15 iyul, chorshanba COVID-19 Ob-havo Zira Vakansiyalar

Siyosat

Bugun, 21:29

Prezident Toshkent hokimi va sog‘liqni saqlash vaziriga hayfsan e’lon qildi

Toshkent shahar hokimi Jahongir Ortiqxo‘jayevga va sog‘liqni saqlash vaziri Alisher Shodmonovga koronavirus tarqalishining oldini olish va davolash bo‘yicha Toshkent shahridagi ishlarni talab darajasida tashkil etmagani uchun hayfsan e’lon qilindi. Sog‘liqni saqlash vazirligiga so‘nggi oyda koronavirusni davolash strategiyasi va taktikasini keskin buzganligi ta’kidlandi.

Bugun, 18:47

O‘zbekiston Armaniston va Ozarbayjonni sabrli bo‘lish va muzokaralarga chaqirdi

Tashqi ishlar vazirligi Armanistan va Ozarbayjon chegarasidagi to‘qnashuvlar bo‘yicha bayonot bilan chiqdi. Holatning keskinlashishi tinch aholi orasidagi qurbonlar bo‘lishiga olib kelishi, iqtisodiy aloqalarni buzishi va mintaqaviy xavfsizlikka zarar yetkazishi mumkinligi sababli O‘zbekiston tomonlarni o‘ta sabr-toqatli bo‘lishga va siyosiy-diplomatik muzokalarga chaqirdi.

Bugun, 11:53

Shavkat Mirziyoyev 1 mln dollarlik venchur fondi tashkil etilishini e’lon qildi

Prezident Tadbirkorlikni qo‘llab-quvvatlash davlat fondi qoshida venchur fond tashkil etish to‘g‘risida ko‘rsatma berdi. Dastlab uning hajmi 1 mln dollarni tashkil etadi. Har bir viloyatdagi eng yaxshi startap loyihalariga 50 mlndan 200 mln so‘mgacha miqdorda grantlar ajratiladi.

Bugun, 11:01

Akmal Burhonov Korrupsiyaga qarshi kurashish agentligi direktori etib tayinlandi

“Yuksalish” umummilliy harakati raisi va Qonunchilik palatasi deputati Akmal Burhonov yangi tashkil etilgan Korrupsiyaga qarshi kurashish agentligi direktori etib tayinlandi. “Gazeta.uz” ning hukumatdagi manbasi xabar berishicha, u “Yuksalish” umummilliy harakati raisi lavozimini tark etadi.

Kecha, 22:41

Shavkat Mirziyoyev dori vositalarining uch oylik zaxirasini yaratishga topshiriq berdi

Prezident topshirig‘i bilan viloyatlarda dori vositalarining uch oylik zaxirasi yaratilishi lozim: “Dori vositalari qimmatlashsa, odamlarimizning noroziligiga olib keladi”. U hokimlarga ertalab va kechqurun ijtimoiy tarmoqlarda fuqarolarning savollariga javob berishni ham topshirdi.

Kecha, 22:23

Maktablarda kasbga o‘qitish tizimi joriy etiladi

O‘zbekistonda maktablarda kasbga o‘qitish tizimini joriy etish rejalashtirilmoqda. 2020−2021 o‘quv yilidan boshlab maktab direktori va o‘qituvchilarga o‘quvchilarning oliy ta’limga kirishi, kasb egallab, o‘z ishini topishi darajasiga qarab oshirilgan ish haqi to‘lanadi.

Kecha, 22:09

O‘zbekiston elektron hukumatlar reytingida 87-o‘rinni egalladi

O‘zbekiston BMTning elektron hukumatlar rivojlanish darajasi bo‘yicha reytingida 6 o‘ringa pastladi va 193 mamlakat orasida 87-o‘rinni egalladi.

Kecha, 20:39

«Markaziy Osiyodagi kelishmovchilikning asosiy sababi murosaning yo‘qligi edi»

Tashqi ishlar vazirining o‘rinbosari Ilhom Ne’matov «Gazeta.uz» ga bergan intervyusida Markaziy Osiyoda muloqot maydonini yaratish bo‘yicha muvaffaqiyatsiz urinishlarning sabablari, suvdan foydalanish muammolarini yechish, So‘x voqealarining Qirg‘iziston bilan munosabatlarga ta’siri va pandemiya davrida mintaqa davlatlarining bir-birini qo‘llab-quvvatlagani haqida.

Kecha, 19:19

Prezident koronavirus testini topshirish jarayonini qayta ko‘rib chiqish bo‘yicha topshiriq berdi

Prezident Shavkat Mirziyoyev amaldagi test-tahlil topshirish jarayonini qayta ko‘rib chiqib, aholi uchun qulay tizimni ishlab chiqish hamda karantin qoidalarini zaruriyatga ko‘ra kuchaytirish yoki yumshatish bo‘yicha topshiriq berdi.

Kecha, 10:48

YeTTB sobiq rahbari Suma Chakrabarti “Do‘stlik” ordeni bilan mukofotlandi

Shavkat Mirziyoyev Yevropa tiklanish va taraqqiyot bankining sobiq prezidenti Suma Chakrabarti O‘zbekistonning “Do‘stlik” ordeni bilan mukofotladi.

13 iyul 2020, 18:56

Milliy mass-mediani qo‘llab-quvvatlash va rivojlantirish jamoat fondiga direktor tayinlandi

Aleksandra Kolesnichenko Milliy mass-mediani qo‘llab-quvvatlash va rivojlantirish jamoat fondi direktori etib tayinlandi.

13 iyul 2020, 17:02

Respublika maxsus komissiyasi qarorlar chiqarishga qanchalik vakolatli?

“Maxsus komissiyaning tuzilishi va uning vakolatliligi borasida ikkilanishga o‘rin yo‘q”, — adliya vaziri o‘rinbosari Muzraf Ikramov maxsus komissiyaning tuzilishi va pandemiya sharoitida cheklovlar kiritish bo‘yicha qarorlarni qabul qilish vakolati mamlakat Konstitutsiyasi va qonunchiligiga to‘la mos kelishini ma’lum qildi.

11 iyul 2020, 14:25

Karantin davrida 120 mingga yaqin ehtiyojmand oilalar davlat tomonidan qo‘llab-quvvatlanadi

Karantin cheklovlari davomida 120 mingga yaqin ehtiyojmand oilalarga oziq-ovqat, dori-darmon vositalari va birinchi ehtiyoj mahsulotlari yetkazib beriladi va buning uchun davlat tomonidan 20 mlrd so‘m miqdorida mablag‘ ajratiladi.

11 iyul 2020, 13:42

Yoshlar ishlari agentligi direktorining o‘rinbosarlari tayinlandi

Hukumat qarori bilan Sarvar Ashurov va Dilnozaxon Kattaxanova Yoshlar ishlari agentligi direktori o‘rinbosarlari etib tayinlandi.

10 iyul 2020, 14:53

Alisher Sa’dullayev Yoshlar ishlari agentligi direktori etib tayinlandi

Prezident qarori bilan Yoshlar Ittifoqi raisi lavozimida ishlab kelayotgan va eng yosh Senat a’zosi Alisher Sa’dullayev yangi tashkil etilgan Yoshlar ishlari agentligi direktori etib tayinlandi.

10 iyul 2020, 12:15

13 iyuldan mahalliy yo‘nalishlardagi poyezdlar va avia qatnovlar to‘xtatiladi

10 iyul sanasidan avtobuslar harakati va 13 iyul kunidan mahalliy yo‘nalishlardagi poyezdlar va avia qatnovlar ham to‘xtatiladi. Shuningdek, faqatgina Respublika maxsus komissiyasi tomonidan tasdiqlangan xorijiy davlatlardagi O‘zbekiston fuqarolarini vatanga olib kelish bo‘yicha repatriatsion reyslar bajariladi.

10 iyul 2020, 11:54

Davlat statistika qo‘mitasi rahbariga birinchi o‘rinbosar tayinlandi

Markaziy bank statistika va tadqiqotlar boshqarmasi boshlig‘i bo‘lib ishlagan Dilshod Xolmurodov Davlat statistika qo‘mitasi raisining birinchi o‘rinbosari etib tayinlandi.

10 iyul 2020, 10:58

Moliya vaziriga yangi o‘rinbosar tayinlandi

Prezident qarori bilan Jamshid Abruyev Moliya vaziri o‘rinbosari lavozimiga tayinlandi. Tayinlovga qadar, u ushbu vazirlikning boshqarmalaridan biriga boshliq bo‘lib kelayotgan edi.

9 iyul 2020, 16:03

Prezident XMTning global sammiti ishtirokchilariga murojaat yo‘lladi

Shavkat Mirziyoyev Xalqaro mehnat tashkilotining pandemiya davrida Mehnat munosabatlari bo‘yicha global sammiti ishtirokchilariga murojaat yo‘lladi. Unda davlat rahbari BMT shafeligida Pandemiya davrida davlatlarning ixtiyoriy majburiyatlari to‘g‘risidagi xalqaro kodeksni qabul qilish tashabbusini ilgari surdi.

9 iyul 2020, 10:13

Qaysi transport vositalariga cheklovlar qo‘llanmaydi — ro‘yxat

Avtotransport harakati uchun belgilangan cheklovlar ayrim toifadagi transport vositalariga tatbiq etilmaydi. Ba’zi hollarda, maxsus ruxsatnomasiz (stikersiz) avtotransport vositasining harakatiga ruxsat beriladi.