Siyosat

16 iyun 2021, 12:09

Prezident sayloviga jami 300 mlrd so‘m, har bir nomzodga esa 3 mlrd so‘mdan ajratiladi

Markaziy saylov komissiyasi oktyabrdagi prezident saylovi Xarajatlar smetasini — 300 mlrd so‘m etib tasdiqladi. Unga ko‘ra, siyosiy partiyalarning tashviqot va targ‘iboti uchun 15 mlrd 486 mln so‘m, har bir nomzodga esa — 3 mlrd so‘mdan ajratiladi. Saylov jarayonida koronavirusga qarshi kurash uchun 11,5 mlrd so‘m sarflash rejalashtirilgan. Xarajatlar haqida batafsil.

16 iyun 2021, 11:29

TATU rektori vazifasini bajaruvchisi tayinlandi

Baxtiyor Maxkamov Toshkent axborot texnologiyalari universiteti rektori vazifasini bajaruvchisi etib tayinlandi. Bundan avval u Elektromagnit moslashuv markazi rahbarining birinchi o‘rinbosari bo‘lib ishlagan.

16 iyun 2021, 09:16

Xalqaro tashkilotlar loyihalari davom etishi uchun normativ hujjat qabul qilish kerak — Tanzila Narbayeva

Senat raisi Tanzila Narbayeva O‘zbekistonda xalqaro tashkilotlar tomonidan amalga oshiriladigan loyihalar tugaganidan so‘ng qilinadigan ishlar to‘xtab qolmasligi uchun normativ-hujjatlar qabul qilish kerakligini ta’kidladi. «Bu loyiha yutuqlarini mamlakatning boshqa hududlarida ham tadbiq etishga yordam beradi», — dedi u.

15 iyun 2021, 20:30

15 iyun kuni O‘zbekistonda sodir bo‘lgan eng muhim xabarlar dayjesti

O‘zbekiston fuqaroligini olish tartibi soddalashtirilishi haqidagi qonun, yangi tayinlovlar, Al-Xorazmiyning yangi haykali Urganchda o‘rnatilishi, kameraning xotira kartasini «yeb qo‘ygani» aytilayotgan matbuot xizmati xodimi — «Gazeta.uz»ning 15 iyundagi eng muhim xabarlari dayjestida.

15 iyun 2021, 19:10

Shavkat Mirziyoyev BAA delegatsiyasini qabul qildi

Prezident BAA hukumat ishlari bo‘yicha vaziri Muhammad bin Abdulloh al-Gargaviy boshchiligidagi delegatsiyani qabul qildi. Uchrashuvda Amirliklarning davlat boshqaruvi tajribasi bo‘yicha qo‘shma «yo‘l xaritasi»ni qabul qilish yuzasidan kelishuvga erishilgan. Qolaversa, delegatsiya tomonidan Orolbo‘yi mintaqasi bo‘yicha yangi loyiha taklifi bildirilgan.

15 iyun 2021, 15:11

Bektemir tumaniga yangi hokim tayinlandi

Tapil Mahamadziyayev Bektemir tuman hokimi etib tayinlandi. Bunga qadar u Favqulodda vaziyatlarni oldini olish va ularda harakat qilish davlat tizimi hamda fuqaro muhofazasining tashkiliy ta’minoti va rejalashtirish bosh boshqarmasi boshlig‘i bo‘lgan.

15 iyun 2021, 12:46

Vaxobjon Rajapov xalq ta’limi vaziriga o‘rinbosar bo‘ldi

Xalq ta’limi vazirining o‘rinbosari vazifasiga Vaxobjon Rajapov tayinlandi. U bungacha Farg‘ona viloyati xalq ta’limi xodimlarini qayta tayyorlash va ularning malakasini oshirish hududiy markazi direktori lavozimida faoliyat yuritgan.

15 iyun 2021, 12:44

Toshkent viloyatining tuman va shaharlari chegaralari o‘zgartiriladi

Deputatlar Toshkent viloyatining shahar va tumanlarini chegaralarini o‘zgartirish, jumladan, viloyatning 17359,1 gektar maydonini bir xududdan boshqa xudud tarkibiga o‘tkazishga oid masalani ko‘rib chiqdi. Bu anklav hududlarni tugatish va mahalliy davlat hokimliklari organlari tomonidan hudud boshqaruvini yanada soddalashtirish maqsadida amalga oshirilmoqda.

15 iyun 2021, 11:53

O‘zbekiston fuqaroligini olish tartibi soddalashtirildi

Prezident O‘zbekiston fuqaroligini olishni soddalashtiruvchi qonunni imzoladi. 2005 yilgacha mamlakatga kelgan, shuningdek, mamlakatda 15 yildan beri muqim istiqomat qilayotgan fuqaroligi bo‘lmagan shaxslar O‘zbekiston fuqarolari deb tan olinishi mumkin.

15 iyun 2021, 09:40

Toshkent shahri va viloyati onkologiya kasalxonalari yagona muassasa sifatida birlashtiriladi

Onkologik kasalliklar bo‘yicha eng ko‘p murojaatlar poytaxt va Toshkent viloyati filiallariga to‘g‘ri kelmoqda. Ularda barcha bemorlarning qariyb 37 foizi davolangani qayd etildi. Shundan kelib chiqib, Toshkent shahri va Toshkent viloyati shifoxonalarini yagona muassasa sifatida birlashtirish taklifi bildirildi. «Natijada salohiyatli mutaxassislar va yuqori texnologik uskunalar bir joyda jamlanib, davolash sifati oshadi, bemorlar sarson bo‘lishining oldi olinadi», — deya ta’kidladi prezident matbuot xizmati.

14 iyun 2021, 20:30

14 iyun kuni O‘zbekistonda sodir bo‘lgan eng muhim xabarlar dayjesti

Milliy test tizimi atrofidagi mojarolar, Shavkat Mirziyoyevning hafta davomidagi ish grafiki, Sirdaryo hokimligi mas’ullarining raqqosalar bilan video uchun ishdan ketishi, kattaqo‘rg‘onlik soliqchi voqeasi — “Gazeta.uz"ning 14 iyundagi eng muhim xabarlari dayjestida.

14 iyun 2021, 18:56

«Qoidabuzarlikni to‘xtatish uchun vijdonimni sotishga ham tayyorman». Adliya vaziri — YTHlarni suratga olish haqida

Adliya vaziri yo‘l harakati qoidalarini buzayotganlarni suratga olganlarni rag‘batlantirish tizimi haqida: «Agar jamoat joyida odam noqonuniy xatti-harakat bilan shug‘ullanayotgan bo‘lsa, [qoidabuzarlikni to‘xtatish uchun] kerak bo‘lsa, vijdonimni sotishga ham tayyorman», — deya tushuntirdi. U huquqbuzarliklar haqida xabar berayotganlarni haroqat qilmaslikka chaqirdi va hozirgidek tinch zamonda yiliga minglab odamlar yo‘llarda o‘lib ketayotganini eslatib o‘tdi.

14 iyun 2021, 11:24

Shavkat Mirziyoyev hafta oxirida Andijonga boradi

Prezidnet shu hafta oliy ta’lim sohasidagi islohotlar va joriy yilgi qabul jarayoniga tayyorgarlik bo‘yicha videoselektor yig‘ilishi o‘tkazadi. Davlat rahbari 17−18 iyun kunlari Andijon viloyatiga boradi.

12 iyun 2021, 15:27

«Tolibon» Turkiyadan o‘z qo‘shinlarini Afg‘onistondan olib chiqib ketishni talab qildi

«Tolibon» Turkiyadan o‘z qo‘shinlarini Afg‘onistondan olib chiqib ketishni talab qildi. Harakat shu tarzda NATO o‘z qo‘shinlarini Afg‘onistondan olib chiqishi ortidan Anqaraning Qobul aeroportini muhofaza qilish yuzasidan bergan taklifiga munosabat bildirdi.

11 iyun 2021, 20:30

11 iyun kuni O‘zbekistonda sodir bo‘lgan eng muhim xabarlar dayjesti

USAID missiyasi birinchi direktorining O‘zbekistonga yetib kelishi, Shavkat Mirziyoyevning Tojikistonga tashrifining ikkinchi kuni, OTMlarga yangi rektorlar tayinlanishi, Kattaqo‘rg‘on tumani soliq inspeksiyasi boshlig‘i o‘rinbosarining vafoti — “Gazeta.uz"ning 11 iyundagi eng muhim xabarlari dayjestida.

11 iyun 2021, 15:26

«Shavkat Mirziyoyev yaxshi qo‘shnichilik munosabatlarining tashabbuskori va arxitektori» — Tojikiston prezidenti

O‘zbekiston va Tojikiston prezidentlari Xo‘jand yaqinidagi «Arbob» madaniyat saroyida So‘g‘d viloyati ziyolilari va nuroniylari bilan uchrashdi. «Davlatlarimiz o‘rtasida hal bo‘lmagan masala qolmadi, o‘zaro ishonch paydo bo‘ldi. Bunday munosabatlarning tashabbuskori va arxitektori Shavkat Mirziyoyev», — dedi Emomali Rahmon.

11 iyun 2021, 11:47

16−17 iyun kunlari Tatariston prezidenti Toshkentga keladi

Iyun oyining o‘rtalarida Tatariston prezidenti Rustam Minnixanovning O‘zbekistonga tashrifi rejalashtirilmoqda. Ikki davlat yetakchilari respublikalar o‘rtasida o‘zaro manfaatli hamkorlikning holati va istiqbollarini muhokama qilishadi. Qolaversa, 25 dan ortiq kompaniyalar vakillaridan iborat delegatsiya Tatariston-O‘zbekiston biznes forumida ham qatnashadi.

10 iyun 2021, 23:29

Shavkat Mirziyoyev birinchi darajali «Zarrintoj» ordeni bilan mukofotlandi — video

Shavkat Mirziyoyev Tojikistonga rasmiy tashrifining birinchi kuni yakunida, Tojikistonning yuksak mukofoti — I darajali «Zarrintoj» ordeni bilan mukofotlandi. Ordenni unga hamkasbi Emomali Rahmon topshirdi.

10 iyun 2021, 20:30

10 iyun kuni O‘zbekistonda sodir bo‘lgan eng muhim xabarlar dayjesti

Shavkat Mirziyoyevning Tojikistonga tashrifi, O‘zbekistonga olib kelingan vaksinalar, avtobuslar ishtirokidagi YTHlar statistikasi, Jasur Umirovning ozod etilishi, 15 mln so‘mga ruchka xarid qilinishi — “Gazeta.uz"ning 10 iyundagi eng muhim xabarlari dayjestida.

10 iyun 2021, 19:37

O‘zbekiston Xatlonda shifoxona, Tojikiston esa Samarqandda maktab qurib berdi

O‘zbekiston Xatlon viloyatida 250 o‘rinli zamonaviy shifoxona, Tojikiston esa Samarqand viloyatida 640 o‘quvchiga mo‘ljallangan maktab qurib berdi. Shavkat Mirziyoyev Tojikistonga tashrifi davomida hamkasbi Emomali Rahmon bilan ramziy tugmani bosib, ularning faoliyatiga start berdi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting