2 iyun, seshanba COVID-19 Ob-havo Zira Vakansiyalar

Siyosat

26 may 2020, 14:11

Davlat fuqarolik xizmati to‘g‘risidagi qonun loyihasi e’lon qilindi

Davlat fuqarolik xizmati to‘g‘risidagi qonun loyihasi jamoatchilik muhokamasi uchun e’lon qilindi. Qonun qabul qilinsa, davlat xizmatchilari har yili daromadlari to‘g‘risidagi deklaratsiyani taqdim etishi va manfaatlar to‘qnashuvi haqida xabar berishi kerak bo‘ladi. Davlat xizmatchilari mehnatiga yagona tizim asosida haq to‘lanadi.

25 may 2020, 14:27

Eski propiska tizimi 1 sentyabrgacha amalda bo‘ladi

O‘zbekiston fuqarolarini Toshkent shahri va poytaxt viloyatida doimiy yashash va vaqtincha turgan joyi bo‘yicha ro‘yxatga olish tartibi to‘g‘risidagi yangi nizom 1 sentyabrdan kuchga kiradi. Ungacha propiska to‘g‘risidagi eski nizomga amal qilinadi.

25 may 2020, 12:25

Andijon viloyatida 16 ta raqamli texnologiyalar o‘quv markazi ochiladi

2021 yil yakuniga qadar Andijon viloyatining barcha shahar va tumanlarida jami 16 ta raqamli texnologiyalar o‘quv markazi ochiladi. Ularda, jumladan, yoshlarni o‘qitish va axborot texnologiyalari yo‘nalishida har yili 5 mingdan ziyod o‘qituvchilar malakasi oshiriladi.

23 may 2020, 21:54

Prezident: “Bugungi qiyinchiliklar albatta o‘tib ketadi”

Shavkat Mirziyoyev Ramazon hayiti tabrigida bu yilgi Ramazonda sabru qanoat, shukronalik, ruhiy poklanish, mehr va ko‘makka muhtojlarga yanada e’tiborli bo‘lish, savobli amallar qilishdek olijanob fazilatlar har qachongidan ham yaqqol namoyon bo‘lganini ta’kidladi.

23 may 2020, 14:27

Sement importi bo‘yicha cheklov bekor qilindi

Sement importi bo‘yicha qo‘yilgan cheklov bir oy o‘tib olib tashlandi.

22 may 2020, 16:44

AQSH koronavirusga qarshi kurash uchun O‘zbekistonga qo‘shimcha $3 mln ajratadi

AQSH hukumati COVID-19 pandemiyasiga qarshi kurash uchun O‘zbekistonga qo‘shimcha 3 million dollar ajratadi. Vashingtonning O‘zbekistonda koronavirusga qarshi sa’y-harakatlarni qo‘llab-quvvatlashda ko‘rsatgan bevosita yordami ja’mi 5,92 mln dollarni tashkil etdi.

22 may 2020, 14:11

Har bir sektorda “Kambag‘allikni qisqartirish shtabi” tashkil etiladi

Shavkat Mirziyoyev Andijon viloyatidagi yig‘ilish davomida endilikda har bir sektorda “Kambag‘allikni qisqartirish shtabi” tashkil etilishini ma’lum qildi. Mazkur shtablarga iqtisodiyot, moliya, mehnat, investitsiya, soliq idoralari va bank vakillari biriktirilishi va ularning ish haqi miqdori erishilgan natijalarga bog‘liq bo‘lishi ta’kidlandi.

21 may 2020, 19:22

Andijonda yigirmata 7 qavatli, ikkita 16 qavatli uy barpo etildi

Shavkat Mirziyoyev Andijon shahrida barpo etilgan yigirmata 7 qavatli, ikkita 16 qavatli uylarni ko‘zdan kechirdi. Davlat rahbari Andijon aholisining zichligini hisobga olib, bu hududda hamyonbop ko‘p-qavatli uylar qurilishi kambag‘allikdan chiqishga zamin yaratishini ta’kidlab o‘tdi.

21 may 2020, 14:45

O‘zbekiston saylov qonunchiligida jiddiy o‘zgarishlar bo‘lishi kutilmoqda

O‘zbekistonda saylov qonunchiligiga jiddiy o‘zgarishlar kiritilishi kutilmoqda. Jumladan, saylovlarni o‘tkazish sanasi dekabr oyidan martga ko‘chirilishi rejalashtirilmoqda. Siyosiy partiyalarning saylovoldi tashviqotini moliyalashtirishda xususiy mablag‘larni jalb qilishga ham ruxsat berilishi mumkin. Bundan tashqari, bir nomzod faqat bitta vakillik organiga deputat etib saylanishiga ruxsat beriladi.

21 may 2020, 10:13

Prezident Andijonga jo‘nab ketdi

Shavkat Mirziyoyev ijtimoiy-iqtisodiy islohotlarning borishi, odamlar hayoti bilan tanishish maqsadida Andijonga jo‘nab ketdi.

20 may 2020, 22:15

Toshkentda Markaziy Osiyoda yagona Bolalar milliy tibbiyot markazi foydalanishga topshirildi

Prezident Shavkat Mirziyoyev Toshkentda foydalanishga topshirilgan Bolalar milliy tibbiyot markazini borib ko‘rdi. Markaz, jumladan, onkologik kasalliklarni bir necha yil oldin aniqlaydigan zamonaviy texnologiyalar bilan jihozlangan.

20 may 2020, 21:25

Adliya vazirligi tuzilmasida ikkita yangi boshqarma tashkil etildi

Adliya vazirligi tuzilmasida Fuqarolik-huquqiy munosabatlarni rivojlantirish boshqarmasi va Ma’muriy tartib-taomillarni takomillashtirish va monitoringini yuritish boshqarmasi tashkil etildi. Shuningdek, Namangan va Qarshida sinov tariqasida yuridik xizmatlar ko‘rsatish markazlari tashkil etiladi.

20 may 2020, 20:57

Toshkentda Adiblar xiyoboni ochildi

Prezident Shavkat Mirziyoyev Toshkentda barpo etilgan Adiblar xiyoboni, xiyobon yonida tashkil etilgan kutubxonaga tashrif buyurdi. Davlat rahbari “Adiblar xiyoboni” deb nomlangan internet portali tashkil etish taklifini bildirdi.

20 may 2020, 20:34

1-yanvargacha idoraviy qonun hujjatlarini qabul qilish to‘xtatiladi

Idoraviy qonun hujjatlari loyihalarini ishlab chiqish, kelishish, qabul qilish, huquqiy ekspertiza va davlat ro‘yxatidan o‘tkazish 1-iyuldan boshlab sinov tariqasida, 1-oktyabrdan boshlab esa to‘liq yagona elektron tizim orqali amalga oshiriladi.

20 may 2020, 20:18

Adliya vazirligi vakolatlari kengaytirilmoqda

Adliya vazirligi zimmasiga qo‘shimcha vazifalar yuklatildi. 2018−2019 yillarda yangi (qayta) tashkil qilingan 8 ta vazirlik va idoralar faoliyatini o‘rganish, aholiga Davlat xizmatlari markazlari tomonidan ko‘rsatiladigan yangi xizmatlar sonini 15 taga oshirish shular jumlasidan.

20 may 2020, 17:54

Qozog‘iston prezidenti YeOII rivojlanish strategiyasini qabul qilmadi

Qozog‘iston prezidenti Qosim-Jomart Toqayev YeOIIning 2025 yilgacha bo‘lgan rivojlanish strategiyasini qabul qilmadi. U strategiya hozirgi holatida jamoatchilik tomonidan rad etilishi, shuningdek, hukumat va parlamentning suveren huquqlarini cheklashini ta’kidladi.

19 may 2020, 23:52

Buxoro viloyati hokimiga yangi o‘rinbosar tayinlandi

Mirali Hamroyev Buxoro viloyati hokimi o‘rinbosari lavozimiga tayinlandi.

19 may 2020, 20:02

“Hokim faqat ishdan ketish bilan qutulmaydi” — prezident tadbirkorlar mulkini olib qo‘yish holatlari haqida

“Birorta tadbirkorning mulki noqonuniy olib qo‘yilsa, hokim faqat ishdan ketish bilan qutulmaydi, balki qonun oldida javob beradi”, — deya ta’kidladi Shavkat Mirziyoyev. Biznes-ombudsman tadbirkorlar huquqi va mulk daxlsizligini buzgan tuman va shahar hokimlari to‘g‘risida hukumatga ma’lumot kiritib boradi.

19 may 2020, 19:50

O‘zini o‘zi band qilgan aholi daromad solig‘idan ozod qilinadi — Shavkat Mirziyoyev

Shavkat Mirziyoyev raisligidagi videoselektor yig‘ilishida o‘zini o‘zi band qilgan 60 dan ziyod kasb egalari daromad solig‘idan ozod qilinishi haqida ma’lumot berildi. Mazkur imtiyozdan foydalanish uchun telefon orqali soliq idoralarini xabardor qilish kifoya.

19 may 2020, 16:15

Yangi tahrirdagi “Ta'lim to‘g‘risida"gi qonunga inklyuziv ta’lim tushunchasi kiritiladi

Yangi tahrirdagi “Ta'lim to‘g‘risida"gi qonun loyihasi ikkinchi o‘qishda qabul qilindi. Qonunga har bir bolaning ta’lim olishdagi teng huquqliligini ta’minlash, har qanday diskriminatsiya va kamsitishlarning oldini olishga qaratilgan “inklyuziv ta’lim” tushunchasi ham kiritildi.