Iqtisodiyot

31 may 2022, 23:14

«Narxlarni sun’iy ushlab turib, ko‘zbo‘yamachilik yoki ura-urachilikka yo‘l qo‘yib bo‘lmaydi» — prezident

May oyida inflyatsiya 1 foizgacha tezlashdi, o‘tgan yilning may oyida esa bu ko‘rsatkich 0,5 foizni tashkil etgan edi. Prezident barcha mahalla va qishloqlarning asosiy mahsulotlar bilan ta’minlanganlik darajasini o‘rganish, zarur hollarda boshqa hududlardan yetkazib berishni tezlashtirish bo‘yicha hokimlarga topshiriq berdi. Parrandachilik korxonalariga tuxum narxini oshirmagani uchun minnatdorchilik bildirib, ularni qo‘llab-quvvatlash choralarini ma’lum qildi.

31 may 2022, 22:49

Sobiq hukumat mehmonxonasini Alisher Usmonovga aloqador kompaniya sotib oldi

Ta’sischilari orasida Alisher Usmonovning USM xoldingiga qarashli «Metalloinvest» sho‘ba korxonasi ham bo‘lgan Torgoviy Dom Metalloinvest Vostok kompaniyasi Toshkentdagi sobiq davlat mehmonxonasini xususiylashtirish bo‘yicha tenderda g‘olib chiqdi. Kompaniya obyekt uchun 78,7 mlrd so‘m taklif qildi.

31 may 2022, 18:55

Andijonda hokim noqonuniy tarzda deputat daxlsizligi huquqidan mahrum etildi

O‘zbekiston Bosh prokuraturasi tomonidan kiritilgan taqdimnoma bilan Xalq deputatlari Andijon shahar Kengashi sessiyasida ikki nafar deputatni daxlsizlik huquqidan mahrum qilish masalasi qonun va prezident farmoniga zid tarzda ko‘rib chiqilgani aytilmoqda. Ma’lum bo‘lishicha, deputatlardan biri — Andijon shahar hokimi Bahrom Haydarovdir. U 2017 yildan 2019 yil oktabr oyiga qadar Andijon viloyati moliya boshqarmasi boshlig‘i lavozimida ishlagan davrida moliyaviy jinoyatlar sodir etganlikda gumonlanmoqda.

31 may 2022, 16:38

Dollarning rasmiy kursi 11 ming so‘mdan arzonladi

Dollarning so‘mga nisbatan rasmiy kursi mart oyidan beri birinchi marotaba 11 ming so‘mdan arzonroqqa tushdi. Yevro arzonladi, rubl 4,17 so‘mga ko‘tarildi.

31 may 2022, 16:23

2023-yilgacha 22 ta turdagi oziq-ovqat mahsulotlari bojxona bojlaridan ozod etiladi

2023-yilga qadar go‘sht, baliq, sut mahsulotlari, meva, o‘simlik yog‘i kabi jami 22 ta turdagi oziq-ovqat mahsulotlari bojxona bojlaridan ozod etiladi. Qolaversa, oziq-ovqatni import qilishda bojlarni oshirilgan stavkada qo‘llash amaliyoti to‘xtatib turiladi. Antimonopoliya qo‘mitasining narx-navoning asossiz oshirish, raqobatni buzish bo‘yicha vakolatlari kuchaytiriladi.

31 may 2022, 15:24

Paynet to‘lov tizimini xususiylashtirishga tayyorgarlik ko‘rilmoqda

Davlat aktivlarini boshqarish agentligi Uzpaynet kompaniyasini xususiylashtirish maqsadida konsalting kompaniyalarni jalb etishni rejalashtirmoqda. Davlat o‘zining 100 foiz ulushini sotish niyatida. Kompaniya hozirda 390 dan ortiq xizmatlarni ko‘rsatadi, u 2021 yilda 94,6 mlrd so‘m sof foydani qo‘lga kiritgan.

31 may 2022, 11:55

Benzinga aksiz solig‘ining ko‘tarilishi uning chakana narxini oshirmaydi — «O‘zbekneftgaz»

1 iyundan boshlab neft mahsulotlariga solinadigan aksiz soliq stavkalari ko‘tarilishiga qaramasdan «O‘zbekneftgaz» tasarrufidagi yoqilg‘i quyish shoxobchalarida benzinning chakana narxi oshirilmaydi, deb ma’lum qildi kompaniya.

31 may 2022, 10:24

«Raqobat muhiti un narxini sun’iy oshirishga yo‘l qo‘ymaydi» — Iqtisodiy taraqqiyot vazirligi

Iqtisodiy taraqqiyot vazirligi g‘allachilik sohasini isloh qilish narxlarni oshirishni emas, erkinlashtirishni nazarda tutayotganini qayt etdi. «Keyingi besh yil ichida erkinlashtirish mamlakatda g‘alla yetishtirishning sezilarli o‘sishiga va importning sezilarli darajada kamayishiga olib keladi», — deyiladi vazirlik ma’lumotida. Hukumat un narxining keskin oshishining oldini olish choralarini ham ishlab chiqdi.

30 may 2022, 23:07

O‘zbekistonda qaysi kompaniyalarga eng katta soliq imtiyozlari taqdim etilgan?

Korrupsiyaga qarshi kurashish agentligi O‘zbekistonda korxonalarga berilgan soliq imtiyozlari va preferensiyalarini tahlil qildi. Uch oyda tadbirkorlik subyektlariga 9 trln so‘mdan ortiq imtiyozlar berildi, ularning aksariyati QQS bo‘yicha. Eng katta soliq imtiyozlarini oladigan kompaniyalar ro‘yxati.

30 may 2022, 16:21

Uzcard firibgarlik holatlari haqida ogohlantirdi

Uzcard pensioner va nafaqaxo‘rlarga bir martalik yordam puli tarqatish haqidagi xabarlar fonida firibgarlar tomonidan fuqarolarning plastik karta ma’lumotlarini qo‘lga kiritishga urinishlar ko‘payganligi haqida ogohlantirdi. Prezident farmoni bilan ajratilgan ijtimoiy yordam puli bir martalik pul o‘tkazmalari bo‘lib, ular avtomatik tarzda o‘tkaziladi.

30 may 2022, 12:05

Bolalar kuni munosabati bilan 200 ming so‘mdan tarqatilayapti degan xabarlar yolg‘on — Pensiya jamg‘armasi

Ijtimoiy tarmoqlarda tarqalgan 1 iyun — Bolalar kuni munosabati bilan barcha bolalarga 200 ming so‘mdan berilishiga oid xabarlar mutlaqo yolg‘on, deb ma’lum qildi Pensiya jamg‘armasi direktori Abdulaziz Haydarov. Uning so‘zlariga ko‘ra, 200 ming so‘mlik nafaqa pullari faqat kam ta’minlangan oilalar reyestriga kiritilgan, 18 yoshga to‘lmagan 4 mlndan ortiq bolalargagina beriladi.

30 may 2022, 10:24

Olis hududlarga un mahsulotlarini yetkazishda transport xarajatining 50 foizigacha qismi qoplab beriladi

Prezident qaroriga muvofiq Qishloq xo‘jaligini davlat tomonidan qo‘llab-quvvatlash jamg‘armasi 2022 yil hosilidan 2 550 ming tonna bug‘doy sotib oladi. Olis va tog‘li hududlarga un va un mahsulotlarini yetkazishda transport xarajatlarining 50 foizigacha qismi qoplab beriladi. Donni qabul qilish va omborlardan chiqarish jarayoni tezkor va shaffof amalga oshirilishi uchun d-xarid.uz axborot tizimi ishga tushiriladi.

28 may 2022, 22:43

Moliya vazirligi: Pensiya oluvchilarning 96 foiziga kartalariga bir martalik yordam puli yuklab berilgan

Moliya vazirligi pensiya va nafaqa oluvchilarning 96 foizi allaqachon kartalariga bir martalik moddiy yordam olganini ma’lum qildi. Pensiyani naqd pulda oladiganlar uchun yordam puli 8 iyunga qadar sayyor kassalar orqali beriladi.

28 may 2022, 12:19

Senat davlat xizmati to‘g‘risidagi qonunni ma’qulladi

Senatorlar «Davlat xizmati to‘g‘risida»gi qonunni ma’qulladi. Unda xalqqa xizmat ko‘rsatish davlat xizmatining tamoyillaridan biri sifatida belgilab qo‘yilgan, daromadlar va mol-mulkni deklaratsiyalash, faoliyatni KPI asosida baholash, korrupsiyaviy jinoyatlarini sodir etgan shaxslarni davlat xizmatiga qabul qilishni taqiqlash talablari o‘rnatilmoqda.

28 may 2022, 11:17

Rossiya kungaboqar yog‘i va shrot eksporti uchun kvotalarni oshirishi mumkin

Rossiya YeOIIga a’zo bo‘lmagan mamlakatlarga kungaboqar yog‘ini eksport qilish kvotalarini deyarli uchdan bir qismiga oshirishi mumkin. Mart oyida RF kungaboqar yog‘ining maksimal eksport hajmini 1,5 mln tonna, shrotni esa 700 ming tonna etib belgilagandi. O‘zbekistonda aprel oyida o‘simlik yog‘ining birjadagi narxi yil boshidan beri 28 foizga ko‘tarilgandi.

28 may 2022, 09:07

O‘zbekiston 4 oyda Qozog‘istondan qariyb 123 tonna un import qildi

O‘zbekiston so‘nggi 4 oy mobaynida xorijdan 38,5 mln dollarga 124,8 ming tonna un sotib oldi. Shundan eng katta qismi (122,8 ming tonna) Qozog‘iston hissasiga to‘g‘ri kelmoqda. Qolaversa, Rossiyadan 1,9 ming tonna, AQShdan 50 tonna, Hindiston va Fransiyadan esa 2 tonna atrofida un import qilindi.

27 may 2022, 22:06

O‘zbekistonda oligarxlar paydo bo‘lish xavfi yuqori — Jahon banki

Jahon banki hisobotiga ko‘ra, 2025 yilga borib O‘zbekistonda hokimiyatni shaxsiy manfaatlar egallab olish xavfi maksimal darajaga yetishi kutilmoqda. Tashkilot maxsus va noshaffof imtiyozlar berishni asosiy xususiyatlardan biri deb biladi. Maslahatlashuvlar chog‘ida tadqiqotchilar yer va davlat korxonalarini xususiylashtirish jarayonlari bilan bog‘liq yuqori tashvishlarni qayd etdilar.

27 may 2022, 15:13

Korrupsiya bo‘yicha eng ko‘p shikoyat Andijon viloyatidan tushayotgani ma’lum qilindi

Prezident virtual qabulxonasi va Xalq qabulxonalariga aholisi korrupsiya bo‘yicha eng ko‘p murojaat qiladigan hududlar ichida Andijon 1-o‘rinni egalladi, deya ma’lum qildi Antikorrupsiya agentligi. 2021 yilda o‘zlashtirish, mansab vakolatini suiiste’mol qilish, pora olish kabi jinoyatlarni sodir etganlarning 4 nafarini viloyat hokimligi, 18 nafarini tuman va shahar hokimliklari xodimlari tashkil qilgan.

27 may 2022, 12:00

«O‘zbekiston paxtasiga boykot o‘z vaqtida olib tashlandi» — National Interest

National Interest nashri Cotton Campaign koalitsiyasi O‘zbekiston paxtasiga boykotni to‘xtatganidan so‘ng Adidas, H&M, Gap, Zara va boshqa xalqaro brendlar mamlakat to‘qimachilik mahsulotlarini xarid qilishni qayta yo‘lga qo‘yishi mumkinligini ta’kidladi. O‘zbekiston paxtasining yirik importichisi Rossiyadagi moliyaviy sanksiyalar, inflyatsiyaning o‘sishi va iste’mol bozorining qisqarishi natijasida mamlakat yangi xaridorlarni izlashiga to‘g‘ri kelishi aytilgan.

27 may 2022, 11:35

4 oyda O‘zbekistonga 734 ta elektromobil olib kirildi

O‘zbekiston yanvar-aprel oylarida qiymati 21,8 mln dollarlik 734 ta elektromobil import qildi. Ularning ko‘pi Xitoydan keltirilgan. 2021 yilning mos davriga nisbatan elektromobil importi 5 barobarga oshdi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting