Yangiliklar

24 oktabr 2021, 10:45

Maqsuda Vorisova prezidentlik saylovlarida ovoz berdi

Xalq demokratik partiyasidan nomzod Maqsuda Vorisova prezidentlik saylovlarida o‘z ovozini berdi.

24 oktabr 2021, 10:04

Narzullo Oblomurodov prezidentlik saylovlarida ovoz berdi

Ekologiya partiyasidan prezidentlikka nomzod Narzullo Oblomurodov Toshkent shahridagi saylov uchastkasida ovoz berdi.

23 oktabr 2021, 23:31

«O‘zbekneftgaz»: Kompaniya faqat Ai-80 benzini narxini ushlab turibdi

Benzin narxi oshishi haqidagi xabarlarga javoban «O‘zbekneftgaz» kompaniyasi o‘z yoqilg‘i quyish shoxobchalarida faqat Ai-80 benzini narxini ushlab turganini aytdi. Ai-91, 92 va 95 rusumli yoqilg‘i import xomashyosidan ishlab chiqariladi, shuning uchun uning narxi nisbatan yuqori, deya ta’kidladi kompaniya. Avvalroq Energetika vazirligi ham xuddi shunday bayonot bilan chiqqan edi.

23 oktabr 2021, 17:46

Simob va platinani 530 ming dollarga sotishga uringan shaxslar ushlandi

DBQ va DXX xodimlari Xorazmda 530 ming dollarga simob va quyma platina sotishga uringan shaxslarni qo‘lga oldi. Metallarning haqiqiy narxi — 103 ming dollar.

23 oktabr 2021, 13:05

Safia va Madina-Muxlisa Star o‘rtasida istirohat bog‘idagi yer uchun bahs: kim haq?

Safia va Madina-Muxlisa Star kompaniyalari Toshkentning «Bog‘ishamol» istirohat bog‘i hududidagi 1,2 gektarlik yer uchun sudlashmoqda. Avvalroq Safia yaqindagina 40 mlrd so‘m evaziga qurilgan yangi zavod binosini saqlab qolishni so‘rab prezidentga murojaat qilgan edi. Madina-Muxlisa Star esa shahar hokimligi yerni zaxiraga olish va uni qandolatchilik firmasiga ajratish to‘g‘risida noqonuniy qaror qabul qilgan, deb hisoblamoqda. Tuman hokimligi ham izoh berdi. «Gazeta.uz» barcha tomonlarning fikrlarini to‘pladi.

23 oktabr 2021, 11:57

82 turdagi xom ashyo va yarim tayyor mahsulotlar import bojidan ozod qilindi

Prezident qarori bilan 82 turdagi xom ashyo va yarim tayyor mahsulotlar import bojxona bojidan ozod qilindi. Mazkur hujjat davlat rahbarining tadbirkorlar bilan uchrashuvida bildirilgan takliflardan kelib chiqib qabul qilindi.

23 oktabr 2021, 10:00

Nima tayyorlaymiz: somsa

Somsa-sho‘rva, dangasa somsa, «Parmuda», kabob, tovuq va pishloqli — Zira.uz barchaga manzur keladigan somsalar retseptlari ro‘yxatini taqdim etadi.

22 oktabr 2021, 21:54

Jahon yangiliklari dayjesti

Rossiyaliklarning aksariyati ishlanmaydigan kunlarda O‘zbekistonga uchmoqchi ekani, Baydenning Xitoy bilan sovuq urushni xohlamasligi, Trampning yangi ijtimoiy tarmog‘iga xakerlar hujum qilgani, Belarusda niqob rejimi bekor qilingani, Aktyor Alek Bolduinni tasvirga olish paytida tasodifan operator va rejissyorni otib qo‘ygani va boshqa yangiliklar — «Gazeta.uz»ning jahon yangiliklari dayjestida.

22 oktabr 2021, 21:52

22 oktabr kuni O‘zbekistonda sodir bo‘lgan eng muhim xabarlar dayjesti

Abdulaziz Kamilovning Rossiya OAVlari uchun o‘tkazgan matbuot anjumani, Nogironlar, Karlar va Ko‘zi ojizlar jamiyatlari Senatga murojaati, farzand asrab olish tartiblarini soddalashtirishga qaratilgan qonunni imzolanishi — “Gazeta.uz"ning 22 oktabrdagi eng muhim xabarlari dayjestida.

22 oktabr 2021, 20:25

AQSh harbiylarini O‘zbekistonga joylashtirishga zarurat yo‘q, Vashingtonda bu haqda bilishadi — TIV

TIV rahbari Abdulaziz Kamilov AQSh harbiylarini O‘zbekistonga joylashtirish imkoniyatlari haqidagi savolga javob berar ekan, O‘zbekiston va AQSh o‘rtasidagi strategik sherikchilik to‘g‘risidagi deklaratsiyasida «o‘zaro munosabatlarimiz chegaralari» belgilab berilganini eslatdi. «Ko‘plab siyosiy maslahatlashuvlarda amerikaliklarga bu narsa O‘zbekiston uchun mutlaqo qabul qilinmasligi yetkazilgan», — dedi vazir.

22 oktabr 2021, 19:14

Toshkent KXSHTga qaytish zaruriyatini ko‘rmayapti — Abdulaziz Kamilov

O‘zbekiston hukumati hozircha KXSHTga qaytish zaruriyatini ko‘rmayapti, aniq tahdidlarni aks ettirish vazifasi bor, deya ma’lum qildi O‘zbekiston tashqi ishlar vaziri Abdulaziz Kamilov. «Biroq hodisalar, vaziyatning qanday rivojlanishini Xudo biladi. Hamkorlik shakllari ham o‘zgarishi mumkin», — deya qo‘shimcha qildi u.

22 oktabr 2021, 19:00

TEXNOPARK Shivaki sanoat sovutish tizimlarini taklif qiladi

TEXNOPARK MCHJ har qanday ehtiyojlar va ish sharoitlari uchun Shivaki iqlim tizimlarini taklif qiladi. Uskunalar uchun uch yillik kafolat beriladi.

22 oktabr 2021, 18:48

O‘zbekistonga Yangiobod va Chorkesardagi uran maydonlari ekologiyasini qayta tiklash uchun €2 mln ajratiladi

YeTTB boshqaruvidagi Markaziy Osiyo uchun Ekologik qayta tiklash hisobi Yangiobod va Chorkesardagi eski uran shaxtalarini yopish uchun 2 mln yevro miqdorida grant ajratadi.

22 oktabr 2021, 18:01

«O‘zbekiston va Rossiya o‘rtasidagi munosabatlar rivojlanish cho‘qqisida» — TIV rahbari

Tashqi ishlar vaziri Abdulaziz Kamilov hozirda O‘zbekiston va Rossiya o‘rtasidagi munosabatlar o‘z rivojlanishining eng yuqori cho‘qqisida ekanligini ta’kidladi. U, shuningdek, O‘zbekistonda rus tili millatlararo muloqot tili bo‘lib qolayotganini, Rossiyada o‘zbek tiliga qiziqish borligi haqida qo‘shimcha qildi. Vazir noyabrda bo‘lishi kutilayotgan O‘zbekiston prezidentining Rossiyaga tashrifi uchun katta hujjatlar to‘plami tayyorlanganligini ma’lum qildi.

22 oktabr 2021, 17:48

«Tolibon mafkurasini O‘zbekistonga olib kirish umuman imkonsiz» — Abdulaziz Kamilov

Tashqi ishlar vaziri Abdulaziz Kamilov O‘zbekiston hukumati mamlakatga toliblar mafkurasining kirib kelishidan xavfsiramasligini ta’kidladi. «Toliblar qandaydir mafkurani eksport qilishni boshlashiga juda ko‘p vaqt talab etiladi», dedi u. Vazir harakat va uning rahbarlarining dunyoqarashi o‘zgarib borishi mumkinligini ham qayd etdi.

22 oktabr 2021, 16:53

Toshkentda ikki avtomobil yuzma-yuz to‘qnashdi, bir kishi halok bo‘ldi

Toshkentning Olmazor tumanida 19 yoshli Nexia-3 haydovchisi qarama-qarshi yo‘nalishga chiqib ketdi va Spark bilan to‘qnashdi. Natijada Spark yo‘lovchisi halok bo‘ldi.

22 oktabr 2021, 16:22

561 ta kompaniya 123 mln dollarlik valyuta kreditlarini so‘mga o‘tkazishga rozi bo‘ldi — Markaziy bank

Tijorat banklari tomonidan valyutada 1 mln dollargacha qarzi bo‘lgan (umumiy qarzdorlik 2,5 mlrd dollar) 15 mingdan ortiq korxonalarning xorijiy valyutada ajratilgan kreditlarni so‘mga o‘tkazish bo‘yicha takliflar yuborilgan. Markaziy bank raisining aytishicha, 561 ta kompaniya valyutadagi kreditlarini so‘mga o‘tkazishga rozilik bildirgan, lekin bu amaliyot kelgusida ham davom etadi.

22 oktabr 2021, 16:20

Dollarning rasmiy kursi yana ko‘tarildi

Dollarning so‘mga nisbatan rasmiy kursi 11,02 so‘mga ko‘tarilib, 10 703,02 so‘m etib belgilandi. Shuningdek, yevro va rubl kurslari ham ko‘tarildi.

22 oktabr 2021, 15:49

Qariyb 422 ming fuqaro saylovda muddatidan oldin ovoz berdi

Markaziy saylov komissiyasi ma’lumotiga ko‘ra, 14−20 oktabr kunlari prezidentlik saylovlarida muddatidan oldin ovoz berish jarayonlarida jami 421 618 nafar fuqaro qatnashdi.

22 oktabr 2021, 15:18

Ayollar, tinchlik va xavfsizlik global indeksida O‘zbekiston 74-o‘rinni egalladi

O‘zbekiston Ayollar, tinchlik va xavfsizlik global indeksida 170 ta mamlakat ichidan 74-o‘rinni egalladi. Reyting ayollarning xavfsizligi, ularning parlamentdagi ulushi, diskriminatsion normalar singari kategoriyalar asosida tuzilgan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting