Yangiliklar

7 oktabr 2021, 12:25

O‘zbekiston prezidentining Rossiyaga tashrifi noyabr oyida bo‘lib o‘tishi kutilmoqda

Noyabr oyida O‘zbekiston prezidentining Rossiyaga tashrifi kutilmoqda. Shavkat Mirziyoyev va Vladimir Putin telefon orqali tashrifga tayyorgarlikni muhokama qildilar.

7 oktabr 2021, 12:24

Probatsiya xizmati 60 mingdan ortiq shaxsni nazoratga olgan

sentabr holatiga Probatsiya xizmati tomonidan 60 ming 434 kishi nazorat ostiga olingan. Ularning 91,5 foizini erkaklar, 8,5 foizini ayollar, 28 foizini yoshlar va 1 foizdan kamrog‘ini voyaga yetmaganlar tashkil qiladi. 2001 yilda bitta inspektor 13 kishini nazorat qilgan bo‘lsa, 2021 yilga kelib bu ko‘rsatkich 108 kishiga yetdi.

7 oktabr 2021, 11:29

Facebook uzilishlar oqibatida qariyb 100 mln dollar yo‘qotdi

Fortune hisob-kitoblariga ko‘ra, yetti yarim soatlik uzilishlar natijasida Facebook taxminan 99,75 mln dollar yo‘qotgan. Forbes nashri platformadagi nosozlik sabab kompaniya aksiyalari narxi 4,8 foizga pasaygani va oqibatda Mark Sukerberg 5,9 mlrd dollar yo‘qotganini ma’lum qildi.

7 oktabr 2021, 10:46

O‘zbekiston Rossiyadan 1 mln gektar yer maydonini ijaraga olmoqchi

O‘zbekiston Rossiya hududidan 1 mln gektar yer maydonini qishloq xo‘jaligi mahsulotlarini yetishtirish uchun ijaraga olmoqchi. Bunga O‘zbekistondagi suv resurslari tanqisligi sabab ekanligi aytilmoqda. Ijara yerlaridan olingan hosil O‘zbekistonning ichki bozoridagi talabni qondirishga yo‘naltiriladi. O‘tgan yilning dekabr oyida prezident Shavkat Mirziyoyev tadbirkorlarga Rossiya hududida qishloq xo‘jaligi mahsulotlarini yetishtirishni taklif qilgan edi.

7 oktabr 2021, 10:36

AKT vaziriga yangi o‘rinbosar tayinlandi

“O‘zkomnazorat” boshlig‘i o‘rinbosari bo‘lib ishlab kelgan Doniyor Rustamov axborot texnologiyalari va kommunikatsiyalarini rivojlantirish vazirining o‘rinbosari lavozimiga tayinlandi.

7 oktabr 2021, 10:18

Tabiiy gaz importchilari bojxona bojini to‘lashdan ozod qilindi

Tabiiy gazni eksportga realizatsiya qilishda aksiz solig‘i stavkasining nol foiz miqdorida belgilangani, tabiiy gaz importchilarining bojxona bojidan ozod qilinayotgani, geologiya-qidiruv va izlanish ishlarining qator soliq va to‘lovlardan ozod qilinayotgani va boshqa yangiliklar — prezident yer qa’ridan foydalanuvchilarni soliqqa tortish bo‘yicha yangi farmonni imzoladi.

7 oktabr 2021, 10:12

Chirchiq hokimligi matbuot kotibi ishdan olindi

Chirchik shahar hokimligi matbuot kotibi Fahriddin Qodirov ijtimoiy tarmoqlardagi izohlaridan keyin ishdan olindi. AOKAning ta’kidlashicha, u davlat xizmatchisining axloqiy me’yorlari va kodeksini buzgan.

6 oktabr 2021, 22:10

OAV: Afg‘onistonning sobiq prezidenti Ashraf G‘ani O‘zbekiston orqali qochgan

Afg‘onistonning Hasht e Subh Daily gazetasi mamlakatning sobiq prezidenti Ashraf G‘anining qochish tafsilotlarini yoritdi. Nashrning yozishicha, u va uning atrofidagilar avval O‘zbekistonga borib, Termiz aeroportida bir kundan ko‘proq qolishgan, so‘ngra Qozog‘iston aviakompaniyasi samolyoti bilan BAAga uchishgan.

6 oktabr 2021, 21:50

Jahon banki 2021 yilda O‘zbekistonda YAIM o‘sishi prognozini yaxshiladi

Jahon banki O‘zbekistonning YAIM o‘sishi bo‘yicha prognozini qaytadan ko‘rib chiqdi va uni 4,8 foizdan 6,2 foizga oshirdi. Iqtisodiy faollikning tiklanishiga ichki investitsiyalar, xalqaro savdo va pul o‘tkazmalarining tiklanishi sabab bo‘lmoqda.

6 oktabr 2021, 21:30

6 oktabr kuni O‘zbekistonda sodir bo‘lgan eng muhim xabarlar dayjesti

Yangi e’lon qilingan qaror va farmonlar, energetika vazirligining benzin narxi oshishiga izohi, “Narxoz"ning sobiq prorektori 2 mln dollarni o‘zlashtirganlikda gumonlanishi — “Gazeta.uz"ning 6 oktabrdagi eng muhim xabarlari dayjestida.

6 oktabr 2021, 20:34

O‘zbekistonda nechta talabalar yotoqxonasi borligi ma’lum qilindi

Davlat statistika qo‘mitasi 2020−2021 o‘quv yili boshida O‘zbekistonda faoliyat yuritayotgan OTMlar soni haqdagi ma’lumotlarni e’lon qildi. Unga ko‘ra, O‘zbekistonda OTMlar soni 127 taga yetgan, ularning 88 tasida talabalar uchun yotoqxonalar mavjud.

6 oktabr 2021, 20:32

Jahon yangiliklari dayjesti

Gruziyaning o‘z raqamli valyutasini joriy etishni rejalashtirayotgani, Avstriyada hukmron partiya idoralarida tintuvlar o‘tkazilgani, Xitoyning 2025 yilga kelib Tayvanni bosib olishga to‘liq tayyor bo‘lishi haqidagi fikrlar va boshqa yangiliklar — «Gazeta.uz»ning jahon yangiliklari dayjestida.

6 oktabr 2021, 17:51

O‘zbekiston prezidenti AQSh kongressmenlarini qabul qildi

O‘zbekiston prezidenti Shavkat Mirziyoyev AQSh kongressmenlari Don Beykon, Dug Lamborn, Troy Nels va Avgust Pflyugerni qabul qildi. Uchrashuvda, jumladan, Nebraska, Kolorado va Texas shtatlari bilan hamkorlik bo‘yicha loyiha va dasturlar muhokama qilindi.

6 oktabr 2021, 17:08

«Hukumat ixcham bo‘lishi kerak» — Ruslanbek Davletov

Adliya vaziri seshanba kungi anjumanda O‘zbekistonga juda katta davlat apparati to‘g‘ri kelmasligi, unga ketadigan xarajatlar juda ko‘pligini ta’kidladi. «Hukumat ixcham bo‘lishi kerak», — dedi Ruslanbek Davletov. U shuningdek, fuqarolar biror tashkilot xulosasi uchun viloyatdan Toshkentga qatnashiga to‘g‘ri kelishini ham tanqid ostiga oldi.

6 oktabr 2021, 16:55

Dollarning rasmiy kursi pasaydi

Dollarning so‘mga nisbatan rasmiy kursi 17,02 so‘mga pasayib, 10 671,04 so‘m etib belgilandi. Shuningdek, yevro va rubl kurslari ham pasaydi.

6 oktabr 2021, 16:32

Kimyo bo‘yicha Nobel mukofoti katalizatorlarning yangi turini kashf qilgan olimlarga topshirildi

Benjamin List va Devid Makmillan molekulalarning yangi hamda aniq tuzilishini — organokatalizni kashf qilgani uchun kimyo bo‘yicha Nobel mukofoti bilan taqdirlandi.

6 oktabr 2021, 16:00 2

Energetika vazirligi benzin narxi oshishiga izoh berdi

Davlat statistika qo‘mitasi ma’lumotlariga ko‘ra, O‘zbekistonda yil boshidan beri benzin narxi 28,2 foizga oshgan. Xususan, ijtimoiy tarmoqlar foydalanuvchilari asosan Ai-91 narxi 8100 so‘mgacha oshgani haqida izohlar qoldirishmoqda. Energetika vazirligi Ai-80 narxi ichki bozordagi intervensiya hisobiga ushlab turilganini, Ai-91, Ai-92, Ai-95 narxi esa jahon neft bozoriga bog‘liq ekanligini ma’lum qildi.

6 oktabr 2021, 15:55

Shahrisabzda maktab o‘quvchilari jismoniy tarbiya darsini poli chirib ketgan sport zalida o‘tishdi

Shahrisabzdagi maktablardan birida o‘quvchilar poli chirib kergan sport zalida shug‘ullanyotgani haqida xabarlar tarqaldi. Qashqadaryo viloyati xalq ta’limi boshqarmasiga ko‘ra, 2022 yil maktab sport zalining pol qismi yangidan ta’mirlash rejalashtirilgan. Hozirda mavjud imkoniyatlardan foydalanib, ta’mirlash choralari ko‘rilmoqda.

6 oktabr 2021, 15:49

Jamiyat ochiqlik orqali mansabdorlarni tarbiyalaydi — Adliya vaziri

Ruslanbek Davletov jamiyat ochiqlik siyosati orqali mansabdorlarni tarbiyalashini ta’kidladi. «Agar amaldorning bitta qadami birovga yoqmaydigan qadam bo‘lsa, albatta yashirishga harakat qiladi, ko‘p holatlarda shunaqa», — dedi u. Vazirning fikricha, ochiqlik «qaysidir vazirlik uchun qiyin bo‘lishi mumkin, lekin jamiyat uchun yaxshi».

6 oktabr 2021, 15:10

Qiziqchi Valijon Shamshiyev bolalar maktabi direktori etib tayinlandi

Qiziqchi Valijon Shamshiyev Yashnobod tumani “Barkamol avlod” bolalar maktabi direktori lavozimiga tayinlandi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting