Yangiliklar

24 mart 2021, 10:42

O‘zbekistonda 1 apreldan vaksinatsiya jarayonlari boshlanadi

O‘zbekistonda aholini koronavirusga qarshi ommaviy emlash tadbirlari 1 apreldan boshlanadi. Olib kelingan vaksina (AstraZeneca) bilan 330 ming aholini ikki marotaba emlash ko‘zda tutilgan.

24 mart 2021, 01:41

Qasddan odam o‘ldirganlik uchun javobgarlikka tortish yoshini uzaytirish taklif etilyapti

Bosh prokuratura Xotin-qizlar va bolalar huquqlarining kafolatlarini ta’minlashga oid prezident qarori loyihasini jamoatchilik muhokamasiga qo‘ydi. Unga ko‘ra, O‘zbekistonda qasddan odam o‘ldirganlik uchun javobgarlikka tortish yoshini 13 yoshdan 14 yoshgacha uzaytirish taklif etilyapti. Bundan tashqari, Jinoyat kodeksiga samosud jinoyatiga oid normani kiritish, 128-, 129-moddalari sanksiyalarini oshirish maqsad qilingan.

24 mart 2021, 00:54

Zo‘rlik hamda o‘z joniga qasd qilishning oldini olish markazi tashkil etilishi mumkin

Zo‘rlik hamda o‘z joniga qasd qilishning oldini olish markazi tashkil etilishi mumkin. Bu borada prezidentning qarori loyihasi jamoatchilik muhokamasiga qo‘yildi. Hujjat bilan tazyiq va zo‘ravonlikdan jabr ko‘rgan, o‘z joniga suiqasd qilgan va shunga moyilligi bor shaxslarga ko‘maklashish tizimini qayta tashkil etish maqsad qilingan.

24 mart 2021, 00:06

Xorazm viloyatida 812 ta investitsiya loyihasi amalga oshiriladi

Prezident Xorazm viloyatida amalga oshirilishi reja qilingan 1,3 mlrd dollarlik 812 ta investitsiya loyihasi taqdimoti bilan tanishdi. Ularning 273 tasi sanoat, 277 tasi xizmat ko‘rsatish, 262 tasi qishloq xo‘jaligiga oid. Ularni hayotga tadbiq etish natijasida 23 mingdan ortiq ish o‘rni yaratilishi kutilmoqda.

23 mart 2021, 22:05

1-apreldan ommaviy tadbirlar o‘tkazishga ayrim cheklovlar o‘rnatiladi

Respublika maxsus komissiyasi 1-apreldan ommaviy tadbirlar o‘tkazishga ayrim cheklovlarni o‘rnatmoqda. To‘y va oilaviy marosimlarni 100 kishidan ko‘p bo‘lmagan holda o‘tkazish belgilanmoqda. Bundan tashqari, teatr, kino, va konsert dasturlarini tashkil etishda bir qancha cheklovlar ham qo‘yilmoqda.

23 mart 2021, 21:04

Jahon yangiliklari dayjesti

Avstraliyada toshqinlar oqibatida 18 kishining evakuatsiya qilingani, Janubiy Koreya prezidentining AstraZeneca vaksinasi bilan emlangani, Myanmada to‘qnashuvlar natijasida 164 nafar namoyishchining halok bo‘lgani va boshqa yangiliklar — «Gazeta.uz»ning jahon yangiliklari dayjestida.

23 mart 2021, 20:38

Shuxrat Xolmuhammedov mudofaa vazirining birinchi o‘rinbosari bo‘ldi

Mudofaa vazirining birinchi o‘rinbosari etib Shuxrat Xolmuhammedov tayinlandi. Unga prezident farmoni bilan general-mayor harbiy unvoni berildi. Bundan tashqari, Qurolli Kuchlari akademiyasiga boshliq ham tayinlandi.

23 mart 2021, 20:28

18 turdagi ma’lumot va hujjatning aholi hamda tadbirkorlardan talab qilinishi bekor qilindi

1 iyundan 18 turdagi ma’lumot va hujjatning aholi hamda tadbirkorlardan talab qilinishi bekor qilindi. Shuningdek, 7 ta turdagi fuqarolik holati dalolatnomalarini qayd etish, nikohlanuvchilarning tibbiy ko‘rikdan o‘tishi va xorijga chiqish pasportini rasmiylashtirishni yashash joyidan boshqa hududlarda ham amalga oshirish mumkin bo‘ladi.

23 mart 2021, 20:20

Qarshida sinfda peshob qilgan maktab o‘quvchisining ota-onasiga chora ko‘rildi

Qarshidagi 1-maktabning yuqori sinf o‘quvchilaridan biri sinfda peshob qildi, sinfdoshi esa uni videoga olib, ijtimoiy tarmoqlarda e’lon qildi. O‘quvchining ota-onasi ma’muriy javobgarlikka tortildi. Ulardan biri Qashqadaryo prokuraturasida ishlashi ma’lum bo‘ldi.

23 mart 2021, 17:38

Xorazmda bog‘cha bolalarini yupun kiyimda tadbirga chiqarganlarga intizomiy jazo qo‘llaniladi

Xorazm viloyatidagi maktabgacha ta’lim tashkilotining ochilish marosimida bolalar yupun kiyimlarda ishtirok etgan. Ushbu holat ijtimoiy tarmoqlarda muhokamalarga sabab bo‘lgach, xodimlarga intizomiy chora ko‘rilishi ma’lum qilindi. Mas’ul tashkilot tadbir kuni ob-havo issiq bo‘lganini ta’kidlamoqda. Biroq suratda mutasaddilar bolalarga qaraganda issiqroq kiyimda ekanligini ko‘rish mumkin.

23 mart 2021, 16:09

Andijonda 4 ta avtomobil to‘qnashdi

Andijon shahrida 3 ta Lacetti va Labo ishtirokida YTH sodir bo‘ldi. Hodisa oqibatida Labo haydovchisiga tez tibbiy yordam ko‘rsatilgan.

23 mart 2021, 14:03

Fevral oyida ko‘chmas mulk va avtomobil bozorida talab qanday o‘zgardi?

Iqtisodiy tadqiqotlar va islohotlar markazi fevral oyida O‘zbekistonda ko‘chmas mulk va avtomobil bozorida talab qanday o‘zgarganini tahlil qilib chiqdi.

23 mart 2021, 13:00

Yandex Go Toshkentda bank kartalari orqali to‘lovni yo‘lga qo‘ydi

Endilikda Toshkent hududida Yandex Go xizmati uchun to‘lovlarni UzCard va Humo, xalqaro Visa hamda Mastercard kartalari yordamida amalga oshirish mumkin.

23 mart 2021, 12:31

Hafta davomida yog‘ingarchiliklar bo‘lishi kutilmoqda

Sinoptiklarning xabar berishicha, 23 mart kuni bir qator viloyatlarda yomg‘ir yog‘adi. Mamlakatda haftaning o‘rtalarida iliq ob-havo hukmronlik qiladi, ammo juma kunidan yana yog‘ingarchiliklar kutilmoqda.

23 mart 2021, 12:15

175 ta maktabda fizika fani chuqurlashtirib o‘qitiladigan sinflar tashkil etiladi

Prezident fizika ta’limi sifatini oshirish bo‘yicha chora-tadbirlar dasturini tasdiqladi. 175 ta maktabda fizika fani chuqurlashtirib o‘qitiladigan sinflar ochiladi. «Barkamol avlod» maktablarida «STEM-klublar» tashkil etiladi.

23 mart 2021, 12:02

ITSV tuzilmasida Rossiya bilan hamkorlik boshqarmasi tashkil etildi

Investitsiyalar va tashqi savdo vazirligi tuzilmasida Rossiya Federatsiyasi bilan hamkorlikni rivojlantirish boshqarmasi tashkil etildi. Moskvada ITSV vakolatxonasi ochiladi.

23 mart 2021, 11:48

«Termiz» poligonida o‘zbek-turk harbiylari o‘quv mashg‘ulotlari o‘tkazilmoqda

«Termiz» poligonida O‘zbekiston va Turkiya Respublikalari Qurolli Kuchlarining maxsus bo‘linmalari maxsus-taktik o‘quv mashg‘ulotlarini boshladi.

23 mart 2021, 10:54

Toshkent shahridagi maktablar ta’tili uzaytirilishi mumkin

Toshkent shahridagi bolalar orasida COVID-19 ga chalinish holatlari ko‘payib borayotgani sababli, maktab ta’tili uzaytirilishi mumkin. Hozirda koronavirus bilan bolalarda kasallanishlar ko‘rsatkichi 25 foizdan oshgan. O‘tgan yili mazkur ko‘rsatkich 5−7 foiz bo‘lgan.

23 mart 2021, 10:42

Germaniyada karantin muddati uzaytirildi

Germaniyada umummilliy karantin rejimi 18 aprelga qadar uzaytirildi. Pasxa bayramlarida ham cheklovlar kuchaytiriladi — barcha do‘konlar yopilib, jamoat yig‘ilishlari taqiqlanadi.

23 mart 2021, 09:53

Tadbirkorlar uchun elektr tarmoqlariga ulanishda bir martalik to‘lov joriy etish taklif qilinmoqda

Energetika vazirligi ishlab chiqqan ma’muriy reglament loyihasida quvvati 50 kVtgacha bo‘lgan iste’molchilarni (maishiy iste’molchilardan tashqari) tarmoqqa ulash uchun 14,7 mln so‘mgacha miqdorda bir martalik to‘lov joriy etish taklif qilinmoqda.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting