Ellikqal’a tumanida 13 yoshli qizni qo‘shni erkak zo‘rlagani aytilmoqda. Gumonlanuvchi ushlandi, unga nisbatan jinoyat ishi qo‘zg‘atilgan.
O‘zbekistonliklar yetishtirishi mumkin bo‘lganidan ko‘proq go‘sht iste’mol qiladi. Chorva mollari yaylov resurslariga nisbatan ko‘p. Ularni ortiqcha o‘tlatish ekotizimlar tanazzuli va bioxilma-xillik qisqarishiga olib keladi. Zoolog Sergey Zagrebin yaylovlarni qanday qilib to‘g‘ri boshqarish mumkinligini tushuntirdi.
G‘ijduvon tumanida yo‘l qurilishi sababli 4 tup manzarali daraxt qo‘porib tashlangani aniqlandi. Buning oqibatida tabiatga 50 mln so‘mlik zarar etgan. Tuman yo‘llardan foydalanish unitar korxonasi rahbariga 400 tup daraxt ekish va uni parvarishlash majburiyati yuklandi.
Qonunchilik palatasi deputatlari tomonidan ko‘p xotinlikni targ‘ib qilganlik, xotin-qizlar va erkaklar teng huquqliligini ochiqdan-ochiq inkor etganlik, shuningdek, jamoat joylarida shaxsini tanish imkonini bermaydigan darajada yuzni to‘sganlik uchun javobgarlik ko‘zda tutilgan qonun loyihasi qabul qilindi.
Qonunchilik palatasi majlisida diniy rasm-rusumlarga ko‘ra tuzilgan nikohlar soni va buning ortidan ko‘p xotinlik ortayotgani bildirildi. Shuningdek, qonuniy nikohsiz tug‘ilgan bolalar soni ham oshgan. 2020-yilda 16 564 ta shunday holat qayd etilgan bo‘lsa, 2022-yilda raqamlar 18 955 taga yetgan.
SamDU Kattaqo‘rg‘on filialida temir beton plitasi qulashidan 6 nafar talaba qiz jarohatlangani bo‘yicha Jinoyat kodeksining 258-moddasi bilan jinoyat ish qo‘zg‘atildi.
O‘zbekistondagi davlat OTMlarida 2023/2024 o‘quv yili uchun barcha bosqichdagi to‘lov-kontrakt miqdorlari oshirilmaydigan bo‘ldi. Tabaqalashtirilgan kontrakt miqdori ham o‘tgan yil uchun belgilangan miqdorda o‘zgarishsiz qoladi.
O‘zbekiston hududida 2023-yilning 7 oyida 4772 ta YTH qayd etilgan. Ularda 1115 kishi vafot etgan, 4564 nafari tan jarohatlari olgan.
“Yuksalish” harakati qoshidagi “Shaharsozlik to‘lqini” tashabbusi asosida O‘zbekiston yosh arxitektorlar uyushmasi tashkil etildi.
O‘zbekistonda yilning dastlabki 7 oyida qariyb 21 871 nafar tazyiq va zo‘ravonlikdan jabrlangan xotin-qizga himoya orderi berildi. Qayd etilgan holatlarning 84,7 foizi oilalarda sodir etilgan.
Yotoqxonaga joylashish uchun onlayn ariza topshirgan OTMlarning ayrim 1-kurs talabalari uning javobini hanuz kutishmoqda. Oliy ta’lim vazirligi vakili ijtimoiy himoyaga muhtoj kontengent to‘liq qamrab olinishi uchun jarayon yana 1−2 kun davom etishini, so‘ngra boshqalarning arizalari ko‘rib chiqilishini bildirdi.
Rossiyaning Kemerovo viloyati Mariinsk shahrida Usmon Nosir haykali ochildi. Haykal muallifi Konstantin Zenich sanaladi. O‘zbekiston delegatsiyasi, shuningdek, shoirning qabrini ziyorat qildi.
Prezident Shavkat Mirziyoyev O‘zbekiston xalq artisti Sherali Jo‘rayevning vafoti munosabati bilan uning oila a’zolari va yaqinlariga hamdardlik bildirdi.
O‘zbekiston xalq artisti Sherali Jo‘rayev 76 yoshida hayotdan ko‘z yumdi.
Samarqand shahri markazida ikkita yo‘l o‘tkazgich qurish rejalashtirilmoqda. “Gazeta.uz” “[NO]Qulay shahar” loyihasi doirasida tunnel qurilishi kutilayotgan chorrahalardan biriga borib, vaziyatni o‘rgandi, fikr almashdi. Urbanist Iskandar Soliyevning fikricha, bu “yo‘l o‘tkazgichlar shahar uchun zararli va keraksiz”.
Bosh prokuratura matbuot xizmati SamDU Kattaqo‘rg‘on filialida bino tomining plitasi qulashi natijasida 6 nafar talab qiz jarohat olganini ma’lum qildi. Universitet ikki nafar qiz jarohat olgani haqida xabar bergan edi. Bino qurilishi va ta’mirlanishi holati mutaxassislar tomonidan o‘rganilmoqda.
Ekologiya vazirligi tomonidan 40 ming nusxada Qizil kitob nashr etilgan bo‘lib, ular O‘zbekiston bo‘ylab maktab o‘quvchilariga “ekologik ong va madaniyatni shakllantirish” maqsadida tarqatilmoqda.
“Gazeta.uz” muxbiri Sanjar Said noodatiy marshrut orqali Surxondaryoga velosayohatga chiqdi. U ilk maqolasida shu kabi sayohatlarga tayyorgarlik ko‘rish, safar afzalliklari va qiyinchiliklari, xarajatlar haqida ma’lumot berdi, o‘z tavsiyalari va dastlabki taassurotlari bilan o‘rtoqlashdi.
Vazirlar Mahkamasi qarori bilan “Ibratli oila” ko‘krak nishonini berish tartibi belgilandi. Ushbu ko‘krak nishoni bilan oila institutini mustahkamlash, oilaviy qadriyatlarni saqlash va rivojlantirishga munosib hissa qo‘shgan namunali oilalar taqdirlanadi.
O‘zbekiston mustaqilligining 32 yilligi munosabati bilan 3-sentabr kuni Yangi Nafas ommaviy yugurish musobaqasi tashkil qilindi. O‘zbekistonning 16 shahridan 100 mingga yaqin yuguruvchilar ishtirok etdi.
Qo‘shimcha imkoniyatlarga ega bulish uchun saytda ro‘yxatdan o‘ting