Yangiliklar

25 may 2022, 19:00

29 may kuni Tashkent Opera Fest’ning tantanali yopilishi marosimi bo‘lib o‘tadi

29 may kuni «Yangi O‘zbekiston» bog‘ida 20 kun davomida Toshkent ahlini shod qilib kelayotgan Tashkent Opera Fest bayramining tantanali yopilish marosimi bo‘lib o‘tadi.

25 may 2022, 18:30

O‘zbekiston yil boshidan buyon Xitoyga tabiiy gaz eksportini ikki baravar oshirdi

Yanvar-aprel oylarida O‘zbekiston Xitoyga 132,8 mln dollarlik tabiiy gaz yetkazib berdi. Natijada mamlakat Xitoyning gaz importyorlari orasida kuchli beshlikka kirdi. Avvalroq, rasmiylar yoqilg‘i eksportin ichki bozor va qayta ishlash foydasiga qisqartirilishi haqida ma’lum qilgan edi.

25 may 2022, 18:09

Senat majlisi yana jonli efirda uzatilishi rejalashtirilmoqda

28 may kuni Oliy Majlisi Senatining 26-yalpi majlisi yuqori palataning ijtimoiy tarmoqlardagi sahifalari orqali to‘g‘ridan-to‘g‘ri yoritiladi. Avvalroq Senatning 25-yalpi majlisi boshlanganidan deyarli 8 daqiqa o‘tib, hech qanday sabablarsiz Uzreport TV telekanalida ham, telekanalning YouTube-sahifasida ham to‘xtatilgan edi.

25 may 2022, 17:06

Jahon banki guruhi O‘zbekiston bilan yangi hamkorlik dasturini qabul qildi

Jahon banki guruhi 2022−2026 yillarga mo‘ljallangan O‘zbekiston bilan yangi hamkorlik dasturini qabul qildi. U uchta strategik maqsadga qaratilgan — xususiy sektorda inklyuziv bandlikni oshirish, inson kapitalini rivojlantirish va «yashil» iqtisodiy o‘sish hisobiga farovonlikni oshirish va barqaror rivojlanish.

25 may 2022, 16:09

«O‘zbekkonsert»ga yangi direktor tayinlandi

Davlat filarmoniyasi direktori o‘rinbosari Davron Sheraliyev «O‘zbekkonsert» direktori etib tayinlandi.

25 may 2022, 16:08

Qo‘qonda Yandex Go xizmati ishga tushirildi

25 may kuni Qo‘qon shahrida Yandex Go taksi xizmati ishga tushdi. Endilikda ushbu xizmat Farg‘ona vodiysining barcha yirik shaharlarini qamrab oladi.

25 may 2022, 16:06

Yangi gaz hisoblagichlarini sentabrgacha o‘rnatib bo‘lish rejalashtirilgan

O‘zbekistonda iste’molchilar uchun «aqlli» gaz hisoblagichlarini o‘rnatish sentabr oyiga qadar yakunlanishi rejalashtirilgan. Dastlab buni 2021 yil 1 avgustgacha bajarish rejalashtirilgan edi, muddatlar bir necha bor ortga surildi. Xususiy uylarning 97,7 foizida hisoblagichlar o‘rnatilgan, kvartiralarning atigi 53 foizga qamrab olingan.

25 may 2022, 16:00

Jizzaxda seldan talofat ko‘rgan oilalarga uy-joy qurish boshlandi

Jizzax viloyatining Forish tumanida seldan talofat ko‘rgan oilalar uchun yangi uy-joylar qurish ishlari boshlandi. Oilalar uchun yer maydonlari ajratilib, 20 ta zamonaviy uy-joylar bunyod etiladi. 100 ga yaqin uy-joylarda rekonstruksiya ishlari olib boriladi.

25 may 2022, 14:33

Toshkentda og‘ir atletika bo‘yicha o‘smirlar va yoshlar o‘rtasida Osiyo chempionati o‘tkaziladi

O‘zbekistonda 15−25 iyul kunlari og‘ir atletika bo‘yicha o‘smirlar va yoshlar o‘rtasida Osiyo chempionati bo‘lib o‘tadi. Musobaqada O‘zbekiston nomidan 40 nafardan ziyod atlet ishtirok etishi kutilmoqda. Turnir logotipi tasdiqlandi.

25 may 2022, 12:54

Toshkent xalqaro aeroportida pullik «Fast Track» xizmati ishga tushirildi

Uzbekistan Airports Toshkent xalqaro aeroportining uchib ketish terminalida yangi «Fast Track» xizmati ishga tushirilganini ma’lum qildi. 170 ming so‘m evaziga reysga ro‘yxatdan o‘tish, bojxona va pasport nazorati, shuningdek, parvoz oldidan tekshiruvlardan navbatsiz o‘tish mumkin.

25 may 2022, 12:35

Darya Reznichenko Chexiyadagi yengil atletika bo‘yicha xotira turnirida g‘alaba qozondi

Chexiyadagi yengil atletika bo‘yicha xotira turnirida Darya Reznichenko uzunlikka sakrash bo‘yicha oltin medalni qo‘lga kiritdi.

25 may 2022, 12:21

Pastdarg‘omda 2000 tup marixuana yetishtirgan shaxslar qo‘lga olindi

Samarqand viloyatining Pastdarg‘om tumanidagi sement saqlash omborxonasida 2000 tup marixuana o‘stirganlikda gumon qilingan 3 nafar fuqaro qo‘lga olindi. Ular qo‘lga tushmaslik uchun omborxonaga o‘t qo‘yib yuborishgan.

25 may 2022, 12:00

Hokim bir vaqtning o‘zida mahalliy kengash raisi bo‘lishi noto‘g‘ri — Sodiq Safoyev

Senat raisining birinchi o‘rinbosari Sodiq Safoyev hokimlarning bir vaqtning o‘zida ham ijro hokimiyati, ham vakillik hokimiyati rahbari bo‘lishi noto‘g‘riligini ta’kidladi. «Bu masalani Konstitutsiya bilan yechib qo‘yish kerak», dedi u. Uning ta’kidlashicha, amaldagi Konstitutsiya bilan barcha kutilgan o‘zgarishlarni amalga oshirishning imkoni yo‘q.

25 may 2022, 11:16

Xitoy O‘zbekistondagi ijtimoiy loyihalarga beg‘araz yordam ajratadi

O‘zbekiston Xitoydan mamlakatda qo‘shma ijtimoiy ahamiyatga ega loyihalarni amalga oshirish uchun 37,5 mln dollar beg‘araz moliyaviy yordam oladi.

25 may 2022, 11:13

Afrosiyob arxeologik obyekti yaqinida kavlangan chuqurdan eski sopol buyum va qabriston qoldiqlari topildi

Samarqandda Afrosiyob arxeologik obyekti yaqinida obodonlashtirish inshooti qurish uchun yer kavlangani aniqlandi. Kavlangan chuqurdan o‘rta asrlarga oid sopol buyum qoldiqlari, g‘isht va qabriston qoldiqlari topilgan.

25 may 2022, 11:09

Rossiyada pilot loyiha doirasida ishga joylashtiriladigan o‘zbekistonlik migrantlar soniga cheklovni olib tashlash rejalashtirilmoqda

Rossiya Mehnat vazirligi xorijliklarni ishga joylashtirish bo‘yicha pilot loyihasi doirasida O‘zbekistondan Rossiyaga kelishi mumkin bo‘lgan migrantlar soniga cheklovni olib tashlashni taklif qilmoqda. Hozirda ushbu cheklovga ko‘ra, pilot loyiha doirasida 10 ming nafar o‘zbekistonlik Rossiyaga ishlash uchun bora oladi.

25 may 2022, 11:00

O‘zbekiston fond bozori ishtirokchilari uchun «Investorlar jangi 2.0» tanlovi o‘tkaziladi

«Investorlar jangi 2.0» tanlovida investitsion portfeli eng katta o‘sishni ko‘rsatganlar g‘olib bo‘lishadi. Arizalar 6 iyun kunigacha qabul qilinadi yakunlanadi.

25 may 2022, 09:57

Farg‘ona viloyat XTB derazadan sakragan o‘quvchi voqeasiga izoh berdi

Farg‘ona viloyat XTB o‘qituvchi o‘quvchiga baqirib, yuziga urganidan keyin qiz derazadan sakrab tushgani aks etgan videoga izoh berdi. Ma’lum qilinishicha, sinf birinchi qavatda joylashgan, qiz bungacha ham dars tugashiga 5 daqiqa qolganida sinfni deraza orqali tark etgan.

25 may 2022, 02:58

Texasda o‘smir yigit maktabda otishma sodir etdi (yangilandi)

AQShning Texas shtatida 18 yoshli o‘smir Salvador Ramos boshlang‘ich maktabda otishma sodir etdi. Hodisa natijasida 19 nafar o‘quvchi va bitta o‘qituvchi halok bo‘ldi.

24 may 2022, 23:47

Prezident — bitiruvchilarga: «O‘zbekiston ulkan imkoniyatlar mamlakatiga aylanib bormoqda»

Shavkat Mirziyoyev maktab bitiruvchilarini mustaqil hayotga qadam tashlayotganlari bilan tabrikladi. Prezident O‘zbekiston ulkan imkoniyatlar mamlakatiga aylanib borayotganini ta’kidlab, oldiga aniq maqsad qo‘ygan yoshlarning ko‘zlagan cho‘qqilarga erishishlariga ishonch bildirdi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting