Yangiliklar

23 noyabr 2020, 19:00

Noqonuniy boylik orttirgan mansabdorlar jinoiy javobgarlikka tortilishi mumkin

O‘zbekiston Jinoyat kodeksiga mansabdor shaxs tomonidan noqonuniy boylik orttirganlik uchun jinoiy javobgarlikni belgilash taklif qilindi. Shuningdek, davlat xizmatchilari eng ko‘p korrupsiyaga qo‘l uradigan sohalar ro‘yxati shakllantiriladi.

23 noyabr 2020, 18:19

Ayrim bojxona imtiyozlari bekor bo‘lishi natijasida 3 trln so‘mga yaqin qo‘shimcha mablag‘lar undirildi

Ayrim bojxona imtiyozlarining bekor bo‘lishi natijasida davlat byudjetiga 3 trln so‘mga yaqin qo‘shimcha mablag‘lar kelib tushdi. Ushbu mablag‘larning qariyb yarmi avtotransport ishlab chiqaruvchilarga tegishli imtiyozlarning bekor bo‘lishi natijasida undirilgan. Shuningdek, so‘nggi ikki-uch yilda bojxona sohasida faoliyat yuritgan 10 dan ortiq uyushgan jinoiy guruhlar fosh etilgani ma’lum qilindi.

23 noyabr 2020, 18:19

Hafta davomida sovuq havo saqlanib turadi

24−25 noyabrda respublika hududlariga Qozog‘iston hududlaridan yana havo massalari kirib kelishi kutilmoqda, ba’zi joylarda biroz qor yog‘ishi mumkin. Antitsiklon periferiyasi ortga chekingach, O‘zbekiston hududlariga iliq havo massalari kirib keladi, biroq keyinchalik havo yana salqinlashadi.

23 noyabr 2020, 17:56

O‘zbekistonning tashqi savdo aylanmasi 10 oyda 30 mlrd dollarni tashkil qildi

Yanvar-oktyabr oylarida O‘zbekistonning umumiy tashqi savdo aylanmasi 30 mlrd dollardan ortiqroqni tashkil etdi. Tashqi iqtisodiy faoliyatdagi 20 ta yirik hamkor-davlat orasidan beshtasi bilan faol tashqi savdo balansi kuzatilgan.

23 noyabr 2020, 16:42

Samarqandda xotini va uning o‘ynashini o‘ldirgan erkak qo‘lga olindi

Pastdarg‘omda yashovchi fuqaro xotini va uning sevgilisi deya taxmin qilingan shaxsni Samarqanddagi savdo markazida pichoqlab o‘ldirdi. Erkak qo‘lga olingan va prokuratura tomonidan jinoyat ishi qo‘zg‘atilgan.

23 noyabr 2020, 16:29

«Turkiston» saroyi atrofidagi daraxtlar imkon qadar saqlab qolinadi — Ekologiya qo‘mitasi

Ekologiya qo‘mitasi Toshkentdagi «Turkiston» saroyi atrofida maxsus belgi qo‘yib chiqilgan daraxtlar imkon qadar kesilmasligini ma’lum qildi.

23 noyabr 2020, 15:21

«Audioyozuvlar montaj qilingan». Andijon viloyati hokimligi — Shuhrat Abdurahmonov audiosi haqida

Andijon viloyati hokimligi Shuhrat Abduraxmonov audiosi bo‘yicha munosabat bildirib, ular «yozuvlar yillar davomida yig‘ilgani va montaj qilinganini bildirdi. Bu bo‘yicha dastlabki tekshiruv boshlangan.

23 noyabr 2020, 15:14

Dollarning rasmiy kursi ketma-ket to‘rtinchi hafta ko‘tarilmoqda

Dollarning rasmiy kursi deyarli 24 so‘mga ko‘tarildi va jami 10 414 so‘m etib belgilandi. Shuningdek, rubl va yevro kurslari ham biroz qimmatladi.

23 noyabr 2020, 14:08 2

Elektr tarmoqlari operatorlari yo‘q elektrni berolmaydi — energetika vaziri o‘rinbosari

Elektr energiya tarmoqlaridagi uzilishlar bo‘yicha kelib tushayotgan murojaat va shikoyatlar bo‘yicha energetika vaziri o‘rinbosari munosabat bildirdi. Uning so‘zlariga ko‘ra, yetishmovchiliklarda hududiy elektr tarmoqlari operatorining aybi yo‘q. «Aslida yo‘q narsani ular topib bera olishmaydi», — dedi u.

23 noyabr 2020, 13:38

Tibbiyot xodimlari malakasini rivojlantirish markazi direktori o‘rinbosari tayinlandi

Shuhrat Xudoybergenov tibbiyot xodimlarining kasbiy malakasini rivojlantirish markazi direktorining o‘rinbosari va markaz klinikasi bosh vrachi etib tayinlandi.

23 noyabr 2020, 13:35

Qo‘qonda er-xotinni vahshiylarcha o‘ldirgan shaxslarga jazo tayinlandi

Qo‘qonda er-xotinni shafqatsizlarcha o‘ldirib, ularning boyligiga ega chiqishga uringan shaxslarga sud eng og‘ir jazoni tayinladi. Sudlanuvchi qarz sababli bu ishga qo‘l urgan va bunga qarindoshlarini ham jalb etgan.

23 noyabr 2020, 13:34

O‘zbekiston eksportining 43 foizini oltin tashkil qildi

Yanvar-oktyabr oylari davomida O‘zbekiston 5,8 mlrd dollarlik hajmda oltin eksport qilgan. Bu 10 oy davomida amalga oshirilgan tashqi savdo aylanmasining 43,5 foizini tashkil qiladi. So‘nggi ikki oy davomida O‘zbekiston oltin eksport qilmagan.

23 noyabr 2020, 12:28

O‘zgidromet xodimlari maoshi ikki baravarga oshiriladi

O‘zgidromet va Meteoinfokom xodimlari maoshi ikki baravarga oshiriladi. Sohada uzoq muddat xizmat qilgan xodimlarga oylik ustama to‘lanadi. Hozirga qadar ular o‘rtacha 800 ming so‘mdan 1,3 mln so‘mgacha haq to‘lab kelinayotgan edi.

23 noyabr 2020, 11:18

AQSH Ochiq osmon shartnomasidan chiqdi

AQSH 30 dan ortiq davlatlarni o‘z ichiga olgan Ochiq osmon shartnomasidan rasman chiqdi. Chiqish rejasi haqida bundan olti oy oldin e’lon qilingan edi.

23 noyabr 2020, 11:11

Andijonda o‘quvchilarni yupun kiyimlarda sovuqqa olib chiqqan maktab rahbariyati ishdan bo‘shatildi

Andijonda yupun kiyimlarda bayroq ko‘tarishga chiqarilgan o‘quvchilar 43-maktabdagi «Yangi O‘zbekiston — Yangicha dunyoqarash» targ‘ibot tadbiri doirasida jalb qilinganligi ma’lum bo‘ldi. Viloyat xalq ta’limi boshqarmasi ushbu maktab direktori v.b. D.Nasirdinov va uning o‘rinbosari S.Ismanova ishdan bo‘shatilganligini ma’lum qildi.

23 noyabr 2020, 10:48

Sog‘liqni saqlash bo‘yicha qonunlar kodeksga birlashtiriladi

Sog‘liqni saqlash vazirligi Sog‘liqni saqlash kodeksining loyihasini tayyorladi. Ushbu sohadagi amaldagi qonunlar va boshqa normativ hujjatlarning normalari birlashtirilishi kutilmoqda.

22 noyabr 2020, 18:48

XXR raisi koronavirus testi natijalari asosida xalqaro «salomatlik kodlari» tizimini yaratishni taklif qildi

Si Szinpin «sog‘liqni saqlash kodlarini» o‘zaro tan olishning xalqaro mexanizmini yaratishni taklif qildi. Bundan tashqari, Xitoy dunyodagi barcha halqlar uchun Covid-19 vaksinalari bilan ta’minlash uchun barcha imkoniyatlarni ishga solishini aytdi.

22 noyabr 2020, 16:17 1

Andijonda maktab o‘quvchilari yupun kiyimlarda sovuqqa olib chiqildi

Keskin sovuq tushganiga qaramay, Andijondagi 43-maktab o‘quvchilari targ‘ibot tadbiri doirasida yupun kiyimlarda bayroq ko‘tarishga chiqarildi. Viloyat xalq ta’limi boshqarmasi vaziyatni o‘rganmoqda. XTV rahbarlar bunday holatlarga yo‘l qo‘ymaslik to‘g‘risida ogohlantirilganini ma’lum qildi.

22 noyabr 2020, 13:29

Qibrayda gaz portlashi oqibatida ikki kishi halok bo‘ldi

Qibrayda gaz portlashi oqibatida uy egasi va uning o‘g‘li vafot etdi. Portlash gaz-havo aralashmasining chaqnashi natijasida yuzaga kelgan.

21 noyabr 2020, 19:59

Abdulla Aripov Turkistonda Qozog‘iston bosh vaziri bilan uchrashdi

O‘zbekiston bosh vaziri Abdulla Aripov Turkistonga tashrif buyurib, Qozog‘iston hukumat rahbari Asqar Mamin bilan muzokaralar o‘tkazdi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting