Yangiliklar

15 sentabr 2020, 19:49

Jahon yangiliklari dayjesti

Vladimir Putin va Aleksandr Lukashenko muzokaralari, rivojlangan davlatlar iqtisodiyotining qulashi va boshqa yangiliklar — «Gazeta.uz»ning jahon yangiliklari dayjestida.

15 sentabr 2020, 19:17

Rossiya bosh vaziri o‘rinbosari bilan qator hamkorlikdagi loyihalar muhokama qilindi

Iqtisodiy taraqqiyot va kambag‘allikni qisqartirish vazirligida Rossiya bosh vazir o‘rinbosari Aleksey Overchuk boshchiligidagi delegatsiya bilan uchrashuv bo‘lib o‘tdi. Tomonlar hamkorlik doirasidagi bir qator loyihalarni muhokama qilishdi. Xususan, soliq va bojxona ma’muriyatchiligini takomillashtirish bo‘yicha harakatlar rejasi ko‘rib chiqishdi.

15 sentabr 2020, 19:04

Bolalar kutubxonasi binosi rekonstruksiya qilinadi

Respublika bolalar kutubxonasi metsenatlar mablag‘lari hisobidan rekonstruksiya qilinadi. Kutubxonada kovorking uchun xonalar, laboratoriyalar va studiya barpo etiladi. Loyihaga binoan, binoning tarixiy ko‘rinishi saqlab qolinadi. Ish 2021 yilning bahorigacha yakunlanishi ko‘zda tutilmoqda.

15 sentabr 2020, 16:49

1700 ga yaqin o‘zbekistonliklar Rossiyadan olib kelindi

Rossiyaning Samara viloyati va Yekaterinburg shahridan temir yo‘l reyslari orqali deyarli 1700 fuqaro O‘zbekistonga olib kelindi. Kelganlarning barchasi karantinga yuborildi.

15 sentabr 2020, 16:42

Xalq deputatlari kengashlarining o‘z kotibiyatlari bo‘ladi

Xalq deputatlari viloyat, tuman va shahar Kengashi faoliyatiga tashkiliy-texnikaviy va boshqa jihatlardan xizmat ko‘rsatish vazifasi hokimliklar apparatidan tegishli xalq deputatlari Kengashi kotibiyati zimmasiga o‘tkazildi. Senat raisi Tanzila Narbayevaning ta’kidlashicha, deputatlar ushbu o‘zgarishlarni uzoq yillar orzu qilishgan.

15 sentabr 2020, 16:23

Guljahon Yo‘ldoshevaning qo‘lga olinishiga reanimatolog Farrux Rustamovning o‘limi sabab bo‘lgan

Toshkent viloyat yuqumli kasalliklar shifoxonasi bosh shifokori Guljahon Yo‘ldoshevaning hibsga olinishiga reanimatolog Farrux Rustamovning koronavirusdan vafot etgani sabab bo‘lgani ma’lum qilindi. Marhum vafotidan so‘ng «Jasorat» medali bilan taqdirlangan.

15 sentabr 2020, 14:15

O‘zbekistonda iqtisodiy o‘sish yanada pasayishi kutilmoqda — OTB

Osiyo taraqqiyot banki 2020 yilda O‘zbekiston YAIM hajmi o‘sishi bo‘yicha prognozini 0,5%gacha pasaytirdi. Tashkilotning yangi hisobotiga ko‘ra, bunga COVID-19 pandemiyasi, talabning sustligi, sanoat ishlab chiqarishi va xizmatlar sohasidagi pasayish sabab bo‘lmoqda. Biroq, 2021 yilda YAIM 6,5% gacha ko‘tarilishi kutilmoqda.

15 sentabr 2020, 13:21

Fuqarolarning diniy huquq va erkinliklari kengaytirilmoqda

Oliy Majlis Qonunchilik palatasi «Vijdon erkinligi va diniy tashkilotlar to‘g‘risida"gi qonunga o‘zgartish va qo‘shimchalar kiritish haqidagi qonunni qabul qildi. Unga ko‘ra, ota-onalarga farzandlariga uy sharoitida din asoslarini o‘qitishga ruxsat berilmoqda. Shuningdek, fuqarolarning jamoat joylarida ibodat liboslarida yurishlariga yo‘l qo‘ymaslik talabi bekor qilinadi.

15 sentabr 2020, 12:41

OTMlarga kirish imtihonlari o‘tkazilishiga doir yakuniy ma’lumotlar e’lon qilindi

O‘zbekistonda OTMlarga kirish imtihonlari yakunlari e’lon qilindi. Imtihonlarda 1,2 mln nafar (95,1%) abituriyent qatnashdi. 63 ming nafari esa kelmagan, 1187 nafari esa test sinovlaridan chetlashtirilgan. 90 nafar abituriyentda tana harorati 37 darajadan yuqori ekanligi aniqlangan.

15 sentabr 2020, 11:34

Suma Chakrabarti Shavkat Mirziyoyevning maslahatchisi etib tayinlandi

Yevropa tiklanish va taraqqiyot bankining sobiq rahbari Suma Chakrabarti Shavkat Mirziyoyevning iqtisodiy rivojlanish, samarali boshqaruv va xalqaro hamkorlik masalalari bo‘yicha maslahatchisi etib tayinlandi.

15 sentabr 2020, 00:28

Koronavirus holatlari soni 48 mingtaga yaqinlashdi

14 sentyabr kuni O‘zbekistonda 572 ta koronavirus holati qayd etildi. Jami aniqlangan COVID-19 holatlari soni 48 mingtaga yaqinlashdi.

14 sentabr 2020, 22:31

UNG kompaniyasi Ai-92 benzini narxini arzonlashtirmoqda

15 sentyabrdan boshlab UNG AYOQSHlarida import va mahalliy Ai-92 benzini narxi 5500 so‘mga qadar arzonlashtiriladi.

14 sentabr 2020, 22:15

IIO xodimlarining havo sharlari sotuvchilaridan ularni tortib olib, uchirib yuborganiga izoh berildi

Ijtimoiy tarmoqlarda Toshkent IIBB xodimlarining ko‘cha sotuvchilaridan havo sharlarini tortib olib, ularni osmonga uchirib yuborayotgani aks etgan video tarqaldi. Poytaxt IIBB buni sharlarning yonuvchi gaz bilan to‘ldirilgani, ular portlagan taqdirda, atrofdagilarga zarar yetkazishi mumkinligi bilan izohladi.

14 sentabr 2020, 21:47

Xavfsiz, tartibli va qonuniy mehnat migratsiyasi tizimining asosiy yo‘nalishlari belgilandi

Xavfsiz, tartibli va qonuniy mehnat migratsiyasi tizimining 6 ta asosiy yo‘nalishi belgilandi. Xususan, xorijdagi vatandoshlar tashkilotlari va o‘zbek diasporalari bilan aloqalarni mustahkamlanadi, mehnat migrantlari moliyaviy va ijtimoiy qo‘llab-quvvatlanadi, ularning hayoti va sog‘lig‘ini sug‘urtalash amaliyoti kengaytiriladi.

14 sentabr 2020, 21:02

Xorijga ishlashga ketayotgan kam ta’minlangan oilalar a’zolariga 10 mln so‘mgacha mikroqarz beriladi

Xorijga ishga ketayotgan kam ta’minlangan oilalar a’zolariga bir yil muddatga 10 mln so‘mgacha miqdorda mikroqarzlar beriladi. Mikroqarz foiz stavkasining 14 foizli punktidan yuqori bo‘lgan qismi, lekin 21 foizdan oshmagan miqdori Bandlikka ko‘maklashish davlat jamg‘armasi mablag‘lari hisobidan kompensatsiya qilinadi. Shuningdek, 446 ming so‘m (40 doll) bir martalik moddiy yordam ko‘rsatiladi hamda ushbu maqsadlarga 4,1 mlrd so‘m mablag‘ ajratiladi.

14 sentabr 2020, 20:53

Tashkiliy ravishda xorijda ishlashga ketayotganlar majburiy kasb-hunarga o‘qitiladi

1 yanvardan boshlab tashkillashtirilgan mehnat migratsiyasi yo‘li bilan xorijga chiqib ketayotgan shaxslarni, ishga yuborishdan oldin majburiy tartibda kasb-hunarga o‘qitish tizimi joriy qilinmoqda.

14 sentabr 2020, 20:45

Elektr va gaz iste’moli hisobini yuritish va nazorat qilish bo‘yicha onlayn tizim yaratiladi

O‘zbekistonda elektr energiyasi va tabiiy gazni hisobga olish va nazorat qilish bo‘yicha yaxlit onlayn tizim yaratiladi. Bu maqsadlar uchun qariyb 1,2 milliard dollar mablag‘ yo‘naltirilmoqda. «Bu mablag‘larning natijadorligi va qaytimi faqatgina hisoblagichlarni o‘rnatish bilan hal bo‘lib qolmaydi. Iste’molchi sarf qilgan energiya resursi hajmini bilish bilan tizimdagi yo‘qotishlar va o‘g‘irliklarga chek qo‘yib bo‘lmaydi», — deya ta’kidladi prezident Shavkat Mirziyoyev.

14 sentabr 2020, 20:18

Sud Korean and Migrations bandlik agentligi ishi bo‘yicha sudlanuvchilarga hukm chiqardi

Korean and Migrations mansabdorlari, shuningdek, xususiy bandlik agentligi faoliyati bilan aloqador boshqa shaxslar firibgarlik va qalbakilashtirishda aybdor deb topildi. Agentlik direktori va Namangan viloyat filiali boshlig‘iga 9 yildan ozodlikdan mahrum etish jazosi tayinlandi.

14 sentabr 2020, 19:56

Jahon yangiliklari dayjesti

Jahon neft iste’molining keskin kamayishi, Rossiyada chet ellik fuqarolar uchun yangi talablar, Isroilda yangi karantin choralari va boshqa yangiliklar — «Gazeta.uz»ning jahon yangiliklari dayjestida.

14 sentabr 2020, 19:23

Bir kunda sodir bo‘lgan beshta YTHda to‘qqiz kishi vafot etdi

YHXBB 13 sentyabr kuni beshta yo‘l-transport hodisasi sodir bo‘lgani haqida xabar berdi. Baxtsiz hodisalar natijasida to‘qqiz kishi halok bo‘ldi, uch kishi jarohatlandi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting