O‘zbekistonda 2022-yil — suratlarda
Blekaut, Ukrainadan evakuatsiya qilingan o‘zbekistonliklar, Rossiyadan relokantlar tashrifi, Nukus voqealari, SHHT sammiti, energo inqiroz va shamollashga qarshi doridan o‘lgan 20 nafar bola. “Gazeta.uz” o‘tgan yili O‘zbekistonda sodir bo‘lgan eng muhim voqealarni aks ettiruvchi suratlarni bir materialga jamladi.
Video: «Dok-1 Maks, Sinepar Kid, Ambronol». Yana 10 ga yaqin bola Toshkentdagi 16-shifoxonaga yotqizildi
Respublikada 19 nafar bola «Dok-1 Maks» siropini ichib vafot etgandi. Hozirda Respublika shoshilich tibbiy yordam ilmiy markazi reanimatsiya bo‘limida yana 10 nafarga yaqin bola shamollash asoratlari bilan yotibdi. Ular faqat «Dok-1 Maks» emas, balki «Sinepar Kid», «Ambronol» kabi dorilarni ham qabul qilgan.
Comedy Wildlife Photography Awards 2022 fototanlovi g‘oliblari aniqlandi
Comedy Wildlife Photography Awards 2022 yilgi g‘oliblarni e’lon qildi. Eng yaxshi surat daraxtdan qulayotgan sher bolasining surati bo‘ldi.
Shiorlar mamlakati. Fotoreportaj
O‘zbekiston — shiorlar mamlakati. Ular butun hayotimiz davomida hamrohlik qiladi. Biz ularni sezmasligimiz va ma’nosi haqida fikr yuritib ko‘rmasligimiz mumkin, lekin ular, xohlaymizmi yoki yo‘q, hammaning xotirasida muhrlangan. «Gazeta.uz» jurnalistlari mamlakatning turli nuqtalaridagi shiorlarni to‘pladi.
Foto: Qorli Toshkent
Poytaxt bu yilgi qish mavsumida ilk bor oppoq choyshab bilan qoplandi. Bolalar xursandchiligidan tashqari qor piyodalar va mashinalar harakati, shuningdek, gaz va issiqlik ta’minoti bilan bog‘liq muammolarga sabab bo‘ldi. «Gazeta.uz» muxbirlari Toshkentning qor bo‘ronidagi manzaralarini fotosuratlarga muhrladi.
Nukus voqealari bo‘yicha sud jarayoni — suratlarda
Nukus voqealari bo‘yicha sud jarayonining uchinchi kuni. Sudlanuvchilarning deyarli barchasi iyul boshida bo‘lgan voqelarda Dauletmurat Tajimuratov aybdorligi, uning video murojaatlari odamlarni ko‘chaga chiqarganini ta’kidlashmoqda. «Gazeta.uz» sud jarayonidan fotoreportaj tayyorladi.
Foto: Toshkentda 34,2 ming quti kontrabanda tamaki mahsulotlari yoqib yuborildi
Yangihayot tumanidagi zavodlarning birida 297,4 mln so‘mlik 34,2 ming quti kontrabanda tamaki mahsulotlari yoqib yuborildi. Bojxona qo‘mitasi noqonuniy olib kirish holatlari ko‘proq vodiy viloyatlarida uchrashini ma’lum qildi. Yil boshidan beri 19,2 mlrd so‘mlik tamaki mahsulotlari olib qo‘yildi.
Foto: Qozog‘istonda prezident saylovlari bo‘lib o‘tmoqda
Yakshanba tongida Qozog‘istonda navbatdan tashqari prezident saylovi boshlandi. Ilk saylov uchastkasi Tokioda ochildi, ovoz berish jarayonlari oxirgi bo‘lib San-Fransiskoda tugaydi. «Gazeta.uz» muxbiri poytaxt Ostona va Akmola viloyatidagi saylov uchastkalaridan fotoreportaj tayyorladi.
Ommaviy veloturargohlar — xavfsiz
Metro bekatlari yaqinidagi veloturargohlar xavfli degan qarashlar bor. Bekatlarda velosipedlarini qoldirib, o‘z manziliga metroda yetib oluvchilarning turargohlar haqidagi fikrlari — «Gazeta.uz» muxbiri Madina A’zam fotoreportajida.
Kun fotosi: TDTga a’zo va kuzatuvchi davlatlar yetakchilari Registonda daraxt ekishdi
Turkiy davlatlar tashkiloti sammitining asosiy tadbiridan so‘ng, O‘zbekiston, Turkiya, Ozarbayjon, Qozog‘iston, Qirg‘iziston, Vengriya va Turkmaniston yetakchilari Registon maydonida daraxt ekishdi. Shu kunning o‘zida O‘zbekistonda 2,5 mln tup, qolaversa, Ozarbayjonda 111 ming tup daraxt ekish ko‘zda tutilgan.
Foto: To‘rtinchi Samarkand marathon qanday o‘tdi?
5−6 noyabr kunlari to‘rtinchi Samarkand marathon bo‘lib o‘tdi. Bu safar «Gazeta.uz» marafonga tayyorgarlik jarayoni va g‘olib bo‘lganlar haqidagi ma’lumotlar o‘rniga, unda ishtirok etganlarning hayot tarzi, umrining har bir soniyasidan qanday rohatlanib yashayotgani aks etgan suratlarni taqdim etadi.
Toshkentdagi kuz — «Gazeta.uz» muxbirlari nigohida
Yomg‘ir, sarg‘ish-qizil tusli barglar, chimlar ustida qaynoq qahva ichib, kitob o‘qiyotganlar yoki oilasi bilan sayr qilib yurganlar — har yili kuz faslida Toshkent o‘zgacha go‘zallikka burkanadi. «Gazeta.uz» muxbirlari poytaxtdagi oltin kuz faslini fotokameralari obyektiviga muhrlashdi.
Toshkentda «O‘zbekiston: Markaziy Osiyo bo‘ylab zamonlar osha sayohat» filmi namoyish etildi
Poytaxtda «O‘zbekiston: Markaziy Osiyo bo‘ylab zamonlar osha sayohat» filmining premerasi bo‘lib o‘tdi. O‘zbekistonning beshta hududida suratga olingan kinokartina arxeolog va tarixchilar tadqiq etishi uchun katta ahamiyatga ega favqulodda g‘ayrioddiy yurtlar tarixi hikoya qilinadi.
«To‘rt-beshta narsa ketma-ket portladi». Sirdaryodagi portlash sodir bo‘lgan hududdan fotoreportaj
«Birinchi osmon yorishdi, keyin yer qimirlab, kuchli portlash ovozi eshitildi». Sirdaryodagi harbiy omborxona yaqinida yashovchi aholi shanba tongini shunday xavotir ila kutib oldi. Zararlarni davlat qoplab berishi aytilmoqda. «Gazeta.uz» muxbirlari voqea joyidan fotoreportaj tayyorladi.
Shavkat Mirziyoyev Turkmaniston prezidenti bilan muzokaralar o‘tkazdi
Shavkat Mirziyoyev 21 oktabr kuni Turkmanistonga tashrif buyurdi. Dastlab «O‘g‘uzxon» saroyida rasmiy kutib olish marosimi bo‘ldi. Prezidentlar tor va kengaytirilgan doirada muzokaralar o‘tkazdi.
Wildlife Photographer of the Year 2022 fototanlovi g‘oliblari aniqlandi
Xalqaro fototanlovda hakamlar dunyoning turli mamlakatlaridan yuborilgan 38 mingdan ortiq fotosuratlarni ko‘rib chiqdi va fotograflarni turli yo‘nalishlar bo‘yicha taqdirladi. Tanlovda kurashayotgan asalarilar surati muallifi yil fotografi nominatsiyasida g‘olib bo‘ldi.
«Prezident tomosha qilib o‘tirganidan keyin yutqazishga haqqim yo‘q edi». Davlat Bobonov finaldagi g‘alabasi haqida
Dzyudo bo‘yicha Jahon chempionatining -90 kg vazn toifasida g‘olib bo‘lgan Davlat Bobonovga oltin medalni Shavkat Mirziyoyevning o‘zi taqib qo‘ydi. «Prezident tomosha qilib o‘tirganidan keyin yutqazishga haqqim yo‘q edi», — dedi Bobonov. «Gazeta.uz» final uchrashuvidan fotoreportaj tayyorladi.
Sentabrda ishga tushishi aytilgan G‘afur G‘ulom bog‘i hanuz ochilishga tayyor emas
Avvaliga shu yilning yoz faslida, keyinchalik esa 1 sentabrda ochilishi aytilgan G‘afur G‘ulom bog‘i hanuz foydalanishga tayyor emas. Parkni 49 yilga ijaraga olgan BMP Smart Decision Management kompaniyasi vakili esa aniq qaysi sanada ochilishini ham ayta olmadi. “Gazeta.uz” ish jarayonidan fotoreportaj tayyorladi.
Foto: O‘zbekiston va Vengriya prezidentlari uchrashdi
Vengriyada rasmiy tashrif bilan bo‘lib turgan prezident Shavkat Mirziyoyevni Budapeshtda rasmiy kutib olish marosimi bo‘lib o‘tdi. Shundan so‘ng, davlat rahbari Qahramonlar maydonidagi xotira ustuni poyiga gulchambar qo‘ydi.
Jizzaxlik dehqon 65 kglik oshqovoqlarni yetishtirdi — fotoreportaj
Jizzax viloyatining Do‘stlik tumanida Ro‘ziboy Mamatov kichigi 30 kg, kattasi 65 kglik gigant oshqovoqlarni yetishtirdi. «Gazeta.uz» muxbirlari Mirolim Isajonov va Madina A’zam dehqonning tomorqasidan fotoreportaj tayyorladi.
Eng ko‘p o‘qilgan xabarlar | So‘nggi yangiliklar
- Elektr va gaz narxi qanchaga oshadi? Yangi tariflar bo‘yicha hisoblash qanday bo‘ladi? Tushuntiramiz
- Kuchli yomg‘ir tufayli Dubayni suv bosdi, ularni bulut ekish ishlari qo‘zg‘atgan bo‘lishi mumkin — Bloomberg
- Qashqadaryoda zilzila sodir bo‘ldi
- O‘zbekiston va Qirg‘iziston chegarasida yana bir yerosti tunneli aniqlandi
- O‘zbekistonda seysmik xavfsizlik va zilzilaga tayyorgarlik ko‘rish ishlari kuchaytiriladi
Qo‘shimcha imkoniyatlarga ega bulish uchun saytda ro‘yxatdan o‘ting