Yangiliklar

26 iyul 2021, 19:41

Respublika oliy ta’lim kengashi raisi O‘ktam Umurzakov vafot etdi

Respublika oliy ta’lim kengashi raisi, Toshkent irrigatsiya va qishloq xo‘jaligini mexanizatsiyalash muhandislari instituti rektori, iqtisod fanlari doktori, professor O‘ktam Umurzakov 69 yoshida vafot etdi.

26 iyul 2021, 18:59 2

Moliya vaziri fuqarolarni «Tashabbusli byudjet»dan faol foydalanishga chaqirdi

«Tashabbusli byudjet» bo‘limini o‘z ichiga olgan «Ochiq byudjet» portali ishga tushirilganidan buyon fuqarolar 8000 dan ziyod murojaat yo‘lladi, ularni hal qilishga qariyb 160 mlrd so‘m ajratildi, deya ma’lum qildi moliya vaziri Timur Ishmetov. U o‘zbekistonliklarni mazkur platformadan faolroq foydalanishga chaqirdi.

26 iyul 2021, 18:22

Toshkent viloyatidan o‘tuvchi yo‘l chetida ishlayotgan fuqarolar obodonlashtirish xodimlari va jamoat ishchilari ekanligi aytildi

Ijtimoiy tarmoqlarda Olmaliq shahriga eltuvchi yo‘l trassasida yalpi hashar o‘tkazilayotgani haqidagi xabarlar tarqaldi. Toshkent viloyati Bandlik bosh boshqarmasining ma’lum qilishicha, tasvirlardagi fuqarolarning aksariyati obodonlashtirish xodimlari hamda jamoat ishchilari hisoblanadi. Ularning ish haqlari belgilangan tartibda to‘lab berilishi aytilmoqda.

26 iyul 2021, 17:49

Rossiyada maoshini ololmayotgan o‘zbekistonlik migrantlar bo‘yicha qo‘shimcha ma’lumot berildi

Tashqi mehnat migratsiyasi agentligi Rossiyada va’da qilingan maoshini ololmayotgan migrantlar murojaati yuzasidan o‘rganish o‘tkazdi. Natijada, fuqarolarning yashash va mehnat sharoitlarini yaxshilash, oylik maoshlarini o‘z vaqtida berish hamda hujjatlarni rasmiylashtirish jarayonlarini tezlashtirish bo‘yicha kelishuv dalolatnomasi rasmiylashtirildi. Shuningdek, videomurojaatda aytilgan bir kunlik maosh, aslida, bir soatlik ekani ma’lum bo‘ldi.

26 iyul 2021, 17:03

Tokio-2020. O‘zbekistonlik Muattar Nabiyeva Olimpiada rekordini o‘rnatdi

O‘zbekistonlik og‘ir atletikachi Muattar Nabiyeva dast ko‘tarish mashqida 98 kg natija bilan Olimpiada rekordini o‘rnatdi.

26 iyul 2021, 16:55

1 yanvardan ID-karta va xorijga chiqish pasporti DXM orqali ham beriladi

Prezident farmoni bilan 1 yanvardan fuqarolarga ID-karta va xorijga chiqish biometrik pasportini berish DXM orqali ham amalga oshiriladi, qolaversa, pasport uchun to‘lov narxi BHMning 1,2 baravaridan 1 baravarigacha arzonlashtiriladi. Bundan tashqari, bosqichma-bosqich 87 turdagi yangi davlat xizmatlari joriy etiladi, 59 ta xizmatning ko‘rsatish muddati esa qisqartiriladi.

26 iyul 2021, 16:17

Dollarning rasmiy kursi ketma-ket uchinchi kun ko‘tarildi

Dollarning rasmiy kursi 22,99 so‘mga ko‘tarildi va jami 10 657,35 so‘m etib belgilandi. Shuningdek, yevro kursi ham ko‘tarildi, rubl kursi esa biroz pasaydi.

26 iyul 2021, 16:01

O‘zbekistonda bukmekerlik va totalizator faoliyati hali ham qonuniy emasligi ma’lum qilindi

Prezident farmoniga ko‘ra, 2021 yil 1 yanvardan boshlab O‘zbekistonda bukmekerlik faoliyatini litsenziya bilan amalga oshirishga ruxsat berilgan. Iste’molchilar huquqlarini himoya qilish agentligining ma’lum qilishicha, bugunga qadar mamlakat hududida bukmekerlik va totalizator faoliyatini amalga oshirish uchun hech kimga litsenziya berilmagan. Agentlik ushbu faoliyatlar hali ham qonuniy emasligini eslatdi.

26 iyul 2021, 15:18

«Gimnastikada qo‘limdan kelgan barchasini qildim» — Oksana Chusovitina

Katta sportdan ketishini e’lon qilgan Oksana Chusovitina Tokiodagi Olimpiadadagi ishtiroki va kelgusidagi rejalari haqida so‘zlab berdi. «Finalga chiqa olmadim, lekin bu qo‘rqinchli narsa emas. Men gimnastikada qo‘limdan kelgan barchasini qildim», — dedi gimnastikachi va O‘zbekistonda o‘z klubini ochish hamda bolalar sportini rivojlantirishga hissasini qo‘shishni orzu qilishini aytib o‘tdi.

26 iyul 2021, 14:49

YeXHTning maxsus missiyasi prezident sayloviga tayyorgarlik jarayonini ijobiy baholagan — MSK

Markaziy saylov komissiyasi raisi o‘rinbosari Bahrom Qo‘chqorov Ehtiyojlarni baholash missiyasi O‘zbekiston prezidenti sayloviga tayyorgarlik jarayoni bo‘yicha «juda ijobiy» xulosa berganini ma’lum qildi. Uning so‘zlariga ko‘ra, missiya o‘tgan saylovlar bo‘yicha YeXHTning tavsiyalarini saylov amaliyotiga joriy etilishini ham ijobiy baholagan.

26 iyul 2021, 14:29

Olmazor tumanida yo‘lovchi tashuvchi “Gazel” yonib ketdi

Toshkent shahrining Olmazor tumanida dvigatel qismida qisqa tutashuv yuzaga kelganligi sabab “Gazel” avtomobili yonib ketdi. Yo‘lovchilar avtomobildan tushirilgan. Yong‘in natijasida tan jarohati olganlar yo‘q.

26 iyul 2021, 13:52

«O‘zkomnazorat» Wechat`ning O‘zbekistondagi faoliyatini chekladi

Shaxsiy ma’lumotlar bo‘yicha qonunchilikni buzgan TikTok, Twitter, Skype va «VKontakte» internet platformalari qatoriga Xitoyning WeChat ijtimoiy tarmog‘i ham qo‘shildi. O‘zbekistonda ushbu ijtimoiy tarmoqlar faoliyati cheklangan.

26 iyul 2021, 13:37

Karantin boshidan beri 1 mlndan ortiq niqob taqmaslik holatlari aniqlangan

Karantin tadbirlari boshlangandan beri O‘zbekiston bo‘ylab 1 mln 184 mingdan ortiq qoidabuzarliklar aniqlangan. Ulardan 1 mlndan ortig‘ida jarima belgilangan. Tibbiy niqob taqmaganlik bo‘yicha 1,1 mlntadan ortiq qoidabuzarlik holatlari qayd etilgan.

26 iyul 2021, 13:32

Davlat xizmatini ko‘rsatish muddati kechiksa — to‘lovning 50 foizi qaytariladi

1 noyabrdan Davlat xizmatlari markazlari, «Litsenziya» axborot tizimi hamda YAIDXP orqali ko‘rsatilayotgan davlat xizmatlari belgilangan muddatidan 3 ish kunidan ortiq vaqtga kechiktirilganda, xizmat uchun to‘langan davlat bojlari, yig‘imlar va boshqa har qanday to‘lovlarning 50 foizi 1 ish kunida qaytariladi.

26 iyul 2021, 13:05

Afg‘oniston bilan chegarada palatkalar shaharchasi qurilmayapti — DXX Chegara qo‘shinlari

DXX Chegara qo‘shinlari «Gazeta.uz» so‘roviga bergan javobida Afg‘oniston bilan chegara hududda qochoqlar uchun palatkalar shaharchasi qurilayotgani haqidagi xabarni rad etdi. Shuningdek, Chegara qo‘shinlari afg‘on harbiy xizmatchilari va mahalliy qurolli guruhlar ko‘ngillilari iyun oyida O‘zbekiston chegarasini qay tarzda kesib o‘tishganini ham ma’lum qilishdi.

26 iyul 2021, 12:40

Hafta davomida havo harorati asta-sekin pasayadi

27 iyuldan boshlab respublikaning shimoliy hududlariga Volga bo‘yi hududidan nisbatan salqin havo massasi kirib keladi. Haftaning oxiriga kelib havo harorati +33 daraja atrofida bo‘ladi. Yaqin kunlarda ba’zi hududlarda shamol va chang bo‘ronlarining kuchayishi kutilmoqda.

26 iyul 2021, 12:36

Bekobodda 25 nafar voyaga yetmagan bolaga noqonuniy diniy ta’lim berayotgan shaxslar aniqlandi

Bekobod shahrida yashovchi aka-ukalar o‘z xonadonlarida voyaga yetmagan bolalarga noqonuniy tarzda diniy saboq berayotganliklari aniqlandi. Ular bolalardan 800 ming so‘mdan 1,5 mln so‘mgacha oylik to‘lov olib kelgan. Ushbu shaxslarga nisbatan BHMning 7−8 baravari miqdorida jarima hamda ulardan biriga 10 sutka ma’muriy qamoq jazosi tayinlandi.

26 iyul 2021, 11:59

Shavkat Mirziyoyev tadbirkorlar bilan avgust boshida uchrashadi

Prezidentning tadbirkorlar bilan uchrashuvi avgust oyining boshida o‘tkazilishi kutilayotgani ma’lum qilindi. Bundan tashqari, davlat rahbarining haftalik ish rejasi haqida ham ma’lumot berildi.

26 iyul 2021, 10:36

Parkent tumanida soyda cho‘milayotgan ayol samosud qilindi

Toshkent viloyatining Parkent tumanida joylashgan soyda cho‘milayotgan ayol boshqa bir ayol tomonidan kaltaklandi. Holat yuzasidan jinoyat ishi qo‘zg‘atilib, tergov harakatlari olib borilmoqda.

26 iyul 2021, 10:33

Elektron onlayn-auksionlarning yagona tartibi joriy etiladi

Elektron onlayn-auksionni o‘tkazish tartibini soddalashtirish va shaffofligini oshirish bo‘yicha prezident qarori qabul qilindi. Unga ko‘ra, onlayn-auksionlar tartib-taomillarining yagona tartibi joriy etiladi. Hujjat bilan obyektlarni auksionga chiqarish uchun to‘lanadigan yig‘im bekor qilinmoqda. Shuningdek, auksion g‘olibi to‘lovlarni to‘lashdan bosh tortgan taqdirda, g‘olib hamda uning to‘g‘ridan-to‘g‘ri ta’sischilari auksionlardan chetlatiladi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting