Yangiliklar

Bugun, 20:10

Toshkentda tez yordam mashinasi ishtirokidagi YTH oqibatida yo‘lovchi vafot etdi

Poytaxtda Nexia va tez tibbiy yordam avtomashinasi ishtirokida YTH sodir bo‘ldi. Oqibatda Ford rusumli tez tibbiy yordam avtomobili yo‘lovchisi shifoxonada vafot etdi. Holat yuzasidan dastlabki tergovoldi surishtiruv harakatlari olib borilmoqda.

Bugun, 20:08

Tokio-2020: O‘zbekiston Olimpiadaning o‘n ikkinchi kunini medalsiz yakunladi

Tokioda bo‘lib o‘tayotgan Olimpiya o‘yinlarining o‘n ikkinchi kunida o‘zbekistonlik sportchilar yengil atletika, kanoeda eshkak eshish, boks hamda erkin kurash bellashuvlarida qatnashishdi. Musobaqaning navbatdagi kunini O‘zbekiston medalsiz yakunladi. Shunday bo‘lsa-da, bokschi Bahodir Jalolov Olimpiada finaliga chiqdi va oltin medal uchun kurashni davom ettiradi.

Bugun, 17:44

Shavkat Mirziyoyev Markaziy Osiyo davlatlari rahbarlarining sammitida qatnashadi

5−6 avgust kunlari Shavkat Mirziyoyev Markaziy Osiyo davlatlari rahbarlarining Maslahat uchrashuvida ishtirok etadi. Prezidentlar mintaqaning rivojlanishi, energetika va transport sohasida hamkorlik, pandemiyaga qarshi kurash va boshqa masalalarni muhokama qilishadi.

Bugun, 17:32

Namangandagi poliklinikada shifokor do‘pposlanishi yuzasidan jinoyat ishi ochildi

Namangan shahridagi oilaviy poliklinikada fuqaro o‘g‘liga noto‘g‘ri tashxis qo‘yganlikda shifokorni ayblab, u bilan mushtlashib ketgan. Shifokorning yuz, bosh va qo‘l qismiga jarohatlar yetkazilgan. «Bezorilik» moddasi bilan jinoyat ishi qo‘zg‘atildi.

Bugun, 16:36

«Salar» kanali bo‘yidagi qayta ishlab chiqarish va qoramol qushxonalari Toshkent viloyatiga ko‘chiriladi

«Salar» kanali bo‘yida va Toshkentdagi suv tozalash inshooti yaqinida joylashgan ba’zi ishlab chiqarish obyektlari va qoramol qushxonalari Olmaliq va Ohangarondagi maxsus sanoat zonalariga ko‘chiriladi.

Bugun, 16:28

Dollarning rasmiy kursi yana pasaydi

Dollarning rasmiy kursi 11,98 so‘mga pasaydi va jami 10 635,00 so‘m etib belgilandi. Shuningdek, yevro va rubl kurslari ham biroz pasaydi.

Bugun, 16:01

O‘zbek-turkman chegarasida transchegaraviy savdo zonalari yaratilishi rejalashtirilmoqda

O‘zbekiston bosh vaziri o‘rinbosari Sardor Umurzakov Turkmanistonda Vazirlar Mahkamasi raisining o‘rinbosari Serdar Berdimuhamedov bilan muzokaralar o‘tkazdi. Tomonlar iqtisodiy hamkorlikni kengaytirish uchun ikki mamlakatda ishlab chiqarilgan tovarlarning kirishini soddalashtirish va savdo aylanmasi hajmini 1 mlrd dollarga yetkazish masalalarini ko‘rib chiqdilar. Shuningdek, O‘zbekiston — Turkmaniston chegarasida transchegaraviy savdo zonalarini yaratish masalalari muhokama qilindi.

Bugun, 15:18

Germaniyada COVID-19 ga qarshi vaksinaning uchinchi dozasi bilan emlanish taklif qilinadi

Sentyabrdan boshlab Germaniya keksa yoshdagilar va xavf osti guruhida bo‘lganlarga koronavirusga qarshi vaksinaning uchinchi dozasini taklif qila boshlaydi. Bundan oldin qaysi vaksina bilan emlanilganidan qati nazar, Pfizer/BioNTech yoki Moderna vaksinalari qo‘llaniladi.

Bugun, 14:35

Aholi murojaatlarini hal qilish uchun «Tezkor shtablar» tashkil etilmoqda

Viloyat hokimliklarida aholi murojaatlarini hal qilish uchun «Tezkor shtablar» tashkil etiladi. Ularning faoliyatiga hokimlar rahbarlik qiladi. «Har bir hokimning kabineti „xalq qabulxonasi“ bo‘ladi», — degan edi Shavkat Mirziyoyev 23 iyul kuni ushbu masalalarga oid videoselektorda.

Bugun, 12:42

Ekopartiya prezidentlik saylovlariga o‘z nomzodini e’lon qildi

O‘zbekiston Ekologik partiyasi tomonidan prezidentlik saylovlarida Narzulla Oblomurodov nomzod sifatida qatnashadi. Partiya prezidentlik saylovlarida ilk bora ishtirok etmoqda.

Bugun, 12:18

O‘zbekiston va AQSh o‘rtasida ikki tomonlama hujjatlar imzolandi

O‘zbekiston va AQSh o‘rtasida korrupsiya, narkotik moddalarni noqonuniy aylanishi va uyushgan jinoyatchilikka qarshi kurashda hamkorlik qilish to‘g‘risidagi hukumatlararo hujjatlar imzolandi.

Bugun, 11:46

IIB 11 yoshli bolaning zo‘rlangani to‘g‘risidagi xabarni tekshirmoqda

Quva tumani IIB 11 yoshli bolaning amakisi tomonidan jinsiy tajovuzga uchragani to‘g‘risidagi xabarni tekshirmoqda. Farg‘ona viloyat prokuraturasi ishni nazoratiga oldi.

Bugun, 11:40

«Boshidan o‘tkazgan biladi». Shavkat Mirziyoyev tadbirkorlarning muammolari haqida

Prezident videoselektor yig‘ilishida tadbirkorlar bilan ochiq muloqot uchun murojaatlarni qabul qilish muddati 10 avgustgacha uzaytirilganini ma’lum qildi. Shu bois, uchrashuv kelgusi hafta o‘tkazilishi aytildi. «Kim tizimdagi muammoni biladi? Boshidan o‘tkazgan biladi», — dedi u. Mutasaddilarga hech bir murojaatni o‘z holiga tashlab qo‘ymaslik bo‘yicha topshiriq berildi.

Bugun, 11:31

Tokio-2020. Bahodir Jalolov finalga yo‘l oldi

O‘zbekistonlik bokschi Bahodir Jalolov Tokio-2020 Olimpiya o‘yinlarining final bosqichiga yo‘l oldi. Unga finalda AQSh vakili Richard Torres raqiblik qiladi.

Bugun, 10:11

3 avgust kuni O‘zbekistonda 923 kishida koronavirus aniqlandi

Kecha kun davomida O‘zbekistonda 923 kishida koronavirus infeksiya qayd etildi. 8 nafar COVID-19 bemori vafot etdi. Shuningdek, seshanba kuni 542 kishida pnevmoniya qayd etildi, 4 nafar pnevmoniya bemori vafot etdi.

Bugun, 09:56

O‘zbekiston Turkistonda 5000 o‘rinli yangi masjid qurmoqda

O‘zbekiston ko‘magi bilan Turkiston shahriga kiraverishda 5 ming kishiga mo‘ljallangan masjid qurilmoqda. Uning umumiy maydoni 20 ming kvadrat metrni tashkil qilib, qurilish ishlari keyingi yil yakunlanishi rejalashtirilgan.

Bugun, 02:59

«Eng kamida 35−40 foiz bo‘ladi deb o‘ylagandim». Prezident xizmat ko‘rsatish sohasining 6 oylik natijalari haqida

Prezident videoselektorda xizmat ko‘rsatish hajmi o‘tgan yilning mos davriga nisbatan 18,3 foizga oshganini ma’lum qildi. «Eng kamida 35−40 foiz bo‘ladi deb o‘ylagandim», — dedi u. Navoiy, Toshkent, Jizzax, Qashqadaryo, Namangan va Qoraqalpog‘istonda soha rivoji o‘rtacha ko‘rsatkichlaridan past darajada ekanligi tanqid qilindi.

Bugun, 01:41

Tokio-2020. 4 avgust uchun O‘zbekiston sportchilari ishtiroki jadvali

Tokio-2020 Olimpiya o‘yinlarining 12-kunida to‘rtta sport turi bo‘yicha 6 nafar o‘zbekistonlik ishtirok etadi.

Bugun, 01:35

Respublikada sharoiti eng og‘ir mahallalarga $100 mln ajratiladi

Seshanba kungi videoselektorda prezident O‘zbekistondagi sharoiti eng og‘ir mahallalarni rivojlantirishga 100 mln dollar ajratish bo‘yicha topshiriq berdi. «Qarorga bugunoq qo‘l qo‘yib berishga tayyorman», — dedi u. Qolaversa, yil yakunigacha jamoat transporti yetib bormagan 1113 ta mahallani ham qamrab olish zarurligi aytildi.

Kecha, 22:07

Jahon yangiliklari dayjesti

Kobulning «Tolibon» bilan sulh tuzishga tayyorligi, Iroqqa chet eldan 17 mingdan ortiq qadimiy buyumning qaytarilgani, KXDRning oziq-ovqat tanqisligi tufayli armiya zaxirasidan foydalanayotgani va boshqa yangiliklar — «Gazeta.uz»ning jahon yangiliklari dayjestida.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting