Toshkent, Nukus shaharlari hamda viloyatlar markazlarida uy hayvonlari (uy itlari)ni 100 metr atrofida kuniga bir marotaba sayr qildirishga ruxsat berildi.
Koronavirus pandemiyasi sababli dunyoda qariyb barcha sport tadbirlari bekor qilindi. Biroq xususiy orollardan birida UFC har hafta aralash janglar musobaqasini o‘tkazishni rejalashtirmoqda. UFC 249 musobaqasida o‘zbekistonlik Mahmud Murodovning ham ishtiroki kutilayotgan edi, ammo jang bekor qilindi.
Qalin qor yog‘ishi oqibatida daraxt shoxlarining sinib, elektr tarmoqlariga shikast yetkazishi va elektr qurilmalaridagi avariyaviy holatlar natijasida mamlakat hududlarida elektr energiyasi yetkazib berishda uzilishlar paydo bo‘lgan. Joylarda ta’mirlash-tiklash ishlari olib borilayotganligi aytildi.
O‘zbekiston koronavirus tarqalishining oldini olishga ko‘maklashish uchun Tojikistonga epidemiyaga qarshi kurashda zarur bo‘ladigan tibbiy va oziq-ovqat mahsulotidan iborat insonparvarlik yordamini yubordi.
Chirchiq shahridagi «Aziya» to‘yxonasida tashkil etilgan tibbiy niqoblar tikuvchilik sexi faoliyati yuzasidan jinoiy ish ochilgan. Soliq qo‘mitasi sexda karantin qoidalari va sanitariya talablari qo‘pol ravishda buzilganligini aytmoqda.
O‘zbekistonda koronavirus infeksiyasi aniqlangan bemorlar soni 9 kishiga oshib, 555 nafarga yetdi.
9 apreldan boshlab avtotransport vositalari harakatlanishiga maxsus ruxsatnoma berish to‘xtatildi. Ko‘rib chiqish jarayonida bo‘lgan arizalar qanoatlantirilmaydi.
9 apreldan boshlab Toshkent viloyatining Olmaliq, Angren, Yangiyo‘l va Chirchiq shaharlariga kirish va chiqish cheklanadi.
Berni Sanders AQSH prezidentligiga demokratlar nomzodi bo‘lish uchun praymeriz saylovlaridan chiqdi. Barak Obama prezidentligi davrida vitse-prezident bo‘lgan Jo Bayden noyabr oyidagi prezidentlik saylovlarida Trampning raqibi bo‘lishi kutilmoqda.
Chirchiq shahrida joylashgan «Aziya» to‘yxonasida noqonuniy ravishda faoliyat olib borayotgan tikuvchilik sexi aniqlangan. Nazorat tadbiri davomida 130 mingdan ortiq tayyor tibbiy niqoblar topilgan.
Prezident Shavkat Mirziyoyev har bir sektor hududida kamida 100 tadan xonadonda 1−1,5 sotixli issiqxonalar tashkil etish bo‘yicha ko‘rsatma berdi. Ogohlantirishdan keyin ham tomorqasiga ekin ekmaganlarga yer solig‘i oshirilgan stavkada qo‘llaniladi.
O‘zbekiston prezidenti koronavirusdan vafot etgan 40 yashar bemorning oila a’zolariga hamdardlik bildirdi. Shavkat Mirziyoyev fuqarolarni tartib-intizomga qat’iy rioya qilib, o‘rinsiz vahimaga tushmaslikka chaqirdi.
O‘zbekistonda koronavirus infeksiyasi tasdiqlangan holatlar soni 545 taga yetdi.
26 nafar shofirkonlik Uchquduqdagi oltin konida noqonuniy qazish ishlarini o‘tkazayotganda ushlandi. Ular niqobsiz bo‘lgani uchun qo‘shimcha javobgarlikka tortildi.
Chiroqchi tumanida Nexia avtomobilining daraxtga borib urilishi oqibatida ikki kishi hodisa joyida vafot etdi, jarohatlanganlar ham bor.
Tashqi ishlar vazirligi O‘zbekistonga qaytishni istamagan shaxslar mamlakat fuqaroligidan mahrum qilinishi haqidagi xabarlarni inkor qildi.
Kuzga qadar Gaz-transport tizimini 2030 yilgacha rivojlantirish dasturining bosh rejasi hamda O‘zbekistonda elektr energiyasi va tabiiy gazning birja savdolari asosidagi ulgurji bozorini yaratish bo‘yicha takliflar ishlab chiqiladi.
Markaziy bank kredit bo‘yicha to‘lov muddatlari kechiktirilgan davrda ham foizlar hisoblanishda davom etishini ma’lum qildi. Moliyaviy imkoniyati bo‘lgan qarzdorlarga o‘z kreditlarini belgilangan muddatlarda so‘ndirish tavsiya etildi.
Forbes 2020 yilning eng boy ayollari ro‘yxatini e’lon qildi. Uni Walmart merosxo‘ri Elis Uolton boshqarmoqda. Ro‘yxatdan 22 yoshli model, Amazon asoschisining sobiq rafiqasi va boshqalar ham o‘rin olgan.
Toshkentda o‘tkazilgan reydlar davomida bir kunda 468 ta avtomobilning stikersiz harakatlangani aniqlandi, ularning 271 tasida avtoulovlar jarima maydonchasiga joylashtirildi.
