Yangiliklar

21 oktabr 2021, 16:38

Markaziy Bank asosiy stavkani o‘zgarishsiz qoldirgani bo‘yicha izoh berdi

Markaziy bank asosiy stavkani yillik 14% darajasida qoldirdi. Ushbu qaror yil yakuniga qadar inflyatsiya darajasini 10 foizgacha pasaytirish va kelgusida 5 foizlik inflyatsion targetga erishish maqsadida qabul qilindi. Bu yilgi inflyatsiyaning o‘zgarishiga asosiy oziq-ovqat mahsulotlari narxlari o‘zgarishi sabab bo‘ldi.

21 oktabr 2021, 16:09

«Odamlar meni tushunmayotgan paytda g‘alabadan umidvor bo‘lishim mumkinmi?» — Alisher Qodirov

«Milliy tiklanish» partiyasi nomzodi toshkentlik saylovchilar uchrashuvda g‘alabadan umidvor emasligini, biroq, odamlar albatta o‘zgarishini ta’kidladi. «Odamlar meni tushunmayotgan paytda g‘alabadan umidvor bo‘lishim mumkinmi? Afsus bilan aytish kerak, agar odamlar meni tushunmayotgan bo‘lsa menga ovoz bermaydi», — dedi Alisher Qodirov. U saylov kampaniyasi boshida prezident saylovlarida g‘alaba qozonish niyatida ekanligini ma’lum qilgandi.

21 oktabr 2021, 15:57

Senatorlar yetim bolalar ijtimoiy ta’minotidagi kamchiliklarni sanab o‘tdilar

Senatda yetim bolalar va ota-ona qaramog‘idan mahrum bo‘lgan bolalarni qo‘llab-quvvatlash to‘g‘risidagi axborot tinglandi. Senatorlar kollej va OTMlarda bolalarni o‘qitish uchun kitoblab sotib olishga subsidiyalar haligacha ajratilmaganini qayd etdilar. Ularning fikricha, oilaviy bolalar uylarini tashkil etish to‘g‘risidagi nizomni yangilash zarur.

21 oktabr 2021, 15:26

«Tolibon» Tojikiston bilan chegarada muntazam bo‘linmalarni joylashtiradi — OAV

Toliblar 150 ga yaqin jangchilarini tojik-afg‘on chegarasini qo‘riqlash uchun tayyorgarlikdan o‘tkazdi. Ta’kidlanishicha, ular Taxor aholisining xavfsizligini ham ta’minlashadi. «Biz harakat a’zolaridan va sobiq hukumat armiyasi harbiylaridan tashkil topgan muntazam armiya tuzmoqdamiz va boshqa davlatning bostirib kirishiga yo‘l qo‘ymaymiz», — dedi «Tolibon» bo‘linmalarining Mozori Sharif shahridagi qo‘mondoni Mavlavi Ataulla Omariy.

21 oktabr 2021, 15:01

Ikki yarim yilda transport sohasida 358 shaxs korrupsiyada ayblangan, jami 24 mlrd so‘m o‘zlashtirilgan

Senatorlar 2019−2020 yillar va 2021 yilning birinchi yarmida transport sohasidagi korxona va tashkilotlarning 375 nafar xodimi jinoiy javobgarlikka tortilgani, ularning 358 nafari korrupsiyada ayblangan. Ushbu jinoyatlar ortidan 24 mlrd mablag‘ talon-toroj qilingan. Qolaversa, Avtomobil yo‘llari qo‘mitasi tizimidagi 149 nafar xodim jinoyat sodir etgan.

21 oktabr 2021, 14:21

«Gaz kelajak avlodga meros, uni har xil shartnomalar bilan sotib yubormaslik kerak» — Shavkat Mirziyoyev

O‘zLiDeP nomzodi Shavkat Mirziyoyev jizzaxlik saylovchilar bilan uchrashuvda mamlakat sanoatida tabiiy gazga talab kattaligini ta’kidladi. «Gaz kelajak avlodga qoladigan boylik, har xil shartnomalar bilan sotib yuboraverish kerak emas», — dedi davlat rahbari.

21 oktabr 2021, 14:21

Do‘stlik bog‘i (Bobur) rekonstruksiyadan so‘ng ochildi (foto)

Toshkentdagi Do‘stlik bog‘i (sobiq Bobur bog‘i) rekonstruksiyadan so‘ng ochildi. Rasmiylar bog‘ning, aholi talab qilganidek, shovqinli attraksionlarsiz, qulay va sokin joy bo‘lib qolishiga va’da berishdi. Foto.

21 oktabr 2021, 14:15

Nepaldagi sel oqibatida 80 dan ortiq kishi halok bo‘ldi

Nepalda uch kun mobaynida davom etayotgan kuchli yomg‘ir tufayli kelib chiqqan ko‘chkilar va suv toshqinlari oqibatida kamida 88 kishi halok bo‘ldi. 30 kishi bedarak yo‘qoldi.

21 oktabr 2021, 12:41

«Menga 80 trln so‘m emas, bir insonning hayoti muhimroq» — prezident koronavirus pandemiyasi davridagi xarajatlar haqida

Shavkat Mirziyoyev koronavirus pandemiyasi davrida aholining salomatligini saqlash uchun 80 trln so‘m sarflanganini ma’lum qildi. Davlat rahbari aholini koronavirusga qarshi emlanishga chaqirdi. Uning aytishicha, dushanba kuni mamlakatga grippga qarshi vaksina ham olib kelinmoqda.

21 oktabr 2021, 12:35

Markaziy bank asosiy stavkani o‘zgarishsiz qoldirdi

Markaziy bank asosiy stavkani 14 foiz darajasida o‘zgarishsiz qoldirish to‘g‘risidagi qarorni qabul qildi.

21 oktabr 2021, 11:26

2024 yilgacha ayrim turdagi gazlama va matolar import bojidan ozod qilindi

Prezident qarori bilan 2024 yil 1 yanvargacha sun’iy mo‘yna, zig‘irpoya va sun’iy tolalardan to‘qilgan gazlamalar, shisha iplar hamda shisha tolali matolarga import boji qo‘llanilmaydi.

21 oktabr 2021, 11:02

Dzyudochi Diyorbek O‘rozboyevda doping aniqlandi va 3 yilga diskvalifikatsiya qilindi

O‘zbekistonlik dzyudochi Diyorbek O‘rozboyevdan olingan doping-sinamada taqiqlangan modda aniqlangan. Sportchi 3 yil muddatga diskvalifikatsiya qilinib, xalqaro va milliy toifadagi musobaqalarda ishtirok etish huquqidan mahrum etildi.

21 oktabr 2021, 11:02

Uzbekistan Airports xorijiy aviakompaniyalar uchun tariflarni pasaytirmoqda

Uzbekistan Airports xorijiy aviakompaniyalar uchun tariflar va to‘lovlarni o‘rtacha 15 foizga pasaytirmoqda. Kompaniyaning ta’kidlashicha, bu xorijiy aviakompaniyalarni jalb qilishga va aviachiptalar narxini pasaytirishga imkon yaratadi. Bahorda tariflar 27 foizga pasaytirilgan edi.

21 oktabr 2021, 10:37

Migrantlarning pul o‘tkazmalari manfiy savdo balansini qisman qoplamoqda

Markaziy bank ma’lumotlariga ko‘ra, 2021 yilning 9 oyi yakunlari bo‘yicha savdo balansi manfiy saldosi 10,1 mlrd dollarni, birlamchi va ikkilamchi daromadlarning ijobiy saldosi 4,8 mlrd dollarni tashkil etgan. Natijada savdo balansi manfiy saldosi xorijdan pul o‘tkazmalari hisobiga qisman qoplangan.

21 oktabr 2021, 10:32

O‘zbekiston fuqarosi Turkiyada siyosiy va harbiy josuslikda ayblanib, qo‘lga olindi

Turkiyada chechen muxolifatchilariga qurolli hujum uyushtirishga tayyorgarlik ko‘rganlikda ayblanayotgan to‘rt nafar rossiyaliklar, shuningdek Ukraina va O‘zbekiston fuqarolari qo‘lga olindi. Bundan tashqari, ular siyosiy va harbiy josuslikda ham ayblanmoqda.

21 oktabr 2021, 09:58

O‘zbekistonga 912 ming doza Sinovac vaksinasi olib kelindi

21 oktabr kuni O‘zbekistonga COVAX dasturi doirasida Sinovac vaksinasining 912 ming dozalik partiyasi olib kelindi. Mamlakatga keltirilgan va ishlab chiqarilgan vaksinalar miqdori 34 mln dozadan oshdi.

21 oktabr 2021, 09:14

O‘zbekistonda Xotin-qizlar maslahat guruhlari tashkil etilmoqda

O‘zbekistonda Latviya tajribasi asosida xotin-qizlar, yoshlar, keksalar va nogironligi bo‘lgan shaxslarga yordam ko‘rsatuvchi maslahat markazlari tashkil etilmoqda. Maslahat guruhlari faoliyati O‘zbekistonning yetti tumanida tajriba tariqasida yo‘lga qo‘yiladi.

20 oktabr 2021, 22:32

Jahon yangiliklari dayjesti

Rossiyada yana karantin cheklovlari o‘rnatilgani, Yevroparlamentning Aleksey Navalniyni mukofotlagani, Facebook o‘z nomini o‘zgartirmoqchi ekani, Buyuk Britaniyada koronavirusning «delta» shtammidan ham kuchlirog‘i tarqalgani, bitkoin narxining rekord darajaga yetgani va boshqa yangiliklar — «Gazeta.uz»ning jahon yangiliklari dayjestida.

20 oktabr 2021, 22:06

Prezident o‘zbek tiliga qiziqishni kuchaytirish uchun kuchlarni safarbar etishga chaqirdi

Shavkat Mirziyoyev o‘zbek tili bayrami munosabati bilan tabrigida «Vatanimizda yashayotgan barcha fuqarolarimiz uchun aziz va qadrli tilga aylanishi uchun barcha kuch va imkoniyatlarni safarbar etish»ga chaqirdi. Mamlakatda yashayotgan turli millat vakillari va chet elliklar uchun maxsus darslik, lug‘at va qo‘llanmalar, video va audiomateriallar hajmini oshirish bo‘yicha ishlarni yanada kuchaytirish zarur, dedi u.

20 oktabr 2021, 21:30

20 oktabr kuni O‘zbekistonda sodir bo‘lgan eng muhim xabarlar dayjesti

Yangi qaror qabul qilingan qarorlar, Oliy Majlis Senatining yigirmanchi yalpi majlisi, 1869 yilda qurilgan Xo‘ja Porso jome masjidi buzib tashlanishi — “Gazeta.uz"ning 20 oktabrdagi eng muhim xabarlari dayjestida.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting