5 avgust, chorshanba COVID-19 Ob-havo Zira Vakansiyalar

Siyosat

28 iyul 2020, 12:02

Tadbirkorlarga sanitariya-epidemiologik osoyishtalik belgisi beriladi

1 oktyabrdan boshlab tadbirkorlarga «Sanitariya-epidemiologik osoyishtalik belgisi»ni berish amaliyoti joriy qilinadi. Belgilar «yashil», «sariq» va «qizil» toifalar bo‘yicha 12 oy muddatgacha beriladi. Bunda «yashil» belgiga ega tadbirkorning faoliyati Sanitariya-epidemiologiya xizmati organlari tomonidan o‘rganilishi va tekshirilishiga yo‘l qo‘yilmaydi.

28 iyul 2020, 11:47

Tibbiyot OTM bitiruvchilari COVID-19 ga qarshi kurashga jalb qilinadi

Tibbiyot ta’lim muassasalari bitiruvchilari, pensionerlar va boshqa tibbiyot mutaxassisligiga ega bo‘lgan shaxslar koronavirus pandemiyasiga qarshi kurashish uchun qishloq vrachlik punktlari, oilaviy poliklinikalar va ko‘p tarmoqli markaziy poliklinikalarga jalb qilinadi.

28 iyul 2020, 11:42

Sanitariya-epidemiologik osoyishtalik va jamoat salomatligi xizmati tashkil etildi

Sanitariya-epidemiologik osoyishtalik agentligi faoliyati tugatilib, uning o‘rniga Sanitariya-epidemiologik osoyishtalik va jamoat salomatligi xizmati tashkil etildi. Xizmatga tibbiy majburlov chorasi qo‘llash huquqi berildi va uning vakolatlari barcha davlat organlari va tashkilotlari, ularning mansabdor shaxslaridan mustaqil ravishda amalga oshirilishi belgilandi.

27 iyul 2020, 13:26

«Yuksalish» umummilliy harakatiga yangi rais saylandi

Parlament quyi palatasining Demokratik institutlar, nodavlat tashkilotlar va fuqarolarning o‘zini o‘zi boshqarish organlari qo‘mitasi a’zosi Bobur Bekmurodov «Yuksalish» umummilliy harakati raisi etib saylandi.

24 iyul 2020, 23:57

Prezident odil sudlov samaradorligini oshirish bo‘yicha farmonni imzoladi

Prezident farmoni bilan 1 yanvardan viloyatlardagi sudlar negizida umumyurisdiksiya sudlari tashkil etiladi. Tuman va shahar ma’muriy sudlari tugatiladi, ma’muriy sudlarni ko‘rib chiqish vakolati esa jinoyat ishlari bo‘yicha sudlarga beriladi. Sud tizimiga dastlabki eshituv instituti va «bir sud — bir instansiya» tamoyilini joriy etiladi, shuningdek, prokurorlarning sud ishlarini ko‘rib chiqishdagi ishtiroki tartiblari qayta ko‘rib chiqiladi.

24 iyul 2020, 20:54

Prezident Qurbon hayitini nishonlash to‘g‘risidagi qarorni imzoladi

Prezident Shavkat Mirziyoyev Qurbon hayiti bayramini 31 iyul, juma kuni nishonlash to‘g‘risidagi qarorni imzoladi. Hujjatda bayramning karantin talablariga rioya qilgan holda o‘tishi uchun zarur choralar ko‘rish topshirilgan.

23 iyul 2020, 20:11

Pandemiyani jilovlashda qatnashganlar faxriy unvon, orden va medallar bilan mukofotlanadi

Prezident Shavkat Mirziyoyev pandemiyani jilovlashda fidoyilik ko‘rsatgan bir guruh shifokorlar, IIV, FVV, Mudofaa vazirligi, Milliy gvardiya xodimlari va boshqalarni faxriy unvon, orden va medallar bilan mukofotlash to‘g‘risidagi farmonni imzolaganini ma’lum qildi.

23 iyul 2020, 19:39

Prezident amaldagi karantin cheklovlarini uzaytirishga rozilik bildirdi

Prezident koronavirus yuqtirilishining oldini olish, o‘lim holatlarini keskin kamaytirish maqsadida amaldagi karantin cheklovlarini uzaytirishga rozilik bildirdi.

22 iyul 2020, 13:10

«Monopoliyalar davlat va xalqni zulukdek o‘lguncha so‘rishadi» — Kusherbayev

Deputat Rasul Kusherbayev monopolistlar inqiroz davrida «katta-katta mablag‘larga ega bo‘layotganligi»ga e’tibor qaratdi. Energetika vazirligi deputatning gaplariga e’tiroz bildirib, iste’mol bo‘yicha to‘lovlar bilan bog‘liq vaziyat yaxshilangach, davlat tomonidan sohani qo‘llab-quvvatlashga ajratilgan mablag‘lar byudjetga qaytarilishini ma’lum qildi.

22 iyul 2020, 11:51

Tashqi mehnat migratsiyasi agentligiga yangi rahbar tayinlandi

Muhammadzokir Mamatxonov Tashqi mehnat migratsiyasi agentligi boshlig‘i lavozimiga tayinlandi.

21 iyul 2020, 20:23

Prezident «talon-torojlik va korrupsiya avj olgan» kadastr sohasi bo‘yicha yig‘ilish o‘tkazdi

Prezident Shavkat Mirziyoyev so‘nggi o‘n kunda 16 nafar rahbar ishdan bo‘shatilgan, «talon-torojlik va korrupsiya avj olgan» kadastr sohasiga bag‘ishlab yig‘ilish o‘tkazdi. Davlat rahbari tizimga raqamli texnologiyalarni joriy etish bo‘yicha topshiriqlar berdi.

21 iyul 2020, 19:54

Deputat UzAuto Motors ga qarshi: tez yordam uchun Damas narxlari va xayriya muammosi bilan bog‘liq ayblovlar

Deputat Rasul Kusherbayev UzAuto Motors kompaniyasini Damas larni «ot narxlarida» sotishda va koronavirus pandemiyasi bilan bog‘liq og‘ir ahvolga e’tibor bermaslikda aybladi. «O‘zavtosanoat» ning ta’kidlashicha, kompaniya xayriya maqsadida 37 mlrd so‘mdan ko‘proq mablag‘ ajratgan. Lekin kompaniya deputatlar tomonidan ishlab chiqilgan «Xayriya to‘g‘risida» gi qonun sababli xayriyaga undan ko‘proq sarflay olmasligini aytmoqda.

21 iyul 2020, 15:27

Alisher Qodirov xorijdan vatandoshlarni olib kelishni to‘xtatishni taklif qildi

«Milliy tiklanish» partiyasi lideri Alisher Qodirov Isroil tajribasiga suyangan holda xorijdan O‘zbekiston fuqarolarini olib kelishni to‘xtatish, ularni turgan mamlakatlarida davolanishlarini moliyalashtirishni taklif qildi. Avvalroq prezident Shavkat Mirziyoyev xorijda qolgan barchani qaytarishga va’da bergan edi.

21 iyul 2020, 14:21

O‘zbekiston elchisi Portugaliya prezidentiga ishonch yorliqlarini topshirdi

O‘zbekistonning Fransiyadagi elchisi Sardor Rustamboyev bir vaqtning o‘zida Portugaliyada ham elchi etib tayinlandi. 20 iyul kuni u Portugaliya prezidentiga ishonch yorlig‘ini topshirdi.

21 iyul 2020, 06:29

«Chiqish man etiladi. Olib kelib beramiz hamma narsani» — prezident

Shavkat Mirziyoyev uyda davolanayotgan alomatlarsiz bemorlar bilan poliklinikalar shifokorlari doimiy muloqotni yo‘lga qo‘yishi bo‘yicha topshiriq berdi. «Chiqish man etiladi. Olib kelib beramiz hamma narsani. Agar u ko‘chaga chiqsa zararlanish ehtimoli 200 foiz boshqa odamlarning», — dedi prezident.

20 iyul 2020, 22:40

Prezident — arxitektura va qurilish sohasidagi korrupsiya, shuningdek, raqamlashtirishning zarurligi haqida

So‘nggi ikki yilda davlat dasturlari doirasida 3 mingdan ziyod qurilishdan atigi 182 tasida tender o‘tkazilgan. Chunki tender jarayonlari murakkab va unda narx arzonligi birlamchi. Qurilish tashkilotining malakasi, sifat masalasi past o‘rinlarda qolib ketgan. Prezident 1 noyabrgacha qurilish korxonalarining moliyaviy ko‘rsatkichlari, to‘lov qobiliyati, davlat xaridlari, ishchi-xodimlar malakasi kabi ma’lumotlarni qamrab oluvchi yagona platformani ishga tushirish vazifasini qo‘ydi.

20 iyul 2020, 17:38

Xabarovsk gubernatorini qo‘llab-quvvatlash uchun namoyishlar bo‘lib o‘tmoqda

Rossiyaning Xabarovsk o‘lkasi gubernatori Sergey Furgal 2000 yillar boshida uyushtirilgan suiqasdda gumon qilinib, qo‘lga olindi. 10 mingdan ortiq Xabarovsk aholisi bunga qarshilik bildirish uchun ommaviy namoyishlarga chiqishdi. Sergey Furgalning nima uchun qo‘lga olinganligi bo‘yicha siyosatshunos va ekspertlar fikri.

20 iyul 2020, 16:00

Bank va OTM filiallarini ochish, atom sohasida hamkorlik — Vengriya delegatsiya tashrifi natijalari

Vengriya tashqi iqtisodiy aloqalar va tashqi ishlar vazirining O‘zbekistonga tashrifi davomida atom sohasida hamkorlik, OTP banki va Debrecen universiteti filiallarini ochish, «O‘zbekiston-Vengriya-YeI» formatidagi hamkorlik va boshqa masalalar muhokama qilindi.

20 iyul 2020, 13:22

Isroil O‘zbekistonga yangi elchi tayinladi

Zexavit Ben-Gilel Isroilning O‘zbekistondagi yangi elchisi etib tayinlandi. U 2017 yildan beri Isroilning mamlakatdagi diplomatik vakolatxonasini boshqargan Eduard Shapiraning o‘rnini egallaydi.

20 iyul 2020, 12:03

Shavkat Mirziyoyev mamlakatga kislorod konsentratorlarini yetkazish bo‘yicha topshiriq berdi

Prezident kislorod konsentratorlari va pulsoksimetrlarni O‘zbekistonga tezkor yetkazish bo‘yicha choralar ko‘rishni topshiriq berdi. Buning uchun, agar kerak bo‘lsa, maxsus samolyot ajratilishi, tadbirkorlar tomonidan kislorod konsentratorlarini O‘zbekistonga olib kirish tartib-taomillarini yengillashtirish choralari ko‘rilishi lozimligi qayd etildi.