Siyosat

10 noyabr 2020, 18:26

Shavkat Mirziyoyev SHHT videoanjumanida nutq so‘zladi

Shavkat Mirziyoyev Shanxay hamkorlik tashkilotiga a’zo davlatlar rahbarlari kengashi majlisida Tog‘li Qorabog‘ bo‘yicha kelishuvga erishilganini qo‘llab-quvvatlashini ta’kidlab, kelgusida vaziyat yanada barqarorlashishiga umid bildirdi. Prezident tashkilotga a’zo mamlakatlarni muhtoj aholi qatlamiga yordam ko‘rsatish, inqirozga qarshi kurash borasida umumiy dastur ishlab chiqishda hamkorlikka chaqirdi.

10 noyabr 2020, 18:13

Loyiha-qidiruv va qurilish-pudrat tashkilotlari elektron reytingi yuritiladi

Hukumat qarori bilan loyiha-qidiruv va qurilish-pudrat tashkilotlari reytingi yuritilishi belgilanmoqda. Tender savdolari aynan mazkur reyting natijalariga ko‘ra o‘tkaziladi va savdolarda yuqori o‘rinda turuvchi tashkilotlar ustunlikka ega bo‘ladi.

10 noyabr 2020, 11:52

Davlat kadastrlari palatasiga rais tayinlandi

Moxir Valiyev Kadastr agentligining Davlat kadastrlari palatasi raisi etib tayinlandi.

10 noyabr 2020, 11:25

Samarqand viloyatiga yangi prokuror tayinlandi

Bunga qadar Sirdaryo viloyati prokurori lavozimida faoliyat olib borgan Ravshan Masharipov Samarqand viloyati prokurori etib tayinlandi.

9 noyabr 2020, 18:50

Shavkat Mirziyoyev Shanxay hamkorlik tashkiloti videoanjumanida qatnashadi

Prezident Shavkat Mirziyoyev 10 noyabr kuni Shanxay hamkorlik tashkilotiga a’zo davlatlar rahbarlari kengashining videoanjuman shaklida o‘tadigan majlisida ishtirok etadi.

9 noyabr 2020, 13:38

MDH Hukumat rahbarlari majlisi bo‘lib o‘tdi

O‘zbekiston raisligida Mustaqil Davlatlar Hamdo‘stligi Hukumat rahbarlari kengashining videokonferensaloqa shaklidagi majlisi bo‘lib o‘tdi. Majlis yakunlari bo‘yicha transport, energetika, qurilish, ta’lim, madaniyat, turizm, jismoniy tarbiya va sport sohalarini, shuningdek, yoshlar siyosatini rivojlantirishga oid jami 23 hujjat imzolandi.

9 noyabr 2020, 12:59

Buxoro viloyatiga yangi hokim tayinlandi

«O‘zqurilishmateriallari» uyushmasi raisi lavozimida faoliyat olib borgan Botir Zaripov Buxoro viloyati hokimi vazifasini bajaruvchi etib tayinlandi.

9 noyabr 2020, 11:41

Qoraqalpog‘iston Respublikasi sog‘liqni saqlash vaziri o‘zgardi

Murad Qurbanov Qoraqalpog‘iston Respublikasi sog‘liqni saqlash vaziri etib tayinlandi. Oldingi vazir may oyida tayinlangan edi.

8 noyabr 2020, 19:00 1

O‘zbekiston «Lukoyl»dan 5 mlrd kub metr gaz sotib olgan

Energetika vaziri o‘rinbosari Behzot Normatov O‘zbekiston «Lukoyl»dan eksport bahosidan past narxda 5 mlrd kub metr gaz xarid qilganini ma’lum qildi. «Agar yana qo‘shimcha talab bo‘lsa, kelishilgan narxlarda ichki bozorga yo‘naltirishimiz mumkin», — deya ta’kidladi.

8 noyabr 2020, 15:17

«Qo‘lingiz dard ko‘rmasin» — prezident tibbiyot xodimlarini bayram bilan tabrikladi

Shavkat Mirziyoyev tibbiyot xodimlarini bayram bilan qutlab, 2020 yil O‘zbekiston sog‘liqni saqlash tizimi uchun mislsiz sinov, izchil rivojlanish va yangi tajriba orttirish yili bo‘lganini ta’kidladi.

7 noyabr 2020, 22:21

OAV: Jo Bayden AQSH prezidentlik saylovlarida g‘alaba qozondi

CNN, AP, The New York Times va NBC Jo Bayden AQSH prezidentlik saylovlarida g‘alabani qo‘lga kiritganini yozmoqda. U AQSHning eng keksa va 46 prezidenti bo‘ladi. Bayden hisobida 284 ta, Trampda esa — 214 ta saylovchilar ovozi mavjud.

7 noyabr 2020, 20:19 1

Markaziy bank rahbariyatida korrupsiyani oldini olish bo‘yicha xohish bormi? — Akmal Burxonov

Korrupsiyaga qarshi kurashish agentligi direktori Akmal Burxonov Markaziy bank rahbariyatida korrupsiyani oldini olishga xohish borligiga shubha bildirdi. Uning aytishicha, “komplayens nazorat” tizimi bo‘yicha o‘qitishga tijorat banklari Markaziy bank rahbariyati orqali “vaqt yo‘q” deya javob bergan.

7 noyabr 2020, 18:16

2021 yildan bolalarga vitamin va yod preparatlari tekinga tarqatiladi

Kelgusi yildan boshlab bolalarga vitaminlar, parazitlarga qarshi dorilar, yod preparatlari, 35 yoshgacha bo‘lgan ayollarga foliy kislotasi va ferrum bepul beriladi. Prezident ushbu amaliyot bekor qilingani bois davolanish uchun 10 marta ko‘proq mablag‘ sarflashga to‘g‘ri kelayotganini qayd etdi.

7 noyabr 2020, 17:34

Rasmiy statistikani ishlab chiquvchilar besh yilda bir marta auditdan o‘tadi

Hukumat qarori bilan rasmiy statistikani ishlab chiquvchilarning statistika metodologiyalarini auditdan o‘tkazish tartibiga oid nizom tasdiqlandi. Unga ko‘ra, besh yilda kamida bir marta audit o‘tkazilishi hamda aniqlangan kamchiliklar majburiy bartaraf etilishi belgilanmoqda.

6 noyabr 2020, 18:41

Umumiy amaliyot shifokori oilaviy shifokorga aylantiriladi

Umumiy amaliyot shifokori haqiqiy oilaviy shifokorga aylantiriladi, — deya qayd etdi prezident. Ularga yordam berish uchun tibbiyot brigadalari tashkil etiladi va o‘zlariga biriktirilgan oilalar kesimida manzilli ish olib boradi.

6 noyabr 2020, 17:53

«Bundan buyon sog‘liqni saqlash vazirligi faoliyatiga hech kim aralashmaydi» — prezident

«Bundan buyon sog‘liqni saqlash vazirligi faoliyatiga, uning kadrlar masalasiga hech kim aralashmaydi», — dedi Shavkat Mirziyoyev. Prezident va bosh vazirdan boshqa birorta rahbar vazir va uning o‘rinbosarlarini yig‘ilishlarga chaqirishii taqiqlab qo‘yildi.

6 noyabr 2020, 13:16

Prezident Sog‘liqni saqlash vazirligi tizimini «to‘liq qayta ishga tushirish» bo‘yicha yig‘ilish o‘tkazadi

Shavkat Mirziyoyev sog‘liqni saqlash masalasi bo‘yicha videoselektor yig‘ilishini o‘tkazadi. Asosiy e’tibor koronavirusga qarshi kurashishga emas, balki sog‘liqni saqlash tizimini to‘liq qayta ishga tushirishga qaratiladi.

6 noyabr 2020, 12:07

Jizzaxda tuman hokimi uchun Trailblazer xizmat mashinasi sotib olindi

Zarbdor tumani hokimligida mahalla ishlari bo‘yicha hokim o‘rinbosariga avtomobil yetishmagan. Keyin tuman rahbari birinchi o‘rinbosariga o‘zining Captiva avtomashinasini bergan va o‘z navbatida u Lacetti rusumli xizmat avtomobilini hokimning mahalla ishlari bo‘yicha o‘rinbosariga topshirgan. Hokimning o‘zi uchun esa 370 mln so‘m evaziga Trailblazer sotib olingan.

6 noyabr 2020, 11:09

Toshkent shahar hokimiga o‘rinbosarlar tayinlandi

G‘ofir Jamolov Toshkent shahar hokimining o‘rinbosari — uy-joy kommunal xo‘jaligi bosh boshqarmasi boshlig‘i, Muxtor Muhitdinov Toshkent shahar hokimining o‘rinbosari — kanallardan foydalanish boshqarmasi boshlig‘i etib tayinlandi.

6 noyabr 2020, 10:16

Anvar Alimov sog‘liqni saqlash vazirining o‘rinbosari etib tayinlandi

Anvar Alimov sog‘liqni saqlash vazirining o‘rinbosari — Toshkent shahar sog‘liqni saqlash bosh boshqarmasi boshlig‘i etib tayinlandi. U 2012−2016 yillarda sog‘liqni saqlash vaziri bo‘lgan edi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting