Jamiyat

11 may 2022, 16:24

Surxondaryoda sel oqizib ketgan ikki kishining jasadi topildi

Favqulodda vaziyatlar vazirligi Sariosiyo tumanida selda oqib ketgan ikki fuqaroning jasadi va mashina «To‘palang» daryosi o‘zanidan topilganini ma’lum qildi.

11 may 2022, 15:41

Noqonuniy qurilish holatlari bo‘yicha onlayn murojaat yuborish imkoni yaratiladi

Fuqarolar tomonidan «Shaffof qurilish» milliy axborot tizimiga noqonuniy qurilish holatlari bo‘yicha onlayn murojaat yuborish imkoni yaratiladi. Shuningdek, tashqi reklama obyektlarini joylashtirishda jamoatchilik nazorati kuchaytiriladi.

11 may 2022, 12:29

Toshkentda fuqarolar qalbaki $2 mingni bankomat orqali ayirboshlagani aniqlandi

Toshkent shahrining Yashnobod tumanida bir nechta fuqaro bankomat orqali qalbaki 2 ming dollarni so‘mga almashtirib olganlikda gumonlanmoqda. Ularga nisbatan jinoyat ishi qo‘zg‘atildi.

11 may 2022, 10:27

Angren shahri hokimi Nuritdin Abdurahimov vafot etdi

Toshkent viloyati Angren shahri hokimi Nuritdin Abdurahimov xastalikdan so‘ng 44 yoshida vafot etdi. U bu lavozimga yanvar oyida tayinlangan edi.

11 may 2022, 10:27

Surxondaryoda tadbirkor qishloq xo‘jaligi maydoniga 3 mlrd so‘mdan ko‘proq zarar yetkazdi

Angor tumanida tadbirkor 3,10 gektar sug‘oriladigan qishloq xo‘jaligi maydonida qurilish ishlari olib borgani aniqlandi. Bu orqali tadbirkor qishloq xo‘jaligi yeri foydalanishdan chiqishiga sabab bo‘lgani va davlat manfaatlariga 3,1 mlrd so‘m zarar yetkazilgani aytilmoqda.

11 may 2022, 09:59

1 kg opiyni Samarqanddan Qoraqalpog‘istonga olib ketayotgan shaxs qo‘lga olindi

Paxtachi tumanida fuqaro boshqaruvidagi avtomobilda umumiy og‘irligi 1 kg bo‘lgan opiy giyohvand moddasi borligi aniqlandi. Fuqaro moddani Qoraqalpog‘istonga olib ketayotganini ma’lum qilgani aytilmoqda. Gumondorga nisbatan jinoyat ishi qo‘zg‘atildi.

11 may 2022, 09:48

Masofaviy elektron to‘lovlar uchun ham keshbek to‘lash boshlandi

DSQ endilikda masofaviy to‘lovlar uchun ham 1 foizlik keshbek to‘lanishini ma’lum qildi. To‘lov xizmatlari orqali to‘lov amalga oshirilganda QR-kodli chek hosil bo‘ladi va bu Soliq ilovasida avtomatik tarzda aks etishi kerak.

11 may 2022, 08:00

Foto: Chirchiqda o‘tgan «Dog biatlon» finali

Chirchiqda Kinologlar va xavfsizlik kuchlarining jamoalari o‘rtasida o‘tkazilgan «Dog biatloni» o‘z yakuniga yetdi. Xotira va qadrlash kuniga bag‘ishlangan tadbirda Mudofaa vazirligi jamoalari g‘olib bo‘ldi. Musobaqaning final bosqichi — «Gazeta.uz» muxbiri Madina A’zam fotoreportajida.

10 may 2022, 22:00

10 may kuni O‘zbekistonda sodir bo‘lgan eng muhim xabarlar dayjesti

SpaceX kompaniyasiga O‘zbekistonda vakolatxona ochish taklif etilgani, Surxondaryodagi sel oqibatlari, Toshkentda odamlarni yana soqol olishga majburlashayotgani, Uchtepa tumanida hayfsan olgan 33 nafar hokim yordamchisi, O‘zbekistonning 7 hududida ishga tushirilgan yangi fotoradar va kuzatuv kameralari va boshqalar — «Gazeta.uz»ning 10 maydagi eng muhim xabarlari dayjestida.

10 may 2022, 21:36

Surxondaryoda sel 3 kishini oqizib ketdi

Surxondaryo viloyatining Sariosiyo tumanida tog‘li hududga sel kelishi natijasida odamlar va chorva mollarini suv oqizib ketdi. Chorva mollari egasi tabiiy ofatdan qutilib qolgan. Qolganlari qidirilmoqda.

10 may 2022, 19:20

SpaceX kompaniyasiga O‘zbekistonda vakolatxona ochish taklif etildi

AKT vaziri Sherzod Shermatov SpaceX vakili Ben Mak Vilyams bilan uchrashuvda kompaniyaga O‘zbekistonda o‘z vakolatxonasini ochish taklifini berdi. O‘zbekkosmos agentligi bilan esa Starlink loyihasini mamlakatga olib kirish masalasi muhokama qilindi.

10 may 2022, 18:32

Andijonda sobiq bank xodimi va fermer $50 minglik imtiyozli kreditni o‘zlashtirgani aytilmoqda

Izboskan tumanida sobiq bank xodimi tadbirkor bilan birga issiqxona qurish uchun ajratilgan 50 ming dollar imtiyozli kreditni talon-toroj qilganlikda ayblanmoqda. Tekshiruv davomida yetkazilgan zararning 20 ming dollari undirilib, gumondorlarga nisbatan jinoyat ishi qo‘zg‘atildi.

10 may 2022, 18:25

O‘zbekistonning 7 hududida yangi fotoradar va kuzatuv kameralari ishga tushirildi

Korrupsiyaga qarshi kurashish agentligi respublika avtomobil yo‘llari 2022 yil birinchi choragida jami 37 ta yangi fotoradar hamda kuzatuv kameralari bilan boyiganini ma’lum qildi. Ulardan 4 tasi xavfsizlik kamari va mobil telefon bilan bog‘liq qoidabuzarliklarni aniqlaydi. Fotoradar va kameralar manzili.

10 may 2022, 17:51

Navoiyda UniSat dasturining 20 nafar o‘quvchisi nano sun’iy yo‘ldoshini uchirdi

UniSat ta’lim dasturining 20 nafar o‘quvchi-qizi Navoiy viloyatida o‘zi yasagan ultrazamonaviy nano sun’iy yo‘ldoshini stratosferaga uchirdi. Qizlar uning yordamida havoning ifloslanishi haqidagi ma’lumotlarni tahlil qiladi.

10 may 2022, 15:26

O‘zbekiston va Qozog‘iston kosmik fazoni tadqiq etish sohasida hamkorlik qiladi

Prezident qarori bilan O‘zbekiston va Qozog‘iston hukumatlari o‘rtasida kosmik fazoni tinchlik maqsadlarida tadqiq etish va foydalanish sohasida hamkorlik to‘g‘risidagi bitim tasdiqlandi.

10 may 2022, 15:11

Surxondaryoda Saljuqiylarga oid oltin dinor topildi

Termiz tumanida fuqaro bog‘ni sug‘orish chog‘ida og‘irligi 1,92 gramm bo‘lgan oltin tangalarni topib oldi. Termiz arxeologiya muzeyi mutaxassislari dinorlar Qoraxoniylar va Saljuqiylar davriga oidligini aniqladi. Fuqaro ularni muzeyga topshirdi.

10 may 2022, 14:46 1

Toshkentda odamlarni yana soqol olishga majburlashdi

Toshkentda fuqarolarni yana IIBga olib borib, soqollarini olishga majburlashdi. Ulardan birining so‘zlariga ko‘ra, ularga 15 sutka qamoq bilan tahdid qilishgan va shundan keyin soqolini olishga majbur bo‘lishgan. IIV matbuot kotibi fuqarolar o‘z huquqlari poymol etilgan deb hisoblasa, shikoyat qilishi mumkinligini qayd etdi.

10 may 2022, 12:42

Navoiyda avtobus ag‘darilib ketdi, 5 kishi jarohatlandi

Qiziltepa tumanida ichida 25 kishi bo‘lgan sayyohlik avtobusi ag‘darilib ketdi, oqibatda 5 kishi jarohat oldi. Avariyaga haydovchining boshqaruvni yo‘qotgani sabab bo‘lgani aytilmoqda.

10 may 2022, 12:32

Hafta salqin bo‘ladi, vaqti-vaqti bilan yomg‘ir yog‘adi

10−13 may kunlari havo salqin bo‘lishi kutilmoqda. Respublikaning ko‘pchilik hududlarida yog‘ingarchilik, momaqaldiroq bo‘lishi va shamol tezligining kuchayishi kutilmoqda. Hafta davomida tog‘ oldi va tog‘li hududlarida sel-toshqin hodisalari kuzatilishi mumkin.

10 may 2022, 11:42

Uchtepa tumanida 33 nafar hokim yordamchisi hayfsan oldi

Shu yilning birinchi choragi bo‘yicha poytaxtning Uchtepa tumanida mahallalardagi hokim yordamchilarining faoliyati KPI tizimi bo‘yicha baholandi. Natijada 60 nafar hokim yordamchisidan 33 nafariga o‘z ishiga mas’uliyatsizlik bilan yondashib kelayotgani uchun hayfsan berildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting