Yangiliklar

8 oktabr 2021, 13:00

«Afg‘oniston nafaqat xavf-xatar va tahdidlar, balki yangi imkoniyatlar manbasi hamdir» — Abdulaziz Kamilov

O‘zbekiston TIV rahbari Abdulaziz Kamilov «Yangi O‘zbekiston» gazetasiga bergan intervyusida Afg‘onistondagi vaziyat mintaqadagi keskinlik omili bo‘lib qolayotganligini ta’kidladi. U bunga mamlakat hududida ayrim terrorchilik guruhlari borligini misol qilib ko‘rsatdi. «Shunday bo‘lsada, Afg‘onistonning nafaqat xavf-xatar va tahdidlar, balki mintaqaviy konstruktiv va yaratuvchan loyihalarga asos bo‘ladigan yangi imkoniyatlar manbasi ekanini nazarda tutish lozim», — dedi vazir.

8 oktabr 2021, 12:59

Abdulaziz Kamilov Fransiyaning O‘zbekistondagi yangi elchisi Aurelia Bushezni qabul qildi

Aurelia Bushez Fransiyaning O‘zbekistondagi yangi elchisi bo‘ldi. U ilgari Fransiyaning Ozarbayjon elchisi va Yevropa Ittifoqining Qozog‘istondagi delegatsiyasi rahbari sifatida ishlagan.

8 oktabr 2021, 12:55

Qozog‘iston O‘zbekiston bilan chegaradagi bojxona postini modernizatsiya qildi

Qozog‘istonda O‘zbekiston bilan chegarada «Bauirjan Konisbayev» (O‘zbekiston tomonidan «Yallama» bilan tutash) bojxona posti modernizatsiya qilindi. Hozircha bu yerdan faqat yuk mashinalari o‘tmoqda.

8 oktabr 2021, 11:40

IIV Telegram`dagi tovlamachilar haqida ogohlantirdi

O‘zbekistonda Telegram guruhlari va kanallari orqali fuqarolarning shaxsiy ma’lumotlarini to‘plab, ulardan pul undirish maqsadida foydalanish holatlari kuzatilmoqda. IIV ma’lumotiga ko‘ra, ularning yurituvchilari xorijdan turib faoliyat olib bormoqda va hozircha ushbu kanallarni bloklashning iloji yo‘q. Vazirlik fuqarolardan shaxsiy ma’lumotlarini ijtimoiy tarmoqlarda qo‘ymaslikni va begona guruhlarda tarqatmaslikni so‘radi.

8 oktabr 2021, 10:04

9−10 oktabr kunlari havo -3 darajagacha soviydi

9 oktabrdan O‘zbekiston hududiga Rossiya Yevropa qismi ustida shakllangan sovuq va nam havo massalari kirib keladi. Havo haroratining 10−12 darajaga tushishi kutilmoqda. Shimolda kechasi -3 darajagacha soviydi.

8 oktabr 2021, 09:51

Windows 11: texnik talablari va o‘rnatish uslublari

Microsoft kompaniyasi Windows 11 operatsion tizimini taqdim etdi. Kompaniya Windows 11`ni turkumdagi «eng xavfsiz» operatsion tizim, deya e’tirof etgan. Windows 10 o‘rnatilgan, Windows 11`ga mos keluvchi barcha kompyuterlar taxminan 2022 yil o‘rtalarigacha yangi operatsion tizimga o‘tishi kutilmoqda.

8 oktabr 2021, 09:28

Yana 270 ta radar o‘rnatish joyi kimoshdi savdosiga qo‘yildi

Onlayn kimoshdi savdosiga yana 270 ta radar va kamera o‘rnatish joylari chiqarildi. Eng ko‘p uchastka Toshkent viloyatida, eng kami — Xorazmda.

8 oktabr 2021, 09:04

Rossiya O‘zbekistondan 10 ming quruvchini qabul qiladi

Rossiya hukumati O‘zbekistondan 10 ming quruvchini mamlakatga jalb etish bo‘yicha tajriba loyihasini amalga oshirmoqda. Loyiha ishtirokchilari suhbat va tibbiy ko‘rikdan o‘tishlari, shuningdek rus tili, Rossiya tarixi va qonunchiligi asoslarini bilishi to‘g‘risidagi sertifikatga ega bo‘lishlari kerak.

7 oktabr 2021, 21:47

Jahon yangiliklari dayjesti

Finlyandiya, Daniya va Shvetsiyaning 30 yoshgacha bo‘lgan aholini Moderna bilan emlashni to‘xtatgani, Latviya sog‘liqni saqlash tizimida favqulodda holat e’lon qilingani, Pokistonda zilzila oqibatida 20 kishining halok bo‘lgani va boshqa yangiliklar — «Gazeta.uz»ning jahon yangiliklari dayjestida.

7 oktabr 2021, 21:30

7 oktabr kuni O‘zbekistonda sodir bo‘lgan eng muhim xabarlar dayjesti

Shavkat Mirziyoyevning sirdaryolik saylovchilar bilan uchrashuvi,"Chorvoq oromgohi" yaxlit mulk sifatida sotuvga qo‘yilishi, O‘zbekiston va Tolibon hukumati TIV rahbarlari Kobulda uchrashuvi — “Gazeta.uz"ning 7 oktabrdagi eng muhim xabarlari dayjestida.

7 oktabr 2021, 20:28

Prezident maktablarida «Maktab maslahatchisi» faoliyati yo‘lga qo‘yildi

2021−2022 o‘quv yildan Prezident maktablarida «Maktab maslahatchisi» — «School Counselor» dasturi ishga tushirilmoqda. Dastur muvaffaqiyatli tajribadan o‘tgach, ijobiy tajriba umumta’lim maktablariga ham joriy etilishi ko‘zda tutilgan.

7 oktabr 2021, 19:47

«Tolibon» o‘zbek tili maqomi va O‘zbekiston xavfsizligi bo‘yicha aniq kafolat berdi — Abdulaziz Kamilov

Tashqi ishlar vaziri Abdulaziz Kamilov Kobulga tashrifi davomida Afg‘onistonning muvaqqat hukumati mamlakat «zaminidan O‘zbekistonga qandaydir tahdid yoki xavf chiqishiga yo‘l qo‘ymasligi» bo‘yicha «kuchli va aniq kafolat» berganligini ma’lum qildi. Shuningdek, Kamilov o‘zbek tili va madaniyati «tolibon» hukumati davrida ham rivojlanishda davom etishini ta’kidladi. U yaqin orada Termizda ikkala davlatning ishchi guruhlari muzokaralari o‘tkazishini ham ma’lum qildi.

7 oktabr 2021, 19:39

«Kambag‘allikni qisqartirishning eng asosiy omillari boshpana va ish joyi» — Shavkat Mirziyoyev

Prezident Gulistondagi Yangi hayot mahallasiga borib, u yerdagi yangi turar joylar qurilishi bilan tanishdi. «Kambag‘allikni qisqartirishning eng asosiy omillari boshpana va ish joyi», — dedi u. Shavkat Mirziyoyev xalqning uy-joyga bo‘lgan talabi o‘sib borayotgani va shunga munosib sharoit yaratish lozimligini qayd etdi.

7 oktabr 2021, 17:40

Sadriddin Ayniy nomidagi Buxoro teatri 2022 yilda ta’mirlanadi

11 yillik qarovsizlikdan so‘ng Sadriddin Ayniy nomidagi Buxoro davlat musiqali drama va komediya teatrini ta’mirlashga 2022 yilda 64,5 mlrd so‘m ajratilishi ma’lum qilindi. Teatr jamoasi hozirda faoliyat yuritayotgan «Ko‘hna va boqiy Buxoro» majmuasidagi teatr binosi esa madaniyat saroyiga aylantiriladi.

7 oktabr 2021, 17:37

OTB O‘zbekistonda moliyaviy bozorlarni rivojlantirish uchun 100 mln dollar ajratadi

Osiyo taraqqiyot banki O‘zbekistonda raqobatbardosh moliyaviy bozorlarni rivojlantirish uchun 100 mln dollarlik kreditni ma’qulladi. Kredit mablag‘lari mamlakatda moliyaviy bozorlar uchun qulay muhit yaratishda zarur bo‘lgan davlat siyosati, qonunchilik hamda institutsional islohotlarni qo‘llab-quvvatlash uchun yo‘naltirilishi ko‘zda tutilmoqda.

7 oktabr 2021, 17:09

Adabiyot bo‘yicha Nobel mukofoti Abdulrazoq Gurnaga topshiriladi

Tanzaniyalik yozuvchi Abdulrazoq Gurna adabiyot yo‘nalishida 2021 yilgi Nobel mukofotining sohibi bo‘ldi. U «kolonializm oqibatlari va qochqinlar taqdiriga murosasiz va rahmdillik bilan kirishgani» uchun taqdirlangan.

7 oktabr 2021, 16:49

Indoneziyada xitoy-o‘zbek vaksinasidan favqulodda foydalanishga ruxsat berildi

Indoneziya Oziq-ovqat mahsulotlari va dori preparatlari nazorati agentligi ZF-UZ-VAC2001 vaksinasidan favqulodda foydalanishga ruxsat berdi. Ushbu vaksinaning III faza sinovlarida jami 4000 nafar ko‘ngilli ishtirok etgan va 92,92% foiz samaradorlikni ko‘rsatgan.

7 oktabr 2021, 16:24

Toshkent viloyati hokimligi IIBBga 3 mlrd so‘m ajratadi

Toshkent viloyati hokimligi mahalliy budjet hisobidan IIBBga jamoat tartibini saqlash va boshqa maqsadlar uchun 3 mlrd so‘m ajratadi.

7 oktabr 2021, 16:19

O‘zbekiston va Tolibon hukumati TIV rahbarlari Kobulda uchrashdi

O‘zbekiston tashqi ishlar vaziri Abdulaziz Kamilov Afg‘oniston tashqi ishlar vazirligi rahbari vazifasini bajaruvchi Amir Xon Mottakiy bilan uchrashuvda tranzit, energetika va savdo masalalarini muhokama qildi. Afg‘oniston tomoni Mozori-Sharifdagi aeroportni rekonstruksiya qilish va boshqa sohalardagi yordam uchun O‘zbekistonga minnatdorchilik bildirdi.

7 oktabr 2021, 16:10

Dollarning rasmiy kursi ko‘tarildi

Dollarning so‘mga nisbatan rasmiy kursi 6,85 so‘mga ko‘tarilib, 10 677,89 so‘m etib belgilandi. Shuningdek, yevro va rubl kurslari ham ko‘tarildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting