13 avgust, payshanba COVID-19 Ob-havo Zira Vakansiyalar

Siyosat

Kecha, 17:53

Farg‘ona va So‘x o‘rtasida aviaqatnovlar yo‘lga qo‘yiladi

Bosh vazir Abdulla Aripov So‘x tumanida samolyot va vertolyotlar uchun uchish-qo‘nish maydonchasi tashkil etilishini ma’lum qildi. Farg‘ona-So‘x yo‘nalishidagi aviaqatnovlarga «Humo AIR» aviakompaniyasining An-2 samolyoti hamda «Uzbekistan Helicopters» MCHJga qarashli MI-8 vertolyotlarini jalb qilish ko‘zda tutilmoqda.

Kecha, 15:30

«Yoshlarning ovoziga quloq tutish juda muhim» — Shavkat Mirziyoyev

Shavkat Mirziyoyev inson huquqlari bo‘yicha Samarqand forumi ishtirokchilariga tabrik yo‘lladi. O‘zbekiston prezidenti o‘z tabrigida pandemiya va boshqa muammolar sharoitida yoshlar ovoziga quloq tutish, ularning huquqlarini ta’minlashga qaratilgan dasturlarni ishlab chiqishda yoshlar ishtirokini ta’minlash zarurligini ta’kidladi.

11 avgust 2020, 18:27

Endilikda xo‘jalik boshqaruv organlari ustidan ham parlament nazorati o‘rnatiladi

Oliy Majlis palatalariga xo‘jalik boshqaruv organlari, jumladan, «O‘zbekneftgaz», Uzbekistan Airways, Olmaliq va Navoiy kon-metallurgiya kombinatlari va boshqalar rahbarlarining kompaniyalar faoliyatiga doir axborotlarini eshitish vakolati berildi.

11 avgust 2020, 13:22

Sud-tergov jarayonida shaxsiy huquq va erkinliklar kafolati kuchaytiriladi

Prezident sud-tergov faoliyatida shaxsning huquq va erkinliklarini himoya qilish kafolatlarini yanada kuchaytirish to‘g‘risidagi farmonni imzoladi. Hujjatda, jumladan, huquqni muhofaza qilish organlari xodimlari tomonidan fuqarolarni qiynash, ularga nisbatan shafqatsiz va kamsituvchi muomalada bo‘lish, ushlangan shaxsning huquqlarini poymol qilishning oldini olishga alohida urg‘u qaratildi.

10 avgust 2020, 22:48

O‘zbekiston va Belarus prezidentlari telefon orqali muloqot qildi

Shavkat Mirziyoyev va Aleksandr Lukashenko telefon orqali muloqotda ikki tomonlama munosabatlar kun tartibidagi masalalar ko‘rib chiqilib, o‘zaro muloqotni jadallashtirishga kelishib olindi.

10 avgust 2020, 20:40

O‘zbekistonda karantin talablari bosqichma-bosqich yengillashtiriladi

Prezident raisligida o‘tgan yig‘ilishda fuqarolar hayoti va sog‘lig‘i himoyasini yanada kuchaytirgan holda, pandemiya sharoitida yashash va ishlashda davom etish, karantin talablarini bosqichma-bosqich yumshatish muhimligi ta’kidlandi. Qashqadaryo, Farg‘ona va Buxoroda yengillatish jarayoni boshlangan.

10 avgust 2020, 19:30

Shavkat Mirziyoyev Janubiy Koreyaga yil oxirida tashrif buyuradi

Prezident Shavkat Mirziyoyev dekabr oyida Janubiy Koreyaga tashrif buyurishi kutilmoqda. Tashrif koronavirus pandemiyasi sababli keyinroq muddatga ko‘chirilgan.

10 avgust 2020, 18:52

O‘zbekiston tolib-mahbuslarning ozod qilinishini olqishladi

O‘zbekiston Afg‘oniston Maslahat loya jirg‘asining 400 nafar tolib-mahbusni ozod qilish to‘g‘risidagi qarorini olqishlashini ma’lum qildi. Afg‘onlararo muzokaralari shu hafta ichida boshlanishi mumkin.

10 avgust 2020, 18:28

Sudyalar oliy kengashiga yangi rahbar tayinlandi

Xolmo‘min Yodgorov Sudyalar oliy kengashi raisi etib tayinlangani munosabati bilan Oliy sud raisi o‘rinbosari lavozimidan ozod qilindi.

10 avgust 2020, 14:49

Shavkat Mirziyoyev Aleksandr Lukashenkoni tabrikladi

O‘zbekiston prezidenti Shavkat Mirziyoyev Aleksandr Lukashenkoni Belarus prezidenti saylovida erishgan g‘alabasi bilan qutladi.

8 avgust 2020, 21:44

Toshkent shahrining Sergeli tumani hokimi o‘z vazifasidan ozod etildi

Baxtiyor Shomurodov Toshkent shahrining Sergeli tumani hokimi lavozimini tark etdi. Vaqtinchalik uning vazifasini hokimning birinchi o‘rinbosari Murod Isaboyev bajaradi.

8 avgust 2020, 21:25

Bosh vazir Mahalla va oilani qo‘llab-quvvatlash vazirligi rahbarlariga hayfsan berdi

Bosh vazir Abdulla Aripov raisligida o‘tgan yig‘ilishda Mahalla va oilani qo‘llab-quvvatlash vaziri Raxmat Mamatov, shuningdek uning o‘rinbosarlari Botir Parpiyev va Azizbek Ikromovga hayfsan berildi. Bosh vazir kam ta’minlangan oilalarga bir martalik moliyaviy yordamni kechiktirgan ayrim mahalla raislarining harakatlarini tanqid qildi.

7 avgust 2020, 20:19

«Migrant bo‘lish oson emas. Bu ashaddiy sinov» — Abdulaziz Kamilov

Senatning oltinchi yalpi majlisida yarim yillik faoliyati bo‘yicha hisobot bergan tashqi ishlar vaziri, jumladan, pandemiyasi sababli xorijda qiyin ahvolga tushib qolgan fuqarolarga qo‘ldan kelgancha yordam ko‘rsatilayotganini ta’kidlar ekan, bu borada kamchiliklar ham borligini tan oldi. «Konsulxonaga hujum qilamiz, o‘t qo‘yamiz, konsulni osamiz, degan gaplar ham bo‘ldi», — dedi u.

7 avgust 2020, 16:09

Senat yangi tahrirdagi «Odam savdosiga qarshi kurashish to‘g‘risida» gi qonunni ma’qulladi

Senatorlar yangi tahrirdagi «Odam savdosiga qarshi kurashish to‘g‘risida» gi qonunni ma’qullashdi. Unda, jumladan, odam savdosidan jabrlanganlar haqidagi ma’lumotlar maxfiyligi kafolatlandi. Shuningdek, odam savdosiga qarshi kurashda NNTlar vakolat va vazifalari belgilandi.

7 avgust 2020, 11:57

Senat koronavirus qurbonlarining xotirasiga bir daqiqalik sukut saqladi

Senatorlar Qoraqalpog‘iston Jo‘qorg‘i Kengesining raisi Musa Yerniyazov va koronavirusdan vafot etgan boshqa fuqarolarning xotirasiga bir daqiqa sukut saqlashdi.

7 avgust 2020, 10:14

Elyor G‘aniyev transport vaziri lavozimidan ozod etildi

Transport vaziri Elyor G‘aniyev boshqa ishga o‘tganligi munosabati bilan o‘z lavozimidan ozod etildi. U Transport vazirligini 2020 yilning yanvar oyidan boshqarib kelayotgan edi.

6 avgust 2020, 21:12 1

OTMlarga kirish imtihonlari markaziy stadionlarda o‘tkaziladi

2020/2021 o‘quv yilida OTMlarga kirish imtihonlari Toshkent va Nukus shaharlari hamda viloyatlar markazlaridagi stadionlarda kuniga ikki marta — havo salqin vaqtlarda o‘tkazilishi belgilandi.

6 avgust 2020, 20:56

JB agrosektorni rivojlantirishga ajratgan $500 mln qanday taqsimlanadi?

O‘zbekiston Jahon banki qishloq xo‘jaligini modernizatsiya qilishga ajratgan 500 mln dollardan 87 mln dollarini agrosektorda ilm-fan va texnologiyalarni rivojlantirish, 70 mln dollarini esa fitosanitariya va sertifikatlash xizmatlarini ko‘rsatuvchi agromarkazlarga yo‘naltiradi. Yana 200 mln dollar hududlar o‘rtasida taqsimlanib, kooperativlar va klasterlarni rivojlantirishga sarflanadi.

6 avgust 2020, 18:11

O‘zbekistonda inson huquqlari bo‘yicha xalqaro forum bo‘lib o‘tadi

12−13 avgust kunlari yoshlar huquqlarini targ‘ib qilishning dolzarb masalalariga bag‘ishlanadigan Inson huquqlari bo‘yicha Samarqand forumi videokonferensiya shaklida o‘tkaziladi. Unda prezident Shavkat Mirziyoyevning BMT Bosh Assambleyasi 72-sessiyasidagi taklifiga muvofiq tayyorlangan BMTning Yoshlar huquqlari bo‘yicha konvensiyasi loyihasi muhokama qilinadi.

6 avgust 2020, 15:55

Xalq ta’limi xodimlari malakasini oshirish institutiga yangi rektor tayinlandi

Ayubxon Radjiyev Abdulla Avloniy nomidagi xalq ta’limi tizimi rahbar va mutaxassis xodimlarini qayta tayyorlash va malakasini oshirish instituti rektori etib tayinlandi.