Yangiliklar

Kecha, 11:46

Poytaxt va 7 ta hudud hokimiyatlari mahalliy budjetlar ochiqligi bo‘yicha talablarni buzdi

Toshkent shahri va 7 ta hudud hokimiyatlari ochiq ma’lumotlar to‘g‘risidagi qonun hujjatlariga zid ravishda mahalliy budjetlarning ijrosi va birinchi chorakda mablag‘larni yo‘naltirish maqsadlari to‘g‘risidagi axborotlarni joylashtirmagan. Ular Antikorrupsiya agentligi tomonidan ogohlantirildi.

Kecha, 11:22

Aziz Abduhakimov SHHT turizm vazirlariga doimiy muvofiqlashtiruvchi guruh tuzishni taklif qildi

Aziz Abduhakimov SHHTga a’zo mamlakatlar turizm vazirlariga o‘zaro hamkorlikni jadallashtirish maqsadida doimiy muvofiqlashtiruvchi guruh tuzishni taklif qildi. Guruhga turizm vazirlari o‘rinbosarlari rahbarlik qiladi va davlatlar o‘rtasida eng ommabop turistik yo‘nalishlar xaritasini tuzib chiqadi, transchegaraviy sayyohlik almashinuvi imkoniyatlarini o‘rganadi. Qolaversa, vazir qo‘shma turistik yo‘nalishlarni yaratish, elektron tijorat mahsulotlari va xizmatlarini joriy qilish zarurligini ta’kidladi.

Kecha, 10:10

Navoiyda sport anjomlari 1,4 mlrd so‘mga qimmat narxda sotib olingani aniqlandi

Navoiy viloyati XTB sport anjomlarini haqiqiy bahosidan 787,8 mln so‘mga, viloyatning sobiq turizm va sport bosh boshqarmasi mansabdorlari esa 598,9 mln so‘mga qimmatroq sotib olgani aniqlandi. Ularga nisbatan jinoyat ishi qo‘zg‘atildi.

18 may 2022, 22:00

18 may kuni O‘zbekistonda sodir bo‘lgan eng muhim xabarlar dayjesti

O‘zbekistonda joriy etilayotgan gaz va elektr energiya uchun «ijtimoiy norma», OTMga qabul uchun davlat buyurtmasini kamaytirish taklif etilayotgani, oylik maoshi oshiriladigan tibbiyot xodimlari, Isroildagi Al-Aqso masjidi kutubxonasidan olib kelingan o‘zbek allomalari qo‘lyozmalari nusxalari va boshqalar — «Gazeta.uz»ning 18 maydagi eng muhim xabarlari dayjestida.

18 may 2022, 19:45

Namanganda o‘quv mashinasi avariyaga uchradi, bir kishi halok bo‘ldi

Namangan viloyatida Lacetti hamda Cobalt o‘quv mashinasi to‘qnashdi. Lacetti haydovchisi hodisa joyida halok bo‘ldi, Cobalt haydovchisi esa kasalxonaga yotqizildi.

18 may 2022, 19:22

Jizzaxda moliyaviy piramida tashkilotchilari qariyb 700 mln so‘mni qo‘lga kiritishdi

Jizzaxda moliyaviy piramida tashkilotchilari Telegram orqali mablag‘ jalb qilib, uning bir qismi avvalroq guruhga qo‘shilganlarga to‘lab kelgani aniqlandi. Jami 692,3 mln so‘m qo‘lga kiritilgan.

18 may 2022, 19:03

O‘zbekistonda gaz va elektr energiya uchun «ijtimoiy norma» joriy etiladi

Yaqin kunlarda energetika sohasini isloh qilish bo‘yicha hujjat loyihasi jamoatchilik muhokamasiga qo‘yiladi, deyiladi Iqtisodiy taraqqiyot, Moliya va Energetika vazirliklari qo‘shma bayonotida. 2021 yilni O‘ztransgaz — 2,5 trln so‘m, Milliy elektr tarmoqlari — 2,1 trln so‘m zarar bilan yakunlagan, subsidiyalash siyosati esa yetarli samarani bermayapti. Energoresurslar bo‘yicha qo‘shimcha quvvatlarni yaratish uchun esa 25 mlrd dollar zarur. Shundan kelib chiqib, energoresurslar narxini erkinlashtirish hamda «ijtimoiy norma» tizimini joriy etish rejalashtirilmoqda.

18 may 2022, 18:54

Al-Aqso masjidi kutubxonasidagi o‘zbek allomalari qo‘lyozmalarining nusxalari O‘zbekistonga olib kelindi

Al-Aqso masjidi kutubxonasida saqlanayotgan Imom al-Buxoriy va Iso at-Termiziy muallifligidagi nodir qo‘lyozmalarning elektron nusxalari hamda Isroil davlat arxivi saqlovidagi Buxoro yahudiylari uyushmasiga tegishli hujjatlar to‘plami nusxasi O‘zbekistonga olib kelindi.

18 may 2022, 18:29

Aprel oyida avtomobillar savdosi oshdi — ITIM sharhi

O‘zbekiston avtomobil bozori hajmi aprel oyida 15,1 foizga oshdi. Ikkilamchi bozorda jadal o‘sish kuzatilmoqda. Buni ekspertlar yil boshidan avtomobillarni xarid qilish va olib kirish uchun yig‘im bekor qilingani bilan izohlamoqda. To‘rtinchi oydirki, xorijiy avtomobillarga qiziqish pasayib bormoqda.

18 may 2022, 18:20

Zamonaviy san’at markazini rekonstruksiya qilish loyihasi taqdim etildi

O‘zbekiston madaniyat va san’atni rivojlantirish jamg‘armasi hamda Fransiyaning Studio KO arxitektura byurosi tomonidan Zamonaviy san’at markazi binosini rekonstruksiya qilish va Toshkentning tarixiy mahallalarida ikkita art-rezidensiya yaratish loyihalari taqdimoti o‘tkazildi. Loyihalarni 2023 yilgacha yakunlash rejalashtirilgan.

18 may 2022, 17:37

Jizzaxda o‘quvchi qizlar o‘rtasida ro‘y bergan janjal bo‘yicha munosabat bildirildi

Jizzaxda o‘zaro yozishmalar vaqtida tortishib qolgan o‘quvchi qizlar shahardagi o‘quv markazlaridan birida uchrashib, janjallashishdi. Holat yuzasidan tergovga qadar tekshiruv harakatlari olib borilmoqda.

18 may 2022, 17:30

Urganchda tergov izolyatoridagi mahkumlarga iste’molga yaroqsiz suv berildi

Urganchda tergov izolyatoridagi mahbuslar Ombudsman vakiliga ichishga yaroqsiz suv berilayotgani yuzasidan shikoyat qilishdi. Holat tasdiqlandi. Mahkumlarga kechasi elektr o‘chguniga qadar suv qaynatib olish tavsiya qilindi.

18 may 2022, 17:30

Toshkentdagi dehqon bozorlarida 6,8 tonna yaroqsiz go‘sht mahsulotlari aniqlandi

Toshkentdagi dehqon bozorlarida laboratoriya tekshiruvidan o‘tkazilgan 30,6 ming tonna go‘sht va go‘sht mahsulotlarining 6,8 tonnasi iste’molga yaroqsiz deb topildi.

18 may 2022, 17:20

Gaz importidan qo‘rqish kerak emas — «O‘ztransgaz» rahbari

«O‘ztransgaz» rahbari Behzot Normatov O‘zbekiston qazib olish hajmi kamayishi va ichki talab ortishi ortidan gazni import qila boshlaganini aytdi. «Import qilishdan hech qachon qo‘rqish kerak emas. Iqtisodiyotimiz to‘xtamasligini xohlasak, biz kafolatlangan energoresurslarni zaxirasi bilan birga ta’minlab berishimiz kerak», — deya ta’kidladi u. 2021 yilda O‘zbekistonda gazni import qilish qiymat jihatidan 3 baravarga oshdi.

18 may 2022, 16:38

2023-yildan faqat davlat granti bo‘yicha kvotalar e’lon qilinishi mumkin

Jamoatchilik muhokamasiga qo‘yilgan prezident qarori loyihasiga ko‘ra, 2023-yildan boshlab davlat OTMlariga kvotalarni faqat davlat granti asosida e’lon qilish taklif etilmoqda. Shunga ko‘ra, 2023/2024-o‘quv yilidan barcha OTMlar to‘lov-kontrakt bo‘yicha kvotani mustaqil belgilashi mumkin bo‘ladi.

18 may 2022, 16:14

Shimoliy Koreyada koronavirusdan gumon qilingan 1,7 mln holat qayd etildi

KXDRda koronavirus aniqlangani haqidagi ilk xabardan bir necha kun o‘tib, virus yuqtirib olganlar soni 1,7 mlndan oshgan bo‘lishi mumkin, 60 dan ortiq kishi esa kovidga xos alomatlardan vafot etgani aytilmoqda. Mamlakat Janubiy Koreyaning yordam berish haqidagi taklifiga javob bermadi.

18 may 2022, 14:44

Antimonopoliya qo‘mitasi UzIMEI, radarlar va Yagona imtihon markazi bo‘yicha yakuniy xulosa beradi

Monopoliyaga qarshi kurashish qo‘mitasi rahbari Shaxrux Sharaxmetov UzIMEI tizimi, radar o‘rnatish nuqtalarining auksionda sotilishi va haydovchilar uchun Yagona imtihon markazi masalalari kun tartibida turgan «eng murakkab va dolzarblari» hisoblanishini ma’lum qildi. Uning so‘zlariga ko‘ra, qo‘mita raqobat nuqtai nazaridan bu kabi holatlarni nazorat qila oladimi, uning vakolatiga kiradimi yoki yo‘qmi degan masala turibdi.

18 may 2022, 13:59

Tojikistonning Rushon tumanida terrorga qarshi operatsiya boshlandi

Tojikiston IIV Tog‘li Badaxshon avtonom viloyatining Rushon tumanida terrorga qarshi operatsiya boshladi. Bunga mahalliy aholi Badaxshon markaziga harakatlanayotgan harbiy mashinalar yo‘lini to‘sib qo‘ygani sabab qilib ko‘rsatilayapti. Rasmiy Dushanbe namoyishchilar xalqaro terroristik tashkilotlar tomonidan qo‘llab-quvvatlanayotganini ta’kidlamoqda.

18 may 2022, 13:29

Uchta hududda yer maydonini noqonuniy tarzda sotishga uringan shaxslar ushlandi

Huquqni muhofaza qiluvchi organlar xodimlari Qoraqalpog‘istonda 0,5 gektar yerni 47 ming dollarga, Toshkentda 6 sotix maydonni 14 ming dollarga hamda Buxoroda 4 sotix yerni 9 mingga sotishga uringan shaxslarni qo‘lga oldi. Gumondorlarga nisbatan jinoyat ishi qo‘zg‘atildi.

18 may 2022, 13:00

Prezident topshirig‘i bajarildi: UzAuto Motors yil boshidan buyon 108 300 dan ortiq avtomobilni o‘z egalariga topshirdi

Korxonalar va ta’minot tarmoqlarining texnologik jarayonlarini optimallashtirish tufayli UzAuto tomonidan 108 300 dan ortiq avtomobil o‘z egalariga topshirildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting