27 iyun kuni Samarqand viloyatida dunyoga kelgan siam egizaklari vafot etdi. Ularning o‘limiga nafas va yurak yetishmovchiligi sabab bo‘lgan.
Koronavirusga qarshi kurashayotgan bemorlarning 172 nafarida pnevmoniya jarayoni kuzatilmoqda, deya xabar berdi Sog‘liqni saqlash vazirligi. Bemorlarning 285 nafarining ahvoli o‘rta og‘ir, 25 nafari og‘ir, 8 nafari esa o‘ta og‘ir ahvolda.
7 iyuldan ish haftasining oxiriga qadar O‘zbekistonda havo issiq va quruq bo‘lishi kutilmoqda. Havo harorati kunduzi 34−39 darajagacha ko‘tariladi.
Respublika maxsus komissiyasi shahar va tumanlar bo‘yicha karantin darajalarini qayta ko‘rib chiqdi. Toshkent “sariq” hududda qoldi.
1 sentyabrdan boshlab barcha auksion savdolari natijalari QR-kodni qo‘llash orqali rasmiylashtiriladi. Shuningdek, “E-IJRO AUKSION” tizimida bir qator yangi tartiblar joriy etildi.
Butun dunyoga mashhur italiyalik bastakor Ennio Morrikone 91 yoshda vafot etdi. U “Bir zamonlar Amerikada”, “Pianist haqida afsona” va boshqa taniqli kinolarga bastakorlik qilgan hamda kino san’atiga qo‘shgan hissasi uchun ikki marta “Oskar” mukofotiga sazovor bo‘lgan.
Mahalla va oilani qo‘llab-quvvatlash vazirning birinchi o‘rinbosari etib Gulnora Marufova tayinlandi. U ilgari vazirlikning Ijtimoiy himoyaga muhtoj oilalar bilan ishlash boshqarmasi boshlig‘i lavozimida ishlab kelgan.
Monopoliyaga qarshi kurashish qo‘mitasi sementni import asosida respublikaga “yashil yo‘lak” tizimi orqali olib kirishni taklif qildi. Ko‘zlangan tartibga ko‘ra, olib kirilayotgan sementni sertifikatlashtirish, laboratoriya sinovidan o‘tkazish belgilangan. Nomuvofiq sement olib kirgan tadbirkorga javobgarlik tartibi ham belgilangan.
Dollarning rasmiy kursi 11 qimmatlab, jami 10 173 so‘m etib belgilandi. Yevro kursi ham deyarli 45 so‘mga ko‘tarildi va rubl kursi esa 3 so‘mga (142 so‘m) arzonladi.
Koronavirus infeksiyasiga chalingan 67 yoshli toshkentlik bemor (erkak kishi) o‘tkir yurak qon-tomir va nafas yetishmovchiligidan vafot etdi. Ta’kidlanishicha, marhum 26 iyundan tomog‘ida og‘riq, tana harorati ko‘tarilgan, ammo shifokorga murojaat qilmasdan uyida davolangan. COVID-19 asoratlaridan vafot etganlar soni 35 nafarga yetdi.
Koronavirus bemorlari soni 123 nafarga ortib, jami 10143 kishini tashkil etmoqda. Yangi holatlarining 43 nafari Karantin markazida, 60 nafari Andijon viloyatida va 20 nafari Toshkent viloyatida qayd etildi.
Paradise Food restorani mazali burger, sendvich, xot-dog, steyk, salat va issiq gazaklarni mijozlarining uyigacha yetkazib beradi. Restoran ochilishi munosabati bilan, iyul oyining oxiriga qadar aksiya asosida har bir buyurtmaga bepul kokteyllar beriladi.
Toshkentda 49 yoshli ayol koronavirus sababli hayotdan ko‘z yumdi. O‘lim ko‘rsatkichi kunlik 3, umumiy 34 taga yetdi.
O‘zbekistonda kun davomida 312 kishida koronavirus aniqlanib, jami holatlar soni 10 mingtadan oshdi.
O‘zbekistonda rasmiy tasdiqlangan koronavirus holatlari soni 107 taga ko‘payib, umumiy 9936 taga yetdi. Yangi holatlarning 33 tasi karantin markazida, 66 nafari Toshkentda (59 tasi aholi orasida) qayd etildi.
Toshkentda koronavirusga chalingan 45 yoshli erkak shifokorga kech murojaat qilgani sababli olamdan o‘tdi. O‘zbekistonda COVID-19 asoratlaridan vafot etganlar soni esa kunlik 2, umumiy 33 nafarni tashkil etmoqda.
Toshkentda koronavirus infeksiyasiga chalingan 71 yoshli onaxon olamdan o‘tdi. COVID-19 asoratlaridan vafot etganlar soni 32 nafarga yetdi.
Koronavirus bemorlari soni 121 nafarga ortib, jami 9829 kishini tashkil etmoqda. Yangi holatlarining 106 nafari Karantin markazida, 7 nafari Toshkent shahrida, 4 nafari Toshkent viloyatida va 1 nafari Sirdaryo viloyatida qayd etildi. Shundan 6 nafari aholi orasida aniqlandi.
Toshkentda koronavirus infeksiyasiga chalingan 65 yoshli erkak olamdan o‘tdi. COVID-19 asoratlaridan vafot etganlar soni 30 nafarga yetdi.
Tojikistonda sezilgan zilzila O‘zbekiston shaharlarida ham sezildi. Uning kuchi Toshkentda 3, Farg‘onada esa 4 balni tashkil etdi.
