Jamiyat

30 dekabr 2020, 17:38

Yangi yil bayramlarini 30 kishidan ko‘p bo‘lib, koronavirusga test topshirgan holda nishonlashga ruxsat berildi

Respublika maxsus komissiyasi tomonidan 31 dekabr va 1 yanvar kunlari 30 kishidan ko‘proq bo‘lib, PZR test yoki ekspress testlarni topshirgan holda Yangi yil bayramini nishonlashga ruxsat berildi.

30 dekabr 2020, 17:03

Tadbirkor IT loyihalarni amalga oshirish bo‘yicha yordam so‘rab prezidentga murojaat qildi

Tadbirkor Botir Arifjonov (LeBazar, Paynet, Khan Academy Uzbek) O‘zbekiston prezidentiga ikkita loyihani amalga oshirishda yordam so‘rab murojaat qildi. Birinchi loyiha doirasida u maktablarga bepul internet o‘rnatishni, ikkinchisi doirasida esa IT-maktab ochish uchun 3 ming kv. metr maydon ajratishda ko‘mak so‘ragan.

30 dekabr 2020, 15:34

Farg‘onada 1 yanvardan huquqbuzarliklar dronlar orqali fiksatsiya qilinadi

1 yanvardan boshlab Farg‘ona viloyatida yo‘l qoidalariga amal qilmagan, piyodalar o‘tish joyida piyodalarga yo‘l bermagan haydovchilar, niqob taqmagan va jamoat tartibini buzgan fuqarolarning huquqbuzarliklari dronlar orqali fiksatsiya qilinadi.

30 dekabr 2020, 13:20

O‘zbekiston Qirg‘izistonda yana ikkita shifoxona qurilishini moliyalashtirdi

Qirg‘izistonning Bishkek shahri va Chuy viloyatida 176 va 24 o‘rinli ikkita modulli shifoxona ishga tushirildi. Shifoxonalar qurilishi va jihozlanishi O‘zbekiston tomonidan to‘liq moliyalashtirildi.

30 dekabr 2020, 11:06

Quloqchin taqib, temiryo‘l bo‘ylab harakatlangan ikki fuqaroni poyezd urib ketdi

Toshkent viloyati hududidagi temiryo‘llarda ikki nafar fuqaroni yuk poyezdi urib ketdi. Haloqat fuqarolarning ehtiyotsizligi oqibatida, quloqchinlarni taqib harakatlanganliklari tufayli sodir bo‘lganligi aniqlandi. Ulardan biri, 32 yoshli ayol voqea joyida vafot etgan.

30 dekabr 2020, 10:38

Rosselxoznadzor O‘zbekistonning 34 ta korxonasidan pomidor olib kirishga ruxsat berdi

Rosselxoznadzor 1 yanvardan boshlab Navoiy va Qashqadaryo viloyatlaridagi 34 ta korxonaga Rossiyaga pomidorlarni olib kirishga ruxsat berdi.

29 dekabr 2020, 18:26

Manfaatlar to‘qnashuvi uchun javobgarlikning o‘zi yo‘q — deputat hokimliklardagi tenderlar haqida

Deputat Doniyor G‘aniyev Andijon va Jizzax viloyatlarida davlat xaridlaridagi «tanish-bilishchilik» aslida yangilik emasligi, bu ikki holat «aysberg»ning uchi ekanligi hamda qonunchilikda davlat xaridlari sohasidagi manfaatlar to‘qnashuvi uchun javobgarlik yo‘qligini ta’kidladi.

29 dekabr 2020, 16:22

25 ta manzil-koloniya bosqichma-bosqich qisqartiriladi

Prezident Shavkat Mirziyoyev parlamentga murojaatnomasida mamlakatdagi 25 ta manzil-koloniya bosqichma-bosqich qisqartirilishi, birinchi marta ozodlikdan mahrum etilgan shaxsga berilgann jazo qisqartirilsa, u manzil-koloniyaga o‘tkazilmasdan, to‘g‘ridan-to‘g‘ri probatsiya nazoratiga olinishini ma’lum qildi.

29 dekabr 2020, 14:01

O‘zbekistonda 15 yildan beri doimiy yashab kelayotganlarga to‘g‘ridan-to‘g‘ri fuqarolik beriladi

Prezident Oliy Majlisga murojaatnomasida kelasi yili mamlakatda 2005 yildan beri doimiy yashab kelayotgan fuqaroligi bo‘lmagan shaxslarga to‘g‘ridan-to‘g‘ri O‘zbekiston fuqaroligi berilishini e’lon qildi.

28 dekabr 2020, 21:24

«Gazeta.uz» «Pandemiya 2020: chaqiriqlar, xulosalar, oqibatlar» tanlovida nominatsiya g‘olibi bo‘ldi

«Gazeta.uz» «Pandemiya 2020: chaqiriqlar, xulosalar, oqibatlar» tanlovining «Adliya e’tirofi» nominatsiyasida g‘olib deb topildi.

28 dekabr 2020, 20:53

“Toshkent” xalqaro aeroportida soxta PZR-testi ma’lumotnomalarini sotayotgan shaxslar qo‘lda tushdi

Huquqni muhofaza qiluvchi organlar o‘tkazgan tezkor tadbirda “Toshkent” xalqaro aeroportida 4 nafar fuqaro yonidan soxta PZR-testi ma’lumotnomalari chiqqan. Tergov natijasida toshkentlik ikki nafar shaxs soxta ma’lumotnomalarni Buxoro va Xorazm viloyatidan bo‘lgan shaxslarga yetkazib turgani aniqlangan.

28 dekabr 2020, 19:32

Jizzaxda davlat buyurtmalarini qo‘lga kiritgan kompaniyalar viloyat hokimi o‘rinbosariga aloqador bo‘lishi mumkin

Jizzax viloyati hokimligining «Yagona buyurtmachi xizmati»dan 292,1 mlrd so‘mlik davlat buyurtmalarini Qurilish Ta’minoti, J-Quruvchi i Abduvohid Qurilish Ta’mir kompaniyalari qo‘lga kiritgan. Ushbu kompaniyalar asoschilari viloyat hokimi o‘rinbosari Akram Rahmonqulovga aloqador bo‘lishi mumkin.

28 dekabr 2020, 17:59

Hokimlarning yerni olib qo‘yish bo‘yicha vakolatlari qisqardi

Prezident hokimlarning yerni olib qo‘yish bo‘yicha vakolatlarini qisqartirishga qaratilgan qonunni imzoladi. Endilikda hokimlar yerga egalik qilish va yerdan foydalanish huquqini to‘xtatib qo‘yishga haqli emas.

28 dekabr 2020, 17:13

Buxoroda yo‘lovchi poyezdi ayol kishini urib yubordi

Buxoro viloyatida yo‘lovchi poyezdi ayol kishini urib yubordi. U Kogon shahrida hamshira bo‘lib ishlagan. Baxtsiz hodisa oqibatida uning ikki nafar voyaga yetmagan farzandi yetim qoldi.

28 dekabr 2020, 17:00

Coca Cola’ning yangi yil tantanalari ramziga aylanganiga roppa-rosa 100 yil to‘ldi: tarixning eng hayajonli onlari

Bilasizmi, Coca-Cola'ning yangi yil kampaniyasi tarixi 1920 yilga borib taqaladi. Coca-Cola brendining yangi yil tantanalari kampaniyasiga 100 yil to‘lgani munosabati bilan sizlarga bayramona kayfiyat tuhfa etadi. Yangi yil tantanalari davomida kompaniya «Yangi yilda omad kuladi» aksiyasi ishtirokchilari orasida 21 ta Nissan Sylphy avtomobilini o‘ynaydi. 31 dekabrda esa barcha teletomoshabinlarni ZO’R TV telekanalida Coca-Cola va shou-biznes yulduzlaridan musiqiy syurpriz kutmoqda (yangi yil reklamasi).

28 dekabr 2020, 16:50

O‘zbekistonda elektr energiya bo‘yicha 3,5 trln so‘m qarzdorlik mavjud

“Hududiy elektr tarmoqlari” vakili matbuot anjumanida O‘zbekistonda elektr energiya bo‘yicha jismoniy va yuridik shaxslar hisobida 3,5 trln so‘m qarzdorlik mavjudligini ma’lum qildi. Qolaversa, respublika bo‘yicha eng ko‘p qarzdorlik Samarqand viloyatiga to‘g‘ri kelishi ta’kidlandi.

28 dekabr 2020, 16:46

2020-yilda 1,2 million nafardan ortiq aholi ilk bor ichimlik suvi bilan ta’minlandi — “O‘zsuvta'minot”

2020-yil davomida 1,2 million nafardan ziyod aholiga ilk bor ichimlik suvi yetkazildi. Bundan tashqari, avariya holatlari 2019-yilga nisbatan 16,8 mingtaga, ya’ni 12 foizga kamaygani qayd etildi.

28 dekabr 2020, 15:15

Yangi yil arafasida qor bo‘lmaydi

Dekabr oyining oxirgi kunlari va yanvar oyining birinchi kunlarida harorat me’yordan 4−7 darajaga past bo‘lib, bu hafta davomida saqlanib turadi. Yakshanba kuni 27 dekabrda yog‘gan qor bu yilgi so‘nggi qor bo‘ldi, O‘zbekiston aholisi Yangi yilni qorsiz kutib olishadi.

28 dekabr 2020, 15:07

Mast holda jamoat tartibini buzgan ichki ishlar organi xodimi ishdan bo‘shatildi

Ichki ishlar organi hodimining mast holatda jamoat tartibini buzayotganligi haqidagi videoga IIV munosabat bildirdi. Unga ko‘ra, ushbu hodisadan so‘ng me’yoriy buyruq talablarini buzgan xodim o‘z vazifasidan chetlatildi.

28 dekabr 2020, 13:25

“Gaz, svet yo‘qligidan to‘yib ketdik”. Bir guruh ayollar Qo‘qon hokimiyati oldida yo‘lni to‘sishdi

Uyida gaz va svet yo‘q 10 dan ortiq xotin-qizlar Qo‘qon shahar hokimiyati oldidagi yo‘lni to‘sib qo‘ydi. Ta’kidlanishicha, mutasaddilar ularning so‘zlarini eshitmayapti. Yo‘lni bo‘shatishni so‘ragan haydovchilarga qarata ayollar, — “urib ketishingiz mumkin, baribir uy sovuq”, — deya javob qaytarishgan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting