Yangiliklar

13 avgust 2020, 10:07

Koronavirus holatlari 32,8 mingdan oshdi

COVID-19 bemorlari soni 183 nafarga ortib, jami 32837 kishini tashkil etmoqda. Yangi holatlar Toshkent shahri, Samarqand, Namangan, Sirdaryo, Qashqadaryo va Toshkent viloyatlarida qayd etildi. Shu bilan birga, ikki nafar koronavirus bemori vafot etdi.

13 avgust 2020, 01:56

17 avgustdan masjidlar faoliyatiga ruxsat berildi

O‘zbekistonda 17 avgustdan boshlab barcha diniy tashkilotlar, jumladan, masjidlar faoliyatiga ruxsat berildi. Bunda karantin qoidalariga qat’iy rioya etilishi shart. Juma namozini vaqtincha ado etmaslik belgilandi.

13 avgust 2020, 01:37

Covid-19 kunlik statistikasi: 671 ta yangi holat aniqlandi, 1569 bemor sog‘aydi

12 avgust kuni O‘zbekistonda 671 ta yangi koronavirus holati aniqlanib, umumiy ko‘rsatkich 32,5 mingdan oshdi. Kun davomida 1569 nafar bemor sog‘aydi.

12 avgust 2020, 23:55

Bobomurod Abdullayev Bishkekda O‘zbekiston so‘roviga asosan qo‘lga olindi

Jurnalist Bobomurod Abdullayev Bishkekda O‘zbekiston so‘roviga asosan qo‘lga olindi, deya xabar qildi O‘zbekiston Bosh prokuraturasi. Hozirda uning ekstraditsiyasi masalasi hal qilinmoqda.

12 avgust 2020, 20:00

Toshkentdagi 7 ta tuman tibbiyot birlashmasiga yangi rahbarlar tayinlandi

Toshkentning yettita tumanida tibbiyot birlashmalariga yangi rahbarlar tayinlandi.

12 avgust 2020, 19:43

Hududlarda «sanoat klasterlari» tashkil etiladi

Prezident bosh vazir o‘rinbosariga har bir hududda «sanoat klasterlari» tashkil etish bo‘yicha topshiriq berdi. Xususan, Namanganda to‘qimachilik, Navoiyda qurilish materiallari, Toshkent viloyatida farmatsevtika, poytaxtda elektronika va mebel bo‘yicha «sanoat klasterlari»ni tashkil etish mumkinligi ta’kidlandi.

12 avgust 2020, 18:58

Toshkentdagi YTHda bir kishi halok bo‘ldi va bir kishi jarohatlandi

Toshkentning Chilonzor tumanida Labo yuk mashinasining reklama ustuniga borib urilishi oqibatida avtomobil yo‘lovchisi voqea joyida vafot etdi, haydovchi jarohat oldi.

12 avgust 2020, 18:24

Qibraydagi qotillik yuzasidan ikki gumondor qo‘lga olindi

Qibray tumanida murdasi sayohat jomadoni ichidan topilgan erkakni o‘ldirishda gumon qilinayotgan ikki kishi qo‘lga olindi.

12 avgust 2020, 18:13

Qozog‘iston 17 avgustdan halqaro aviaqatnovlarni qayta tiklamoqda

Qozog‘iston hukumati 17 avgustdan boshlab BAA, Belarus, Germaniya, Niderlandiya, Misr, Ukraina va Rossiya Federatsiyasiga xalqaro reyslar tiklashga qaror qildi.

12 avgust 2020, 18:11

15 avgustdan karantin choralari bosqichma-bosqich yumshatiladi

15 avgustdan boshlab karantin choralari yumshatiladi: shaxsiy va jamoat transporti harakati, qator faoliyat turlari, bozor va madaniy-ma’rifiy muassasalar ishini bosqichma-bosqich qayta tiklanadi. Belgilangan talablarga amal qilgan holda uyda 30 kishilik oilaviy marosimlar o‘tkazish mumkin bo‘ladi. 17 avgustdan hududlar o‘rtasida avtotransport qatnovi tiklanishi belgilandi.

12 avgust 2020, 17:53

Farg‘ona va So‘x o‘rtasida aviaqatnovlar yo‘lga qo‘yiladi

Bosh vazir Abdulla Aripov So‘x tumanida samolyot va vertolyotlar uchun uchish-qo‘nish maydonchasi tashkil etilishini ma’lum qildi. Farg‘ona-So‘x yo‘nalishidagi aviaqatnovlarga «Humo AIR» aviakompaniyasining An-2 samolyoti hamda «Uzbekistan Helicopters» MCHJga qarashli MI-8 vertolyotlarini jalb qilish ko‘zda tutilmoqda.

12 avgust 2020, 17:25

Yanvar-iyun oylarida 1 trln so‘mlik bitimlarga oldindan rozilik berildi

Yarim yil davomida Monopoliyaga qarshi kurashish qo‘mitasiga sub’ektlarni qo‘shib yuborish, qo‘shib olish yoki ularning aksiyalarini olish bo‘yicha bitimlarga oldindan rozilik berish bo‘yicha jami 64 ta murojaat kelib tushgan. Umumiy hajmi 1 trln so‘mga teng bo‘lgan ushbu bitimlarning 47,3 foizi xorijiy investorlar hissasiga to‘g‘ri keladi.

12 avgust 2020, 16:59

Yarim yilda Davlat mehnat inspeksiyasi deyarli 3900 nafar mansabdor shaxslarni jarimaga tortgan

2020 yilning birinchi yarmida Davlat mehnat inspeksiyasiga mehnat munosabatlari buzilganligi to‘g‘risida 12 mingdan ortiq murojaat kelib tushgan. Ularni o‘rganishi natijasida 3886 nafar mansabdor shaxsga nisbatan 6,3 mlrd so‘m miqdorida ma’muriy jarimalar qo‘llanilgan.

12 avgust 2020, 15:30

«Yoshlarning ovoziga quloq tutish juda muhim» — Shavkat Mirziyoyev

Shavkat Mirziyoyev inson huquqlari bo‘yicha Samarqand forumi ishtirokchilariga tabrik yo‘lladi. O‘zbekiston prezidenti o‘z tabrigida pandemiya va boshqa muammolar sharoitida yoshlar ovoziga quloq tutish, ularning huquqlarini ta’minlashga qaratilgan dasturlarni ishlab chiqishda yoshlar ishtirokini ta’minlash zarurligini ta’kidladi.

12 avgust 2020, 15:24

Google zilzila haqida ogohlantiruvchi tizim ustida ishlamoqda

Google Android-qurilmalar uchun zilzilalar haqida ogohlantiradigan dastur ustida ishlayapti. Smartfon mini-seysmometr vazifasini bajarib, foydalanuvchilarni tabiiy ofat haqida ogohlantiradi.

12 avgust 2020, 14:38

MIB Qarshi shahar bo‘limi boshlig‘iga xizmat tekshiruvi tayinlandi

Ijtimoiy tarmoqlarda MIB Qarshi shahar bo‘limi boshlig‘ining Milliy gvardiya xodimiga qo‘pollik qilib, uni haqoratlagani aks etgan videoyozuv tarqaldi. Ularning har ikkisiga nisbatan xizmat tekshiruvi tayinlandi.

12 avgust 2020, 13:38

Abituriyentlarga sanitariya-gigena vositalari tarqatiladi

Qabul test sinovlari o‘tkaziladigan joylarda abituriyentlarga barcha sanitariya-gigiyena sharoitlari yaratilishi va ularning xavfsizligi ta’minlanishi ma’lum qilindi. Shuningdek, respublika bo‘yicha bir kunda 100 mingga yaqin abituriyentni test sinovidan o‘tkazilishi qayd etildi. Test sinovlari birinchi smena uchun 08:00 da boshlanib, 10:00 gacha davom etadi va ikkinchi smena 17:00 da boshlanib, 19:00 da tugaydi.

12 avgust 2020, 13:30

TikTok bir yildan ortiq vaqt davomida foydalanuvchilar ma’lumotini yig‘ib kelgan

TikTok Google ishlab chiqqan Android tizimining maxfiylik himoyasini chetlab o‘tishga erishgan va «millionlab» smartfonlarning unikal identifikatorini qo‘lga kiritgan. Ilova kamida 15 oy davomida foydalanuvchilar ma’lumotini yig‘ib kelgan.

12 avgust 2020, 12:38

1200 ta maktabda kundaliklar elektron shaklda yuritiladi

Yangi o‘quv yilidan boshlab respublikadagi 1200 ta maktabda kundalik yuritish elektron shaklga o‘tkaziladi va qog‘oz shaklidagi kundaliklar bekor qilinadi. Xizmatdan foydalanishda internet-trafik hisoblanmaydi.

12 avgust 2020, 12:29

Sirdaryoda bank boshqaruvchisi tadbirkorlarning 520 mln so‘mlik kredit mablag‘larini o‘zlashtirdi

«Agrobank» Sirdaryo viloyati Mirzaobod filialining sobiq boshqaruvchisi 3 nafar tadbirkorning xabardorligisiz ular nomiga 520 mln so‘m kredit rasmiylashtirib, pullarni o‘zi ishlatib yuborgani fosh etildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting