Yangiliklar

23 fevral 2021, 15:21

«Lotin alifbosiga o‘tishga siyosiy motivlar sabab bo‘lgan» — adliya vaziri maslahatchisi

Adliya vazirining davlat tili masalalari bo‘yicha maslahatchisi, bloger Shahnoza Soatova o‘zbek tili yozuvining lotin alifbosiga o‘tish siyosiy motivlar sababli ro‘y berganini aytdi. «Buni hech kim rad eta olmaydi. Bugun ham o‘sha motivlar turibdi», — dedi u. Bundan tashqari, u lotin alifbosidagi 4 ta harfning o‘zgarishi texnik muammoni hal qilishini va savodga ta’sir qilmasligini ta’kidladi.

23 fevral 2021, 15:05

Toshkentda vaksinalarni tashish uchun mo‘ljallangan bir nechta Miniven-Labo avtomobillari to‘qnashdi

Toshkent shahrida YUNISEF tomonidan vaksinalarni tashish uchun ajratilgan mashinalar YTHga uchradi. 2 ta mashinaga texnik shikast yetgan va ularda vaksina bo‘lmagani ma’lum qilindi.

23 fevral 2021, 13:01

AQSHda koronavirusdan vafot etgan 500 ming fuqaro xotirasiga bag‘ishlab besh kunlik motam e’lon qilindi

Jo Bayden AQSHda COVID-19 asoratlaridan vafot etgan 500 ming fuqaro xotirlash munosabati bilan besh kunlik motam e’lon qildi. U amerikaliklarni masofa saqlashga, niqob taqishga, shuningdek, vaksina bilan emlanishga chaqirdi.

23 fevral 2021, 12:57

Emlanishdan bosh torganlarga hech qanday chora ko‘rilmaydi — bosh vazir o‘rinbosari

Koronavirusga qarshi birinchi navbatda emlanadiganlar ro‘yxatida bo‘lgan shaxslar vaksinatsiya jarayonidan voz kechsa, ularga nisbatan hech qanday chora ko‘rilmaydi. «Faqatgina emlashning afzalligi tushuntiriladi. Lekin emlanish niyatida bo‘lmagan odamga ish faoliyatida hech qanday ta’sir choralari ko‘rilmaydi», — dedi bosh vazir o‘rinbosari Behzod Musayev.

23 fevral 2021, 11:59

Milliy gvardiya qo‘riqlash xizmati qayta tashkil qilinadi

Prezident qaroriga ko‘ra, Milliy gvardiya qo‘riqlash xizmati Milliy gvardiya Qo‘riqlash bosh boshqarmasi etib qayta tashkil etildi. Boshqarma mustaqil tarkibiy bo‘linma hisoblanib, o‘z vakolatlari doirasida qo‘riqlash xizmatlari uchun tushadigan mablag‘lar hisobiga, o‘zini o‘zi mablag‘ bilan ta’minlash tamoyili asosida amalga oshiradi.

23 fevral 2021, 11:34

Koronavirusga qarshi birinchi navbatda emlanadigan shaxslar ro‘yxati qayta ko‘rib chiqiladi

O‘zbekistonda koronavirusga qarshi birinchi navbatda emlanadigan fuqarolar ro‘yxati qayta ko‘rib chiqiladi. Bunga bolgerlar, OAV, transport xodimlari, mehnat migrantlari va xorijda tahsil olayotgan talabalar ham ushbu ro‘yxatga kiritilganidan so‘ng, ijtimoiy tarmoqlardagi muhokamalar sabab bo‘ldi.

23 fevral 2021, 10:49

Spotify O‘zbekistonga kirib kelayotganini ma’lum qildi

Spotify musiqiy striming xizmati 85 ta yangi mamlakatga, shu jumladan O‘zbekistonga kirib kelishni rejalashtirayotganini ma’lum qildi.

23 fevral 2021, 10:32

Toshkent viloyatida noqonuniy qurilayotgan ob’ektlar aniqlandi

Qurilish vazirligi Toshkent viloyatida turar-joy binolari, savdo majmuasi va bojxona terminalini noqonuniy qurayotgan kompaniyalar to‘g‘risida xabar berdi. Barcha ishlar bo‘yicha materiallar sudga yuborilganiga va ishlab chiquvchilar ma’muriy javobgarlikka tortilganiga qaramay, qurilish-montaj ishlari davom etmoqda.

23 fevral 2021, 10:25

Noqonuniy boyish uchun jinoiy javobgarlik belgilanadi

Jinoyat kodeksining yangi tahririda korrupsiyaviy jinoyatlar uchun javobgarlik kuchaytiriladi. Jumladan, davlat xizmatchilarining noqonuniy boyishi to‘g‘risida modda va nomoddiy foyda to‘g‘risida norma paydo bo‘ladi.

23 fevral 2021, 10:17

Rulda uxlab qolgan haydovchi YTH sodir etdi. 2 nafar fuqaro halok bo‘ldi

Farg‘ona viloyatida «MAN Trailer» avtomashinasi haydovchisi uxlab qolib, bir yo‘nalishda harakatlanayotgan «Nexia-2» bilan to‘qnashadi. YTH oqibatida 2 nafar yo‘lovchi voqea joyida vafot etdi. Yana biri tan jarohatlari bilan shifoxonaga yotqizilgan.

22 fevral 2021, 23:38

DSQ qariyb 500 mlrd so‘mlik «soxta» operatsiyalarni aniqladi

«Naqdlashtiruvchi firmalar» bilan vaziyatni o‘rganish doirasida soliq organlari mamlakat bo‘ylab 2534 ta korxonada kameral tekshiruvlarini o‘tkazdi. Natijada 2238 ta korxonada 498,9 mlrd so‘m miqdoridagi «soxta» operatsiyalar aniqlandi.

22 fevral 2021, 21:40

O‘zbekiston 2022 yilgi U-23 Osiyo kubogi mezbonligini qo‘lga kiritdi

2022 yilda O‘zbekistonda U-23 Osiyo chempionati bo‘lib o‘tadi. Avval bu musobaqani Xitoy o‘tkazishi kerak edi, ammo turli muammolarga ko‘ra bundan voz kechdi.

22 fevral 2021, 21:27

Jahon yangiliklari dayjesti

Yaponiya bosh vazirining o‘g‘li rasmiylar bilan ovqatlangani uchun kechirim so‘ragani, Boeing’ning aviakompaniyalarga 777 laynerida parvozlarni to‘xtatib qo‘yishni maslahat bergani, AQSHda koronavirusdan vafot etganlar soni 500 mingdan oshgani va boshqa yangiliklar — «Gazeta.uz»ning jahon yangiliklari dayjestida.

22 fevral 2021, 19:22

Uzbekistan Airways va Uzbekistan Airports`ga yangi rahbarlar tayinlandi

Uzbekistan Airways kompaniyasiga transport vaziri Ilhom Mahkamov rahbarlik qiladi. Uzbekistan Airports kompaniyasi boshqaruv raisligiga esa Ra’no Jo‘rayeva tayinlandi. U bunga qadar turli yillarda S7 Space hamda «Roskosmos»ning Yer usti kosmik infratuzilmasi ob’ektlarini ekspluatatsiya qilish markazini boshqargan.

22 fevral 2021, 19:14

JSST COVID-19' dan tuzalganlarga ham vaksina bilan emlanishni tavsiya qildi

JSST koronavirus bilan kasallanib, uni yengib o‘tganlarga ham vaksina bilan emlanishni tavsiya qildi. Ta’kidlanishicha, bemor agar ushbu virus bilan oldin to‘qnash kelgan bo‘lsa, vaqsina immun tizimi javobini yanada kuchaytiradi. Shuningdek ta’kidlanishicha, hatto emlangandan so‘ng ham ehtiyot choralariga amal qilishda davom etish lozim.

22 fevral 2021, 18:59 1

Bolaning o‘qishga kirishi maktabning bo‘ynida emas — Rasul Kusherbayev

Deputat Rasul Kusherbayev OTMga kirolmagan o‘quvchilar sababli maktab direktorlari ishdan olinishi «demagogiya ekanligi» va o‘qituvchilarning bunda aybi yo‘qligini ta’kidladi. «Bolaning tadbirkorlikka qiziqishi bo‘lsa, o‘qishga kirishni xohlamasa ham biz o‘qituvchini ayblaymizmi?», — dedi deputat. Uning aytishicha, bunday talab qonunchilik yoki Mehnat kodeksida belgilanmagan.

22 fevral 2021, 18:37

O‘zbekiston 3 yil ichida ilk bor yanvar oyida oltin sotmadi

O‘zbekiston besh oydan beri oltin eksport qilmagan, ya’ni mamlakat so‘nggi marta 2020 yil avgustida oltin sotgan. Yanvar oyida asosiy eksport sanoat, oziq-ovqat mahsulotlari va kimyoviy moddalar bo‘ldi.

22 fevral 2021, 17:52

Jizzaxda uchta kompaniya avtomobil ishlab chiqarishni rejalashtirmoqda

2021−2022 yillarda Jizzaxda avtomobil sohasida 277 mln dollarlik uchta loyihani amalga oshirish rejalashtirilgan. Birinchi bosqichda ADM Jizzakh tomonidan yengil avtomobillar, ikkinchi bosqichda Jizzax avtomobil zavodi tomonidan Volkswagen tijoriy avtomobillari, uchinchi bosqichda esa Auto Motors Asia tomonidan tijoriy va yuk avtolarini ishlab chiqarish mo‘ljallanmoqda.

22 fevral 2021, 17:10

«So‘z erkinligi jamiyat rivojlanishiga xalaqit bermasligi kerak» — Alisher Qodirov

Oliy Majlis Qonunchilik palatasi spikerining o‘rinbosari Alisher Qodirov «erkin so‘z qanchalar erkin bo‘lmasin jamiyatning xotirjam rivojlanishiga xalaqit bermasligi kerak», degan fikrda. U «xalq ishonchi bilan vakolatga ega bo‘lgan hokimiyatga qarshi kurashishga chaqiradigan so‘z huquqbuzarlik sifatida baholanishi va jazolanishi zarur» ekaniga ishora qildi.

22 fevral 2021, 16:56

Sovuq ob-havo mevali daraxtlarning kurtaklari va gullariga zarar yetkazadi — O‘zgidromet

O‘zgidromet 25−27 fevralda kutilayotgan sovuqlar oyning ikkinchi o‘n kunligida mevali daraxtlarning yozilgan kurtaklari va gullariga zarar yetkazadi deya ogohlantirmoqda.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting