Yangiliklar

15 iyun 2021, 11:53

O‘zbekiston fuqaroligini olish tartibi soddalashtirildi

Prezident O‘zbekiston fuqaroligini olishni soddalashtiruvchi qonunni imzoladi. 2005 yilgacha mamlakatga kelgan, shuningdek, mamlakatda 15 yildan beri muqim istiqomat qilayotgan fuqaroligi bo‘lmagan shaxslar O‘zbekiston fuqarolari deb tan olinishi mumkin.

15 iyun 2021, 11:33

Qaxramon Olimov A. I. Gersen nomidagi Rossiya davlat pedagogika universitetiga rahbar bo‘ldi

Maktabgacha ta’lim vazirining sobiq birinchi o‘rinbosari Qaxramon Olimov A. I. Gersen nomidagi Rossiya davlat pedagogika universiteti Toshkent filiali direktori lavozimiga tayinlandi.

15 iyun 2021, 11:05

Kecha O‘zbekistonning barcha hududida koronavirus kasalligi aniqlanib, 1 nafar bemor vafot etdi

O‘zbekistonda koronavirus infeksiyasi qayd etilganlar soni 104 ming 113 nafarni tashkil qilmoqda. Shuningdek, so‘nggi kun ichida 253 nafar bemor kasallikdan sog‘ayib, O‘zbekistonda sog‘ayish ko‘rsatkichi 96 foizni tashkil etmoqda.

15 iyun 2021, 10:47

Integrallashgan ijtimoiy xizmatlar ko‘rsatish loyihasi yo‘lga qo‘yildi

Hukumat va YUNISEF ijtimoiy xizmatlar ko‘rsatish bo‘yicha loyihani yo‘lga qo‘ydi. U tarqoq ijtimoiy qo‘llab-quvvatlash tizimi o‘rniga, fuqarolarning o‘ziga xos ehtiyojlarini hisobga oladigan tizimni yaratishga yordam beradi.

15 iyun 2021, 10:18

Jahon yangiliklari dayjesti

AQSh va Rossiyada 2 mingdan ortiq yadroviy kallak yuqori tayyorgarlik holatida turayotgani, Germaniyaning Telegram ustidan shikoyat qilgani, G7'ning rivojlanayotgan mamlakatlarga vaksinalarning 2,3 mlrd dozasini yetkazib berishi va boshqa yangiliklar — «Gazeta.uz» ning jahon yangiliklari dayjestida.

15 iyun 2021, 09:40

Toshkent shahri va viloyati onkologiya kasalxonalari yagona muassasa sifatida birlashtiriladi

Onkologik kasalliklar bo‘yicha eng ko‘p murojaatlar poytaxt va Toshkent viloyati filiallariga to‘g‘ri kelmoqda. Ularda barcha bemorlarning qariyb 37 foizi davolangani qayd etildi. Shundan kelib chiqib, Toshkent shahri va Toshkent viloyati shifoxonalarini yagona muassasa sifatida birlashtirish taklifi bildirildi. «Natijada salohiyatli mutaxassislar va yuqori texnologik uskunalar bir joyda jamlanib, davolash sifati oshadi, bemorlar sarson bo‘lishining oldi olinadi», — deya ta’kidladi prezident matbuot xizmati.

14 iyun 2021, 21:04

Buxoroda 15 yoshli maktab o‘quvchisi suvda cho‘kib ketib, halok bo‘ldi

Olot tumanidagi maktab o‘quvchisi darsdan so‘ng o‘z xonadonidan chiqib, cho‘milishga borgan. U yerda o‘quvchi suvga cho‘kib ketgan. Uning yonida bo‘lgan tengdoshlari o‘quvchini qutqarishga urinishgan. Marhumning jasadi bir kundan keyin topilgan.

14 iyun 2021, 20:31

Urgutdagi gaz quyish shaxobchalarining birida sodir bo‘lgan portlash oqibatida ikki kishi vafot etdi

Urgut tumanida joylashgan suyultirilgan gaz quyish shaxobchasiga gaz tushirayotgan vaqtida portlash sodir bo‘ldi. Oqibatda haydovchi va gaz shaxobchasining bir nafar ishchisi voqea joyida vafot etgan.

14 iyun 2021, 20:30

14 iyun kuni O‘zbekistonda sodir bo‘lgan eng muhim xabarlar dayjesti

Milliy test tizimi atrofidagi mojarolar, Shavkat Mirziyoyevning hafta davomidagi ish grafiki, Sirdaryo hokimligi mas’ullarining raqqosalar bilan video uchun ishdan ketishi, kattaqo‘rg‘onlik soliqchi voqeasi — “Gazeta.uz"ning 14 iyundagi eng muhim xabarlari dayjestida.

14 iyun 2021, 18:56

«Qoidabuzarlikni to‘xtatish uchun vijdonimni sotishga ham tayyorman». Adliya vaziri — YTHlarni suratga olish haqida

Adliya vaziri yo‘l harakati qoidalarini buzayotganlarni suratga olganlarni rag‘batlantirish tizimi haqida: «Agar jamoat joyida odam noqonuniy xatti-harakat bilan shug‘ullanayotgan bo‘lsa, [qoidabuzarlikni to‘xtatish uchun] kerak bo‘lsa, vijdonimni sotishga ham tayyorman», — deya tushuntirdi. U huquqbuzarliklar haqida xabar berayotganlarni haroqat qilmaslikka chaqirdi va hozirgidek tinch zamonda yiliga minglab odamlar yo‘llarda o‘lib ketayotganini eslatib o‘tdi.

14 iyun 2021, 17:23

Kattaqo‘rg‘onlik soliqchi voqeasi: marhumning yaqinlari unga kuch ishlatilganligini aytmoqda. Shifokor esa marhumning tanasida jarohat bo‘lmaganligini aytmoqda

Samarqand viloyatida YPX xodimlari tomonidan qo‘lga olinish chog‘ida vafot etgan tuman soliq inspeksiyasi boshlig‘i o‘rinbosarining ishi bo‘yicha surishtiruvlar davom etmoqda. Marhumning qarindoshlari uning ikki qo‘lida barmoq izlari, bo‘ynida va yuzida shilingan jarohatlar borligini aytishmoqda. Jasadni tekshirgan shifokor esa uning tanasida jarohatlar ko‘rmaganligini, faqatgina o‘ng ko‘z atrofida kichkina shilingan joyi bo‘lganligini ta’kidladi.

14 iyun 2021, 17:07

Dollarning rasmiy kursi ketma-ket beshinchi bor ko‘tarildi

Dollarning rasmiy kursi 11,96 so‘mga ko‘tarildi va jami 10 609,00 so‘m etib belgilandi. Rubl va yevro kurslari esa biroz pasaydi.

14 iyun 2021, 16:25

Internetda tarqalgan video ortidan Sirdaryo tumani hokimi o‘rinbosari ishdan ketdi

Ijtimoiy tarmoqlarda raqqosalar bilan birga videosi tarqalgan Sirdaryo tumani hokimining o‘rinbosari Nurali Mirzayev va tuman obodonlashtirish boshqarmasi boshlig‘i Nozim Muratov o‘z arizasiga binoan egallab turgan lavozimidan ozod etildi.

14 iyun 2021, 16:20

«Otabek Sattoriy ishi»: Apellyatsiya shikoyati Samarqandda ko‘rib chiqiladi

Surxondaryolik bloger Otabek Sattoriy ishi bo‘yicha apellyatsiya shikoyati Samarqand viloyati sudida ko‘rib chiqiladi. Uning advokati ishni ko‘rib chiqish joyini o‘zgartirishni so‘rab, Oliy sudga ariza kiritdi.

14 iyun 2021, 15:06

2021 yilgi Haj mavsumi ham xorijiy ziyoratchilarsiz o‘tadi

Saudiya Arabistoni 2021 yilgi Haj mavsumini xorijiy ziyoratchilarsiz, faqat mahalliy aholi uchun tashkil etilishi bo‘yicha qarorni qabul qildi. Bu Saudiya Arabistonidagi epidemiologik vaziyatning keskinlashuvi bilan bog‘liq. Hajga borishni rejalashtirgan o‘zbekistonliklarning navbati keyingi mavsum uchun saqlab qolinishi ma’lum qilindi.

14 iyun 2021, 14:25

Moskva va Sankt-Peterburgda koronavirus sababli cheklovlar kuchaytirildi

Moskvada epidemiologik vaziyatning yomonlashgani sababli 15−19 iyun dam olish kunlari deb e’lon qilindi, 20 iyunga qadar hayvonot bog‘lari va savdo markazlaridagi fudkortlar yopildi, restoran va kafelar kechki payt ishlamaydi. Talabalar imtihonlarni onlayn topshirishadi. Shunga o‘xshash cheklovlar, faqat dam olish kunlarisiz, Sankt-Peterburgda ham joriy qilindi.

14 iyun 2021, 14:09

Tozalash inshootlaridan taralayotgan badbo‘y hid tufayli 22 kishiga nisbatan ish ochildi

Toshkentda oqova suvlarni tozalash inshootlariga texnik suvlarni oqizish holati bo‘yicha korxona va tashkilotlarning 22 nafar mas’uliga nisbatan ma’muriy ish qo‘zg‘atildi. Avvalroq, ayni shu sabab Sergeli tumanida badbo‘y hid taralayotgani haqida yozgan edik. Bir qator korxonalarning davlat ekologik ekspertizasi amal qilish muddatini oldindan to‘xtatish va shahar kanalizatsiya tarmog‘idan uzish maqsadida sudga da’vo arizasi kiritildi.

14 iyun 2021, 13:38

Jomboydagi maktabda sinfxonalarni o‘quvchilar ta’mirlayotgani aytilmoqda (foto)

Jomboy tumanidagi 28-maktabning 7−11-sinflarida tahsil oluvchi ayrim o‘quvchilar o‘z sinfxonalarini ta’mirlash ishlariga jalb qilingani aytilmoqda.

14 iyun 2021, 13:19

Haftaning birinchi yarmida issiq havo pasayadi

Yaqin kunlarda issiqlik Qozog‘istondan keladigan salqin havo massasi ta’sirida +32…+35 darajagacha pasayadi. Haftaning ikkinchi yarmida havo harorati yana ko‘tarila boshlaydi.

14 iyun 2021, 13:06

Jahon banki O‘zbekiston shaharlarini rivojlantirishga $100 mln ajratadi

Jahon banki Qashqadaryo va Surxondaryo viloyatlaridagi shaharlarning munitsipal xizmatlari va infratuzilmalarini yaxshilash ishlari uchun $100 mln ajratadi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting