Jamiyat
Endi avtobus xarid qilishda yo‘lovchilar sig‘imi hisobga olinadi, metro vagonlari sonini ko‘paytirish jadallashtiriladi
Prezident avtobus xarid qilishda ularning yo‘lovchi sig‘imiga e’tiborni kuchaytirish, shuningdek, Toshkent metropolitenining vagonlarini ko‘paytirish chora-tadbirlarini jadallashtirish bo‘yicha topshiriq berdi. Aholining elektromobillarga o‘tishi rag‘batlantiriladi.
Chinoz hokimi Toshkent viloyati hokimi birinchi o‘rinbosari v.b. bo‘ldi
2021-yilning yanvaridan Chinoz tumani hokimi lavozimida ishlab kelayotgan Botir Alimbekov Toshkent viloyati hokimining qishloq va suv xo‘jaligi masalalari bo‘yicha birinchi o‘rinbosari vazifasini bajaruvchi bo‘ldi.
Toshkent xalqaro aeroportida mehmonxona ochildi (foto)
Toshkent xalqaro aeroportining jo‘nab ketish terminalida mehmonxona ochildi, bu O‘zbekiston uchun birinchisi hisoblanadi. Xonalar narxi 30 dollardan 150 dollargacha bo‘lib, kelgusida yana 4 ta viloyat aeroportlarida shunday mehmonxonalar yo‘lga qo‘yilishi reja qilinmoqda.
Shavkat Mirziyoyev uy boshqaruvchi kompaniyalar faoliyatini qoniqarsiz deb atadi
Uy-joy boshqaruv kompaniyalarining ishi qoniqarli emas. 20 mingta ko‘p qavatli uylar aholisi ularning ishidan norozi, dedi Shavkat Mirziyoyev.
Prezident 2025-yildan Ai-80 benzinidan voz kechish masalasini uzil-kesil hal qilishni topshirdi
Prezident bosh vazirga O‘zbekistonda 2025-yildan Ai-80 benzinidan voz kechish masalasini uzil-kesil hal qilishni topshirdi. Bundan tashqari, og‘ir yuk mashinalari, 10 yildan oshgan avtomobillar hamda Yevro-4 standartidan past yonilg‘ini ishlatishning atrof-muhitga zararini kamaytirish mexanizmlari ishlab chiqiladi.
“Shahar piyodalar uchun bo‘lishi, avtomobillar esa hashamatga aylanishi kerak” — Shavkat Mirziyoyev
O‘zbekiston prezidenti bosh vazir o‘rinbosari Achilbay Ramatov va boshqa mas’ul rahbarlarga Toshkent shahridagi tirbandliklar muammosini hal etish bo‘yicha takliflar tayyorlashni topshirdi. “Barcha rahbarlar „Shahar — piyodalar uchun“ shiorini o‘zining asosiy tamoyiliga aylantirishi kerak”, — dedi Shavkat Mirziyoyev.
Prezident: “Jamoat transporti qamrovi bor-yo‘g‘i 25 foiz ekani — tizimga berilgan baho”
“O‘zbekistonda jamoat transporti haligacha odamlarga sifatli xizmat ko‘rsatadigan tizimga aylangani yo‘q. Qamrov bor-yo‘g‘i 25 foiz ekani — tizimga berilgan baho”, — deb ta’kidladi prezident. 2024-yilda hududlar uchun 1200 ta avtobus va elektrobus xarid qilinadi.
O‘zbekistonda 250 milliondan ortiq daraxtning raqamli xaritasi yaratildi
Ekologiya vazirligi aerokosmik tasvirlar orqali 5 va undan katta yoshli 254 mln dan ortiq daraxtning raqamli xaritasini tuzdi. 200 mingdan ortiq daraxt xatlovdan o‘tkazilib, ma’lumotlar elektron platformaga kiritildi. Toshkent shahrida esa daraxtlar sinov tariqasida pasportlashtiriladi.
O‘zbekistonda qurilish qanday qilib “korrupsiyasiz soha”ga aylantiriladi?
O‘zbekiston prezidenti qurilishni “korrupsiyasiz soha”ga aylantirish choralarini ma’lum qildi. Shu maqsadda 1-iyuldan boshlab barcha qurilish shartnomalari raqamlashtiriladi, pudratchilarning ishlari faqat elektron hisob-faktura asosida moliyalashtiriladi va boshqa chora-tadbirlar amalga oshiriladi.
2023-yilda 4 mingga yaqin noqonuniy qurilish ishlari amalga oshirilgan
O‘zbekistonda 2023-yilda 4 mingga yaqin noqonuniy qurilish holati aniqlandi. Shuningdek, so‘nggi ikki yilda ko‘p qavatli uylarga tutash maydonlarda 7 mingdan ortiq o‘zboshimcha qurilish bo‘lgan, yana 5 mingta holatda umumiy foydalanishdagi joylar to‘sib olingan.
Qurilish vazirligida Loyiha ofisi tashkil etiladi
Qurilish vazirligida Loyiha ofisi tuziladi. U qurilishda loyihalashtirishni tartibga solish maqsadida tashkil etilmoqda.
Prezident havo ifloslanishi muammosiga to‘xtaldi
Shavkat Mirziyoyev havo ifloslanishining oldini olish bo‘yicha ilmiy taklif va hisob-kitoblar qilinmayotgani bo‘yicha tegishli vazirlik, idoralar faoliyatidagi qoloqliklarni tanqid qildi.
Ish haftasi yomg‘irli bo‘ladi
O‘zbekistonning asosiy qismida dushanba va seshanba kunlari yog‘ingarchilik kuzatiladi. Chorshanbadan Toshkent viloyati va vodiydan tashqari respublikaning katta qismida yog‘ingarchilik kutilmaydi. Havo harorati kechalari 0…-5, shimolda −10…−15, kunduzi −3…+5 daraja bo‘ladi.
Adiz Boboyev Hisob palatasi raisi lavozimiga tayinlandi
Iqtisodiyot va moliya vazirining o‘rinbosari bo‘lib ishlagan Adiz Boboyev Hisob palatasi raisi lavozimiga tayinlandi. Mehriddin Abdullayev esa raisning birinchi o‘rinbosari bo‘ldi.
“Taxtaqoracha” dovoni avtomobillar harakati uchun vaqtincha yopildi
Dushanba kuni soat 10:20 dan Kitob tumanidan o‘tgan M-39 avtomobil yo‘lining “Taxtaqoracha” dovoni avtomobillar harakati uchun vaqtincha yopildi. Bunga kuchli qor yog‘ayotgani sabab bo‘lgan.
Firibgarlikda ayblanib, qidiruvda bo‘lgan ayol Turkiyadan O‘zbekistonga deportatsiya qilindi
Ko‘p miqdordagi pullarni o‘zlashtirishda ayblanib, 8 yildan buyon qidiruvda bo‘lgan ayol Turkiyadan O‘zbekistonga deportatsiya qilindi. Uning harakatlaridan jabr ko‘rgan fuqarolardan Istanbuldagi bosh konsulxonaga yoki IIVga murojaat qilishlari so‘raldi.
“Qizlar ham ucha oladi”. Samoni zabt etgan ilk harbiy uchuvchi ayol — Sabiha Go‘kchen hikoyasi
“Gazeta.uz” xotin-qizlar haqidagi stereotiplarni parchalab, ilmiy, ma’rifiy-siyosiy faoliyati bilan tarixda qolgan ayollar haqidagi hikoyalarni davom ettiradi. Bu galgi qahramon — dunyoning eng birinchi harbiy uchuvchi ayoli, faoliyati davomida 22 xil uchoqda 8000 soatdan ko‘proq parvoz qilgan Sabiha Go‘kchen.
“Prezident sohibqironning qo‘lidagi bayroqni oldirtirib tashlagan” — Toshkentdagi Amir Temur haykali tarixi
Amir Temur haykali — Toshkentning ajralmas ramzlaridan biri. Tayyorlanishida prezident Islom Karimov ham qatnashgan ushbu haykal tarixi haqida “Gazeta.uz” muxbiri Mirolim Isajonov uning mualliflaridan biri, akademik haykaltarosh Ilhom Jabborov va taniqli jurnalist Mamatqul Hazratqulov bilan suhbatlashdi.
Oiladagi zo‘ravonlikni targ‘ib qiluvchi video ishlagan vaynerlar 15 sutkaga qamaldi
Toshkentda ikki vayner ayol eridan kaltak yeb, ota uyiga borganda otasi ham bunga qizining o‘zini aybdor qilib, ortga qaytarib yuborgani aks etgan video ishlagandi. Sud buni tazyiq, zo‘ravonlik va jins bo‘yicha kamsitishni targ‘ib qiluvchi mahsulot deb topib, ularga nisbatan 15 sutka qamoq jazosini tayinladi.
Toshkentdagi YTH oqibatida bir haydovchi shifoxonaga yotqizildi
Shayxontohur tumanida KIA va Malibu mashinalari ishtirokida YTH bo‘ldi. Haydovchilarning biri jarohat olib, shifoxonaga yotqizildi.
Eng ko‘p o‘qilgan xabarlar | So‘nggi yangiliklar
- Toshkentda niqobli shaxslar tunda ekskavator yordamida daraxtni qo‘porib oldi
- Fotosessiya saroyiga aylangan amir qabulxonasi. Uni Abdulahadxon Rossiya imperatorini kutib olish uchun qurdirgan edi
- Qashqadaryoda zilzila sodir bo‘ldi
- “Rinotin kids” siropi ruxsatnomasi bekor qilinib, dorixonalardan qaytarib olindi
Qo‘shimcha imkoniyatlarga ega bulish uchun saytda ro‘yxatdan o‘ting