Siyosat

Kecha, 22:34

O‘zbekiston TIV rahbari Afg‘onistonda OTMlarga qabul kvotalari oshirilganini olqishladi

Payshanba kuni Afg‘onistonda OTMlarga kirish imtihonlari boshlanadi. O‘zbekiston tashqi ishlar vaziri Vladimir Norov qabul kvotasi qariyb 70 foizga oshirilganini olqishladi va oliy o‘quv yurtlarida o‘qish uchun qizlarga teng miqdorda o‘rin berilishiga umid bildirdi.

Kecha, 08:39

O‘zbekiston Vengriyada diplomatik vakolatxona ochadi

Prezident Shavkat Mirziyoyev va bosh vazir Viktor Orban O‘zbekiston hamda Vengriya o‘rtasida strategik sheriklikni rivojlantirish to‘g‘risidagi qo‘shma bayonotni imzoladi. Shuningdek, mamlakatlar vazirlari va idoralari rahbarlari 15 ta hujjatga imzo chekishdi. Budapeshtda O‘zbekiston elchixonasi ochiladi.

Kecha, 08:15

Senat bir qator qonunlar va ayrimlariga o‘zgartishlar kiritishni ko‘rib chiqadi

Senat 7 oktabrdagi yalpi majlisda ko‘chmas mulkka bo‘lgan huquqlarni davlat ro‘yxatidan o‘tkazishga oid va yangi tahrirdagi standartlashtirish to‘g‘risidagi qonunni ko‘rib chiqadi. Qolaversa, Orolbo‘yi mintaqasi bo‘yicha hukumatga yuborilgan so‘rov natijasi hamda Farg‘ona viloyati hokimining hisoboti muhokama qilinadi.

4 oktabr 2022, 19:19

Prezident Vengriya ishbilarmonlarini O‘zbekiston investitsiya uchun eng yaxshi joy ekaniga ishonch hosil qilishni taklif etdi

Shavkat Mirziyoyev vengriyalik ishbilarmonlarni bugun investitsiyalar uchun eng yaxshi joy O‘zbekiston ekaniga shaxsan ishonch hosil qilishga taklif etdi. U O‘zbekiston vazirlik va tashkilotlariga vengriyalik hamkorlarga O‘zbekistonda muvaffaqiyatli biznes yuritishda har tomonlama ko‘maklashish topshirdi.

4 oktabr 2022, 18:43

O‘zbekiston va Vengriya prezidentlari muzokaralar o‘tkazdi

O‘zbekiston va Vengriya prezidentlari o‘rtasidagi muzokaralarda Vengriya tomoni o‘zbekistonlik talaba va doktorantlar uchun yillik kvotani 170 tagacha oshirishga qaror qilgani aytildi. Oliy o‘quv yurtlari rektorlarining ikkinchi O‘zbekiston-Vengriya forumini o‘tkazish maqsadga muvofiqligi ham ta’kidlandi.

4 oktabr 2022, 14:47

Foto: O‘zbekiston va Vengriya prezidentlari uchrashdi

Vengriyada rasmiy tashrif bilan bo‘lib turgan prezident Shavkat Mirziyoyevni Budapeshtda rasmiy kutib olish marosimi bo‘lib o‘tdi. Shundan so‘ng, davlat rahbari Qahramonlar maydonidagi xotira ustuni poyiga gulchambar qo‘ydi.

4 oktabr 2022, 12:30

«Biz siz uchun birinchi ko‘prikni barpo qilyapmiz». Aziz Abduhakimov xorijdagi o‘zbekistonliklarga murojaat qildi

«O'zbekistonlik» filmi taqdimoti doirasida bosh vazir o‘rinbosari Aziz Abduhakimov xorijdagi vatandoshlarga murojaat qilib, ularni hamkorlikka chaqirdi. «Biz uzoq vaqt davomida o‘z yo‘li va baxtini topishga uringanlardan ranjidik… Lekin Yangi O‘zbekiston boshqacha fikrlaydi va hayot kechiradi», — dedi u.

4 oktabr 2022, 09:53

Shavkat Mirziyoyev Budapeshtga yetib bordi

Shavkat Mirziyoyev rafiqasi hamrohligida Budapeshtga yetib bordi. Oliy martabali mehmonlarni Vengriya iqtisodiy rivojlanish vaziri Marton Nad kutib oldi. O‘zbekiston — Vengriya sammitning asosiy tadbirlari seshanba kuni bo‘lib o‘tadi.

2 oktabr 2022, 17:45

Shavkat Mirziyoyev Jo Baydenga hamdardlik bildirdi

Prezident Shavkat Mirziyoyev AQSh prezidenti Jo Baydenga «Ien» to‘foni qurbonlari va vayronagarchiliklari munosabati bilan hamdardlik bildirdi.

2 oktabr 2022, 11:21

Shavkat Mirziyoyev rasmiy tashrif bilan Vengriyaga boradi

Prezident 3−4 oktabr kunlari rasmiy tashrif bilan Vengriyada bo‘ladi. Tashrif doirasida Budapeshtda mamlakat prezidenti va bosh vaziri bilan oliy darajadagi muzokaralar bo‘lib o‘tadi. Shuningdek, davlat rahbari Vengriyaning yetakchi kompaniya va banklari rahbarlari bilan uchrashuv o‘tkazishi ko‘zda tutilgan.

1 oktabr 2022, 21:42

Shavkat Mirziyoyev XXR raisi Si Szinpinga tabrik yo‘lladi

O‘zbekiston prezidenti Xitoy Xalq Respublikasi tashkil topganining 73 yilligi munosabati bilan mamlakat rahbari Si Szinpinga tabrik yo‘llab, ezgu tilaklarini bildirdi.

1 oktabr 2022, 15:42

TIV Kobuldagi ta’lim markazida sodir bo‘lgan terakt yuzasidan bayonot berdi

O‘zbekiston Tashqi ishlar vazirligi Kobul g‘arbidagi ta’lim markazida sodir etilgan terrorchilik hujumi yuzasidan bayonot berdi. Halok bo‘lganlarning aksariyati qizlar ekanligi aytilmoqda. Vazirlik teraktning tashkilotchilari hamda ijrochilarini aniqlashda barcha zarur choralarni ko‘rishga chaqirdi.

30 sentabr 2022, 09:05

O‘zbekiston boshqa davlatlarning hududiy yaxlitligini hurmat qilishga sodiqdir — TIV

TIV Ukraina atrofidagi vaziyat bo‘yicha bayonot berdi. Unda O‘zbekiston boshqa davlatlarning hududiy yaxlitligini hurmat qilishga sodiqligi ta’kidlangan. TIV qonunbuzarlik sodir qilmagan chet elliklar, jumladan rossiyaliklar majburiy deportatsiya qilinmasligini ma’lum qildi.

29 sentabr 2022, 20:31

Toshkent markazida tezlikni 50 km/soatgacha tushirish rejalashtirilmoqda

Xalq deputatlari Toshkent shahar Kengashi komissiyasi harakat tezligini Kichik halqa yo‘lida 60 km/soat, poytaxt markazi — A.Navoiy, Mahtumquli, A.Temur, KHAY, I.Karimov, T,Shevchenko, Bobur va Furqat ko‘chalarida esa 50 km/soatgacha tushirish masalasini muhokamaga qo‘yishni ko‘zlayapti.

29 sentabr 2022, 18:43

Toshkent viloyatiga yangi prokuror tayinlandi

Bosh prokuror o‘rinbosari lavozimida faoliyat yuritgan Shavkatjon Raximov Toshkent viloyati prokurori etib tayinlandi.

29 sentabr 2022, 12:31

AQSh davlat kotibi yordamchisi v.b. O‘zbekistonga keladi

AQSh davlat kotibi yordamchisi vazifasini bajaruvchi, Davlat departamentining Xalqaro jamoatchilik bilan aloqalar byurosi rahbari Elizabet Tryudo 3−6 oktabr kunlari O‘zbekistonga keladi. U rasmiylar va nodavlat tashkilotlar vakillari bilan uchrashadi.

29 sentabr 2022, 11:03

Prezident transport sohasiga bag‘ishlangan navbatdagi yig‘ilish o‘tkazdi

Shavkat Mirziyoyev transport sohasidagi islohotlarni jadallashtirishga bag‘ishlangan navbatdagi yig‘ilish o‘tkazdi. «Agar biz transport va logistikani yangi bosqichga olib chiqmasak, iqtisodiyotning barqaror rivojlanishini ta’minlay olmaymiz», — dedi u.

28 sentabr 2022, 14:29

«O‘zbekchorvanasl» direktori mehmonxonadagi nomaqbul harakatlari sabab ishdan olindi

«O‘zbekchorvanasl» agentligi direktori Baxtiyor Atamuradov mehmonxonada sodir etgan nomaqbul harakatlari sabab ishdan olindi. Seshanba kungi yig‘ilishda buni e’lon qilgan prezident Administratsiyasi rahbari Sardor Umurzakov shunday qo‘shimcha qildi: «sizning chet eldagi sarguzashtlaringizni ham yuborishdi».

28 sentabr 2022, 12:49

«Zaldan chiqib keting va guvohnomangizni topshiring». PA rahbari hokimlar ishdan olinganini qanday ma’lum qildi?

Seshanba kungi videoselektor yig‘ilishida prezident Administratsiyasi rahbari Sardor Umurzakov beshta tuman hokimi ishdan bo‘shatilganini ma’lum qildi. U o‘z nutqida hokimlar «butun davlat tizimi va prezident komandasini obro‘sizlantirishga olib kelganini» ta’kidladi.

27 sentabr 2022, 22:00

Surxondaryo viloyati hokimi To‘ra Bobolov jarimaga tortildi

Surxondaryo viloyati hokimi To‘ra Bobolov prezident qarori bilan o‘zgalarni haqorat qilgani, hokimlarga qo‘yilgan talablarni bajarmagani va o‘z faoliyatini davlat siyosatiga mos ravishda tashkil etmagani uchun jarimaga tortildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting