10 avgust, dushanba COVID-19 Ob-havo Zira Vakansiyalar

Iqtisodiyot

21 iyul 2020, 16:44

O‘zbekiston tashqi savdo aylanmasi hajmi 18,2 foizga kamaydi

2020 yilning birinchi yarmida O‘zbekistonning tashqi savdo aylanmasi 15,8 mlrd dollarni tashkil etib, o‘tgan yilning mos davriga nisbatan 18,2 foizga pasaydi. Jumladan, eksport — 22,6 foizga, import — 15 foizga kamaydi.

21 iyul 2020, 16:15

Quvayt O‘zbekistonga tibbiyot muassasalarini jihozlashga 5,6 mln dollar ajratadi

Quvayt jamg‘armasi O‘zbekiston tibbiyot muassasalarini koronavirusga qarshi kurashda zarur asbob-uskunalar bilan jihozlash uchun 5,6 mln dollar ajratishni ma’qulladi.

20 iyul 2020, 22:14

Biznes va aholini qo‘llab-quvvatlash to‘g‘risidagi yangi farmon imzolandi

Prezident farmoni bilan soliq imtiyozlari va preferensiyalari muddatlari uzaytirildi, umumiy ovqatlanish sohasi va ijara beruvchilar aylanmadan olinadigan soliqdan ozod qilindi, ularga boshqa yengilliklar ham berildi.

20 iyul 2020, 17:05

Qishloq xo‘jaligi vaziri — uni sudga bergan Sulton Tex Group atrofidagi vaziyat haqida

Qishloq xo‘jaligi vaziri Jamshid Xodjayev uni va hukumatning boshqa a’zolarini sudga bergan Sulton Tex Group korxonasi atrofidagi vaziyatga izoh berdi. Vazir fermerlar manfaati yirik korxonalar manfaati kabi muhim ekanini ta’kidladi. Shu bilan birga, ishlab chiqarishning klaster shaklida barcha ishtirokchilarning huquq va majburiyatlarini belgilab beruvchi normativ-huquqiy hujjatlar haligacha mavjud emasligini tan oldi.

20 iyul 2020, 14:23

Dollarning rasmiy kursi yana ko‘tarildi

Dollarning rasmiy kursi 15 so‘mga qimmatlab, jami 10 210 so‘m etib belgilandi. Yevro kursi deyarli 148 so‘mga ko‘tarildi, rubl kursi esa deyarli 2 so‘mga (142 so‘m) arzonlashdi. AQSH milliy valyutasini qimmatlashishi beshinchi hafta kuzatilmoqda.

20 iyul 2020, 12:36

O‘zbekistonda iyun oyida eng ko‘p «Cobalt» avtomobili ishlab chiqarildi

O‘zbekistonda so‘nggi 6 oyda deyarli 38 ming ta «Cobalt» avtomobili ishlab chiqarildi. Bu ko‘rsatkich o‘tgan yilning shu davriga nisbatan 154,2 foizga o‘sgan. Iyun oyining o‘zida 7557 ta «Cobalt» ishlab chiqarilgan.

17 iyul 2020, 23:53

Inqirozga qarshi kurashish jamg‘armasining daromad va xarajatlari ma’lum qilindi

Inqirozga qarshi kurashish jamg‘armasi hisobiga 7,44 trln so‘m kelib tushdi, jamg‘arma xarajatlari esa 6,4 trln so‘mga teng bo‘ldi. Eng ko‘p mablag‘ — 2,2 trln so‘m ijtimoiy sohaga yo‘naltirildi.

17 iyul 2020, 18:09

Xorazmda injiniring kompaniyasi xodimlarining 2,7 mlrd so‘mni o‘zlashtirgani aniqlandi

Xorazm viloyatida “Yagona buyurtmachi xizmati” injiniring kompaniyasi mansabdor shaxslari qurilish ob’ektlarini soxta pudratchilarga tendersiz berish orqali 2,7 mlrd so‘mlik byudjet pullarini o‘zlashtirgani aniqlandi.

17 iyul 2020, 17:18

Shakar zavodlari ishlab chiqarishni nega to‘xtatdi

O‘zbekistonning ikkita eng yirik shakar zavodi «Angren shakar» va «Xorazm shakar» xom ashyo yetishmovchiligi sababli ishlab chiqarishni to‘xtatib qo‘ydi. Korxonalarning omborlarida kuniga ming tonnadan realizatsiya qilinadigan 47 ming tonnadan ortiq shakar zaxirasi mavjud, shuning uchun tanqislik kuzatilmaydi. «Gazeta.uz» ning aniqlashicha, mahalliy ishlab chiqaruvchilar import qiluvchilar bilan raqobat sababli qiyinchiliklarga duch kelishmoqda.

17 iyul 2020, 13:31

Umumiy ovqatlanish sohasini qo‘llab-quvvatlash to‘g‘risidagi prezident farmoni loyihasi tayyorlandi

SSP umumiy ovqatlanish sohasini qo‘llab-quvvatlash to‘g‘risidagi prezident farmoni loyihasi tayyorlanganini xabar qildi. Soliq imtiyozlarini uzaytirish, kafe va restoranlarga yozgi teraslarini joylashtirish tartibini joriy etish hamda muassasalarga kunu tun ishlashga ruxsat berish rejalashtirilmoqda.

16 iyul 2020, 22:53

Rossiyaga gaz eksporti to‘xtatildi, Xitoyga eksport uch baravar qisqardi

Koronavirus pandemiyasining tashqi bozorlarga ta’siri sababli, O‘zbekistonda olinadigan tabiiy gazning Xitoyga eksporti 3 baravarga qisqardi, Rossiyaga eksport to‘xtatildi.

16 iyul 2020, 17:29

Honeywell Buxoro NQIZ uchun texnologiyalar taqdim etadi

Amerikaning Honeywell kompaniyasi Buxoro neftni qayta ishlash zavodiga «Yevro-5» standartidagi benzin ishlab chiqarish texnologiyasini taqdim etdi. Kompaniya bilan texnologik uskunalar hujjatlari paketini ishlab chiqish bo‘yicha bitim va litsenziya shartnomasi ham imzolandi.

16 iyul 2020, 16:49

Sulton Tex Group bosh vazir o‘rinbosari va Qishloq xo‘jaligi vazirini sudga berdi

Sulton Tex Group kompaniyasi bosh vazir o‘rinbosari O‘ktam Barnoyev, qishloq xo‘jaligi vaziri Jamshid Xo‘jayev va uning birinchi o‘rinbosari Shuxrat Teshayevni sudga berdi.

16 iyul 2020, 15:52

So‘m yil boshidan 7,2 foizga qadrsizlandi

2020 yilning birinchi yarmida mamlakat ichki bozorida chet el valyutasiga bo‘lgan talab $8,2 mlrd, umumiy taklif hajmi esa $4,3 mlrdni tashkil etdi. Markaziy bank ichki valyuta bozoriga $2,2 mlrd intervensiya kiritdi. Shuningdek, yil boshidan milliy valyuta kursi 7,2 foizga qadrsizlandi.

15 iyul 2020, 12:05

Jismoniy shaxslar tomonidan xorijiy valyuta sotib olish 3 barobarga oshdi

2020 yili birinchi yarmida jismoniy shaxslar 2,2 mlrd AQSH dollariga teng chet el valyutasini sotgan. Bu ko‘rsatkich o‘tgan yilga nisbatan 57 foizga oshgan. Shu bilan birga, jismoniy shaxslar 2019 yilning mos davriga nisbatan 3 barobar ko‘proq chet el valyutasini sotib olishgan (2019 yili — $557 mln, 2020 yili — $1,7 mlrd).

14 iyul 2020, 14:31

O‘zbekistonga pul o‘tkazmalari miqdori barqarorlasha boshladi

Iyun oyida O‘zbekistonga 621 mln dollar jo‘natildi, bu yil boshidan beri eng yuqori ko‘rsatkich. Olti oy ichidagi o‘tkazmalarining umumiy hajmi 2,4 mlrd dollarni tashkil etdi.

13 iyul 2020, 18:00

Samarqandda tibbiyot chiqindilarni xavfsiz usulda yo‘q qilishga 1,5 mln yevro ajratildi

Yevroittifoq va Fransiya taraqqiyot agentligi Samarqandda tibbiyot chiqindilarini xavfsiz yo‘q qilish loyihasi uchun 1,5 mln yevro miqdorida mablag‘ ajratdi.

13 iyul 2020, 13:19

Dollarning rasmiy kursi uchinchi hafta davomida ko‘tarilmoqda

Dollarning rasmiy kursi 10 so‘mga qimmatlab, jami 10 194 so‘m etib belgilandi. Yevro kursi deyarli 62,5 so‘mga ko‘tarildi, rubl kursi esa 1,4 so‘mga (143 so‘m) qimmatladi. AQSH milliy valyutasini qimmatlashishi uchinchi hafta kuzatilmoqda.

9 iyul 2020, 20:14

USAID O‘zbekistonda 18,9 million dollarlik agrobiznesni rivojlantirish loyihasini boshladi

USAID O‘zbekistonda agrobiznesni rivojlantirish loyihasini ishga tushirmoqda, bu qo‘shimcha qiymat ishlab chiqaradigan tarmoqlar sonini ko‘paytirish hamda mazkur jarayonga yoshlar va ayollarni jalb qilishga yordam beradi. Loyiha 18,9 million dollarga baholanmoqda.

9 iyul 2020, 17:57

“Tadbirkorga xiyonat qilgan — siyosatimizga xiyonat qilgan bo‘ladi” — prezident

Shavkat Mirziyoyev hokimlar va bankirlarni tadbirkorlar bilan ishlash tizimi yo‘qligi sababli tanqid qildi. Uning so‘zlariga ko‘ra, 59 ta tuman va shahrda biznes muhit “yomon” deb baholangan. “Tadbirkorga xiyonat qilgan odam — siyosatimizga xiyonat qilgan bo‘ladi”, — dedi prezident.