Iqtisodiyot

6 iyun 2022, 19:30 1

Rossiyaliklar O‘zbekistonda qanday pul ishlashmoqda?

O‘zbekistonda rossiyaliklar aynan qanday sohalarda biznes qilishmoqda? Ular mamlakatda qaysi sohalarni tavsiya etishadi? Umuman, 2022 yil boshidan buyon kirib kelgan Rossiya tadbirkorlari O‘zbekiston haqida qanday fikrda?

6 iyun 2022, 14:56

O‘zbekistonda mobil aloqa abonentlari soni 30 millionga yaqinlashdi — Statistika qo‘mitasi

Davlat statistika qo‘mitasi ma’lumotiga ko‘ra, O‘zbekistonda mobil aloqa abonentlari soni 29,91 millionni tashkil etmoqda. 100 kishiga 84 ta abonent to‘g‘ri kelmoqda. Har beshinchi foydalanuvchi Toshkent shahrida ro‘yxatdan o‘tgan.

6 iyun 2022, 10:09

O‘zbekiston Turkmaniston orqali yuklarni tranzit yuborishga ruxsat oldi

Turkmaniston 1 iyundan boshlab O‘zbekistonga tranzit yuk tashishga ruxsat berdi. Bir qator talablar ham o‘rnatildi: avtomobillar avtokolonnada harakatlanishi kerak, haydovchilarga to‘xtash va kabinadan chiqish taqiqlanadi va boshqalar.

4 iyun 2022, 10:42

«Rossiyadagi ish beruvchilar bizning ishchi kuchimizning qadriga yetishdi» — Erkin Muxitdinov

Mehnat vazirining birinchi o‘rinbosari Erkin Muxitdinov Rossiyadan O‘zbekistonga mehnat muhojirlarining ommaviy qaytishi kuzatilmaganining uchta omilini aytib o‘tdi. Uning so‘zlariga ko‘ra, xorijlik beruvchilar «bizning ishchi kuchimiz qadriga yetishdi».

3 iyun 2022, 18:07

20 iyundan Toshkent — Dushanbe poyezdi qatnovi yo‘lga qo‘yilishi rejalashtirilmoqda. Tafsilotlar

O‘zbekiston va Tojikistonni bog‘laydigan poyezd haftada bir marta Dushanbedan Samarqand orqali Toshkentga qatnaydi, deb xabar berdi «O‘zbekiston temir yo‘llari» matbuot xizmati «Gazeta.uz» so‘roviga binoan. Safar vaqti — 21 soat.

3 iyun 2022, 16:37

Dollarning rasmiy kursi yana 11 ming so‘mdan oshdi

AQSh dollarining so‘mga nisbatan rasmiy kursi 17,39 so‘mga qimmatlab, yana 11 ming so‘mlik chegaradan o‘tdi — 11 012,06 so‘m. Yevro ham o‘sdi, rubl arzonladi.

3 iyun 2022, 15:56

MB so‘m ramzi bo‘yicha tanlov g‘olibini e’lon qildi

Milliy valyuta — «so‘m» ramziga eng kreativ loyiha sifatida 508 ta ijodiy ish orasidan Jumagaldiyev Sarvar grafik belgisi g‘olib deb topildi. MB buni «milliy valyutaning o‘ziga xos timsolini yorqin ifoda etgan eng kreativ loyiha» deb atadi. Jami 17 mingta ariza kelib tushdi, finalga shundan 54 tasi o‘tdi.

3 iyun 2022, 15:30

Rubl ko‘ringanidak mustahkam emasmi? Jahon OAVlari bu haqda nima demoqda

Rubl hozirgi kunda qanchalik mustahkam valyuta? Nega fevral oyidagi keskin pasayishdan so‘ng valyuta barqarorlashdi? Rossiya valyutasini qanday xavflar kutib turibdi?

3 iyun 2022, 12:51

Toshkent hokimiyati aeroport oldidagi avtoturargohlarni Uzbekistan Airports balansiga o‘tkazadi

Poytaxt hokimiyati Toshkent aeroportiga tutash hududlarni Uzbekistan Airports balansiga o‘tkazadi. Kompaniya rahbari Ra’no Jo‘rayeva avvalroq, bu aeroport vokzaloldi maydonda o‘z loyihasi va rejasini amalga oshirish uchun zarurligini ta’kidlagandi.

3 iyun 2022, 09:00

«Biz yechimlar yaratamiz»: Toshkentdagi Caterpillar texnikasini ishlab chiqarish zavodining ochilish marosimi qanday o‘tdi

Bektemir tumanida RWS Optimum sanoat klasteri bazasida Caterpillar texnikasini ishlab chiqarish bo‘yicha zavodning ochilish marosimi bo‘lib o‘tdi.

2 iyun 2022, 16:27

O‘zbekiston-Tojikiston biznes-forumida 75 ta savdo-iqtisodiy hujjat imzolandi

Chorshanba kuni Toshkentda o‘tkazilgan O‘zbekiston-Tojikiston biznes-forumida qiymati 1 mlrd 62,6 mln dollarlik 75 ta savdo-iqtisodiy hujjat imzolandi. Tomonlar tez fursatlarda «Oybek» va «Fotexobod» nazorat punktlari yonida «O‘zbekiston-Tojikiston» chegaraoldi savdo-sanoat zonasini tashkil etishga ham kelishib oldi.

2 iyun 2022, 14:02

O‘zbekiston Karachi porti orqali Hindistonga birinchi tranzit yukni jo‘natdi

O‘zbekiston ilk bor Pokistonning Karachi porti orqali Hindistonga tranzit yuk jo‘natdi. Pokiston 2021 yilning noyabridan boshlab O‘zbekistonga tranzit yuk tashuvi uchun bojxona rasmiylashtiruvini soddalashtirgandi.

2 iyun 2022, 11:12

Jahon banki O‘zbekiston moliya sektorini isloh qilish uchun $15 mln ajratadi

Jahon banki O‘zbekiston hukumatiga moliya sektorini isloh qilish maqsadlari uchun 15 mln dollar imtiyozli kredit ajratadi. Loyihaga ko‘ra, bir qancha davlat banklari xususiylashtiriladi, kichik va o‘rta biznesni qo‘llab-quvvatlash uchun alohida — taraqqiyot banki tashkil etiladi, u eksport qiluvchilarni resurslar bilan ta’minlaydi.

2 iyun 2022, 10:48

O‘zbekistonda shakar tanqisligi mavjud emas — Iqtisodiy taraqqiyot vazirligi

Iqtisodiy taraqqiyot vazirligi shakar narxi o‘sishiga munosabat bildirib, bunga asosan logistikadagi muammolar va yoqilg‘i narxlarining o‘sishi ta’sir qilayotganini qayd etdi. Shunga qaramasdan, respublikada shakar tanqisligi mavjud emasligi, yil yakunigacha yetarli darajada zaxiralar yaratilgani ta’kidlanmoqda.

1 iyun 2022, 23:12

Yog‘ va go‘sht importi bo‘yicha soliq imtiyozlari hisobiga budjetga 1,4 trln so‘m tushmaydi

Go‘sht, o‘simlik yog‘i va kartoshka importi uchun soliq imtiyozlari tufayli budjet yo‘qotishi 1,4 trln so‘mga yaqinroqni tashkil etadi. Bu yo‘qotishlarni xalqaro moliya institutlari kreditlari hisobidan tovarlar olib kirishda nazarda tutilgan soliq imtiyozlarini bekor qilish, soliqlar yig‘imlarini ko‘paytirish hisobiga qoplash rejalashtirilmoqda.

1 iyun 2022, 22:35

Narxlar keskin tebrangan davrda Antimonopoliya qo‘mitasi vakolatlari kengayadi

Prezident Antimonopoliya qo‘mitasi va uning huzuridagi Iste’molchilar huquqlarini himoya qilish agentligiga qo‘shimcha vakolatlar yukladi. Ular narxlar keskin tebranadigan davrlarda korxonalar hududiga bevosita kirib, omborlaridagi mavjud zaxiralarni xatlovdan o‘tkazish hamda asossiz oshirilgan narxlarni pasaytirish, ortiqcha oziq-ovqat mahsulotlarini sotish va boshqalar bo‘yicha majburiy taqdimnomalar kiritish huquqiga ega bo‘ldi.

1 iyun 2022, 18:58

Jahongir Ortiqxo‘jayev ta’sischisi bo‘lgan kompaniya «O‘zgazloyiha»dagi davlat ulushini sotib oldi

Ta’sischisi Toshkent shahar hokimi Jahongir Ortiqxo‘jayev bo‘lgan Prime Tower Group kompaniyasi «O‘zgazloyiha» loyiha institutining davlat ulushini 21,5 mlrd so‘mga (1,95 mln dollar) sotib oldi. Tenderga xalqaro kompaniyalardan Grant Thornton xususiylashtirish, Dentons esa huquqiy masalalar bo‘yicha konsultant sifatida jalb qilindi.

1 iyun 2022, 10:22

May oyida yillik inflyatsiya 11%ga yetdi

May oyida yillik inflyatsiya 2021 yil avgustidan beri birinchi marta 11%lik ko‘rsatkichga qaytdi. O‘tgan oyda inflyatsiya nooziq-ovqatlar sohasida eng kuchli bo‘lgan — 1,3%. Oziq-ovqatlar 1,2%ga, xizmatlar esa 0,4%ga qimmatlagan.

31 may 2022, 23:14

«Narxlarni sun’iy ushlab turib, ko‘zbo‘yamachilik yoki ura-urachilikka yo‘l qo‘yib bo‘lmaydi» — prezident

May oyida inflyatsiya 1 foizgacha tezlashdi, o‘tgan yilning may oyida esa bu ko‘rsatkich 0,5 foizni tashkil etgan edi. Prezident barcha mahalla va qishloqlarning asosiy mahsulotlar bilan ta’minlanganlik darajasini o‘rganish, zarur hollarda boshqa hududlardan yetkazib berishni tezlashtirish bo‘yicha hokimlarga topshiriq berdi. Parrandachilik korxonalariga tuxum narxini oshirmagani uchun minnatdorchilik bildirib, ularni qo‘llab-quvvatlash choralarini ma’lum qildi.

31 may 2022, 22:49

Sobiq hukumat mehmonxonasini Alisher Usmonovga aloqador kompaniya sotib oldi

Ta’sischilari orasida Alisher Usmonovning USM xoldingiga qarashli «Metalloinvest» sho‘ba korxonasi ham bo‘lgan Torgoviy Dom Metalloinvest Vostok kompaniyasi Toshkentdagi sobiq davlat mehmonxonasini xususiylashtirish bo‘yicha tenderda g‘olib chiqdi. Kompaniya obyekt uchun 78,7 mlrd so‘m taklif qildi.


"Gazeta.uz"da ro`yxatdan o`tish

Qo`shimcha imkoniyatlarga ega bulish uchun saytda ro`yxatdan o`ting