Yangiliklar

8 may 2020, 08:02

“Niqobni yechish taqiqlanadi” — prezident

“Hozircha niqobni yechish mumkin emas. Biz ushbu sharoitlarda ishlash va yashashni o‘rganishimiz kerak”. Prezident Shavkat Mirziyoyev dunyodagi pandemiya rivojini hisobga olgan holda karantin qoidalariga to‘liq rioya etilishi zarurligini ta’kidladi. Uning so‘zlariga ko‘ra, karantin choralari sharoitida yashash va ishlashni o‘rganish zarur.

8 may 2020, 07:22

9-may kuni ommaviy tadbirlar o‘tkazish taqiqlandi

Karantin munosabati bilan O‘zbekistonda Xotira va qadrlash kuniga bag‘ishlangan ommaviy tadbirlarni o‘tkazish hamda faxriylarni ziyorat qilish taqiqlandi. Bayramni oila davrasida nishonlash tavsiya qilindi.

8 may 2020, 07:11

Alisher Usmonov suv toshqini oqibatlarini bartaraf etishga 10 mln dollar ajratdi

Alisher Usmonov O‘zbekistonga Sirdaryo viloyatidagi suv toshqini oqibatlarini bartaraf etish va jabrlanganlarga yordam uchun 10 mln dollar taqdim etdi.

7 may 2020, 23:48

Koronavirus holatlari soni 2300 taga yaqinlashdi

O‘zbekistonda koronavirus aniqlangan holatlar soni 2298 taga yetdi. Kun davomida 65 ta yangi holat qayd etildi.

7 may 2020, 23:44

O‘zbekiston yana 11 ming fuqaroni qaytarishni rejalashtirmoqda — prezident

Prezident Shavkat Mirziyoyev O‘zbekiston Rossiya, Turkiya, BAA va boshqa davlatlarda qiyin vaziyatda qolib ketgan 11 ming fuqaroni qaytarishni rejalashtirayotganini ma’lum qildi.

7 may 2020, 21:50

Surxondaryo, Andijon va Navoiyda 110 mingta oila kambag‘allikdan chiqariladi

Prezident Surxondaryoda 55 mingta, Andijonda 41 mingta, Navoiy viloyatida 14 mingta oilani kambag‘allikdan chiqarish lozimligini ta’kidladi. Buning uchun qo‘shimcha turtki berilishi kerak bo‘lgan uchta yo‘nalish ko‘rsatib o‘tildi.

7 may 2020, 20:58

O‘zbekiston va Rossiya prezidentlari bir-birlarini tabrikladilar

Shavkat Mirziyoyev va Vladimir Putin telefon orqali suhbatda yaqinlashib kelayotgan bayram — fashizm ustidan qozonilgan G‘alabaning 75 yilligi munosabati bilan bir-birlarini tabriklab, ikki mamlakat faxriylari va xalqlariga sog‘lik-omonlik tiladilar.

7 may 2020, 20:47

Futbol bo‘yicha Germaniya chempionati may oyining ikkinchi yarmidan qayta tiklanadi

Germaniya may oyining ikkinchi yarmidan futbol bo‘yicha chempionatni qayta tiklaydi. Angliya va italyan jamoalari ham o‘z turnirlarini yakunlab olishni xohlashmoqda, biroq hukumatlar qarorlarini kutishga majbur. Fransuz chempionati aprel oyida “Pari Sen-Jermen"ning muddatidan oldingi g‘alabasi bilan yakunlandi.

7 may 2020, 20:26

Koronavirusdan sog‘ayganlar soni 1656 nafarga yetdi

Bugun 79 nafar koronavirus bemori tuzalib, jami sog‘ayganlar soni 1656 nafarga yetdi.

7 may 2020, 20:23

Tuman va shaharlar ham qizil, sariq va yashil hududlarga ajratiladi

Prezident raisligida o‘tkazilgan yig‘ilishda respublika komissiyasiga hududlarni toifaga ajratishni tuman va shaharlar darajasida belgilash bo‘yicha topshiriq berildi. “Ertaga „yashil“ viloyatdagi biror bir tumanda kasallik aniqlanadigan bo‘lsa, butun viloyatning toifasini o‘zgartirish shart emas”, — deya ta’kidlagan Shavkat Mirziyoyev.

7 may 2020, 19:33

Pensiya va nafaqa to‘lovlarining kechiktirilganligining sabablari e’lon qilindi

May oyi uchun pensiya va nafaqa to‘lovlari kechikdi. Pensiya jamg‘armasi va Xalq banki bunga elektron axborot tizimida yuqori darajada yuklama paydo bo‘lganligi, hamda may oyining dastlabki kunlari dam olish kunlariga to‘g‘ri kelganligini sabab qilib ko‘rsatishgan.

7 may 2020, 17:27

Suv xo‘jaligi sohasidagi loyihalarni amalga oshirish agentligiga yangi rahbar tayinlandi

Suv xo‘jaligi sohasidagi loyihalarni amalga oshirish agentligi direktori tayinlandi. Mazkur agentlik “Suvqurilishinvest” davlat unitar korxonalari faoliyatini muvofiqlashtiruvchi vakolatli davlat organi hisoblanadi.

7 may 2020, 16:43

Tramp uning harbiy vakolatlarini cheklaydigan Kongress qaroriga veto qo‘ydi

Donald Tramp uning Eronga qarshi harbiy vakolatlarini cheklaydigan AQSH Kongressi rezolyutsiyasiga veto qo‘ydi. Mazkur rezolyutsiya “qonunlarni noto‘g‘ri talqin qilishga asoslangan, haqoratli va AQSH o‘zining ittifoqchilari va sheriklarini himoya qilish vakolatlariga katta zarar yetkazgan bo‘lar edi”, dedi Oq uy rahbari.

7 may 2020, 16:32

Matiz kanalga tushib ketdi: uch kishi voqea joyida halok bo‘ldi

Sirdaryo viloyatining Sayxunobod tumanida Matiz yo‘ldan chiqib ketib, kanalga quladi. Haydovchi va ikki yo‘lovchi halok bo‘ldi.

7 may 2020, 16:04

O‘zbekistonda koronavirusdan tuzalganlar soni 1600 kishidan oshdi

Toshkent shahrida 32 nafar va Samarqand viloyatida 15 nafar koronavirus bemorlari tuzaldi. Jami mamlakat bo‘ylab virusdan sog‘ayganlar soni 1624 nafarga yetdi.

7 may 2020, 15:31

To‘qimachilik sanoatini qo‘llab-quvvatlash uchun kechiktirib bo‘lmaydigan choralar belgilandi

Koronavirus pandemiyasi keltirib chiqargan inqirozning to‘qimachilik sanoatiga salbiy ta’sirini yumshatish uchun kechiktirib bo‘lmaydigan choralar, jumladan, soliq va bojxona imtiyozlari belgilandi.

7 may 2020, 15:07

Qozog‘istonda suv toshqinidan jabrlanganlarga 1000 dan ziyodroq uy qurib beriladi

O‘zbekistondagi suv ombori to‘g‘oni o‘pirilishi natijasida boshpanasidan mahrum bo‘lgan qozog‘istonliklarga 1000 dan ziyodroq uy qurib beriladi. Jabrlanganlarga moddiy tovon ham to‘lanadi.

7 may 2020, 14:48

Koronavirusga qarshi kurashayotgan 16 ming tibbiyot xodimi rag‘batlantirildi

Koronavirusga qarshi kurash tadbirlariga respublika bo‘yicha 16 mingga yaqin tibbiyot xodimi jalb qilinib, ularga qariyb 55 mlrd so‘m miqdorida maxsus rag‘batlantirish va qo‘shimcha kunlik to‘lovlar to‘lab berildi.

7 may 2020, 12:36

O‘zbekistonda kartoshkachilik klasterlari va kooperatsiyalari tashkil etiladi

Prezident qaroriga binoan, O‘zbekistonda kartoshkachilik klasterlari va kooperatsiyalari tashkil etiladi, tumanlar hamda hududlar kartoshka yetishtirishga ixtisoslashtiriladi, kartoshkachilik sohasiga oid bir qator yangiliklar va imtiyozlar joriy etiladi. 2023 yil 1 iyulgacha chetdan olib kirilayotgan urug‘lik kartoshka bojxona bojidan ozod etiladi.

7 may 2020, 10:50

Qozog‘iston bosh vazir o‘rinbosari Sirdaryoga tashrif buyurdi

Qozog‘iston bosh vaziri o‘rinbosari Roman Sklyar boshchiligidagi delegatsiya favqulodda vaziyat yuzasidan O‘zbekiston bilan umumiy harakatlar algoritmini ishlab chiqish maqsadida Sirdaryoga tashrif buyurdi. Ularni O‘zbekiston bosh vaziri o‘rinbosari S.Umurzoqov va viloyat xokimi G‘.Mirzayevlar kutib olishdi. Delegatsiya vertolyot aviatsiyasi yordamida Sirdaryo suv ombori atrofi hududlarini ko‘zdan kechirgan.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting