4 iyun, payshanba COVID-19 Ob-havo Zira Vakansiyalar

Siyosat

Bugun, 17:55

Xorijiy aviakompaniyalar DXXga yo‘lovchilar to‘g‘risida ma’lumot taqdim etadi

1 iyuldan xorijiy aviakompaniyalar o‘z yo‘lovchilari to‘g‘risidagi ma’lumotlarni DXXning chegara qo‘shinlariga majburiy ravishda taqdim etadi. Ma’lumotlar Xalqaro fuqaro aviatsiyasi tashkilotining standart formatida berilishi belgilangan.

Bugun, 13:53

Yosh olimlar Toshkentda uy ololmayotgani tufayli Senat hokimiyatga so‘rov yubordi

40 nafardan ortiq Fanlar Akademiyasining yosh olimlari ko‘p qavatli uylar uchun birinchi to‘lovni 2019 yil noyabrda to‘lab berishgan. Sergeli tumanidan ajratilishi kerak blgan uylar yuzasidan, Senat qo‘mitasi Toshkent shahar hokimiga senator so‘rovi yubordi.

Bugun, 13:46

«Turkiya tashqi turizmni ochishi bilan biz ham ochamiz» — prezident

Prezident Shavkat Mirziyoyev O‘zbekiston xorijlik sayyohlarni qabul qilishni Turkiya bilan bir vaqtda boshlashini ma’lum qildi. «Qayerda bizni qabul qilishga tayyor bo‘lsa, biz ham tayyor bo‘lamiz. Biz darrov samolyotlarimizni uchiramiz», — deya ta’kidladi davlat rahbari.

Bugun, 13:10

So‘x tumanidagi muammolarni bartaraf etishga 1 trln so‘m ajratiladi

So‘x tumanidagi barcha muammolarni bartaraf etish uchun 1 trln so‘mga yaqin mablag‘ ajratilishi rejalashtirilmoqda. Bu masala bo‘yicha prezident qarori loyihasi tayyorlanmoqda. Co‘xlik yoshlarning oliy o‘quv yurtlariga qabul qilinishi uchun 500 ta kvota ajratiladi, ular oliy o‘quv yurtlariga imtihonlarni o‘z ona tillari — tojik tilida topshirishlari mumkin bo‘ladi.

Bugun, 11:55

So‘x tumani IIBga yangi rahbar tayinlandi

So‘x tumani ichki ishlar bo‘limiga Rahimberdiyev Qosimjon rahbar etib tayinlandi. IIBning oldingi rahbari So‘x tumaniga hokim etib tayinlangan edi.

Bugun, 09:57

Shavkat Mirziyoyev — «Ish joyini ko‘paytirib, kambag‘allikni qisqartirish — boshqa maqsadim yo‘q»

«Ish uslubimiz shunday bo‘lishi kerak: 50 foiz karantin, 50 foiz iqtisodiyot» — prezident pandemiya sharoitida kambag‘allikni qisqartirish bo‘yicha chora-tadbirlarga e’tibor berish kerakligini ta’kidladi. Iqtisodiy kompleks a’zolariga Xitoy tajribasini o‘rganish tavsiya etildi.

Kecha, 16:14

So‘x tumaniga yangi hokim tayinlandi

Farg‘ona viloyati So‘x tumaniga Sayidbahrom Sayidmusayev hokim etib tayinlandi. U 2019 yildan buyon tuman ichki ishlar bo‘limi boshlig‘i vazifasida ishlab kelayotgan edi.

Kecha, 16:00

O‘zbekiston fuqaroligiga qabul qilishda davlat tilini bilish talabi qo‘yiladi

O‘zbekiston fuqaroligiga qabul qilishda davlat tilini muloqot qilish uchun zarur darajada bilish talab etilishini ko‘zda tutgan hukumat qarori loyihasi e’lon qilindi. Unga ko‘ra, fuqarolikni olish uchun talabgorlar o‘zbek tilini bilish darajasini aniqlovchi imtihondan muvaffakqiyatli o‘tib, tegishli sertifikatga ega bo‘lishlari shart bo‘ladi.

Kecha, 11:06

Xalqaro reyting va indekslar bilan ishlash bo‘yicha respublika kengashi tashkil etiladi

Prezident farmoniga binoan, davlat organlarida xalqaro reytinglar bilan ishlash masalasini muvofiqlashtirish maqsadida Xalqaro reyting va indekslar bilan ishlash bo‘yicha respublika kengashi tashkil etiladi va u Parlament nazorati ostida bo‘ladi. Shuningdek, 1 oktyabrga qadar “O‘zbekiston Respublikasi xalqaro reytinglarda” yagona portali ishga tushiriladi.

2 iyun 2020, 17:31

Hukumat a’zolari va vazirlar So‘x tumaniga yetib kelishdi

Prezident topshirig‘i bilan bir guruh hukumat a’zolari va vazirlar So‘x tumaniga vertolyot orqali yetib kelishdi. Ular tumandagi muammolarni o‘rganib, ularni bartaraf etish bo‘yicha dastur ishlab chiqadi.

2 iyun 2020, 13:32

So‘x-Rishton yo‘li YeOII talablari sababli yopilgan — bosh vazir

Bosh vazir Abdulla Aripov So‘x-Rishton yo‘li 2019 yil avgustida ochilganidan ikki kun o‘tib Qirg‘iziston a’zo bo‘lgan YeOII talabi bilan yopilganini ma’lum qildi. Qirg‘iz delegatsiyasi bilan uchrashuvda yo‘lni qisqa muddatlarda ochish masalasi yana ko‘tarildi.

1 iyun 2020, 21:59

IIV PPX Bosh boshqarmasiga boshliq tayinlandi

IIV PPX va jamoat tartibini saqlash bosh boshqarmasiga Azizxon Umarxonov boshliq etib tayinlandi. Bunga qadar u Toshkent IIBB boshlig‘ining jamoat tartibini saqlash bo‘yicha o‘rinbosari lavozimida faoliyat yuritgan.

1 iyun 2020, 19:24

O‘zbekiston va Qirg‘iziston prezidentlari telefon orqali so‘zlashdilar

O‘zbekiston va Qirzig‘iston prezidentlari telefon orqali muloqotda “Chashma” chegaraoldi hududida ro‘y bergan hodisa bilan bog‘liq masalalarni batafsil ko‘rib chiqib, bunday vaziyat boshqa takrorlanmasligi uchun mukammal choralar qabul qilish muhim ekanini ta’kidladilar.

1 iyun 2020, 16:12

MTRKning sobiq raisi Qirg‘izistonga elchi etib tayinlandi

MTRKning sobiq raisi va AKT vaziri bo‘lib ishlagan Xurshid Mirzohidov mamlakatning Qirg‘izistondagi favqulodda va muxtor elchisi etib tayinlandi. U Bishkek shahriga yetib bordi.

1 iyun 2020, 15:13

So‘xda yuz bergan to‘qnashuv muhokama qilindi

O‘zbekiston bosh vaziri Abdulla Aripov va Qirg‘iziston bosh vazirining birinchi o‘rinbosari Kubatbek Boronov ishtirokida bir kun oldin ikki davlat chegara hududidagi qishloqlar aholisi o‘rtasida yuz bergan to‘qnashuv muhokama qilindi. Tomonlar ushbu ko‘ngilsizlik avj olib ketmasligi uchun birgalikda tergov harakatlarini olib borishga kelishib oldi.

1 iyun 2020, 13:31

Ukraina prezidenti yillik daromad deklaratsiyasini taqdim etdi

2019 yilda Ukraina prezidenti Vladimir Zelenskiy va uning oilasining umumiy daromadi 1,06 mln dollarni tashkil etgani ma’lum bo‘ldi. Deklaratsiyaga ko‘ra, Zelenskiy daromadining aksariyati tadbirkorlik faoliyatidan kelgan. Xarajatlari esa — qariyb 500 ming dollar bo‘lib, asosan prezidentlik saylov kampaniyasiga sarflangan.

1 iyun 2020, 10:00

Samarqandda stikersiz harakatlanishga ruxsat berildi

1 iyundan boshlab Samarqand viloyatidagi “qizil” hududlarda, shu jumladan Samarqand shahrida ham avtotransport vositalarining maxsus ruxsatnomasiz harakatlanishiga ruxsat berildi. Bunda, avtotransport vositalari faqatgina kunning muayyan vaqtida (07:00 dan — 10:00 gacha, 17:00 dan — 20:00 gacha) harakatlanishi ko‘zda tutilgan.

29 may 2020, 23:36

Toshkentning Sergeli tumanida kichik tuman tashkil etiladi

Shavkat Mirziyoyev Sergeli tumanida hokimligiga to‘g‘ridan-to‘g‘ri bo‘ysunadigan alohida “Yangi hayot” kichik tumanini tashkil etish taklifini bildirdi.

29 may 2020, 19:46

Prezident Zangiotada ko‘p tarmoqli maxsus shifoxona qurilishi bilan tanishdi

Prezident Zangiota tumanida barpo etilayotgan ko‘p tarmoqli maxsus shifoxona qurilishi bilan tanishdi. Muassasa 2 ming o‘ringa mo‘ljallangan. Lekin 4 ming o‘ringacha transformatsiya qilish imkoniyati bor.

29 may 2020, 18:56

Tashqi ishlar vaziriga yangi o‘rinbosar tayinlandi

Furqat Sidiqov O‘zbekiston tashqi ishlar vaziri o‘rinbosari etib tayinlandi.