Jamiyat

5 fevral 2021, 12:39

Quva tumani rahbariyati ishdan olindi

Shavkat Mirziyoyev Farg‘ona viloyati Quva tumanining hokimi, prokurori, IIB va soliq inspeksiyasi boshliqlarini ishdan oldi. Shu bilan birga, O‘zbekiston va Yozyovon tumanlarining sektor rahbarlari ham vazifasidan chetlatildi.

5 fevral 2021, 12:11

Feruza Eshmatova Inson huquqlari bo‘yicha vakil etib saylandi

Senatorlar Inson huquqlari bo‘yicha vakil lavozimiga Feruza Eshmatova nomzodini tasdiqlashdi. U mazkur lavozimda Ulug‘bek Muhammadiyev o‘rnini egalladi. Bundan tashqari, Senatning Xotin-qizlar va gender tenglik masalalari qo‘mitasi raisligiga esa Malika Kadirxanova saylandi.

5 fevral 2021, 12:01

«Ijro hokimiyatidan farg‘onacha emas, achchiqroq talab qilish kerak» — Shavkat Mirziyoyev

Shavkat Mirziyoyev Xalq deputatlari Farg‘ona viloyati kengashi yig‘ilishida deputatlar ijro hokimiyatidan yetarlicha talab qilmayotganligini ta’kidladi. «Ijro hokimiyatidan farg‘onacha emas, sal achchiqroq talab qilishlaringiz zarur», dedi davlat rahbari.

5 fevral 2021, 11:52

Buxoroda korxona rahbarlarini qo‘rqitib, 30 ming dollar talab qilgan ishchilarga jinoyat ishi qo‘zg‘atildi

Buxoro viloyatida bir necha fuqarolar AJ rahbari va bosh hisobchining turli video yozuvlarini internetga joylab, huquqni muhofaza qiluvchi organlarga murojaat qilish bilan qo‘rqitgan. Harakatlarni amalga oshirmaslik evaziga 30 ming AQSH dollari talab qilgan.

5 fevral 2021, 11:29

Senatorlar Xalilillo To‘raxo‘jayevni Oliy sud raisi o‘rinbosarligiga tasdiqladi

Senatorlar Xalilillo To‘raxo‘jayevni Oliy sudi raisining o‘rinbosari — fuqarolik ishlari bo‘yicha sudlov hay’ati raisi lavozimiga tasdiqladi. U bunga qadar Kadastr agentligi direktori sifatida ishlab kelayotgan edi.

5 fevral 2021, 11:24

Mirzo-Ulug‘bek Abdusalomov Konstitutsiyaviy sud sudyasi bo‘ldi

Senatning o‘n ikkinchi yalpi majlisida Mirzo-Ulug‘bek Abdusalomov Konstitutsiyaviy sud sudyasi lavozimiga tasdiqlandi. U bunga qadar qariyb 16 yil davomida Markaziy saylov komissiyani boshqargan.

5 fevral 2021, 11:05

Alisher Navoiy xalqaro jamoat fondi tashkil etildi

Prezident qarori bilan Alisher Navoiy nomidagi xalqaro jamoat fondi tashkil etildi. Jamg‘arma Alisher Navoiy hayoti, g‘oyalari va ilmiy-adabiy merosini o‘rganish va targ‘ib qilish kabi ishlar bilan shug‘ullanadi.

5 fevral 2021, 10:47

Fuqarolarni Yevropaga ishga yuborish bilan aldab yurgan to‘daga jinoyat ishi qo‘zg‘atildi

Toshkentda 14 kishini Yevropaga ishga jo‘natishga ishontirib, ularni Rossiya, Ukraina va Belorussiyada qiyinchiliklarga duchor qilgan shaxslarga firibgarlik va odam savdosi ayblovi bilan jinoyat ishi qo‘zg‘atildi.

5 fevral 2021, 10:24

Dam olish kunlari havo salqinlashadi

6−8 fevral kunlari Kavkazdan nam va salqin havo massasining kirib kelishi, shuningdek, respublika bo‘ylab yomg‘ir yog‘ishi kutilmoqda.

5 fevral 2021, 09:47

Turistlarga tezkor yordam ko‘rsatuvchi Call-markaz ishga tushirildi

Sayyohlarga 24 soat yordam ko‘rsatuvchi Call-markaz o‘z faoliyatini boshladi. Xizmatlar o‘zbek, rus va ingliz tillarida ko‘rsatiladi. Call-markaz respublikaning barcha hududlaridagi IIB xavfsiz turizmni ta’minlash boshqarmalari bilan bog‘langan.

4 fevral 2021, 22:50

Buxorodagi portlashda 12 kishi jarohatlangan

Buxorodagi ko‘p qavatli uyning 3-qavatida yuz bergan gaz portlashi oqibatida jarohatlanganlar soni 12 kishiga yetdi. Holat yuzasidan jinoyat ishi qo‘zg‘atildi.

4 fevral 2021, 20:40

Transport prokuraturasi: 2020 yilda yo‘l qurilishida 11,5 mlrd so‘m talon-toroj qilindi

2020 yilda yo‘l va ko‘prik qurilish sohasida byudjetdan ajratilgan pullarni o‘zlashtirish holati bo‘yicha 40ga yaqin jinoyat ishi ochilgani va ularda 11,5 mlrd so‘mlik davlat mulki talon-toroj qilingani fosh etildi. Shuningdek, yo‘l qurilishlari haligacha SSSR standartlari asosida olib borilayotgani ma’lum qilindi.

4 fevral 2021, 18:54 1

Toshkentning qadimiy 12 ta darvozasi qayta tiklanadi

2021 yilgi davlat dasturiga fuqaro taklifi bilan Toshkentning qadimiy 12 ta darvozasi qayta tiklash va turizm maskaniga aylantirish bo‘yicha alohida band kiritildi. Ushbu darvozalar XVIII asrda Toshkentni bosqinchilardan himoya qilish maqsadida uning atrofida bunyod etilgan 8−20 metrlik devor ichiga kirish vazifasini o‘tagan. Uning 12 ta kaliti ham bo‘lgan.

4 fevral 2021, 18:49

Buxorodagi yangi qurilayotgan uylarning birida portlash ro‘y berdi

Buxoroda qurilishi tugallanmagan 8 qavatli binoda portlash yuz berdi. Hodisa natijasida 3 kishi jarohatlandi.

4 fevral 2021, 18:17

Misrning «Fly Egypt» aviakompaniyasi O‘zbekistonga doimiy reyslarni amalga oshiradi

Ikki mamlakat hukumatlari o‘rtasida erishilgan bitimga ko‘ra, Misrning «Fly Egypt» aviakompaniyasi O‘zbekistonga doimiy reyslarni amalga oshira boshlaydi. Qatnovlar Qohira va Toshkent, Sharm al-Shayx va Toshkent o‘rtasida ikkitomonlama yo‘lga qo‘yiladi.

4 fevral 2021, 17:34

Ezgu Amal fondi onkologik yordam sifatini yaxshilashni so‘rab, prezidentga murojaat qildi

«Tibbiyotimiz darajasini tubdan yaxshilash va saraton kasalligiga chalingan bolalarga yashash imkonini berish zarur». Ezgu Amal jamoat fondi prezident Shavkat Mirziyoyevga murojaat qilib, bolalar onkologiyasi va gematologiyasi yo‘nalishlari bo‘yicha tashxis qo‘yish va davolash siftaini yaxshilashni so‘radi.

4 fevral 2021, 16:24

Azon.uz ta’sischisi Mubashshir Ahmad Din qo‘mitasidan tahdid bo‘lganligini ta’kidlamoqda

Mubashshir Ahmad 3 fevral kuni Din ishlari qo‘mitasi xodimi tomonidan qo‘ng‘iroq bo‘lganini aytdi. Aytilishicha, suhbatda qo‘mita raisining o‘rinbosari Mubashshir Ahmadga aloqador bo‘lmagan, axborot resurslarida e’lon qilingan maqolalar yuzasidan haqoratli so‘zlar bilan tahdid qilgan.

4 fevral 2021, 16:04

Yangiyo‘lda 8 yoshli qizaloqni olib ketmoqchi bo‘lgan erkak qo‘lga olindi

Yangiyo‘l shahrida 8 yoshli maktab o‘quvchisini o‘g‘irlamoqchi bo‘lgan erkak Milliy gvardiya xodimlari tomonidan qo‘lga olindi. Fuqaro bundan avval qasddan odam o‘ldirish va bosqinchilik uchun sudlangani ma’lum bo‘ldi.

4 fevral 2021, 15:15

«Qo‘rqmanglar, ortingizda prezident turibdi» — Shavkat Mirziyoyev

Shavkat Mirziyoyev jurnalistlar bilan suhbatda «adolatni yetkazishdan to‘xtamaslik» lozimligini aytdi. «Qo‘rqmanglar. Ortingizda Prezident turibdi», — dedi prezident.

4 fevral 2021, 13:35

Yangiyo‘ldagi maktabda shift ko‘chib tushishi oqibatida 2 nafar o‘quvchi jarohatlandi

Yangiyo‘ldagi maktab sinfxonasida shift ko‘chib tushib, ikki nafar 6 sinf o‘quvchilarini jarohatladi. Maktabning ta’mirlash ishlari 2019 yilda Toshkent viloyatiga ajratilgan 3,3 mlrd so‘m evaziga amalga oshirilgan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting