Siyosat

14 aprel 2021, 21:05

Shavkat Mirziyoyev Imron Xon bilan onlayn uchrashuv o‘tkazdi

O‘zbekiston prezidenti Pokiston bosh vaziri Imron Xon bilan videoanjuman shaklida uchrashuv o‘tkazib, ikki davlat o‘rtasida aviaqatnovlarni qayta tiklash, imtiyozli savdo to‘g‘risidagi bitimni imzolash, viza rejimini soddalashtirish, transport-tranzit va boshqa masalalarni muhokama qildi. Pokistonning Serene Air kompaniyasi O‘zbekistonga charter reyslarini boshlashni rejalashtirmoqda.

14 aprel 2021, 13:47

MSK prezident saylovlariga tayyorgarlikni boshladi

Markaziy saylov komissiyasi O‘zbekiston prezidenti sayloviga tayyorgarlik ko‘rish bo‘yicha chora-tadbirlar dasturini tasdiqladi. Dastur pandemiyani hisobga olgan holda huquqiy madaniyat va saylovchilar faolligini oshirish, AKTni saylov jarayoniga joriy etish va saylovga tayyorgarlik vazifalarini belgilaydi.

14 aprel 2021, 12:42 1

Samarqandda o‘z uyida qimorxona ochgan shaxsga jinoyat ishi ochildi

Payariq tumanida fuqaro o‘z xonadonida qimor va tavakkalchilikka asoslangan o‘yin tashkil etgani aniqlandi. Unga nisbatan Jinoyat kodeksining 278-moddasi 1-qismi bilan ish ochilib, u protsessual tartibda ushlandi.

14 aprel 2021, 10:33

Tibbiy-ijtimoiy xizmatlarni rivojlantirish agentligining rahbariyati tayinlandi

Alisher Inakov yangi tashkil etilgan Tibbiy-ijtimoiy xizmatlarni rivojlantirish agentligi direktori bo‘ldi. Shu bilan birga, agentlikning 2 o‘rinbosari ham tayinlandi.

14 aprel 2021, 09:32

Investitsiyalar va tashqi savdo vazirining yangi o‘rinbosari tayinlandi

Prezident Administratsiyasi, Vazirlar Mahkamasi hamda Davlat bojxona qo‘mitasida turli lavozimlarda ishlab kelgan Baxtiyor Rahimov investitsiyalar va tashqi savdo vazirining o‘rinbosari etib tayinlandi.

13 aprel 2021, 18:10

1 maydan talabalarga ijara to‘lovining 50 foizi davlat tomonidan qoplab beriladi

Prezident boshchiligida o‘tayotgan videoselektorda 1 maydan talabalarga ijara to‘lovining 50 foizi davlat tomonidan qoplab berilishi ta’kidlandi. Buning uchun 100 mlrd so‘m ajratiladi. «Dastlabki bosqichda ushbu tizim orqali 60 ming nafar yoshlar qamrab olinadi», — dedi Shavkat Mirziyoyev.

13 aprel 2021, 17:52

Hokimlarning ishda qolishi yoshlar bo‘yicha ko‘targan tashabbusiga bog‘liq bo‘ladi — prezident

Shavkat Mirziyoyev hokimlarning yoshlar bo‘yicha har 15 kun, 1 oyda nima tashabbus ko‘rsatganiga qarab faoliyatiga baho berilishi, shunga qarab ishda qolish-qolmasligi hal etilishini ta’kidladi. «27 yil yoshlarni o‘qitmadik, dardiga quloq tutmadik. Yoshlar bizdan 20 baravar ilgarilab ketdi», — dedi davlat rahbari.

13 aprel 2021, 17:16

«Ishdan ketganlar maoshini davlatga qaytarib berishi kerak» — prezident yoshlar bilan ishlay olmagan amaldorlar haqida

Seshanba kungi videoselektorda yoshlar bilan ishlay olmagani uchun bir viloyat hokimi o‘rinbosari va ikkita tuman hokimi, bir qancha prokuror, ichki ishlar bo‘limi boshliqlari va soliq idoralari rahbarlari ishdan olindi. «Ishdan ketganlar maoshini davlatga qaytarib berishi kerak. Pulni bolalar uyiga olib borish lozim», — dedi prezident. Qolaversa, «1+1» dasturi orqali 1 mln yoshlar qamrab olinmasa Adham Ikramov va Dilmurod Qosimov ham ishdan bo‘shatilishi aytildi.

13 aprel 2021, 16:03

Surxondaryo viloyati hokimi o‘rinbosari Chori Begimqulov lavozimidan ozod etiladi — prezident

Prezident videoselektor yig‘ilishida viloyatlar hokimlari yoshlar bilan ishlashni paxta, g‘alla ekishdek deb o‘ylayotganini ta’kidladi. Ayni shu sabab yil davomida ikkinchi marotaba yoshlar masalasida yig‘ilish o‘tkazilayotgani qayd etildi. Davlat rahbari yoshlar bilan ishlashni munosib tashkil qilmagani uchun Surxondaryo viloyati hokimining yoshlar masalalari bo‘yicha o‘rinbosari Chori Begimqulov ishdan olinishini ma’lum qildi.

13 aprel 2021, 14:43

Shavkat Mirziyoyev rasmiy tashrif bilan Tojikistonga boradi — OAV

Prezident Shavkat Mirziyoyev Tojikiston prezidenti Imomali Rahmonning taklifiga binoan 10−12 iyun kunlari rasmiy tashrif bilan Dushanbeda bo‘lishi kutilmoqda. Bu haqda Tojikistonning mahalliy OAVlari xabar berdi.

13 aprel 2021, 13:51

O‘zbekiston qishloq xo‘jaligi uchun suv olish limitlari tasdiqlandi

Hukumat qaroriga asosan Qoraqalpog‘iston va viloyatlarda qishloq xo‘jaligi ekinlarini sug‘orish uchun suv olish limitlari tasdiqlandi. Unga ko‘ra, respublika bo‘yicha mart-sentyabr oylarida jami limit 29 mlrd 236 mln 500 ming kub etib belgilanmoqda. Bundan tashqari, suv tanqisligining salbiy ta’sirlarini yumshatish bo‘yicha maxsus ishchi guruh ham shakllantirildi.

13 aprel 2021, 11:03

Andijon shahri yaqinida «Yangi Andijon» massivi bunyod etiladi

Andijon shahri yaqinida «Yangi Andijon» massivi bunyod etiladi. Uning bosh rejasi prezidentga taqdimot qilindi. 4 ming gektarda joylashadigan ob’ektda 411 ming nafar aholi uchun uy-joy, savdo maskanlari, kichik sanoat zonasi va yashil hudud bo‘lishi reja qilingan.

13 aprel 2021, 10:58

Mamlakatda haqiqiy iqtisodiy islohotlar boshlandi — Alisher Usmonov Shavkat Mirziyoyev siyosati haqida

Alisher Usmonov fikriga ko‘ra, O‘zbekistonda sovet ittifoqidan so‘ng bo‘lgan turg‘unlikdan keyin endi haqiqiy iqtisodiy islohotlar boshlandi. «Ushbu islohotlarning tashabbuskori, birinchi navbatda, o‘z aholisining farovonligini oshirish, shuningdek, Markaziy Osiyo mamlakatlari qo‘shnichilikni mustahkamlash bo‘yicha boshqaruvni olgan davlat rahbari hisoblanadi», — dedi u Shavkat Mirziyoyev haqida.

12 aprel 2021, 12:58

Abdulaziz Kamilov Qatardagi «Tolibon» vakolatxonasi rahbari bilan uchrashdi

«Tolibon»ning Qatardagi vakolatxonasi rahbari mulla Barodar Axund tashqi ishlar vaziri Abdulaziz Kamilov bilan muzokaralar davomida O‘zbekistonning yirik infratuzilma loyihalari Afg‘onistonda to‘laqonli tinch siyosiy jarayonni boshlash uchun zarur shart-sharoitlarni yaratishga xizmat qilishini ta’kidladi.

12 aprel 2021, 12:57

Ravshan Ermatov Milliy olimpiya qo‘mitasida birinchi vitse-prezidenti lavozimiga saylandi

Shu kunga qadar bir vaqtning o‘zida Jismoniy tarbiya va sport vazirining birinchi o‘rinbosari, O‘zbekiston Futbol assotsiatsiyasi birinchi vitse-prezidenti lavozimlarida ishlab kelayotgan Ravshan Ermatov Milliy olimpiya qo‘mitasi birinchi vitse-prezidenti etib saylandi.

12 aprel 2021, 10:42

O‘zbekiston va Qozog‘iston chegara hududida hamkorlik markazini qurishadi

O‘zbekiston va Qozog‘iston bosh vazirlari ikki mamlakat chegarasi hududida «Markaziy Osiyo» xalqaro savdo iqtisodiy hamkorlik markazi qurilishiga start berishdi. Markaz orqali sutkasiga ikki tomonga 35 ming kishi va 5000 dona yuk mashinalari o‘tishi mumkin bo‘ladi.

10 aprel 2021, 19:19

Turizm va sport vazirligi rahbariyati tayinlandi

Prezident farmoni bilan Aziz Abduhakimov nomzodi bosh vazir o‘rinbosari — turizm va sport vaziri sifatida tasdiqlandi. Qolaversa, prezident qarorlari bilan uning o‘rinbosarlari ham tayinlanmoqda.

9 aprel 2021, 18:33

Qishloq xo‘jaligi vaziriga yangi o‘rinbosar tayinlandi

Investitsiyalar va tashqi savdo vaziri o‘rinbosari Anvar Asamov qishloq xo‘jaligi vazirining o‘rinbosari vazifasiga o‘tdi. Uning avvalgi lavozimiga Bojxona qo‘mitasi raisining o‘rinbosari Baxtiyor Rahimov tayinlandi.

9 aprel 2021, 12:29

Shavkat Mirziyoyev Pokiston bosh vaziri bilan videomuloqot orqali suhbatlashadi

Kelasi hafta Shavkat Mirziyoyevning Pokiston bosh vaziri Imron Xon bilan videomuloqoti rejalashtirilmoqda. Muloqotda ikki mamlakat o‘rtasidagi savdo-iqtisodiy va investitsiyaviy hamkorlikni rivojlantirish masalalari ko‘rib chiqiladi.

9 aprel 2021, 11:41

YeXHTning amaldagi raisi O‘zbekistonga tashrif buyuradi

YeXHTning amaldagi raisi, Shvetsiya tashqi ishlar vaziri Ann Kristin Linde kelasi hafta O‘zbekistonga tashrif buyuradi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting