Siyosat

20 oktabr 2020, 17:38

Prezident mahalliy kengashlardan korrupsiya va tenderlarga bee’tibor bo‘lmaslikni so‘radi

Shavkat Mirziyoyev mahalliy kengashlardan byudjet pullarining sarflanishi, korrupsiya, tenderlarning o‘tkazilishiga bee’tibor bo‘lmaslikni so‘radi. Prezident byudjetni shakllantirish uchun mahalliy kengash vakolatlarini «xalq pullarini boshqarish nuqtai nazaridan» kengaytirish zarurligini ta’kidladi.

19 oktabr 2020, 22:17

Prezident 2021 yilgi davlat byudjeti parametrlarini muhokama qildi

2021 yilda yashirin iqtisodiyotni qisqartirish hamda 600 ming ish o‘rnini legallashtirish, aholining tabiiy gaz va elektr energiyasiga bo‘lgan ehtiyojini to‘liq qoplash, qatnovlarni qayta tiklash hisobiga byudjetni to‘ldirish taklif qilinmoqda. Sog‘liqni saqlash sohasiga qariyb 20 trillion so‘m, shundan koronavirusga qarshi kurashish tadbirlari uchun 3 trillion so‘m hamda dori-darmon xaridiga 1,8 trillion so‘m ajratilishi ko‘zda tutilgan.

19 oktabr 2020, 18:52

Shavkat Mirziyoyev va Suma Chakrabarti uzoq muddatli islohotlarni ko‘rib chiqdilar

Prezident Shavkat Mirziyoyev maslahatchi Suma Chakrabarti ishtirokida uzoq muddatli istiqbolga mo‘ljallangan islohotlar dasturi yo‘nalishlarini ko‘rib chiqdi.

16 oktabr 2020, 16:18

Prezident yetti mamlakat elchilaridan ishonch yorliqlarini qabul qildi

Prezident Shavkat Mirziyoyev BAA, Eron, Ukraina, Italiya, Isroil, Pokiston va Hindistonning O‘zbekistondagi yangi elchilaridan ishonch yorliqlarini qabul qildi.

16 oktabr 2020, 12:23

IIV YHXBB avgust-oktyabr oylarida 28 mlrd so‘mlik transport xarid qilgan

Ichki ishlar vazirligi YHXBB uch oy ichida 28,3 mlrd so‘mga 30 ta Equinox, 40 ta Cobalt, 17 ta Malibu-2 va boshqa transport vositalarini sotib olgani ma’lum bo‘ldi.

15 oktabr 2020, 20:22

Hokimlarning yer ajratish to‘g‘risidagi qarorlari geoaxborot tizimiga kiritilmagunicha haqiqiy hisoblanmaydi

Prezident hududlar rahbarlariga barcha qishloq xo‘jaligi tumanlari bo‘yicha yer kadastr hujjatlarini tayyorlab, Milliy geoaxborot tizimiga kiritish yuzasidan ko‘rsatma berdi. Endi hokimlarning yer ajratish to‘g‘risidagi qarorlari mazkur geoaxborot tizimiga kiritilmagunicha haqiqiy hisoblanmaydi.

15 oktabr 2020, 11:47

Toshkent uchun 1 trln so‘mga 300 ta elektrobus sotib olish rejalashtirilmoqda

Transport vazirligi Toshkent shahri uchun 300 dona elektrobus sotib olishni taklif qildi. 3 yil davomida xarid qilinadigan transportlarning umumiy qiymati 1 trln so‘m atrofida bo‘ladi.

14 oktabr 2020, 20:49

Xitoy raisi Si Szinpinning O‘zbekistonga davlat tashrifiga tayyorgarlik ko‘rilmoqda

O‘zbekistonda XXR raisi Si Szinpinning bo‘lajak davlat tashrifiga tayyorgarlik ko‘rilmoqda. Yil oxiriga qadar Shavkat Mirziyoyevning Janubiy Koreya prezidenti bilan onlayn sammit o‘tkazilishi ham rejalashtirilmoqda.

14 oktabr 2020, 18:04

«Toshkentning kelajagi — Sirdaryo» — G‘ofurjon Mirzayev

Toshkent kengaygani sari zavod va fabrikalarni chekka hududlarga ko‘chirish zarurati paydo bo‘ladi. Sirdaryo viloyati hokimi G‘ofurjon Mirzayevning fikricha, Sirdaryo ushbu korxonalarni qabul qilish uchun eng qulay joy. Shuningdek, u Sirdaryoni «ikkinchi Amerika» deb atash bilan nimani nazarda tutganini aytib o‘tdi.

14 oktabr 2020, 16:28

Respublika umumta’lim maktablarida bosqichma-bosqich inklyuziv ta’lim tizimi joriy qilinadi

Davlat rahbarining 2020−2025 yillarda respublikada inklyuziv ta’limni rivojlantirish, boshlang‘ich tayanch korreksion sinflarni ochish va maktab-internatlarni optimallashtirishga oid qarori qabul qilindi.

14 oktabr 2020, 13:56

Hindistonning O‘zbekistondagi yangi elchisi tayinlandi

O‘zbekiston tashqi ishlar vaziri Abdulaziz Komilov Hindistonning yangi elchisi Manish Prabxatni qabul qildi.

14 oktabr 2020, 13:29

Prezident qarori: yoshlar va xotin-qizlarga mikrokreditlar ta’minotsiz ajratiladi

Nodavlat ta’lim tashkilotlari maxsus sertifikatini olgan yoshlar va xotin-qizlarga o‘z biznesini tashkil etish uchun 33 million so‘mgacha mikrokreditlar ta’minotsiz ajratiladi.

14 oktabr 2020, 13:19

O‘zbekistonda islom moliyasi asosidagi «sukuk» qimmatli qog‘ozlarini joriy etish rejalashtirilmoqda

O‘zbekistonda islom moliyalashtirish tamoyillari asosida «sukuk» qimmatli qog‘ozlarini chiqarish, benefitsiar mulk huquqini belgilash va sotish sohasida ingliz huquqi me’yorlarini qo‘llash rejalashtirilmoqda.

14 oktabr 2020, 12:54

Shuhrat G‘aniyev Senat a’zoligidan chiqarildi

Markaziy saylov komissiyasi qaroriga binoan Shuhrat G‘aniyev senatorlar ro‘yxatidan chiqarildi. Bunga uning oldinroq bosh vazir o‘rinbosari etib tayinlangani sabab bo‘ldi.

14 oktabr 2020, 12:00

«Bizda gender kamsitishlar yo‘q deyish — o‘z-o‘zimizni aldashdir» — Sayyora Xodjayeva

Demokratiya va inson huquqlari instituti direktori Sayyora Xodjayeva «Gazeta.uz»ga bergan intervyusida nima uchun oiladagi zo‘ravonlik holatlari sudgacha yetib bormasligi, ayollar uchun siyosat va biznesda kvotalar nima uchun zarurligi, nega Xotin-qizlar qo‘mitasi o‘z vazifalarini yangi Mahalla vazirligiga topshirmasdan, Ayollar ishlari bo‘yicha vazirlikka aylanishi lozimligi haqida gapirib berdi.

14 oktabr 2020, 09:31

O‘zbekiston ilk bor BMTning Inson huquqlari bo‘yicha Kengashiga a’zo bo‘ldi

O‘zbekiston tarixda birinchi marotaba uch yil muddat mobaynida BMTning Inson huquqlari bo‘yicha Kengashiga a’zo 47 davlatdan biri sifatida faoliyat yuritadi.

13 oktabr 2020, 23:20

Bosh vazirning populizm haqidagi gaplari noto‘g‘ri talqin qilinayotgani aytildi

Antimonopoliya qo‘mitasi va Vazirlar Mahkamasi bosh vazir ishtirokidagi yig‘ilishda populizm haqida aytilgan gaplar noto‘g‘ri talqin etilayotganini ma’lum qildi. AOKA rahbari Asadjon Xodjayev yig‘ilishda «rahbarlarning ommaviy bayonotlar bilan chiqishga mas’uliyat bilan yondashishi zarurligi» aytib o‘tilganini ta’kidladi.

13 oktabr 2020, 18:25

Shavkat Mirziyoyev klasterlar rahbarlari va fermerlar bilan uchrashdi

Prezident Sirdaryoda fermer xo‘jaligi dalasida bo‘lib, paxta hosilini ko‘zdan kechirdi. Davlat rahbari paxtani qayta ishlab, xomashyoni tayyor mahsulotga aylantirib, qo‘shimcha qiymat yaratish muhimligini ta’kidladi.

13 oktabr 2020, 18:04

Prezident Oqoltin tumaniga tashrif buyurdi

Prezident Shavkat Mirziyoyev Sirdaryo viloyatining Oqoltin tumanidagi «Yangi Toshkent» mahallasini borib ko‘rdi. Bu yerda 130 ta kottej ta’mirlandi.

13 oktabr 2020, 17:44

Olmaliq shahriga yangi hokim tayinlandi

Qobil Xamdamov Olmaliq shahriga hokim etib tayinlandi. Shaharning avvalgi hokimi Usmon Rahimov o‘g‘lining mojaroli xatti-harakatlari ortidan ishdan olindi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting