Yangiliklar

12 iyul 2020, 17:37

Toshkentda koronavirus aniqlangan 76 yoshli ayol vafot etdi

Toshkentda koronavirusga chalingan 76 yoshli ayol hayotdan ko‘z yumdi. Mamlakatda COVID-19 tufayli vafot etganlar soni 59 nafarga yetdi.

12 iyul 2020, 17:19

Rasman koronavirus aniqlanganlar 12855 kishiga yetdi (+149)

O‘zbekistonda koronavirusga chalingani rasman tasdiqlanganlar soni 12855 nafarga yetdi. Yangi aniqlangan 149 ta holatning 28 tasi Andijon viloyati, 76 tasi Toshkentda qayd etildi.

12 iyul 2020, 17:13

Jarqo‘rg‘onda sudyalar xalq oldida obro‘sizlantirildi, sud xodimi esa do‘pposlandi

Surxondaryo viloyatining Jarqo‘rg‘on tumani hokimi va boshqalar sudyalarni xalq oldida obro‘sizlantirdi. Sud xodimi esa do‘pposlanib, vaqtincha saqlash hibsxonasiga qamab qo‘ygan. Hozirda Surxondaryo viloyati prokuraturasi tomonidan tekshirish ishlari olib borilmoqda.

12 iyul 2020, 12:46

58-o‘lim: Toshkentda 53 yoshli ayol koronavirusdan vafot etdi

Toshkentda 53 yoshli ayol koronavirusdan vafot etdi. O‘zbekistonda COVID-19 asoratlaridan olamdan o‘tganlar soni 58 nafrga yetdi.

12 iyul 2020, 00:37

Koronavirus bo‘yicha kunlik o‘sishda yana rekord o‘rnatildi — 486 ta

O‘zbekistonda koronavirus infeksiyasiga chalinganlar ko‘rsatkichi bo‘yicha rekord yana yangilandi. 11 iyul kuni 486 kishida COVID-19 tasdiqlandi.

11 iyul 2020, 17:15

Yana 196 nafar kishida koronavurus aniqlandi (jami — 12402)

Koronavirus holatlari 196 taga ko‘payib, jami 12402 nafarga yetdi. Yangi holatlar Karantin markazida, Samarqand viloyatida, Toshkent shahrida va Buxoro viloyatida qayd etildi. Shundan 35 nafari aholi orasida aniqlandi.

11 iyul 2020, 16:54

Tojikistonda ehtiyojmand fuqarolarga to‘g‘ridan-to‘g‘ri yordam puli beriladi

Tojikiston prezidenti koronavirus pandemiyasi tufayli ehtiyojmand va ijtimoiy zaif aholi qatlamiga kiruvchi fuqarolarga eng kam ish haqining 1 baravari miqdorida (40 dollar atrofida) bir martalik yordam puli ajratish to‘g‘risida qarorni imzoladi.

11 iyul 2020, 16:52

Navoiyda o‘smir 5 yoshli qizchani o‘ldirganlikda ayblanmoqda

Navoiy viloyatining Navbahor tumanida 16 yoshli o‘smir amaksining 5 yoshli o‘gay qizini oshxona pichog‘i bilan qasddan o‘ldirib, uning onasiga tan jarohati yetkazgan. Ayol jonlantirish bo‘limiga yotqizilgan.

11 iyul 2020, 16:26

Adliya vaziri maslahatchisi koronavirus yuqtirgan bo‘lishi mumkinligini ma’lum qildi

Adliya vaziri maslahatchisi va bloger Shahnoza Soatova o‘zini va oila a’zolarini koronavirus yuqtirgan bo‘lishi mumkinligini ma’lum qildi. U yarim kun SES eshigi oldida turib, test topshirolmay qaytganini, test bo‘lmaganligi uchun tez yordam va poliklinika uni koronavirusga chalinganligini tan olmayotganligini aytgan. Bloger sog‘liqni saqlash vazirligidan o‘zini o‘zi davolash bo‘yicha yo‘riqnomalarni chiqarib, tarqatishni talab qilgan.

11 iyul 2020, 16:06

Toshkentlik 66 yoshli koronavirus bemori vafot etdi

Koronavirus infeksiyasiga chalingan 66 yoshli toshkentlik bemor o‘tkir nafas va yurak qon-tomir yetishmovchiligidan vafot etdi. COVID-19 asoratlaridan vafot etganlar soni 56 nafarga yetdi.

11 iyul 2020, 15:13 1

Komil Allamjonov 12 kundan beri koronavirusdan davolanayotganini ma’lum qildi

Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Komil Allamjonov koronavirusga chalinganini ma’lum qildi. Allamjonov unda yengil formali koronavirus kechayotganini, uydan turib 12 kundan beri davolanayotganini va hozirda o‘zini yaxshi his qilayotganini ta’kidlab o‘tdi.

11 iyul 2020, 14:25

Karantin davrida 120 mingga yaqin ehtiyojmand oilalar davlat tomonidan qo‘llab-quvvatlanadi

Karantin cheklovlari davomida 120 mingga yaqin ehtiyojmand oilalarga oziq-ovqat, dori-darmon vositalari va birinchi ehtiyoj mahsulotlari yetkazib beriladi va buning uchun davlat tomonidan 20 mlrd so‘m miqdorida mablag‘ ajratiladi.

11 iyul 2020, 14:05 2

1 avgustga qadar har shanba va yakshanba kunlari avtotransport vositalarining harakati to‘liq to‘xtatiladi

Respublika maxsus komissiyasi qarori bilan 13 iyuldan 1 avgustga qadar respublika miqyosida har shanba va yakshanba kunlari avtotransport vositalarining harakati to‘liq to‘xtatiladi. Dam olish kunlari aholiga «o‘zini o‘zi yakkalash» hayot tarziga qat’iy rioya etish tavsiya etildi.

11 iyul 2020, 13:42

Yoshlar ishlari agentligi direktorining o‘rinbosarlari tayinlandi

Hukumat qarori bilan Sarvar Ashurov va Dilnozaxon Kattaxanova Yoshlar ishlari agentligi direktori o‘rinbosarlari etib tayinlandi.

11 iyul 2020, 13:21

IIV: 2020 yil birinchi yarmida 2388 ta YTH sodir etilgan

O‘zbekistonda yanvar-iyun oylari davomida 2388 ta yo‘l transport hodisalari sodir etilgan. 2019 yil ushbu davrga nisbatan YTHlarning soni 7 foizga kamaygan. Aksariyat YTHlar piyodalar belgilanmagan joydan kesib o‘tishi va haydovchilar tomonidan belgilangan tezlikka rioya qilmaslik sababli yuzaga kelgan. Respublika bo‘ylab eng ko‘p YTH poytaxtda, Farg‘ona va Toshkent viloyatlarida qayd etilgan.

11 iyul 2020, 12:55

Ilon Mask eng boy odamlar ro‘yxatida Uorren Baffetni ortda qoldirdi

Tesla aksiyalarining o‘sishi hisobiga Ilon Maskning boyligi 6,1 mlrd dollarga ko‘paydi va u dunyoning eng boy odamlari ro‘yxatida Uorren Baffet bilan birga yana to‘rt milliarderni ortda qoldirdi.

11 iyul 2020, 11:58

Avliyo Sofiya ibodatxonasi qaytattan masjidga aylantiriladi

Turkiya prezidenti Istanbuldagi Avliyo Sofiya ibodatxonasini muzey maqomidan mahrum qildi. Endilikda, ibodatxona yana masjid sifatida ishlatiladi va 24 iyul kuni o‘z faoliyatini boshlaydi. Ibodatxona 1985 yili YUNESKOning Jahon merosi ro‘yxatiga kiritilgan.

11 iyul 2020, 11:14

O‘zbekistonda Facebook dan foydalanishda yana nosozliklar kuzatilmoqda

Iyul oyining boshidan beri O‘zbekistonda yana Facebook ga kirish bilan bog‘liq muammolar kuzatilmoqda. Ushbu fonda VPN dasturlarining ommaviyligi yana o‘sdi. «Gazeta.uz» muammo nimada ekanligini aniqlashga harakat qildi.

11 iyul 2020, 10:23

Poytaxtda koronavirus bilan kasallangan bemor vafot etdi

Toshkentda koronavirus aniqlagan 50 yoshli ayol vafot etdi. Bu mamlakatda COVID-19 bilan kasallangan bemorlar orasida qayd etilgan 55-o‘lim holati.

11 iyul 2020, 10:09

Koronavirus holatlari 12206 taga yetdi

Koronavirus bemorlari soni 179 nafarga ortib, jami 12206 kishini tashkil etmoqda. Yangi holatlar Karantin markazi, Toshkent shahri, Navoiy viloyati va Qoraqalpog‘istonda qayd etildi. Shundan 43 nafari aholi orasida.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting