Yangiliklar

21 yanvar 2021, 15:45

Prezident madaniy faoliyatga oid qonunni imzoladi

Davlat rahbari madaniy faoliyat va madaniyat tashkilotlariga oid qonunga imzo chekdi. Ushbu hujjat 29 yil deganda birinchi marotaba qabul qilinmoqda. Qonun bilan madaniyat muassasa va tashkilotlariga “Milliy” yoki “Akademik” maqomi Hukumat taqdimnomasiga binoan prezident tomonidan berilishi belgilanmoqda.

21 yanvar 2021, 15:44

Quvada 19 yoshli qiz o‘g‘irlanib, bir oy davomida uch kishi tomonidan zo‘rlangani aytilmoqda

Farg‘ona viloyati Quva tumanida yashovchi 19 yoshli qiz 2020 yilning mart oyida o‘g‘irlab ketilganini ma’lum qildi. U bir oy davomida uch nafar shaxs tomonidan zo‘rlanib, nomusiga tegilganligini, ulardan biri voyaga yetmagan 16 yoshli yigit bo‘lganligini aytmoqda. Uyga qaytgach, qizning homiladorligi bilinadi va voqeadan xabar topgan otasi uni uydan haydab yuboradi. Holatni o‘rganib chiqqan tuman IIBsi bunda jinoyat alomati yo‘qligini aytib, jinoyat ishi qo‘zg‘atishni rad etgan.

21 yanvar 2021, 14:50

Shavkat Mirziyoyev AQSH prezidenti Jo Baydenni tabrikladi

Prezident Shavkat Mirziyoyev AQSHning yangi prezidenti Jo Baydenni davlat rahbari lavozimiga kirishgani bilan tabrikladi.

21 yanvar 2021, 13:50

2020 yilda ajralishlar bo‘yicha sud ishlarining 14 481 tasida da’vo talablarini qanoatlantirish rad etilgan

2020 yilda O‘zbekiston fuqarolik ishlari bo‘yicha sudlari tomonidan 291 182 ish ko‘rib chiqilgan, ularning asosiy qismini bitimlar, ajralishlar va binolarni ruxsatsiz buzish bilan bog‘liq ishlar tashkil qilgan.

21 yanvar 2021, 13:07

Xitoy AQSHning 28 nafar fuqarosiga qarshi sanksiyalar e’lon qildi

Xitoy uning ichki siyosatiga aralashganlik uchun AQSH davlat kotibi Maykl Pompeoga va yana 27 nafar AQSH fuqarosiga qarshi sanksiyalar e’lon qildi.

21 yanvar 2021, 12:48

Sergelida yuz bergan janjalga rasmiy munosabat bildirildi

Sergeli tumanida muqaddam sudlangan ikki nafar shaxs mast holatda avtoturargohda turgan mashinani to‘sgan. Fuqarolar o‘rtasida o‘zaro janjal yuzaga kelib, tan jarohatlari yetkazilgan. Holat yuzasidan jinoyat ishi qo‘zg‘atildi.

21 yanvar 2021, 12:28

Markaziy bank asosiy foiz stavkasini o‘zgarishsiz qoldirdi

Markaziy banki boshqaruvi asosiy stavkani yillik 14 foiz darajasida o‘zgarishsiz qoldirdi. 2021 yilda YAIMning real o‘sishi 4,5−5,5 foiz darajasida bo‘lishi, inflyatsiya darajasining 9,0−10,0 foizga qadar yanada pasayishi kutilmoqda.

21 yanvar 2021, 12:02

Sardoba fojeasida zarar ko‘rgan masjidlar uchun xayriya qilingan pullar Suriyaga yuborilgani aniqlandi

Sardoba fojeasida zarar ko‘rgan masjidlarni qayta qurish uchun «Telegram» da xayriya guruhi ochib, undan tushgan mablag‘larni Suriyada terrochilik faoliyatini moliyalashtirishga jo‘natilgani aniqlandi. Shuningdek, buni uyushtirgan shaxslar ekstremistik g‘oyalarni targ‘ib qilib, Suriyaga chiqishni rejalashtirilganlikda gumon qilinmoqda. Hozirda ular ushlanib, ularga nisbatan jinoyat ishi ochildi.

21 yanvar 2021, 11:58

O‘zbekistonning oltin-valyuta zaxiralari birdaniga oshdi

O‘zbekiston Oltin-valyuta zaxiralari 2021 yil boshlanganidan beri birdaniga oshdi. 1 yanvar holati bo‘yicha O‘zbekiston rasmiy zaxira aktivlari 34,9 mlrd dollarni, xalqaro zaxiralari esa 33,8 mlrd dollarni tashkil qilmoqda.

21 yanvar 2021, 11:05

Issiqlik ta’minoti masalalari bo‘yicha 24 soat ishlaydigan dispetcherlik xizmati joriy etildi

Issiqlik tarmoqlarida baxtsiz xodisalar, isitishning uzilish xolatlarida issiqlik ta’minoti tashkilotlarining uzluksiz ishlaydigan shoshilinch dispetcherlik xizmati yo‘lga qo‘yildi.

21 yanvar 2021, 11:04

Krishtianu Ronaldu futbol tarixida eng ko‘p gol urgan to‘purarga aylandi

Krishtianu Ronaldu rasmiy o‘yinlarda kiritilgan gollari sonini 760 taga yetkazdi va bu borada rekord o‘rnatdi.

21 yanvar 2021, 10:36

Shavkat Mirziyoyev Buxoroga jo‘nab ketdi

Prezident Shavkat Mirziyoyev hududlar rivoji, aholi hayoti bilan yaqindan tanishish maqsadida Buxoro viloyatiga jo‘nab ketdi.

21 yanvar 2021, 10:33

3,7 mln dollarga yerni rasmiylashtirib berishini aytgan fuqaro ushlandi

Toshkent viloyatidagi korxona rahbari Q.T. 460 ga yerni bir tadbirkorga noqonuniy rasmiylashtirib berishni taklif qiladi. Evaziga esa 3 mln 720 ming AQSH dollari talab qiladi. Tadbirkordan aytilgan summani olayotgan vaqtida Q.T. ashyoviy dalil bilan qo‘lga olinadi.

21 yanvar 2021, 10:13

«Demokratiya qimmatbaho va mo‘rt narsa» — Jo Bayden

Jo Bayden AQSHning 46-prezidenti sifatida ish boshladi. O‘zining inauguratsiya nutqida u saylov natijalarini demokratiyaning g‘alabasi deb atadi, amerikaliklarni bir-biridan farqli bo‘lishiga qaramay, yakdil bo‘lishga chaqirdi hamda Qo‘shma Shtatlar boshqa mamlakatlar bilan ittifoqlarni va global hamjamiyat bilan aloqalarni tiklashini va’da qildi.

21 yanvar 2021, 09:46

Abdulaziz Kamilov Iordaniya elchisini qabul qildi

Iordaniya Hoshimiylar Podshohligining Favqulodda va Muxtor Elchisi etib tayinlangan Demiya Zuxeyr Haddod O‘zbekistonda o‘z ishini boshladi.

20 yanvar 2021, 21:06

Madridda kuchli portlash sodir bo‘ldi. Qurbonlar bor

Madrid markazida kuchli portlash ko‘p qavatli uyning bir qismi qulab tushishiga va qo‘shni uylarning shikastlanishiga olib keldi. Natijada kamida uch kishi halok bo‘ldi, olti kishi jarohatlandi.

20 yanvar 2021, 20:39 1

Prezidentga ajrashishni cheklash va teletsenzura taklif etildi. U bu bilan muammo yechilmasligini aytdi

Yunusobod tumanidagi mahalla raisining birinchi o‘rinbosari prezident bilan uchrashuvda nikohdan keyin 2−3 yil muddatga ajrashishlarni taqiqlashni va televideniyega senzura qo‘yishni taklif etdi. U «o‘zbek mentalitetiga umuman to‘g‘ri kelmaydigan» deb hisoblaydigan Yor-Yor dasturini misol qilib keltirdi. Shavkat Mirziyoyev cheklash va taqiq qo‘yish bilan muammo hal bo‘lmasligini aytdi.

20 yanvar 2021, 19:51

Jahon yangiliklari dayjesti

Donald Trampning 73 kishini afv etgani, Misr va Qatar o‘rtasidagi diplomatik aloqalarning tiklanganligi, Isroilning Pfizer vaksinasini shubha ostiga solgani va boshqa yangiliklar — «Gazeta.uz»ning jahon yangiliklari dayjestida.

20 yanvar 2021, 19:06

Toshkent shahrida YTH oqibatida ikki kishi vafot etdi va ikki kishi jarohatlandi

Toshkent shahrining Yuzrabod va Kozeva ko‘chalari kesishmasida Damas va VAZ-2115 avtomashinalari to‘qnashishi oqibatida ikki kishi vafot etdi va ikki kishi jarohatlandi.

20 yanvar 2021, 17:53

Toshkent shahar IIBBda yangi tayinlovlar amalga oshirildi

Polkovnik Timur Xolmatov Toshkent shahar IIBB boshlig‘ining o‘rinbosari — Xavfsiz turizmni ta’minlash boshqarmasi boshlig‘i etib tayinlandi. Poytaxt IIBBsi Moliya va moddiy-texnika ta’minoti boshqarmasi boshlig‘i esa polkovnik Xusniddin Shamsutdinov bo‘ldi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting