Jamiyat

7 fevral 2022, 14:45

Hafta boshidagi yog‘ingarchilik payshanbadan iliq ob-havoga o‘zgaradi

Hafta boshida O‘zbekistonga Kavkaz hududlaridan salqin va nam havo kirib kelishi evaziga ayrim joylarda yomg‘ir va qor yog‘ishi kutilmoqda. Payshanbadan esa Eron hududlaridan juda iliq havo kirib keladi va kunlar isiy boshlaydi. Hafta davomida kechasi va ertalab tuman tushadi.

7 fevral 2022, 13:16

Axborotni bloklash texnik jihatdan juda qiyin masala. Bu samara bermaydi — adliya vaziri TikTok haqida

Adliya vaziri Ruslanbek Davletov TikTok`ni bloklash haqidagi takliflarga munosabat bildirib, axborotning erkin tarqalishi tarafdori ekanini, TikTok`ni bloklash texnik jihatdan juda qiyin masala ekanini aytdi. «TikTok`dan boshqa joyda yomon kontent yo‘qmi, internetga kirsangiz, boshqa bo‘lmag‘ur saytlar yo‘qmi?», — degan vazir.

7 fevral 2022, 12:36

Buxoro aeroportida qo‘lga olingan rossiyalik bloger ozod etildi

O‘zbekistondan Novosibirskka uchib ketayotganida bagajida dron aniqlangani uchun qo‘lga olingan rossiyalik trevel-bloger Maksim Limar uy qamog‘idan ozod etildi. Rossiyaning O‘zbekistondagi elchixonasi ma’lumotlariga ko‘ra, u ayni vaqtda vatanga qaytib ketishga tayyorgarlik ko‘rmoqda.

7 fevral 2022, 12:19

Toshkent viloyati hokimiga yangi o‘rinbosar tayinlandi, Oqqo‘rg‘on hokimi o‘zgardi

Oltiariq tumani hokimi Xolmirza Niyozov Toshkent viloyati hokimining qishloq va suv xo‘jaligi masalalari bo‘yicha birinchi o‘rinbosari bo‘ldi. Shuningdek, Quyi Chirchiq tumani hokimining birinchi o‘rinbosari Alisher Karimjonov Oqqo‘rg‘on tumaniga hokim etib tayinlandi.

7 fevral 2022, 12:11

Poytaxda mashina siqib ketgan avtobus ustunga borib urildi

Toshkentda 59-raqamli avtobus yengil avtomobil siqib ketishi natijasida yo‘l chetiga chiqib ketgan va ustunga borib urilgan. YTH oqibatida 2 kishi yengil jarohat olgan.

7 fevral 2022, 11:10

Kunlik koronavirus holatlari soni 900 nafardan kamaydi

Dam olish kunlarida O‘zbekistonda bir sutka davomida 900 nafardan kam kishida koronavirus aniqlandi. Pnevmoniya bilan kasallanganlar soni ham avvalgi kunlarga nisbatan birmuncha kamaygan.

7 fevral 2022, 11:03

Qashqadaryoda hokim o‘rinbosari $50 ming pora olayotganida ushlandi

Qashqadaryo viloyati Mirishkor tumani hokimining mahalla va oilani qo‘llab-quvvatlash masalalari bo‘yicha o‘rinbosari fuqaroga 1000 gektar yerni ajratishga va’da berib, buning evaziga 80 ming dollar so‘raganligi aytildi. Hokim o‘rinbosari kelishilgan mablag‘dan 50 ming dollarni olgan vaqtda ushlangan va unga nisbatan jinoyat ishi qo‘zg‘atilgan.

7 fevral 2022, 10:32

Buxoroda futbol o‘ynagan aholi o‘rtasida janjal yuzaga keldi

Buxoroning «Moxon» qishlog‘idagi stadionda futbol o‘ynagan «Tobagar» va «Chandir» qishloqlari fuqarolari o‘zaro mushtlashib ketgan. Bunga nima sabab bo‘lgani aytilmagan. Hozirda tezkor surishtiruv va tergovga qadar tekshiruv ketmoqda.

7 fevral 2022, 10:09

Farg‘ona viloyati soliq boshqarmasi bosh inspektori YTHda vafot etdi

Farg‘ona viloyati soliq boshqarmasi bosh inspektori o‘ziga tegishli avtomobilda avariyaga uchradi. U ko‘rsatilgan tibbiy muolajalarga qaramasdan, vafot etgan.

6 fevral 2022, 17:00

Agar TikTok yomon bo‘lsa, keling, uni yaxshi qilaylik — Xayrulla Nuriddinov

Jurnalist Xayrulla Nuriddinovning ta’kidlashicha, ijtimoiy tarmoqlardagi yoshlarning «bemaza qiliq"lariga TikTok aybdor emas. U o‘zining «Menimcha» ko‘rsatuvida «TikTok`ni yomonotliq bo‘layotganiga sabab, o‘sha yoshlarning ota-onasida, yoshlarga tarbiya yetishmayotganligida» ekanini aytdi. Shuningdek, u TikTok bir maydonligini, uning foydali tomonlari ham borligini aytib o‘tdi.

6 fevral 2022, 13:23

Qarshi tuman hokimi Maqsuda Mustafoyeva o‘z lavozimidan ozod qilindi

Qarshi tuman hokimi Maqsuda Mustafoyeva «o‘z arizasiga ko‘ra» vazifasidan bo‘shatilgan. U Qashqadaryo viloyatidagi yagona ayol hokim edi. Viloyat hokimligining xabar berishicha, yaqin kunlarda yangi hokim saylash masalasi ko‘rib chiqiladi.

6 fevral 2022, 12:00

O‘zbekiston hududiga qurol-yarog‘ va o‘q dorilarni olib kirmoqchi bo‘lgan shaxslar ushlandi

Toshkent viloyati bojxona boshqarmasi tomonidan jami 2 ta pnevmatik qurol, 2 dona to‘pponcha uchun gaz ballon va 553 ta pnevmatik o‘qlar mamlakat hududiga olib kirilayotgani aniqlangan. Farg‘ona viloyatda esa xorijdan uchib kelgan fuqaroda 2 dona 12 kalibrli ov quroli borligi ma’lum bo‘lgan. Hozirda ushbu holatlar yuzasidan surishtiruv o‘tkazilmoqda.

6 fevral 2022, 10:55

O‘zbekistonda koronavirusga kunlik chalinishlar soni 900 tadan kamaydi

Shanba kuni O‘zbekistonda 887 nafar kishida koronavirusga chalinish holatlari kuzatildi. Shuningdek, 5 fevral kuni 148 nafar kishida pnevmoniya aniqlangan bo‘lsa, koronavirus oqibatida 3 nafar bemor vafot etdi.

5 fevral 2022, 21:03

Jamoalardan pul oladigan emas, ularga pul beradigan tashkilotga aylanishimiz kerak — O‘zPFL rahbari

O‘zbekiston professional futbol ligasi 2021 yilda 15,7 mlrd so‘m ishlab topgan, musobaqalar o‘tkazish uchun esa 16 mlrd so‘m sarflagan, bu O‘zPFLning OAV oldidagi ilk ochiq moliyaviy hisobotida ma’lum qilindi. «Avval, jamoalardan pul olmaydigan tashkilotga aylanib olishimiz, undan keyin jamoalarga pul beradigan tashkilotga aylanishimiz kerak», — dedi O‘zPFL rahbari Diyor Imomxo‘jayev. Qolaversa, O‘zbekiston futbol hakamlari markazi ochilishi ham qayd etildi.

5 fevral 2022, 19:39

Xorazm Qurilish sohasida hududiy nazorat inspeksiyasi xodimi pora bilan qo‘lga tushgani aytilmoqda

Juma kuni Qurilish vazirligi Xorazm viloyati Qurilish sohasida hududiy nazorat inspeksiyasi inspektori pora bilan ushlanganini rad etib, u ishdan avvalroq bo‘shaganini ma’lum qildi. Shanba kuni esa Bosh prokuratura huzuridagi departament vazirlik izohini inkor qilib, ushbu xodim 1000 dollar pora bilan ushlanganini qayd etdi. Shuningdek, gumondor inspeksiyada ishlashini tasdiqlovchi ma’lumotlar e’lon qilindi.

5 fevral 2022, 18:12

Qashqadaryoda «Maydanak» turistik-rekreatsion zonasi tashkil etiladi

Turizm va sport vazirligi Qamashi tumanida «Maydanak» turistik-rekreatsion zonasini tashkil etishni rejalashtirmoqda. Maydanak archazorlarida o‘tov, «camping», «glamping», eko-uylar, yengil konstruksiyali konteynerlar joylashtirish, ekstremal turizmni rivojlantirish, osma dor yo‘lini qurish, qolaversa, yaqin hududdagi qishloqlarda 100 dan ortiq mehmon uyini barpo etish imkoniyati o‘rganilmoqda.

5 fevral 2022, 17:22

Xorazm davlatidan Sovet ittifoqigacha. Hozirgi O‘zbekiston hududida qaysi davlatlar hukmronlik qilgan? — video

Miloddan avvalgi VI asrdan XX asrga qadar zamonaviy O‘zbekiston hududida yigirmadan ortiq davlatlar hukm surgan. «Gazeta.uz» geacron.com tarixiy xaritalar platformasiga asoslanib, O‘zbekiston hududida asrlar osha hukmronlik qilgan davlatlar xaritasini taqdim etadi.

5 fevral 2022, 16:38

Talabalar uchun qishki ta’til sanalarini o‘zgartirish taklif etilmoqda

Jamoatchilik muhokamasi uchun e’lon qilingan prezident farmoni loyihasiga ko‘ra, har yili dekabrning so‘nggi 10 kunligi va yanvarning ilk 10 kunligi oralig‘ida professsonal ta’lim muassasalari o‘quvchilari va OTM talabalarining har yilgi ikki haftalik qishki ta’tilini o‘tkazish taklif etilmoqda. Unda shuningdek, ta’tildan 10 kun avval avia va temiryo‘l chiptalari uchun 50 foizlik chegirma berish ham ko‘zda tutilgan.

5 fevral 2022, 15:22

Orol dengizidan ko‘tarilgan qum va chang bo‘ronlari natijasida Qoraqalpog‘iston yiliga $44,2 million yo‘qotadi — Jahon banki

Orolqum cho‘lidan ko‘tariladigan qum va chang bo‘ronlari tufayli yo‘qotishlar Qoraqalpog‘istonda yiliga 44,2 mln dollar yoki YAIMning 2,1 foizini tashkil etadi. Jahon banki tadqiqoti natijalariga ko‘ra, Orol dengizi tubidagi landshaftni tiklash aholining salomatligi yaxshilanishiga olib kelishi va har yili 28−44 mln dollar miqdorida qo‘shimcha foyda keltirishi mumkin.

5 fevral 2022, 15:16

«Oyligimiz odamlarnikidan kamroq, lekin yashashga yetadi». Toshkent aeroportidagi xizmat itining bir kuni

Tanishing, bu — S. Vorro — yetti yoshli labrador va Toshkent xalqaro aeroporti kinologiya xizmati xodimi. U va yana o‘nlab ovcharka va spanellar aeroportning ikki oyoqli xodimlariga portlovchi moddalar, giyohvandlik vositalari hamda valyutalarni topishda yordam berishadi. Biz S.Vorrodan ishi, xo‘jayini, maoshi va pensiyaga chiqishi haqida so‘radik.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting