to‘qnashdi, bir kishi halok bo‘ldi

Ishtixon tumanida Buxorodan kelayotgan sayyohlik avtobusi «Kamaz» bilan to‘qnashib ketdi. Buning oqibatida haydovchining sherigi voqea joyida vafot etdi, bir nafar ruminiyalik sayyoh esa yengil tan jarohati oldi.

30 may 2022, 10:32

IT faqat yigitlar uchun emas, qizlar ham eplay oladi — Fazilatbonu Mengliyeva

«Gazeta.uz» O‘zbekistonning turli hududlaridagi IT sohasini o‘rganayotgan o‘smir qizlar bilan suhbatlarni davom ettiradi. Navbatdagi suhbatdoshimiz — xorazmlik maktab o‘quvchisi Fazilatbonu Mengliyeva. U robototexnika sohasiga qiziqishi, IT`ni YouTube`da o‘rganishni boshlagani, ota-onalar qizlariga IT sohasi bilan shug‘ullanishga ruxsat bermasligining sabablari haqida gapirib, tengdoshlariga o‘z maslahatlari bilan bo‘lishdi.

30 may 2022, 08:48

O‘zbekiston qahramoni Lola Murotova vafot etdi

O‘zbekiston qahramoni, «Nurli obod» fermer xo‘jaligi rahbari Lola Murotova vafot etdi. Avvalroq, u og‘ir xastalik bilan viloyat shoshilinch tibbiy yordam markazida davolanayotgandi.

29 may 2022, 18:36

Uchta viloyatda fuqarolarni o‘qishga kiritib qo‘ymoqchi bo‘lgan shaxslar ushlandi

Andijon va Toshkent viloyatida fuqarolarni qo‘shni davlatlardagi OTMlarga, Jizzax viloyatida esa fuqaroni mahalliy texnikumga o‘qishga kiritib qo‘ymoqchi bo‘lgan shaxslar ushlandi.

29 may 2022, 15:03

Madaniy meros agentligi rahbari lavozimidan ozod etildi

Madaniy meros agentligi direktori Shaxriyor Nurulloyev o‘z lavozimidan ozod etildi. U ushbu lavozimda 5 oygina faoliyat olib bordi.

29 may 2022, 12:10

Jizzaxda Pedagogika instituti bo‘lim boshlig‘i $2500 pora olgan vaqtida qo‘lga olindi

Jizzax davlat pedagogika instituti bo‘lim boshlig‘i fuqaroning o‘qishini ko‘chirib berishni va’da qilib, buning evaziga $2500 olgan vaqtida qo‘lga olindi. Unga nisbatan jinoyat ishi qo‘zg‘atildi.

29 may 2022, 12:04

Samarqandda ommaviy janjal uyushtirmoqchi bo‘lgan 16 nafar shaxs ushlandi

Samarqand viloyati IIB xodimlari Paxtachi tumanida 2 guruh o‘rtasidagi ommaviy janjalning oldi olinganini ma’lum qildi. Tezkor tadbirda 16 nafar shaxs qo‘lga olinib, ularga nisbatan ma’muriy qamoq jazosi tayinlandi.

29 may 2022, 11:55 8

30-maydan ehtiyojmand xotin-qizlar OTMga kirish uchun tavsiyanomaga ariza topshirishi mumkin

Toshkent shahar Oila va xotin-qizlar boshqarmasi ehtiyojmand oilalardagi xotin-qizlarga davlat granti uchun tavsiyanomaga talabgorlar hujjatini 30-maydan 8-iyunga qadar xotin-qizlar.uz platformasi orqali qabul qiladi.

28 may 2022, 22:48

29 may kuni Toshkentdagi ayrim ko‘chalar marafon tufayli vaqtincha yopiladi

29 may kuni IIO xodimlari o‘rtasida marafon o‘tkazilishi munosabati bilan Toshkentdagi bir qator ko‘chalar 07:00 dan 11:00 gacha avtotransportlar harakati uchun yopiladi.

28 may 2022, 16:48

Oliy sudga 10 yillik muddatga ikki nafar sudya saylandi

Senatning 26-yalpi majlisida Turg‘unali Mirzayev va Nurali Raxmonovni Oliy sud sudyasi lavozimiga 10 yillik muddatga saylash to‘g‘risidagi qaror qabul qilindi. Har ikkisi ham sudya sifatida kamida 10 yillik tajribaga ega.

28 may 2022, 16:19

Nogironligi bo‘lgan shaxslarning yer uchastkalarini sotib olish xarajatlarini davlat qoplab beradi

Senatorlar ma’qullagan qonunga muvofiq, nogironligi bo‘lgan shaxslarning yer uchastkalarini sotib olish xarajatlari davlat tomonidan qoplab beriladi. Adliya vaziri imkoniyati cheklanganlar 2−3 mln nafardan ko‘proqligi, shu bois xarajatlarni qoplab berish tartibi bo‘yicha alohida nizom ishlab chiqilishini ma’lum qildi. «Har bir nogironligi bo‘lgan shaxsga kompensatsiya berishning imkoni bo‘lmaydi», — dedi Ruslanbek Davletov.

28 may 2022, 14:05

Senat yer uchastkalarini jamoat ehtiyojlari uchun kompensatsiya evaziga olib qo‘yish bo‘yicha qonunni ma’qulladi

Senatorlar yer uchastkalari jamoat ehtiyojlari uchun kompensatsiya evaziga olib qo‘yilishi to‘g‘risidagi qonunni ma’qulladi. «Snos»ga tushgan hududda joylashgan yerga 15 yil davomida halol, oshkora va uzluksiz egalik qilib kelgan shaxslar soliqlar to‘lab kelgani tasdiqlansa, mulk qiymatining o‘rni qoplanadi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting